زوجي طرد أخواته دلوني كيف اتصرف ؟؟

[لمسة أنوثه]

السلام عليكم ورحمــــــــة الله وبركاته

كيفكـــــــم ياحلـــــوات

بنات وربي ضايق صــــدري ومنحرجه حيل

اخوات زوجي وسلفتي كانو سهرانين عنـــدي وانا ساكنه عند اهل زوجي بس لي دور لحالي ولهـــم دور

المهم جو يسهــرون عندي ووحده منهم عندها ولدين وسوو ازعاج في البيت

وزوجــــــــي كان نايم مع اني حريصه اقفل الغرفه اللي احنا فيها وحاسبه حساب عشان مانزعجه بس واحد منهم كان بيروح الحمام وانتو بكرامه وقاعد يبكي بصوت عالي

وشـــوي إلا زوجـــي يطلع من غرفة النـــــــوم ويصارخ اشب الازعــاج هـــذا

ركضت على طول عنده وانا اهـــدي فيه واقول معليش الصغير موصــخ وهــو يقول خليهم ينقلعون من هنا وانزلو تحـــت قلت له خلاص وهديته ماابغاهم يسمعون ويفشلني منهم

والله ويوم ارجع الغرفه اثاريهم سمعوه وعلى طول كانو يبون ينزلون حاولت اخليهم يقعدون بس رفضـــو قالو خلاص الحين راح ننزل

وانا وربي متفشلـــه مووووت منهم

دايم يحرجني مع اهلي ومع اهله

كيف اتصـــرف معاه يابنات

والله متكدر خاطري منه هذولي اخواته المفروض يحطهم بعيونه مو يطردهم عشان ازعجوه
hwaml17

[أم ميوري]

اتوقع انك مالك شغل وبعدين هم ادرى باخوهم يعني وقت النوم خصوصا انه انزعج صراحه ماينلام واكيد ماراح يشيلون عليه لانه اخوهم واكيد يعرفون طبعه واذا انتي منحرجه خليه يعتذر ويقول لاني كنت نايم وانزعجت والله يوفقك

[نينا]

عندنا وعندك خير
ومازيد على كلام الاخت ام ميوري
بالتوفيق

[مشاعل الدوسري]

صحيح زوجك سخيف بحركته هذي لكن ماتحاسبي واحد كان نايم
شكله هو عصبي ..
كلمه أطلعت منه وهو معصب و فيه النوم و مع الايام بينسون شدعووه بيشيلون بقلبهم انتي لما تتكلمين معاهم قولي لهم اخوكم لما يعصب مايدري شنو يقول وهو كان ناايم بعد
لا تزعلون عليه

و انتي لا تعزمين حد عندك بوقت راحت زوجك ...
اذا زوجك بيطلع ..
مداوم اعزميهم او عطيه خبر ان بيتجمعون عندك البنات و انتهينا عشان يعمل حساب للازعاج و يحط في باله ان في حد عندك ..

[طال@عمري]

اكيد هم يعرفون طبع اخوهم


تصدقون عمرة مافكرت مجرد تفكير اني اروح لحريم اخواني واخواني بالبيت لان كمان هم كل وحدة لهادور عند اهلي


بس الحمد\الله الحين فبيتي واذا رحت لاهلي
ما اطلع واخواني بالبيت لو ايش هم يجونا اما انا وخواتي مانطلع

[ظل الياسمينن]

مسكين نايم وانزعج
كان نزلتو تحت وكملتو سهرتكم
ليه صاعدين لعنده فوق ؟
الله يعينك

[سماء دبي]

ماعليك منهم دام هم اخواته مو اخواتك يعني عادي
بس اعتذري ليهم وقولي ليهم مسحوها هالمره بوجهي وهذا اخوكم ولد امكم وابوكم لاتزعلو منه ووووالخ
يعني ساحليهم بالكلام الحلو
اشوه انهم خواته مو خواتك

[تعبنا نشرب الغربة]

فعلآ تقهرين لا انتي ولا هم
تخيلي نفسك مكانه بتنزعجين
ولا تنحرجين هم عارفين طبع أخوهم أكيد
وحاولي انه هو يعتذر منهم احسن ويبين لهم انه كان نايم
وانتي تعزمينهم وتشرهين ع زوجك مايصير كذا
والله يوفقك يارب

[روبا الجمال]

الله يهديه زوجك هدووول اخواته والله ما بيصير هيك يحكي ينقعلوون!! وما مصدق وهما يروحوا من عنده غريبة اطباع زوجك خليه يحاول يعتذر من اخواته ع الأقل..

[لمسة أنوثه]

تسلمون حبيباتي عالردود والنصايح

والله ساعدتوني كثير ربـــي يخليكم

ماقصرتـــو جميع والله يصلح الحال

[قمر بيت أبوها]

لمسة انوثه
علي بالي من الموضوع شي كبير طلع ازعاج طفل وقومة نايم
بصرااااااحه ماالوم زوجك انا نفسه انام بصعوبه الباب لاانفتح اقول وربي
لذلك عاذرته والله
ومن ناحية صراخه هو صرخ من الازعاج ماراح لهم وطردهم عيني عينك
يعني هونيها يا روحي
وتكفين لا عاد تسهرين ومعاكم اطفال وربي رحمته

[ريح المسك]

زوجك ماينلام بصراحه
المفروض انتي اللي تدورين على راحته وتكونين معاه
وهم بعد المفروض لما يعرفون زوجك يكون نايم يستحون على دمهم ويروحون مو يكملون السهره
معليش اسهروا لما يكون برى البيت لكن هو ناااااااااايم اشوفها صعبه

[لمعة الماسة]

مادام هم اهله بيقدرون الموقف ويعرفونه ويعرفون تصرفاته لاتشلين هم بس مجرد توضيح لهم فقط

[عذبة الاطباع]

ان شاء الله ما يزعلون بس انت حاولي تفهميه انو كذا غلط
حتى لو اخواته يختي الوحدة عندها احساس و الله لو اخوية يطردني من بيته و لو صاحي من النوم
و ربي ما عاد اعتب بيته خير

[فوضت امري لله]

حبيبتي تبين الصراحه انتي الغلطانه ليش لان زوجك نايم والله لو انا مكانك ماادخل احد ببيتي وهو نايم لو مين يكون اهم شي راحته مو سواليف وقرق حريم انتي تعذري منه ولا يدخل احد بيته وهو نايم والله ما ينفعونك الحريم لو يصر مشاكل بينكم---------الله يفرج الهم ---------

[شهرزاااد]

معليش حبيبتي
انتي الغلطانة والمفروض تتأسفين لزوجك وتعتذرين منه وحتى خواته المفروض يعتذرون من اخوهم انهم ازعجوه
يختي هو ببيته وهذا وقت راحته المفروض عليكي توفرين له جميع زبل الراحة ولا تستقبلين احد وزوجك نايم وتزعجه
والله ييسر اموركم

[الدلع أسلوبي]

انا أشوفها ردت فعل طبيعيه لإنسان كان نايم و انزعج
و بعدين أخوهم عادي يمون ما فيها شي
و خواته كان نومو عيالهم قبل لا يجون ولا سهرتو بدورهم مو دورك عشان ينام زوجك

لا تفكرين كثير ترا موضوع عادي و بينسون خواته

:) *

[سعآدة قلبي]

حبيبتي لاتكدر خاطرك ولاتنزعجي ..كل شخص وله طبع معين
المفروض دام الجمعه فيها اطفال ماتخليها سهره..لأن زوجك ماينلام راجع لبيته عشان يرتاح وينام .. المهم اتعلمي من هالموقف ولا تعزمي ع سهرات الا اذا زوجك كان باجازه او بسفره
والله يألف بين قلوبكم

[بنوته غير]

والله مالومه وانتي الله يصلحك مجمعتهم وهو نائم ترا الغلط ماراح ينحط عليه بيحط عليك لانه ولدهم مستحيل يزعلون وكان نزلتي وهم تحت يالله الله يسعدكم

[سيدة الغرام]

المفروض يعرفو طبيعة اخواهم بس والله فشله المفروض يروح يعتذرمن اخواته
وانتي حولي ان يتجمعون عندك وا زوجك مو موجود بالبيت

[غُمُوض أُنثَى]

عادي والله اكيد هما عارفين طبع اخوهم
لانه في ناس وبابا منهم لما يكون تعبان ونايم مستحييييييييييييييييل نخلي صوت او همس بالبيت حتى لانه ازا صحي بازعاج بيكون معصب موووووووووت

ماتدقي ياستي عادي والله المفروض تكوني محروقة ع جوزك مش الضيوف هههههه

[**سماسم**]

حقيقه مالوم زوجك ..
أنتي إلي غلطانه شلون تجمعين أهله عندج بوقت راحته ؟! وهو وراه قوه وعمل ولازم يكون مروق مفلل نوم ..
أنا الحين نومي صعب موب بالسهوله لاقمت أرجع انام وأي حركه أو ضوء تصحيني وياليت لمن أصحى أكون بوضعي العادي ياويل من يكلمني أو يسوي عندي أزعاج يمكن أذبحه ..
فالمفروض يالغاليه تكونين مراعيه وضعه صحيح أنو الموقف محرج لاكن أعتذري لهم وأقترحي عليه أفكار إذا لزم أنكم تسهرون ممكن يكون بمكان بعيد عن الغرفه إما بالسطح (تراء عادي كنا نسهر في غرفه بالسطح وكل وسائل الترفيه التصرقع موفرينها أنا وخالاتي )

[ღ أنثے حالـمهـ ღ]

احس الموضوع عادي
ترا احوهم لا تنسين
لا تزعلي وتتضايقي دام انه م الغربه مايسوي كذا يعني خلاص هو متعود معاهم امكن

[تبسم عشاني]

عادي لا تزعلي مره كان عندنا خالاتي وابوي مايحب السهر تدري اش سوى
طفى الكهرباء من الرئيسي وهم فهموها وصاروا مايسهروا عندنا حدهم الساعه10
طبعا امي زعلت مره وبعد كم يوم تفهمت الوضع