حوامل الدمام تنصحوني بأي مستشفى من هاذول ..

[حامل دلع]

السلام عليكم ورحمه الله وبركاته
اخبار الحوامل ان شاء الله كلكم بخير وكل اموركم تمام

انا قربت ولادتي وحابه اسال اي مستشفى افضل للولاده
المانع / المواساه / التداوي
واذا فيهم دكتوره معينه شاطره

واذا فيه مستشفيات غيرهم شنهي ؟

حامل دلع

[ام اسكندر]

انا من جدة
بس دخلت ادعيلك
الله يسهل لك يارب

[بنت الاصيل]

انا انشاء الله راح اولد في الروضه هذا الشهر وراح اقولك اذا كويسه ولا لا لان في كتير مدحوه لي وقالو خدمه مو موجوده بره وشفت الغرف فيها زينه ومستواها الطبي كويس

[حامل دلع]

يسلمو ام اسكندر عالدعوه الحلوه :)



بنت الاصيل ربي يسهل عليك يارب وترجعين لنا بسلامتك مع البيبي الجديد

انتظر خبر منك :)

[الجـازي]

الله يهون عليك يارب

الروضه بما انه جديد اعتقد بتكون خدمتهم حلوة لانهم يبون يكسبون سمعه اكيد

لاتنسونا من دعواتكم

[Όм чαяα ♡♥]

انا توني والده بالروضه بصرآآآحه ممتاااز ماعليه كلالالالام

الله يوفقك ياعسل ويكتبلك اللي فيه الخيرررر

[حامل دلع]

يسلمو الجازي

ام سالم واروى حمد لله على سلامتج ومبروك ماجاك
وش اسمها الدكتوره اللي ولادتج كانت عندها

[jode]

الصراحه انا ولدت في الاولاده والاطفال الجديد الي قريب من سنتر بوينت صراحه تعاملهم حلو ونضافه وكل شي فيه زين صراحه صبروعليه كثير لاني بكريه وكنت خايفه اما الخاص مااعرف عنه انشالله البتات يساعدونك

[Όм чαяα ♡♥]

يسلمو الجازي

ام سالم واروى حمد لله على سلامتج ومبروك ماجاك
وش اسمها الدكتوره اللي ولادتج كانت عندها



الله يبارك فيك يارب

ربي يسلمك من كل شر ياعسل

الدكتوره اللي ولدتني اسمهآ .. هـمـت شـعـيـره

[حامل دلع]

يسلمو جزاكم ربي الف خير
الف مبروك جودي :)

ام سالم يعطيك الف عافيه

[بنت الاصيل]

حامل دلع متل ما قولتلك راح اخبرك عن المستشفي لما اولد فيها انا انصحك تروحي فيها وانتي مغمضه والله شفت رعايه ما كنت اتوقعها مع اني والده قيصري عند دكتوره صفاء بس والله اني ما حسيت اني قيصريه ما حسيت بلالم من كتر الرعايه والاهتمام والنظافه والخدمه 5 نجوم والمستوي راقي

[سكر مالح]

و عليكم السلاااااااااااام والرحمه
حامل دلع أن شاء الله تولدين و تقومين بالسلامه
حبيت أقولك مستشفى تداوي شيليه من القائمه
أنا جربت المواساة و دايما أراجع فيه عند الدكتوره حنان خولي مررررره شاطره
ولدتني بحملي الأول يدها ما شاء الله خفيفه بس للأسف الحين ما تولد الا قيصري

[برّو !]

زوجة عمي وبنت عمي
ولدو بالتداوي وحييييييل يمدحون

الله يسهل عليك ويقومك بالسلامة

[حامل دلع]

يعطيكم ربي الف الف عافيه :)
ماقصرتوا بنات الله يسهل لي ولكم

[دلع سارة]

مافي احد يمدح المواساة

شيليه من القائمة بالمررره ...تعاملهم بعد مو حلوووو

اذا في امكانيه تروحين الخبر ... عندك بروكير _الرعاية او سعد التخصصي

[فراوله توت]

هلا والله حبيت اقولكم انا ولدت في مستشفى الروضه بالدمام
مرة ممتاز والعناية ممتازة والي ولدتني الدكتورة صفاء

[(دنيتي غير)]

الحمدلله ع السلامه والف مبروك

[ام اريام]

الحمدلله ولت بالسلامة ورزقت بولد وعقبالكم جميعا

[ام اريام]

hwaml7انصحكم حوامل بمستشفي الروضة عند الكتور عصام الاردنى انا ولدت قيصري والحمدلله بخير
وربنا رزقنى بابنى الغالي هارون الرشيد بعد صبر 10 سنين ونصيحتى لكم لمن تاخرت بالحمل قراءة البقرة كل يوم انا الحمدلله حملت بيها بعد فضل ربي

[فرح قصي]

انا لي من تزوجت سنتين ودايما تعرفون اول الزواج دايما مشاكل المهم قررت بنته اخوه تروح بعثهوقز زجي يصير معاه رفيقول المهم انا وافقت وياليتني ماوافقتي ماتوقعت ان راح يصير كذا تخيلو صارت ابكلمه لها والدلع والسوالف والشور اذ نتمناهشى يكلمها وانا زي الصنم اذا اكلمه يروح بطالعها يتكلمون وهاذا حالي من سافرت شالحل حسيت انها اخذت محليلسلام عليكم بما اني عضو جديد بالمنتدى سوف احكي لكم قصتي وارجو تفيدوني تعطوني حل والله بجن

[ùm Ļάyάή]

ام يارا بكم الولاده في الروضه لاني افكر اولد عند اشجان ان شاااء الله

[القلوب الجريحه]

اي والله كم السعر لاني ودي اولد عند الدكتوره اشجان باذن الله

[أمووله]

اعرف وحده تمدح ولادة الروضه وتقول سعرهم
4500ريال
بس ابعدوا عن التداوي قفلوه قبل فتره والسبه وحده
ماتت عندهم