ساعدوني يابنات في فرني

[انثى من زجاج]

السلام عليكم
كيفكم
عندي مشكلةفي فرني عجزت اتعامل معاها فرني مايتاج يشتغل بالكهرباء يعني تحركي مفتاح الغاز بفيش عالكهرباء بس بعدين عالغاز يعني كهرباء ونار بس ماعرفت استخدمه ليه 4سنين متزوجة ماقد طبخت صينية وضبطت معايه ساعدوني يابنات في زر مكتوب عليه باك وزر برويل وزر كلوك وزر تايمر وزر كلين سااااااااااعدوني الله يوفقكم

[نوره عثامنه]

والله ما عندي فكره انشالله البنات يفيدوكي بس انتي اقرائي دفتر الدليل الي اجا معو
وانشالله بتلاقي حل
تقبلي مروري

[انثى من زجاج]

اسعدني مرورك

[انثى من زجاج]

بنات ايش؟؟ولا رد؟؟؟!!!

[الديماس]

ماعندي فكرة بس ما حبيت اطلع بدون ما ارد وارفع الموضوع

[&&RORO&&]

شووفي ياقلبي انا فرني برضو عالكهرباء الي يجيكي زي البلاطه قزازه من فوق
طيب لما اضغط على زر باك يشتغل من فوق ومن تحت بس يجلس شويه من فوق بعدين يطفي ويشتغل من تحت انا ايش اسوي اضغط على باك واخليه لين مايسير بس يشتغل من تحت واحط الصينيه اما زر رويال فهو بسس لقووق يعني لما تبغي تحمري صينيه من فوق اضغطي رويال
واكيد فيه تعلي درجة الحراره اوترخي وانتي عادي حطي الدرجه الي تناسبك وان شاااءلله اكون افدتك يااعسل

[نونه الحنونه1]

ماعندي فكره
رفع

[انثى من زجاج]

الله يوفقك ويرضى عليك ايوا في زر يرفع ويوطي يعطيك العافية معليش بس توضحي لي كيف اختار الحرارة ومشكورة ماتقصزي الله يفرج همك يارب

[انثى من زجاج]

يعني انتي كاتبة الدرجة اللي تناسبني وانا مااعرف قد ايش احط الدرجة وكيف اوقته احيانا شوية وينطفي ماافهم ايش صار مشكورة مرة ثانية

[&&RORO&&]

ويسسعدك ياارب يااعسسل شوفي هوا اعلى درجه 500 هاذا مرره حار
انا دايما لما ابغى احط معجنات اخليه 400 واذا ابغى احمرها من فوق اخليها 450 واذا دجاج مثلا خليه 350 اي شيء تحطيه تضغطي باك بس للتحمير من فوق رويال ايووا حبيبتي زي حقي يطفي ويشتغل بس يقعد كذا تقريبا عشره دقايق وبعدين يجلس شغال من تحت انا لما ابغى اسوي شيء اول شيء اشغل الفرن واخلص الدجاج وتبهيره وكل شيء يكون خلاص جلس بس شغال من تحت ....... ان شااءالله اكوون افدتك يااقلبي ..^_^

[&&RORO&&]

وروياال يجلس بس يشتغل من فوق مايطفي ويشتغل لا يجلس شغال

[انثى من زجاج]

والله ماتصدقي قد ايش افدتيني الله يحقق لك كل اللي خاطرك فيه بلا عدد ولا مدد

[3miao]

ممكن تعطيني اسم الفرن والماركة
وانا اعطيك كيفية التشغيل
او ارسلي لنا صورة عنه
وربي يوفقك
انتظر ردك يا اختي

[انثى من زجاج]

الاخت رورو ماقصرت الفرن زي ماقلت ماركة مايتاج وكتبت ايش فيه من ازرار بس مااعرف ايش اسمه واما اني انزل صورته والله مااعرف كيف انزل صور دايما يطلبو مني العضوات انا استخدم النت من الجوال بس ولا اعرف طريقة تحميل الصور

[مـثـل الـقـمـر]

بيك يعني خبز

برويل يعني شوي وتحمير وراح يشتغل معاك من فوق وفيه low وفي hi يعني خفيف وعالي وانتي تتحكمي في درجة الحراره

ونفس الشي بيك يعني خبز او تشغيل عادي وفيه عندك الحراره تتحكمي فيها وغالبا انا اخليه على 350 سواء كيك او صينيه او اي شي الا ناااادر اغير الدرجه

وكلوك يعني الساعه تضبطيها منه وكلين يعني تنظيف ينظف لك الفرن داخل كله بالحراره بس اهم تطلعين كل شي فيه وتشغلين شفاطات الكطبخ وتسكرين الباب لان يحشر البيت مرررره ويطلع لك زيوت فظييعه من الحراره لان يذوب كل شي

تمنيت لو اشوف صورته عشان اعلمك بالتفصيل

ان شاء الله اكون افدتك وننتظر منك صينيه :)

[انثى من زجاج]

الله يسعد قلبك يارب اما عن الصينية فانتظري مني كيكة لعيونك في قسم الأطباق ان شاء الله

[أم ريهام]

والله لو تنزلي صورة للواجهة نقدر نساعدك كثير

عموما الاخوات ما قصروا وان شاء الله تكوني استفدتي غلاتي