دردشة حوامل أهل الدمام - دردشة بنات الدمام - تجمع حوامل مدينة الدمام

[❤نجمهـ ويضويني حنآنهـ ❤]

مراااحب ياحلوين ..

انا خلصت كل شي ولله الحمممد

بس بااقي انااااا ماشريت لي ولا شي ..

مدري من وين اشتري اصلا ..

[نجمه فى السماء]

هلا كروشات - وينكم نايمين

[loly2011]

لا صاحين انتي الي وينك مختفيه
وحتى ام يونس وهنوسه شنو السااااااالفه بنات تتغلون
أنا لازم يوميا ادخل

كيفك نجمه ونجمه
هههههههه صار عندنا نجمتين

نجمه ويضويني حنانه .... ما شاء الله عليك كويس خلصتي
أنا باقي ماسويت شي وبالنسبه للمحلات في واحه الجلابيه
وفي محل وحده تمدحه تقول عنده حق بيت اسمه السعر المنافس
وناويه اروح أشوف بس للحين مدري

[نجمه فى السماء]

هلا والله هلا والله
لولى اخباررك - حتى انا ادخل يومياآ - بس نهايه الاسبوع تعرفين يوم للحموله ويوم للاهل - واصفى الجمعه لحالى جالسه
عيالى ازعجو ابوهم يبغون يطلعون يتمشون - وانا قلت رروحو مافينى طاقه ولا مزاج

وصفيت لحالى جالسه خخخخخ

[loly2011]

يا حياتي
أنا وعيالي ماكفتنا الطلعة الي امس نبي اليوم نطلع
عيالي يبون البحر وانا ابي السوق ابي اتمشى
وأبي مذركير عشان يشيل الجهاز الي ع الجزمه
بس زوجي شكله ماله مزاج يقول اذا جيت نتفاهم
والله شكلي بجلس بالبيت ومحاصيل لاطلعه ولاشي
هههههههههههه

أنا موجوده في تجمع رجب انتي في جمادى الثاني صح
أنا دايم هناك واسولف ولقيت أحاسيس معاي ههههه
المفروض ام يونس معانا بعد تقسمنا

[نجمه فى السماء]

تدرين اصغر عيالى بنتى (جوان) 6 سنوات ...

احس ان لى زمان عن الاطفال وخصوصاآ في الليل كيف أرجع اقوم الليل وصياح بيبي وترضيع وتغيرر
شايله هم - بس صدق الى يقولون جيبي عيالك وراء بعض مادام تعبهم واحد - ولا تاخذين فترة عشان ماتتعبين
احب الرضع الصغار يدننون ......

الله يعينى ان شاء الله - وتساعدنى بنتى الكبيرة - حلا - ام 14 سنه -
لان مااخلى الشغاله تمسك عيالى الصغار ابدى - من تزوجت وعندى شغاله بس مااعتمد عليها بالعيال خليها ع البيت والغسي والمطبخ
واخليها تمسك عيالى اذا طلعت عند الناس بس - عشان مايخرب ع احد

ان شاء الله تساهيل رب معنا

[loly2011]

جد توني اعرف كنت أتوقع عيالك صغار

ما شاء الله الله يخليهم لك يارب
أنا توهم عيالي صغار اكبر واحد اول ابتدائي
واصغر واحد سنه ونص الله يعين

ورى بعض حلو ومتعب أنا ناويه بعد حملي هذا
لولب لمده 10 سنوات هههههههههه

[نجمه فى السماء]

هههههههههه
تقولينه 10 سنين هيهاآآت ياحلوة
مش مخليك ابوالشباب

انا اترك مسافه بين عيالى 4 سنين تقريبا - الا هالمرة طولتها شوى لانى مترددة بس مع ازعاج زوجى تركت المانع
وجلست سنه مانع طبيعى - وربي كتب لى الحمل - اللهم لك الحمد ياررب

[loly2011]

هههههههههه هو يقول مافي الا بعد 5 وانا زدتها 5
صارت 10 ههههههههههه
أنا ما افكر احمل الا متأخر ابي أدلع نفسي وبعدين افكر بالعيال

أنا عندي 3 اولاد والحين حامل ببنوته 4 ان شاء الله يكفون
نربيهم ونعيشهم ولاحقين ع الحمل 5 هههههههه
الله يكتب الي فيه الخير

[نجمه فى السماء]

الله يخليهم لك ياررب - والحمد لله خير وبركه

انا عندى 3 بنات وولد - وقالو لى ولد هالحمله -

اللهم لك الحمد الله يصلحهم بس

[loly2011]

ماشاءالله الله يخليهم لك يارب

انتي وين ساكنه يمكن نكون جيران هههههههههه

[نجمه فى السماء]

حلوة جيران - يمكن ماتدرين - كل شئ جايز

[ورد الياسميين]

هلا كيفكم بنوتات
انا منضمه جديده لكم
صح اني مو حامل للحين وتمنى اكون حامل هلشهر
بس حبيت انضم للدردشه معكم وشاركم

[loly2011]

هلابك ورد الياسمين
منوره فديتك
وان شاء الله نعديك وتحملين هههههه

[نجمه فى السماء]

هلا ورد - فايروس حقنا قوى
لاتقولين ليش ماقلتو لى
هههههههههههه

[loly2011]

عن إذنكم بنات معاي الم ببطني جنني
وخايفه احسه قوي مره وشوي يخف والألم فوق
مدري شنووووو

[ورد الياسميين]

انشاءلله
خلاص انا معاكم وابي انعدي من فيروسكم
انتو اخباركم

[نجمه فى السماء]

سلامات لولى - لاتكون معدتك



ورد اخبارنا اخبار خير ان شاء الله

[loly2011]

الله يسلمك نجمه
والله مؤ عارفه بحاول قد ما اقدر بكره
الصباح اروح المستشفى ابي اتطمن بالي مررره مشغول
والألم غريب شوي فوق كأنه ع المعده >> شكله من بعد وجبه المطعم
الي امس تعشينا فيه كانت الوجبه جهه مستويه وجهه لا وانا احس اكل شي
بس ما استوعبت توقعت الفلفل الي اكله حسبي الله عليهم...
عاد أنا كنت ابي المطعم الصيني بس عيالي لا نبي الأرنب ليتني اصريت
على رأيي وتعشينا بالصيني .. الله يستر

نجمه لو تسمم يأثر ع الجنين ؟؟؟؟ والله بديت اوسوس

[نجمه فى السماء]

لا حول ولا قوة الا بالله
لالالالالا ان شاء الله لولى - لاتفكرين كذا -
ماعليك الا العافيه
يمكن معدتك مش كويسه بعد الوجبه لان اعراض التسمم غير كذا تجى شديدة ( حرارة وتطريش واسهال ودوخه )


بس مايمنع اذا استمر الالم الا بكرا - روحى تطمنى احسن لك



ع فكرة وين تراجعين اللحين وفين ناويه تولدين

[ورد الياسميين]

ربي يعينك
ونشاءلله مافي الا كل خير وتكون اعراض عاديه يارب

[loly2011]

تسلمين ورده

نجمه أنا معي فقر دم اخر مره قبل اسبوع يمكن حللت الدم طلع 9.3
أنا متأكده انه نزل بعد لان اكلي قليل وغير كذا اليوم حسيت الدوخه زايده شوي
واحس بجسمي شي غريب احس مره أبرد ومره اعرق واحس بحر والله صرت خايفه

الله يكتب الي فيه خير

[loly2011]

أنا حاليا مراجعات عاديه بالصحه والحياه
بس وقت الولادة او قبلها بشهر بروح
لمستشفى بروكير " الرعايه بالخبر

[نجمه فى السماء]

ان شاء الله ماعليك شر لولى - اشربي كمون وزنجبيل تراة زين عن تجربه شخصيه

ايه عرفت الصحه والحياة

انا اتابع في بروكير عند د.رنا
والله ماعليها الدكتورة حبوبه ورسميه كثير - موعدى بكرا -
بتشوف الدم عندى وان شاء الله يكون الراس نزل تحت .. لانى دائما احس بغثه براس معدتى

[loly2011]

بحاول اروح لها
لأني ابي أولد هناك وأبي أشوف ارتاح عندها والا لا

[ام يونس123]

صباح الخييييييييييييييييييييييييييييييييييييييييييييييي ييير
انا جيت كيفكم ياحلوين فديتكم والله دردشتكم وحشتني بس ايش اسوي الخميس والجمعه زوجي في البيت وعارفين عاد لما يكون الزوج في البيت حوووووووووووووووووسه والحين قلت اسلم عليكم لاني بعد مايروحون العيال مدرسه بروح اسطون مراجعه وانا طلعت الصبح ماادري ليه تفر براسي طول اليوم ههههههه ..
لولي كيف الحال اشوفكم ماتردون على ردودي قبل يومين كتبت رساله اشطولها لاانتي ولا نجمه رديتوا المهم سلامات كيف الحين انتي ان شاء الله بخير مافي الم ببطنك تصدقي شفت تجمع رجب وكانت بنتي تقول لي ماما ادخلي تحمع رجب انتي بتولدين فيه قلت لها لا خليني مع تجمه اهل الدمام حبايبي مادريت انكم فيه بس اليوم ادخل معاكم..
نجمه كيف الحال كتبت لك في الصفحه50 اظن اسالك عن التطهير ومارديتي عاد تصدقي كاني انا وانتي فينا اشياء سوا انا كمان بنتي البكر عمرها 13 وعندي 3 بنات وولد والحين ان راد الله حامل بولد بس هذا الحمل اجى عن غفله ماكنا مرتبن له ابد مادريت فيه الا في نهاية الثاني يارب لك الحمد والشكر الله يحفظهم كلهم اللهم امين ...المهم بنات لرحتوا الخيمه الي بدمام والله اشاء حلوه فيها بذات قسم ادوات المطبخ فيه صحون الي لونها ابيض باشكالها المختلفه ورخيصه مره وحلوه لو عندك ضيوف ...

[ورد الياسميين]

صباح الجوري يا ام كرش انتي وياها
كيفكم كروشات
وخبار كروشكم
ملانه على هلصبح وقلت اسير عليكم وشوف سوالفكم يمكن اخذ شوي خبرا منكم عشان لو ربي رزقني وحملت انشاءلله

[نجمه فى السماء]

صباآآحكو
هلابك ام يونس .......
ياقلبي السموووحه شكلى من كثر مااقرأ فى كذا تجمع تلخبطت على الصفحات
والمخ ماعاد يجمع خخخخخ
ياحليلك والله اجل مثل 3 بنات وولد ..
شوفى حبيبتى بالنسبه للتطهير انا مرررة محتاسه لان طهرت ولدى حمودى قبل 8 سنين في اسطون - ومش لهناك عجبنى
ومترردة اللحين فين اروح اذا ربي اراد وجبت ولد ..
قالو لى كثير في مستشفى الولادة والاطفال الجديد فيه العيادات الخارجيه وحدة اسمها سوزى مررة ممتازة
بس الى اللحين ماقررت - بشوف في مستشفى الرعايه تطهيرهم بالشاش ولا الحلقه
ساعتها اقررر

[loly2011]

هلاااا وغلااااا ام يونس
السموحه منك بس والله اذكر أني ارد بس أتأخر لأني ما انتبه الا بالاخير
وربي حايسه وحالتي حاله وتعبانه الله يعين والدوخه الحين لاعبه فيني

هلا نجمه و ورده صباحكم سكر

ولدي راح عليه الباص وما داوم وقلت لزوجي اثاريه نايم مؤ داري وش أقوله
أقوله الباص راح يقول خلاص
والمشكله مافي أغراض للفطور لا كورن فليكس ولا غيره
وازعجت زوجي يجيب فطور لان الشله كلهم صاحين ويبون فطور

[أمووله]

سلام عليكم
كيفكم وكيف الحمل معاكم يارب يسهل عليه وعليكم
انا لسى جديده في التجمع خاطري من اول ادخل تجمع
وبالصدفه لقيتكم ياحبي لكم
انا الحين ليا اسبوعين بالثامن وكنت اراجع عند فريال بالصحهوالحياه
انسانه روووعه والحين خلاص فتحت ملف باسطون وبإذن الله
اولد عند عزه ورحت لها الاسبوع الي فات مرره حبوبه وتذكر الله
كثيير واعطتني موعد الاسبوع الجاي والله يسهلها
ماشاءالله حسيت الاغلب في بروكير بس بعيد شوي بس اعتقد ام يونس
مثلي تراجع باسطون
معليش طولت عليكم

[loly2011]

هلا وغلاااا امووول
أنا مثلك عند دكتوره فريال إنسانه حدها محترمه وحبوبه
بس قريب بروح بروكير واجرب حظي هناك

اول حمل لك ؟؟

[نجمه فى السماء]

هلا فيك امووله -

اجل انتى معى لى اسبوعين بالثامن نفس الشريط حقى ..
صح انا فى بروكير -
بس قبل كذا كنت بأسطون 3 ولادات - هالكلام من 8 سنين تقريبا
اللحين اسطون سئ تغير الطاقم الطبي للتوليد ماعدا عزة ... صح انها كويسه الدكتورة بس مرررة مزحومه
لدرجه ماتجمع معك . والقابلات فوق ماادري عنهم اكيد تغيرو

ان شاء الله تتسهل عليك ياررب

[أمووله]

هلا فيكم والله الله يسعدكم يارب
انا هذا الحمل الثالث لي عندي بنت وولد واذا ربي اراد هذا ولد
اجل انا وانتي يانجمه سوا نشوف من الي تسبق
انا بصراحه احترت في المستشفيات لاني كل ولادتي بجده عند اهلي
وهذا قلت بجرب اولد ببيتي وتجيني الوالد الله يحفظها
كنت ناويه بسعد وخوفوني انهم يستعجلون ع الوحده ويولدوها قيصري
وبروكير حسيته بعيد فكثير مدحوا لي عزه فتوكلت ع الله ورحت لها
طيب يانجمه مين ولدك باسطون من اول...

[نجمه فى السماء]

كنت عند د.يسرى (طبيبه سوريه رائعه بمعنى الكلمه )
وراحت خروج نهائى

وتابعت عند عزة ع اساس اولد عندها ... دخلت عليها 4 مرات وكل مرة تنسانى ماتعرف مين انا من كثر الزحمه
اقل شئ تجلسين انتظار 3 او 4 ساعات هاذا اذا مواكثر

تخيلى معى وحدة بالعيادة تنتظر اخلص عشان دورها - يعنى مريضتين يدخلون سوا
ماقامت الدكتورة تجمع ولا تعرف المرضى .......
واذا رحتى لها بتشوفين الى قلت لك وكيف الحريم طق عصى عليها عند باب عيادتها
كاننا بحراج خخخخخخخخخخخخ

استخرت وطلعت - مارتحت ابدا - وولدت بمستشفى تداوى استشاريه هنديه ممتازة - نسيت اسمها
عاد شوفى اذا رحتى انتى


مااحب اقول تجربتى - اخاف تكون ردة فعل غير اذا رحتى وشفتى الوضع
بس فلت ابلغك للامانه

وحدة راعيه امانه وووخرررر عنها تخاف ربها ههههههههههههههههههه

[loly2011]

هههههههههه نجمه ياحبيلك

أنا اول مره بولد لحالي ببيتي وحتى اول
مره أولد هنا بالدمام اول تجربه لي عشان كذا محتاره
بألمستشفيات بس ان شاء الله عزمت على بروكير
والله يكتب الي فيه الخير ان شاء الله

[أمووله]

الله يسعدك يانجمه
بالفعل كلامك صح وهذا صار معي الاسبوع الي فات لما رحت
رحنا 8 ونص الصباح ومادخلت الا 12
بس صحيح يدخلها مريضتين لان غرفتها مقسومه ثنتين اذا تذكرين
وعندها اخصائيه تاخذ الضغط والوزن وكل المعلومات وهم علشان يخلصون الزحمه
ياخذون مريضتين في وقت واحد بس كل وحده بغرفه معزوله
شوفي والله مايهمني المراجعه والزحمه والانتظار اهم شي وقت الولاده هي الي تولدني
ولان كمان يمدحوا خياطتها وتسوي تجميليه علشان كذا رحت لهاا ويارب يسهل علينا واولا واخيرا
الولاده تساهيل من رب العالمين..

[نجمه فى السماء]

امين ياررب الخيرة في مااختارة الله .. لولى

لا اجل انا ادلع نفسي اروح فى كل ولاداتى لاهلى - بالخبر -
الله يخليهم لى عشان تدلعنى امى وتنفسنى صح

حتى هالمرة اذا رب العالمين اراد بروح لهم
بس والله محتارة

تعرفين بتكون ايام اختبارات لبنتى الكبيرة - والحبيبه ماتعرف تذاكر الا في غرفتها خبرك مراهقه
وعند اهلى صعبه - حتى المشوار من الخبرللدمام وقت الاختبار صعب - المواصلات -

الله يعين بس - وتنحل ازمتى ع خير

[أمووله]

بس الله يخليكم وين احصل غطاء الصدر اثناء الرضاعه
وكمان ملابس النفاس امس رحت طابا ورحت سيتي ماكس
وسنتربوينت ولاحصلت شي ابدااا بس اخذت ملابس للنونو
ابي اخلص من السوق علشان اذا دخلت التاسع اتفضى للمشي

[نجمه فى السماء]

أمووله حبوبه - صحيح الولادة تساهيل من رب العالمين مابيد الدكتور شئ
بس اذا رحت ع الخاص ابغى عنايه واهتمام ( طبطبه ع الكتف والظهر )
زى مايقولو ونفس الممرضات نفسياتهم كويسه

اذا مالقيته بالخاص ----- اروح للحكومه اجل ليش ادفع فلوس الا عشان راحتى

تصدقون عاآد من فترة وكل الحريم يمدحون بمستشفى الولادة والاطفال الجديد .
يقولون قابلاتهم ممتازات وخلوقات وتعاملهم رائع وطبعا حتى المبنى جديد 5 ستآآر .

[نجمه فى السماء]

امووله - قصدك ملابس نفاس يعنى ارواب بيت مثلا
ولا ارواب استقبال

في ارواب بيت عمليه وحليوة فى السويكت بالخبر ومش غاليه كويسه اسعارها _ بمجمع خبر بلازا - الدور الثالث ع يسار الاصنصير
كل هاذيك الجهه تلاقين فيها

واذا حابه للاستقبال نفس السويكت .. عندك قبل المسجد فيه مجمع صغير فيه محل يبيع ارواب خطيرة
انا خذتلى واحد لاستقبال المستشفى

[أمووله]

تصدقي كنت ناويه اولد بالحكومي بس زوجي رفض
بس وحده تقولي بعد ماولدت ابي ادخل دورة المياه وانتو بكرامه
وادق عليهم جرس والله ولاحد حولهاا تبي احد يساعدها
ووحده كمان قالت لي انها ولدت الصبح وجا العصر وطلعوها
قالوا خلاص انتي بخير وعندنا زحممه والله اعلم

[نجمه فى السماء]

غطاء الصدر اثناء الرضاعه ... شفت في سنتربوينت حتى لونه اسود
وشفت بمذركير الفرع الرئيسى الى بكورنيش الخبر
اذا ماخانتنى الذاكرة خخخخخخ
بس تاكدي اذا رحتى لهم ومالقيته اساليهم - يمكنه بالظهران

[أمووله]

الله يسعدك اي ابي ارواب استقبال وعمليه

[loly2011]

نجمه وين المحل بالضبط الي قبل المسجد وشنو اسمه

ترى مستشفى الولادة زفت مافيه عناااايه ابد بنت حماتي ولدت عندهم
وطبعا هي كان عندها نزيف والمشيمه نازله وجلست عندهم 3 أسابيع تقريبا
تقول لما صار معاها نزيف قوي كانت تدق الجرس ومحد يرد عليها ابد
ولو مؤ بالصدفة كانت الممرضة تمشي بالممر الا شافت الدم طالع براااا الغرفة
والغرفة والسرير كله دم البنت كانت بتموت ومحد درى عنها
وعلى طول ودها للعمليات والدم زي النافورة ماوقف ابد
وبعد العمليه بيوم تخيلوا يقولون لها انتي مافيك الا العافيه دقي على زوجك
واطلعي وهي تعبانه محتاجه دم وعنايه يقهرون وربي وهي قالت لا ماراح اطلع
قالت الممرضة حرام عليك مافي سراير والحريم بالسيب يولدون مدري ينامون لان ما عندهم
مكان يحطونهم فيه ... مؤ مشكلتنا مافي سراير المفروض يوفرونها .. شكل مستشفى بس مرررره
عادي من داخل أنا شفته وممرضاتهم زفت اخلاقهم وكل قسم فيه 5 ممرضات تخيلي والقسم حده مليان
تجلس الوحدة سااااعه على ماتجيها الممرضة وربي الي يروح الولاده بايع عمره

[نجمه فى السماء]

المحل مااعرف اسمه بصراحه - بس هو بمجمع صغير يسمى ( النافورة ) الى فيه محل اسماء للملابس الداخليه
عرفتيه
ايوة ادخلى هالمجمع الصغير بتلاقين فيه مجموعه محلات هو واحد منهم ..

[loly2011]

ما عرفت وصفي لي وين بالضبط قبل والا بعد المسجد

[نجمه فى السماء]

قبل المسجد -
عرفتى العيسائى هاوس حق الاطفال الكبير -- ايه بعدة ع طول

[loly2011]

اي تقريبا عرفت اذا رحت بعرف بيكون اوضح

[loly2011]

طيب كيف أشكالها وخاماتها وعنده لفات للراس والا لا

[نجمه فى السماء]

لفات للراس -
ايش ؟؟؟؟ مافهمت للبيبي يعنى ولا لمين

[loly2011]

لي أنا ابي شي بارد خفيف يهوي بس منظر هههههه

[حامل دلع]

هلا كروشات شخباركم الله يتمم عليكم

رجعت بعد الغياب
الحمد لله انا ولدت قبل شهر ونص الله رزقني ب علاوي

ولدت في بروكير كانت مراجعتي عند الدكتوره سهير دكتوره عجيبه رهيبه ماشاء الله
بس اللي ولدتني دكتوره مناوبه سعوديه ماتذكر اسمها بس هم كثير ممتازه ويدها خفيفه
وخياطتها ممتازه جدا جدا جدا

ربي يسهل عليكم ونفرح في ولادتكم

[حامل دلع]

وازيدكم من الشعر بيت ممرضاتهم يهتمون كثير
وعلى طول يروحون ويجون لك وتكونين مدللـه

[loly2011]

حامل دلع
الحمد لله ع سلامتك وسلامه علاوي

طمنتيني من ناحيه المستشفى الله يجزاك خير

[احاسيس مخمليه]

حامل دلع حمدالله على سلامتك ومبروك العريس علاوي


انا ان شاء الله كلها هذا الاسبوع والاسبوع الجاي وبعدها نازله للدمام

انبسط هناك اروح اقضي شغلاتي واخلص وامشي على الكورنيش وحشني بحر الشرقيه مو جده يسد النفس

[شموع العلم]

وش افضل مستشفى بالدمام يعمل افضل خياطة بعد الولادة

[ام يونس123]

سلام كروشات
كيف الحال لولي ونجمه واحاسيس وورد الياسمين واموله كيف الحال والله ادري اني مقصره وياكم بس ماادري الوقت يجري فيني والشغل في البيت ياكثره مايخلص ..نجمه لاتخوفيني من اسطون بس الحين انتي ماشفتيه بداوا يرتبوه ويهتموا فيه
امووله ياكروشه انتي معاي في اسطون انا الموعد الجاي لما اروح كل ماتدخل وحده بقول امووله امووله الين اغني امووله ايه الاخبار ههههههه انا كنت اول وثاني مراجعه عند عزه وكل مااروح مااحصلها احصل وحده باكستانيه بدالها ومليت وقلت وش هدكتوره الي مااحصلها المهم اكثر الحوامل الي عندها غيرو دكتوره ثانيه بسبب انها في الولاده ماتقدر تجي وغيرت الدكتوره نعيمه فديتها والله ذوق وطيبه وكمان شاطره والكل يمدحها والله يسهل ..عاد انتي الزياره الثانيه حطي ورده حمراء علعبايه عشان اعرفك هههههههههه...
بنات انا امس رخت عند الدكتوره والسونار بين لي انه انا دخلت الثامن ولي يومين وعلى الحسبه من قبل كان لسى والله مادريت كيف احسب يصير كذا وكمان من قبل نقص 3 ايام يعني للحين 5 ايام منقص لي السونار احسن والدكتوره تقول ايه خلاص دخلتي الثامن .....

[ام يونس123]

مبروك ماحاك حامل دلع وعقبالنا كلنا ياكروشات

[ام يونس123]

بنات احد يصير لها الي معاي تجيني ضربات بقلبي سريعه واحس بتعب وارهاق واقعد اترمى في كل البيت
وامس قلت للدكتوره وسوت لي تحاليل ولسى موعدي بعد اسبوعين مافيني حيل اروح اشوف التحاليل الله يستر بنات طمنوني ايش الي يصير وياي..

[أمووله]

الحمدلله ع سلامتك دلع ومبرروك العريس الله يبلغك برره
ام يونس انا ليا اسبوعين في الثامن انا مراجعتي الاحد الجاي
عند عزه الباكستانيه الي عندها هذي اخصائيه تاخذ كل شي ضغط
والوزن وعزه اللمسات الاخيره السونار وتطلب تحاليل اذا لزم الامر
بس انا الباكستانيه قالت لي عزه بتتأخر اذا تنتظري او تروحي قال زوجي
لا ننتظرها وانتظرتها صح طولت بس كان عندها ولادات طبيعي وقيصري
بس كثير يمدحوهاا وقت الولاده وتشجع وخياطتها مرره روعه
نعيمه ودعاء بعد هم كويسين مرره وواضح انهم طيوبات وحنينات
والمستشفى جالسين يعدلوا فيه الحين بس بس انتي تقولي انك غيرتيها بسبب انها ماتقدر تجي وقت الولاده كيف يعني
الله يخليك وضحي قصدك لما تجي ولادتي واطلبها ماتجي تولدني والا شلون

[أمووله]

شوفي بالنسبه لضربات القلب حتى انا يصير معي كذا
لدرجة اني اصير فحمانه كأني كنت اركض بس عادي حبيبتي
لاتقلقي بس حبيت اسألك يصير يدخل مرافق وقت الطلق والا لا
لاني سمعت انهم يقولوا مايدخل مرافق وممنوع الرجال

[ام ارجواااااان]

مرحباااااااااااا
يالغالياااااااااااااااااااااات
شرفونااااااااااااااااااااااا
على الرابط


http://forum.hwaml.com/t104081.html (http://forum.hwaml.com/t104081.html)




http://forum.hwaml.com/imgcache2/hwaml.com_1333922438_316.jpg

[ام يونس123]

صباحكم احلا من ريحة الورد والعطر
كيف حال كل الكروشات وكيف بيبيهاتكم عساكم انتوا وياهم علقوه شكله مافي حد دخلت من امس الا انا وامووله
وينكم ان شاء الله الشاغل خير
امووله ترا الباكستانيه مو هيه عزه لا هذي تغطي بدل عزه لان عزه مرتبطه بكم شغله في المستشفى لانها مديرة قسم التوليد وفي شغله ثانيه كمان بس والله ناسيه عشان كذا محد يشوفها ايش الفايده اذا انا اراجع عند دكتوره وماتشوفني ولا تعرف بحالتي اما وقت الولاده والله انا الي سامعه من المراجعات الحوامل انها اكثر المرات مو هيه الي تولد والله اعلم عشان كذا لما شفت كثير حولوا على نعيمه حولت معاهم والله يحليلها مره ذوق وتذكر كل وحده تدخل عندها واول ماتدخلي عندها ترحب فيك باسمك رغم الزحمه الي عندها والله يسهل هذا الي انا اشوفه وانتي وراحتك اما المرافق وقت الولاده اظن لك غرفتين غرفة وقت الطلق واول ماتبدا الولاده ياخذوك بنفس السرير للغرفه الثانيه من شان الولاده هذا كلام الدكتوره نعيمه قالت لي ولسى الاسبوع الي فات تقوله لي حتى تقلي لو حابه اطلعك تشوفي غرفة اللولاده اطلعك قلت لا مافي داعي اما المرافق والله ماسالت ان شاء الله افدتك ******

[أمووله]

هلا صباح الخيررات ام يونس
من امس ادخل واطلع ومافي احد
انا الحين لما اصحى الصباح ماقدر امشي يالله اتكي على شي
واوقف من الم عظامي وظهرري الله يرحمنا بس
اي حبيبتي عارفه ان الباكستانيه مو هيا عزه عزه مصريه
بس زوجي قالها ابغاك انتي وقت الولاده معاها قالت اي اكيد
انا الي راح اولدها ان شاءالله بس عارفه يوم رحت الاسبوع الي فات
نعيمه ودعاء مره فاضيين ماعندهم الاكذا وحده مو زحمه وكنت حابه ادخل لدعاء بس زوجي
قال خليك عند عزه احسن بس من جد خوفتيني انها اوقات ماتولد
بس اذا رحت المراجعه الجايه بتأكد منها اكثر طيب لو ما ولدتني مثلا بتولدني دعاء او نعيمه او في غيرهم
معليش شكلي غثيتك بكثرة الاسئله بس وربي قلقانه حيييل

[ام يونس123]

السلام عليكم
وينكم بنات عسى ماشر الحين اقول انا الي كسوله طلعتوا انتوا امووله يمكن لما رحتي وشفتي نعيمه فاضيه لانها هيه تعطي مواعيد عشان تخف الزحمه بس والله انا مرتاحه لها لانها قمه في الذوق في التعامل مع المراجعات بس مااكذب عليك ماادري كيف الولاده عندها بس انا سالت في النت عليها الكل يمدح فيها وماضنتي اذا دعاء او نعيمه يولدون بدل عزه لان مره سالت المراجعات الي اخصلهم قالوا انا غيرنا عزه عشان لما ماتجي تولد يولدون بدالها الممرضات والله اعلم هذا كلامهم عاد انا غيرت نعيمه انتي اسالي بس ماضنتي يصدقون عشان مايخربوا سمعت الدكتوره بيقولوا الا هيه بتولدك ماادري انتي تاكدي ماابغى اضلمها وانا ماادري عنها الله يوفقك بلي هوه خير لك....

[أمووله]

آميييين يارب الله يسعدك
اذا رحت تأكدت امس قلت لزوجي بحول لنعيمه
قالي خلينا نسألها ونشوف
بس كلامك صح نعيمه واضح عليهااا طيوبه مررره
وحبوبه

[ام يونس123]

هلا امووله شخبارك والله مثل ماقلتي مره طيوبه حتى السستر الي معاها مثلها طيوبه والله يوفقنا عندهم على خير
ونولد ولاده طبيعيه ومسهله من رب العالمين

[ام يونس123]

بنات وش فيه شريط الحمل عندي مايقلب علثامن لاني دخلت فيه
لي تقريبا 6 ايام ...اخر مره رحت للدكتوره وسوت لي سونار
والغريبه السونار نقص لي شي 5 ايام من الحسبه
يمكن حسب مايشوفوا تقدم نمو الجنين وحركته
وش رايكم يابنات ...

[أمووله]

انا كمان استغربت تقولي انتي في الثامن والشريط حاط
لك السابع ارجعي احذفي الشريط واعمليه من اول وجديد
وشوفي حيقلب معاك يمكن غلطتي بالتاريخ,,,,

[ام يونس123]

هلا امووله كيف الحال ماطلعتي اليوم انا اليوم قلت اريح في البيت بس خليت العيال يطلعوا مع
ابوهم خليهم يطلعون له قرون ههههههههه الله يعينه ..عاد تدرين شريط الحمل ماسويته الا لما اطلعت
روحي مااعرف كيف سويته اصلن خربطنا انا وبنتي الين طلع..

[ام يونس123]

امووله جهزتي شنطة المستشفى ولا بعدك انا على الاسبوع الجاي بجهزها عشان اخلص
اعطي حالي جافز ان الولاده قربت وايش ناويه تسوين من افكار في غرفة استقبال الضيوف يله اعطينا
من ابداعك انا مجهزه كم شغله بسيطه ...

[أمووله]

والله توني الاسبوع الي طاف كملت اغراض النونو
وع الاسبوع هذا ان شاءاالله برتب الشنطه
بس لسى الاغراض الي من الصيدليه
اما غرفة استقبال الضيوف فقلت راح اشتري تُل
سكري مع سماوي وعندي ثريا راح اعلق التل عليها
وانزله ع الجدار مع بالونات
ووامس كنت افرفر بقوقل اشوف ابتكارات جديده
عاد بنتي متحمسه تبي تزين من الحين
بس ماني عارفه من وين اخذ توزيعات بالشوكولاته
ولسى كمان ماخذت ملابس نفاس بس قالولي ع محل
في فينيسيا قلت بنزل بكره اشوف لاني شفت في الحياه
بلازا كانت حلوه وبارده تعرفي حنا بنولد في عز الحر
بس حقت بيت ماتنفع لما يجيني ضيوف
وانتي ايش سويتي يمكن اقلدك ههههه

[أمووله]

بالنسبه للشريط اكتبي في قوقل كيف اعمل شريط حمل
واختاري اول خيار وتجيك الطريقه مرره سهله
موجوده بالشرح

[أمووله]

او اذا حابه اسويلك الشريط بس عطيني
تاريخ ولادتك المتوقع بالميلادي وانا حاضره

[شموع العلم]

سلااااااااااااااااااااااااااام

انا اراجع في اسطون عند عزة وقالوا لي اللي ولدوا عندها وجاء يراجعون ما تولد اللي القيصري بس اما الطبيعي ما تولد

الممرضات اللي يولدون وهذا جاب لي حزززززززززززززززززززززززززززن ليش ابيها هي

وابي وحدة خياطتها حلوة اختي متزوجة وساكنة بابها مع زوجها وراجعت عند دكتورة سمعت عنها ولدتها وعملت لها خياطه

اختي حلفت انها اضيق واشد من البكرية وزوجها ثلاث ليالي وهو يحاول وتقول كل مرة اقوم من فراشي وانا واثقة قالت صرت

افضل من انا بنت باول العرس

وانا ودي بدكتورة كويسه وخياطتها حلوة وارتاح معاها عزة دايم ادخل عليها هواء كشف وعلي طول علي الثانية ما تقدري

تاخذي راحتك

مدري وش السوات؟؟؟؟؟؟؟؟؟؟؟؟؟؟؟؟؟

[أمووله]

عليكم السلام
هلا شموع العلم :: في بنات كثير قالوا ان عزه ولدتهم
وهي كمان تعمل خياطه تجميليه وترجع الوحده زي البنت
انا كمان اراجع عندهاا بس انا عندي مراجعه يوم الاحد
عندها اذا رحت سألتها عن كل شي علشان اتأكد بنفسي
وراح اخبرك بالي يصير ;;;;

[ام يونس123]

صباحكم احلا من العسل ياعسولات
كيف الحال وكيف الكروش ان شاءالله زينين ..هلا والله بشموع كمان انتي ويانا في اسطون اسفرت وانورت
امووله كيف حالك حبيبتي عساك بخير عاد انا خلصت تجهيزاتي للولاده بس الله يتمم عليه وعليكم اما الشريط انا احترت
فيه لان المرتين الاخيره الي رحت فيها وسويت سونار سوالي خصم هههههههه نقص لي 5 ايام انا الحين حاولت امسح الشريط هذا ماعرفت خبرك اختك ماعندها خبره بهذي الاشياء اما ترتيباتي انا رحت مشور الي خاص للهدايا والمناسبات
مو الي في السويكت لا الي وراه واخذت زينه تحطيها على باب البيت مكتوب عليها مولود جديد وفيها تحت شريط وفيه العاب تخص المواليد حلوه مره واخذت اشكال متنوعه كمان لها نفس المعنى باعلقها على الشجره عندي شجره كبيره في الغرفه واخذت بوالين
من ال دايسوا بوالينهم مره حلوه وقويه تحسيها تطول لانها اصلي وافكر كمان اسوي فيونكه كبيره على باب البيت عاد ماادري اذا فكرة بشي ثاني لان كل يوم فكره تجيني والله يعين ازواجنا علينا هههههههه الا على طاري البوالين انا بوديها عند صاحب محل تجهيزات المواليد وباخليه ينفخها بلهواء الي يخلي البالون يطير فهمتي عليه والله يتمم علينا....

[ام يونس123]

امووله شفتي ايش قالت شموع ان الدكتوره عزه ماتولد مثل ماسمعت عاد انتي اتاكدي انا
لما سالت الباكستانيه قالت اذا تبغيها تولدك هيه اطلبيها بس المراجعات قالوا لي لا ماتولد الممرضات هنا الي يولدوك
عشان كذا حولت لنعيمه الله ينعم عليه .الا على سالفة التجميل كثير اعرفهم سووها بس الحين متاذين منها كثير لانهم
يحسون بالم وحرقه من التجميل الزايد خليها معتدله احسن مو مشدوده مثل ماكنتوا بنات والله عاد احنا مادرينا ايش نبغى وععع

[ام يونس123]

امووله الحين تحطون تاريخ اخر دورة في الشريط ولا تاريخ الولاده المتوقعه

انا الحين دخلت وحطيت تارخ الولاده المتوقعه على طول غير للشهر الثامن وانا يحليلي احط تاريخ اخر دوره ههههه عاد حاولت
امسح الاول وماعرفت احط الجديد اللمهم اذا عرفتي سويلي ثاني حبيبتي انا لي اسبوع في الثامن وبتكون ولادتي ان راد الله في
9او 7 شهر 6 انجليزي يله الله يعطيك الف عافيه اختك مو شاطره في الكمبيوتر عاد لوتعرفي تمسحي الشريط الاول امسحيه وحطي الجديد الله يعافيك ويسهل حملك وولادتك فمان الله...

[ام يونس123]

جمعه مباركه
امووله ترا انا حاولت الين شلت شريطي

[أمووله]

هلا حبيبتي ام يونس جمعه مبآركه علينا وعليك يارب
ماشاءالله افكارك مرره حلوه والله زي مايقولوا النفاس
افلاس من جد الله يعين ازواجنا امس رحت اخذت لي
3 ارواب للنفاس مرره حلوه وناعمه وواحد للاستقبال
افخم شوي وكملت شغلات البيبي زي غطا راس وصدريات
بس مرره مرره مرره تعبت والله صار يجيني زي الطلق
والم في ظهرري قووي الله يعين يارب وبخصوص عزه بتأكد
اذا ماتولد اكيد بحول لنعيمه واقولها ام يونس ارسلتني عندك هههههه
وبخصوص شريطك راح اسويلك انتي تامري على عيني

[ام يونس123]

اهلين وسهلين
امووله شخبارك اليوم عساك بخير وعافيه وينك اليوم الله يعينك ويسهل ولادتك وريحي لما تخسي الم بظهرك
الحين كل الالم طبيعيه الله يهونها علينا والله صادقه النفاس افلاس والله صرت استحي من زوجي لما ابغى شي
والف وادور الين اوصل للموضوع وبعدين اطلب مساكين الله يعينهم علينا الين نخلص من النفاس .حبيبتي تسلمين على شريط الحمل خلاص مافي داعي اذكر مره سوتلي لولي شريط في مكانها وماادري كيف نقلته الى مكاني والله ناسيه يله مو مهم ..الا الدكتوره نعيمه ماتعرفني بام يونس تعرفني باسمي الله يوفقك بلي خير لك عاد انا موعدي الاحد مو بكره الثاني بيكون لي نص الثامن ان شاء الله اسال الله لي ولك ولكل حامل ولاده ميسره في ساعه طيبه اللهم امين بحق اذن المغرب هذا يله انا رايحه اصلي بامان الله....****.....******

[أمووله]

هلا ام يونس انا الحمدلله اليوم احسن ان شاءالله
مع امطار واجواء امس خفيت هههههه
انا بكره مراجعتي بإذن الله لاني هالاسبوع بكمل
الثامن وادخل التاسع  وراح ابتدي في المشي
والحمدالله ان الجو لساته زين الله يهوووون علينا يآآآآرب""""

[شموع العلم]

هلااااااااااااااااااا امووووووووووووووولة ربي يعينك ويسهل ولادتك يالغالية

حاولي ما تخلي المشي وبعدها خذي شاور واي عصير ترتاحين بالنوم بالليل ربي يبلغك

ام يونس اخباررررررررررك

وربي رافع ضغطي من عيادات عزة وابي احول الي عند الروضة الدكتورة اشجان رافض زوجي غير عزة ما فية

وابي تولدني دكتورة فاهمة وخياطة واهتمام زين افضل راح نخسر علي الاقل شي يستاهل

اسلي اعطيني خبر

لان موعدي بعد اسبوعين ان شاء الله

بس تصدقون ذبحتني الالتهابات بالمسالك البولية من حملت وانا الان بالرابع ولا زالت واشد

وصرفت لي الدكتورة جلمنتين وامسكول ثلاث حبات باليوم لمدة 7 ايام رغم اني استخدمتة من قبل في الشهر الثاني بس ما نفع

لا اعرف ربي يعين ؟؟

[بنت القطان]

صباح الخير ،،،، احد قاعد؟

[ام يونس123]

صبجكم الله بلخير والعافيه كيف احوالكم ياكروووووشات عساكم بالف عافيه
امووله الله يعينك ويسهل عليك ويبلغك شوفت مولودك وانتي بالف خير ايه والله الحمدلله ان الجو لسى طيب للمشي بس اذا حسيتي بحر روحي اي مول امشي فيه تدرين حرارتنا واحنا حوامل شويه عاليه هههههههه..
شموع ياعمري الله يعينك على الالتهاب بس الدكتوره ليه ماغيرت لك الدواء طالما ما جاب مفعول لانه كل ماذا ويزيد وانتي كثري من شرب المويه وقللي من الملح والمخللات الله يشفيك والله تصدقين رحمت لك من كل قلبي ياعمري بعدك في الرابعععععععععععععع واي بعد المشوار طوييييل وياك ..تحطييم صح هههههه الله يهون عليك الايام بس انتي طالما رافعتلك ضغطك عزه غيريها بنعيمه ولا دعاء ...حبيبتي اسالك عن ايش..
هلا بنت القطان كيف الحال حسافه انتي كنتي موجوده والله انا امس كان عندي شوية شغل وتغييرات في البيت وانهد حيلي ونمت بدري 12 وانا مسدوحه وعاد عندي مدارس للعيال الله يعين ونخلص من المدرسه قبل الولاده لاني هامتها حييييييل هلمدارس الله يعين يله بروح اصحي ولدي للمدرسه .....

[بنت القطان]

أهلين ام يونس
صباح الورد

بصراحه جد الله يعينك على المدارس انا خايفه يصادف وقت ولادتي امتحانات المدارس وأتوهق عاد تكون امي ابد مو حولي هههههه

[loly2011]

كيفكم صبايا ان شاء الله تمام

من زمان عنكم وربي لكم وحشه

كيف تجهيزاتكم والا باقي

[ام يونس123]

لالالالالالالالالالا مو معقوله لولي وينك يلقاطعه وينك عنا ايه من لقى احيايه نسى اصحايه
ادري وين انتي في منتدى رجب عاد انا شفتهم كثير ومادريت اساير مين هونت الدخله ورديت لمنتدي الحبيب اهل الدمام
لاننا شويه وتقدرين تردين على الكل انتي ايش اخبارك حبيبتي عساك بخير وعافيه احنا جاهزين مابقي الا الولاده الله يعيننا عليها
وانتي جاهزه خبريني عنك من يوم الي رحتي عنا ادري ادري مافيك حيل يله بس شوي مستنيه...

[ام يونس123]

بنت القطان اهلين ياعمري ايش الاخبار اليوم ان شاء الله كل شي تمام والله صادقه انا ولادتي ابتجي على راس امتحانات
بنتي الله يعين وماابغى اشغلها باي احداث غير امتحاناتها الله ييسر ...

[ام يونس123]

امووله كيف الحال اليوم طمنيني عنك ان شاءالله كل شي تمام في مراجعتك عند الدكتوره اليوم

[شموع العلم]

هلااااااااااااااا ام يونس اخبارررررررررررك لية التحطيم هذا حررررررررررررررررام عليك اي والله مشوار ربي يسرها

امووووووووووووووووووووولة وينها غايسة اكيد بصاله عزة ربي يعينها

طمنينا عليك امولة وش سويتي

[ام يونس123]

هلالالالالالالالالا وغلالالالالالالالالا شموع ترحيب قوييييييييييييييييييي للي مشوارهم لسى طووويييييييييييييييل الله يهونها عليك ياعمري بس انا الحين انتقم لاني اول مادخلت كلهم كانوا يقولون لي زي كذا توك في البدايه ههههه والحين انا ارددها بدالهم لاوالله بس اضحك وياك بتشوفي الايام بتمر بسرعه ومابتحسي في حالك الا في غرفة الولاده الله ييسر امرك ياعمري....
وانتي الصادقه امووله في حوسة المستشفيات عاد انا مااروح الا الصبح عشان يكون فاضي حتى الدكتوره قالتلي كوني تعالي الصبح يكون اخف زحمه..

[أمووله]

هلا هلا ام يونس وشموع العلم//
للاسف والله مارحت اليوم زوجي كان مشغول
الصباح واجلنا لبكره ان شاءالله لاني ناويه اروح
الصبح الزحمه اخف وعيالي بالمدرسه
لكن ان شاءالله اول مارجع بدخل اقولكم كل الي صار
واليوم الصبح جاني طلق قووي ورجولي الم مره شديد
الله يعينا يارب
وانتم وش اخباركم
شموع كنت زيك لما ازور احد واقولهم في الرابع يقولوا
الله يعينك باقي بعيده وشوفي الايام والله احسها مرت
بسررعه والحين فاضلي كم يوم وادخل التاسع
ام يونس انا كمان زيك لما ادخل تجمع جمادي الاخره
الاقيه مليان وارجع اطلع ماعرف اكلم مين والا اترك مين

[loly2011]

هل أأم يونس كيفك
والله أنا أخذت عليهم صرت اعرفهم بالبدايه كنت متردده وخايفه
وبعدين اختلف الوضع صرت اسولف ويعرفوني خلاص صارت ميانه بينا

أنا لساااااا ماسويت شي على حطت يدك والله حتى الفتره هذي احس بتعب
بس ادف نفسي وبحاول ع الراتب اقضي أغراض البنوته وانا بخلي شغلي بعدين
على راحتي مؤ مهم اهم شي البيبي بس أنا أخذت كم لبسه واغلبها حق 3 شهور
بيجامتين وبربتوزين وقبعه ومدري شنو بعد أخذته من مذركير وأخذت بدله وجزمتين
وبطانيه بعد من مذركير بس هذي حق بعدين مؤ الحين ووو أخذت بس بربتوز واحد من لينديكس
وباقي الاشياء حقت الفتره الاولى باخذها من سنتر بوينت والسرير من مذركير والله يعين يارب
والله ان راسي مصدع حده وماودي أخذ حبوب وشربت قهوه عند حماتي واكلت عصيده وليتني
ما أكلتها اشتغلت الحموووضه الله يصبرني لا ومشتهيه شورما ومابي اسوي اخاف تزيد الحموضه

[معزوفه حزن]

هاي بنات كيفكم انا عندي مشكله كل ماسويت سنار قالو لي كيس صغير وانا لي الحين شهرين حامل مادري هو يطلع بس كيس بالشهرين ياليت تفيدوني

[حبلا]

[quoاسلام عليكم ورحمه الله وبركانه
مساأاء الخييير الجميع
انا توني جديده في المنتدى
ومن الخبر اتمنى تكتبولي مستوصفات رخيصه بمتابعه الحمل اوسونار واسعارهم حلوه
وانا الحين بالاسبوع الخامس من معي ابي صقيقه معاي اخاف لحالي

يلا انتضروكووم تحياتي اختكم حبلا

[معزوفه حزن]

عندك مستشفى الدوسري مررررررررررررررررررررره ممتاز وحلو ورخيص ولا تحاتين اختي انا معاك

[معزوفه حزن]

بنا انا بقولكم قصتي انا عندي ولدي توفى من ثلاث شهور عمره سنتين كان طايح عليه تلفزيون ودخل بالعنايه شهر كامل جاه نزيف داخلي وسوى له عمليه وقفو النزيف بس دخل في غيبوبه وبعدها توفى الله يرحمه وانا الحين حامل الحمدالله ربي عوضني بس خايفه ينزل معاي نزيف بس خفيف مره وخايفه وسويت سنار قالو لي في كيس صغير مرره اتمنى انكم تفيدوني



ودعواتكم لي انه الله يثبت حملي ويصبرني على فراق ولدي الله يرحمه

[حبلا]

بنا انا بقولكم قصتي انا عندي ولدي توفى من ثلاث شهور عمره سنتين كان طايح عليه تلفزيون ودخل بالعنايه شهر كامل جاه نزيف داخلي وسوى له عمليه وقفو النزيف بس دخل في غيبوبه وبعدها توفى الله يرحمه وانا الحين حامل الحمدالله ربي عوضني بس خايفه ينزل معاي نزيف بس خفيف مره وخايفه وسويت سنار قالو لي في كيس صغير مرره اتمنى انكم تفيدوني



ودعواتكم لي انه الله يثبت حملي ويصبرني على فراق ولدي الله يرحمه

الله يصبرك ويربط على قلبك ويجعله شفيع ان شاءالله
في قصه اانبي موسى مع الخضر قال في مامعناه ان ربي يبي يبدله لهم ويعوضهم خير
الله يرحمه يارب
وربي يتمم علي وعليك انا لي اسبوع احس بزي المغص الطلق خفيف وتصبرت وامس زاد
ورحت العسكري وانتظار ساعه في الاخير قالت ارتاحي وارفعي رجلك ولاتحركين والله من قوة
اللي فيني قلت بتعطيني ابره والحين اكثر كني بولد الله يستر ويثبته انكن فيه خير
بس باسئلك عن الدوسري من احسن دكتوره فيه ومشكوره

[أمووله]

هلا وغلا حياكم الله وبياكم(معزوفة حزن وحبلى)
معزوفة حزن ،،اسأل الله الكريم رب العرش العظيم ان يبدلك ويعوضك عن ابنك
اللي فقدتيه بابن آخر ويجعله شفيع لك في الآخره
اما بخصوص الكيس المفروض الحين يكون فيه نبض انا لما رحت اكشف كنت في شهرين
النبض على طول بين وقالت لي فيه كيس وداخله جنين يمكن انتي لسى صغير علشان كذا مايبان
اسأل الله ان يثبت حملك ويرزقك الطفل السليم المعافى ويقر عينك بشوفة عيالك..
حبلى// انا من الدمام ماعرف مستوصفات الخبر للاسف انا اراجع بالصحه والحياه عند دكتوره فريال
عسسسل وممتازه وخبره في كل شي لدرجة لما رحت فتحت ملف عند عزه باسطون قالت لي وين كنتي تراجعي
قلت بالصحه والحياه قالت عند فريال قلت ايوه قالت فريال مشهوره ماشاءالله عليها بس صار عليها زحمممه مو طبيعيه
والله يتمم لك حملك ع خير..

[معزوفه حزن]

الدكتوره حنان مرررره شاطره

[معزوفه حزن]

تسلمون حبايبي امين يارب يعوضني بخير ويصبرني

[حبلا]

هلا وغلا حياكم الله وبياكم(معزوفة حزن وحبلى)
معزوفة حزن ،،اسأل الله الكريم رب العرش العظيم ان يبدلك ويعوضك عن ابنك
اللي فقدتيه بابن آخر ويجعله شفيع لك في الآخره
اما بخصوص الكيس المفروض الحين يكون فيه نبض انا لما رحت اكشف كنت في شهرين
النبض على طول بين وقالت لي فيه كيس وداخله جنين يمكن انتي لسى صغير علشان كذا مايبان
اسأل الله ان يثبت حملك ويرزقك الطفل السليم المعافى ويقر عينك بشوفة عيالك..
حبلى// انا من الدمام ماعرف مستوصفات الخبر للاسف انا اراجع بالصحه والحياه عند دكتوره فريال
عسسسل وممتازه وخبره في كل شي لدرجة لما رحت فتحت ملف عند عزه باسطون قالت لي وين كنتي تراجعي
قلت بالصحه والحياه قالت عند فريال قلت ايوه قالت فريال مشهوره ماشاءالله عليها بس صار عليها زحمممه مو طبيعيه
والله يتمم لك حملك ع خير..

الدكتوره حنان مرررره شاطره

مشكورين الدمام مشوار يجيني النوم وانا بطريق ههههه
انتضروني بكره يكتب تجرنتي

[ام يونس123]

اهلا وسهلا معزوفه كيف الحال وحياك ويانا في التجمع والله يصبر قلبك ويجعل لك ولدك شفيع والله قرات رسالتك وسالت دمعتي الله يعوضك بلي في بطنك ويسعدك فيه اللهم امين والله يثبت حملك بس مثل ماقالت امووله هوه يبين من اول اسبوع في الثاني القلب يشتغل بس انتي اصبري وشوفي والله قادر على كل شي الله وياش..

[ليتني قلبه]

يا حلوات اليوم موعدي مع الدكتوره وانا مرره خائفه تكفوووووون أدعو لي يكون كل شي بخير ويكون طفلي بصحه وعافيه

[شموع العلم]

هلااااااااااااااا ام يونس وامولة وحبلي ومعزوفة فررررررررررررررررح دوم

والله لو علم العبد ما الله مخبئة له من الخير ما حززززززززززززن

ما تدرين وين الخير ربي يعوض عليك ويرزقك الخير بالدنيا والاخيرة

امولة بالله طمنيني عليك لا رحتي

يا رب يا ام يونس تخلصين الاربعين وبنهاية الشهر تقولي انك حامل علشان اطنز عليك اكون مطوفة عليك واحرك

يارررررررررررررررررررررررررررررررررررب يحملك بعد الاربعين بتوم قولوا امين

[ام يونس123]

شموووووووووووووووووووووووووووووووووووووووووووووووو ووووووع وينك اجي اكلك واعصر عليك ليمون حرام عليك والله اطلعت عيوني لما شفت ردك تكفين لاتدعين علي والله صحتي مو متحمله الله لايقول لا واقراء والاذن ياذن لصلاة الفجر... خفت لايستجيب الله لالالالايارب تمزح شموووووووع ....


حبيبتي انتي على عيني وراسي وانتي اصلا خلاص مخلصه الثامن مو صح ههههههه صح يابنات حرررررررررررره بعدك في البدايه حررررررررررررررررررررررررررررررررررررررررررررررررر رررررررررررررررررررررررررررررررررررررررررام..

[ام يونس123]

عاد انا صالحتك برد من اول وقلت لك الايام راح تجري ومارح تحسين بحالك الا وانتي في غرفة الولاده مو صح وش فيش قلبتي علي 180 درجه لا وتدعين بتوم اخ ان كيدكن عظيم......خلاص بنعقد اتفاقيه جديده ونسميها هونيها وهيه تهون هههههه
ولا زعل بعد اليوم هههههههه.

[ام يونس123]

امووله وينك وايش اخبارك طمنيني عنك والله وحشتيني عسى خير ..

[معزوفه حزن]

مشكرين حبايبي يعطيكم العافيه دعواتكم لي اليوم موعدي تكفووون ادعولي انه ربي يسر امورري يارب الله يسترررر




بليزززززز دعواتكم

[loly2011]

السلام عليكم
كيفــــــكم يا صبايا


كيف الحمل معاكم ان شاءالله أموركم كويسه

ام يونس شخبارك يابطه هههههههه لك وحشه

[أمووله]

هلا وغلا فيكم كروشات
ابشركم دخلت التاسع وربي يهونها عليه وعليكم
بالنسبه للمراجعه عيت تتسهل زوجي مرره انشغل
هالاسبوع واجلنا المراجعه للاحد الجاي الظاهر
اني ناويه اشوفك ياام يونس
شمووع العلم كيفك ياحلوه اخاف ينقلب السحر ع الساحر
وترجعين انتي وتحملي بعد الاربعين ههههههه
بس شوفي اليوم قابلت وحده تقول خالتها ووحده ثانيه
قريبتها اولدوا عند عزه طبيعي وهي الي ولدتهم
بس لما اروح عندها بستفسر واطمنك ان شاءالله

[أمووله]

لولي // وش اخبارك ياحلووه
الله يسهل علينا يااارب ويعطينا ساعه طيبه

[ام يونس123]

لولي هلا ياعمري والله انتي اكثر وحشتينا وش اخبارك واخبار الحمل انا كويسه ولله الحمد والمنه

[ام يونس123]

معزوفه الله ييسر امرك ويفرح قلبك وتروحين من المراجعه مستااااااااااااااااااااااااانسه

[ام يونس123]

هلا امووله شكلنا ربنا يبي يجمعنا في المستشفى انا رايحه الصبح لانه العيال يكونوا في المدرسه وانتي ان شاء الله الصبح
..شفتي شموع وش دعت علي الله لايستجيب والله اطلعت عيوني ومثل ماقلتي يمكن ينقلب السحر على الساحر ههههههههههه
والف الف مبروك كللللللووووووووووش الله يتمم لك وتولدين على خير وعقبالي يارررررررب يله الحين ابداي بلمشي عشان الله يسهل عليك.......

[أمووله]

هلا ام يونس ياقلبي
انا بروح الصبح كمان لاني عيالي بيكونوا في المدرسه
مابيهم يطفشون ويطفشوني
انا اي خلاص راح ابدأ مشي بإذن الله من اليوم
اول ماشفت الشريط اني دخلت التاسع بطني مغصني
الله يسهل علينا يااااارب
هههههههه انتبهي من دعوة شموع اخذي موانع في الاربعين
الله يسعدكم ياارب

[ام يونس123]

امووله ياعمري لاتخافين الله بيسهلها لك ان شاء الله انا مثلك امس شفت وحده تولد حاطته وحده بنفس المنتدى
والله خفت كثير مع انها فظيعه ماتتالم وش الولاده هذي مريحه شكلهم عطوها ابرة الظهر وش رايك فيها انا افكر اخذها هلمره
حتى كلمت نعيمه وقالت في عندهم والي تعطيك ياها دكتوره حنان وسمعت عنها انها مريحه جدا لسى افكر فيها ....
وينها شمووووووووع والله تخوف هشموع ياكثر الشموع في بيتي حتى مطبخي فيه شموع وكل ماشوفهم اتذكر دعوت شموع ههههههههههههه تدرين باخذ مانع من وانا لسى والده من الخوف يمه.....

[أمووله]

هههههههههه انتبهي من الشموع
اي شفت مقطع الولاده اللي هنا ايوه مآخذه
ابرة ظهر انا قلت لزوجي علشان آخذها قالي
ليش تحرمي نفسك الأجر
بس شوفي والله تتعبي بعد الولاده تعب مو طبيعي
راح يجيك صداع منها والم في ظهرك ورجولك
فخلي ولادتك طبيعيه بحته
بس مين هذي دكتوره حنان ...

[حبلا]

مرحبا بنات انا محتاجه شغاله وسمعت عن طريق الكويت ارخص 5000 شرايكم مو مؤقته

[أمووله]

للاسف والله ماعندي اي معلومه
اذا تعرفي احد بالكويت يجيب لك رقم مكتب
وتسألين افضل لك

[شموع العلم]

هلااااااااااااااااا ام يونس ليش الذرية زينة الدعوة هذا فية والله خير لك هههههههههههههه اختي دايم تقول علي مديرتها جعلها تحمل بتؤم لانها عندها توم ومعقدة في حياتها جابوا لها الهم
ربي يكتب لك الخير زين تذكريني علشان تقول ربي يتم حملها زوجي يبي بنت انا ابي ولد وحررررررررررب
والله اليوم تعبانة احس بمغص شديدوالم باسفل ظهري اتوقع انها من المسالك ما غير طايحة اليوم وفيني لوعة ونفس منسدة من الاكل شكله المكيف اخذت شاور امس ونمت
امووووووووووولة ربي يسرلك وطمنيني عليك وبالعافية من دخلتي التاسع ايام وان شاء الله تظمينة علي صدرك والعقبال عندي وام يونس يا رب

[thalia20]

اهلين بنات الدمام
كيف الحال ان شا الله بخير
جيتكم ضيفه تقبلوني ولا لا.
دعواتك ربي يخفف علي الوحام
وحابة اسالكم عن احسن دكتورة تولدني وتتابع معي فالدمام
انا مغتربة وماعرف شي وخايفه اول حمل لي

[أمووله]

هلا شموع العلم الله يعافيك حبيبتي وعقبال ماكلنا نضم
عيالنا ياااارب ياكريم
اما بخصوص المسالك فلعبت فينا كلنا لعب انا من اول شهر
لحد السابع وانا معي التهابات بس اهم شي اشربي ماي واجد
وانتبهي من المكيف احنا الحوامل مناعتنا ضعيفه يعني اقل
شي يأثر فينا
وسلامتك يالغلا ماتشوفين شرر

[أمووله]

هلا وغلا thalia20
حياك الله بينا اخت عزيزه وغاليه
الله يتمم لك حملك بخير ويثبته يارب بخصوص اللوعه
اشربي ليمون ع الريق مرره حلو عن تجربه
اما افضل دكتوره ماكنت اعرف احد لاني ولدت بجده
وآخر شي رسيت عند عزه في اسطون استشاريه
والكل يمدحهاا

[ام يونس123]

مساكم الله بلخير كيف كل الكروشات
امووله كيف حالك اليوم وكيف المشي وياك الله يسهل عليك ونسمع سمع خير عنك صادقه حتى زوجي يقول نفس الكلام خليكي عطبيعي احسن لكن هم مايدرون وش يصير معانا اخ اخ اخ الله يسهلها لنا كلنا ..مااعرف مين الدكتوره حنان بس قالت لي نعيمه عنها هيه الي تعطي الابره بس ...
شموع كيف الحال اليوم ايه اختك تدعي على مديرتها وانتي تدعين علي اش دعوه هههههههه.الله يتم حملك وحملي وحمل امووله وكل البنات سلامتك ماتشوفين شر ترا كل الالام الي تحسين فيها انا كنت احسها في بداية الاشهر بس لما تدخلين الخامس بيروح كل شي حتى دكتورتي كذا قالت لي وفعلا الله يهونها عليك وعلينا ....
هلا حبلا كيف الحال اليوم انا بصراحه ماعندي فكره عن الشغالات لاني مااحب الشغالات ابد السموحه....
thalia20 هلا وغلا وحياش ويانا كيف مانقبلك ويانا اسفرت وانورت بس عاد انتي ماحصلتي اسم بلعربي عاد انا بكتب اسمك تاليا صح كذا ولا انا غلطانه المهم ياعمري انتي مو غريبه في بلد الحرمين وهذي بلدك الثانيه وهلا ومسهلا..اما من ناحية المستشفى انا زي امووله في اسطون اراجع عند دكتوره نعيمه الله يسعدها زي العسل وانتي الله يوفقك بلي فيه خير لك...

[ام يونس123]

http://forum.hwaml.com/imgcache2/hwaml.com_1334862630_326.png (http://pregnancy.baby-gaga.com/)

[حبلا]

هلا ام يونس من اللي بحب الشغالات
الحاجه حدتني عليهم
بنات ابي اسئل
شرايكم بكريم فيت الوردي

[ام يونس123]

امووله كللللللللللوووووووووووووووووووووووش باركيلي سويت شريط حمل والله ماادري كيف صار خربطنا انا وبنتي الين طلع هههههههههههههههههههههههههههههههههه

[ام يونس123]

اهلين وسهلين حبلا كيف الحال والله صادقه منو يحبهم بس انا ريحت دماغي وجبت لي غسالة صحون والرتحت واييييييييد ماشاء الله والحمدلله اما الكريم ليش يستخدم ماعندي فكره...

[thalia20]

تسلمي امولة يعطيك العافيه بجرب الليمون ان شا الله مع اني ماحب الحموضه

ام يونس الله يسعدك صح اسمي ههههه
الله يسلمك ماقصرتي بس مافيه زي الوطن والاهل
الغربه والبعاد صعب مرره بالاخص الوحده ادا هي حامل
طيب بسالك نعيمة عندها سونار فالغرفه ولا لا
لان المكان الي اراجع فيه الدكتورة مالها سونار مشوار عشان اسويه
والدكتورة نعيمة تولد طبيعي ولا قيصري
لاني سمعت انهم يحبون يولدون قيصري حتى لو الوحده فيه امكانية تولد طبيعي عشان الفلوس
من جد محتاره بين المانع والاسطون
كيف تعامل الدكتورة بالله لان الي اتابع عندها ترفع ضغطي ماتتكلم ولا تهتم ولا تسال تبغا تصرف وبس

[حبلا]

بعد ابي اسئل عن حمام السونا عادي

[ام يونس123]

هلا تاليا ياعمري انا ادري ان الغربه كربه وترا انا زيك مغتربه واهلي في بلد ثاني مو في بلدي وكل ولادتي وانا لحالي ماعندي غير الله ثم زوجي الله يعافيه لي وهونيها والله بيهونها عليك..اما من ناحية الدكتوره ايوه عندها سونار في غرفتها وكبير ماشاءالله شاشه بلازما كبيره وتشوفين البيبي بوضوح توني الاسبوع الي فات شفت جنيني فديته الله يبلغني ويبلغ كل الي في المنتدى شوفت اجنتنا اللهم امين واما انهم يولدون قيصري لالا كله كلام توها وحده اعرفها والده فيه قريب مع انها مو مراجعه فيه بس ولدت عندهم وكلها مكتوب من الله والدكتوره نعيمه احلا من العسل تعاملها معي وطيبه مره وخلوقه والشاهد الله فيها حتى روحي وجربيها وشوفي والله يوفقك

[thalia20]

والله شجعتيني مررره خلاص ان شاء الله بروح لها
وبرد عليك خبر
ابي اسالك عندها زحمة ؟؟؟ اكره زحمة هههههههه

وكمان فيه شي السونار الي تسويه لك ما يحتاج موافقه من الشركة
لان الي متبعه معها الحين تقول لي استني ساعه عشان تجي موافقه من الشركة
وكمان عندهم سونار قديم تقول لي اشرب 3 لتر ماي عشان يبين
خلاص بمووت وانا اشرب احس بنفجر
وسونارها لونه ازر ما شوف غير الاسود والازرق

[حبلا]

طيب يام يونس شالفايده من غساله الصحون ماتغسل الصحون الكبيره والقدور
ولايتها ع كذا بس انا ابي وحده اتأمر عليها ههههه كل شي تسويه حتى يخليها كوفيرا
كريم فيت الوردي لازاله الشعر قريت وحده تقول استعمله بحملي عادي
من جربه

[ام يونس123]

تاليا انا اروح الصبح لان مافي زحمه والحريم كسالا من طلعة الصبح بس شويه الزحمه لكن العصر عليه العوض ومنه العوض لا تروحين..اما من ناحية الموافقه اول زياره لي عندها في الشهر الثاني بس وبعدين ابد كل اسبوعين اروح وتسوي لي سونار من دون اي موافقه بس من ناحية المويه يمكن لانك في الاشهر الاولى ماادري بس والحلوا عندهم كل بداية شهر لك تحولك عند دكتوره ثانيه تسوي سونار بس متخصص لكشف كل شي عن الجنين من الداخل يعني تطمن على الكلى والراس والعمود الفقري واشياء ثانيه مره حلو نظامهم ....وخلاص طولت عليك لاني احب اشرح بتفصيل هههههههههه

[ام يونس123]

حبلا انتي شكلك تبغي بس تامري وتنهي هههههههههه صح بس انا احس انها تقيدني في بيتي من ناحية لبسي واشاء كثيره
اما الغساله ماشاء الله تبارك الله يدخل قدر الطبخ الي اطبخ فيه وعاد حسب انا شفت بعضهم صغار من داخل انا احيان احط قدر الضغط ماشاء الله بس اغسل بيدي الصواني ولاشياء الكبيره

[thalia20]

والله حمستيني لها بقوة
تخيلي والله ما اكل وزني نقص اربع كيلو وانا الحين بدخل الشهر الثالث
اقولها يادكتورة عطيني شي فيتامين اي شي ترا ما اكل تقول عادي من حد استغربت
عشان كدا بغيرها بروح لدكتورتك ان شاء الله
اسمها نعيمة ولقبها ايش
ومعليش ازعجتك باسالتي
والله ما عرف شي اول حمل لي ومضطربة

[أمووله]

هلاااا حوامل كيفكم عساكم بخير ان شاءالله
الحمدلله اليوم رحت ررجعت عند عزه والحمدلله
مافي زحمه مرره وحصلتها موجوده
وفحصتني وقالت كل شي تمام ووزن البيبي
مرره ممتاز وقالت لي خلاص دخلت التاسع
ووصتني امشي بس مرره اتعب من المشي
ظهري وكمان اظلاع القفص الصدري مرره متعبتني
بس كنت بسألها اذا انها ماصارت تولد بس قال زوجي
انا السبت امرهم واكلم مدير العيادات واتأكد
لان زوجي مرره مو راضي اغيرها وهي حبوبه وحنونه
مرره وشفت نعيمه مره فاضيه هي ودعاء ماعندهم احد
حتى عيادتهم مفتوحه ع الآخر وووبس

ونعيمه لقبها نعيمه شرنوبي

[أمووله]

حبلى عزيزتي كريم فيت لازالة الشعر مايضر
وكمان حمام الساونا عادي استخدميهم
بس حبيت اسألك انتي تقولي تبي تاخذي
شغاله عن طريق الكويت بس ماقلتي اش جنسيتها
وافضل شي الشغالات صح هم شر لابد منه
بس وربي يريحوا انا اخذت لي شغااله مؤقته والحمدلله
مررره ريحتني صح احس انها على قلبي بس قلت تجلس معي
لحد ماخلص النفاس وبعدين افتك منها

[أمووله]

مبروووك ام يونس ع الشريط كذا حلوو تعرفين انتي بأي
اسبوع وكم باقي ع الولاده

[thalia20]

مشكورة امولة الله يوفقك يارب ويخفف عنك تعب الولادة

[thalia20]

بنات كيف احط شريط الحمل
حاولت بس مايطلع

[ام يونس123]

جمعه مباركه لكل البنات
ان شاء الله تقضوا الاجازه على خير وعافيه امووله الله يسهل عليك وكل الاوجاع طبيعيه في التاسع من الثقل والضغظ على الحوض امووله انتي يمكن شفتي غرفتها مفتوحه علاخر لانها مو موجوده تكون انا لما اروح واشوف الغرفه مفتوحه لانها تكون عندها ولاده او عمليه لاني اسال وكذا تقلي ممرضتها ..وانا الحين يوم الاثنين بدخل في الاسبوع الثالث من الثامن ومثل ماقلتي الثقل زاد والتعب والله يكون في عوننا عاد ماادري اذا سويت الشريط صح والله يبارك فيش....

[ام يونس123]

هلا تاليا والله ودي اعلمك شريط الحمل بس والله ماادري كيف سويناه انا وبنتي خربطنا وفجآه طلع بس انتي اكتبي على جوجل كيف اسوي شريط الحمل واول واحد افتحيه وطبقي الي يقولونه لك واكتبي تاريخ الولاده المتوقع واسم الدكتوره نعيمه الشرنوبي ..

[شموع العلم]

سلاااااااااااااااااااااااااااام يالغوالي

اخباركم امولة وام يونس وتاليا وحبلا جمعة خير علي وعليكم

بالعافية علي قلبك امولة هانت لا اله الا الله وربي اني متعقدة من عزة دايم عجولة ومن اشوفة متعجلة انسى كل اللي ابي اسالها

طبعا ابي استشارية افضل من اخصائية

مبروك او يونس الشريط

[أمووله]

هلا فيكم جميعا
والله ياشموع العلم انا كنت بحول عند نعيمه
بس زوجي مرره رافض يقول تغيري استشاريه
وتروحي لاخصائيه بس امس سألتها عن اشياء
وهي تسوي السونار وجاوبتني وكانت تضحك
معي وكانت مبسوطه من البيبي لانها وهي تكشف
وهو يرفس بس الي يقهرر اانه بس ينفتح الباب عندها
ويقوموا المراجعات كل وحده تبي تدخل هي الاولى
ويجلسوا ع الباب ويدقوا الباب بطريقه غير حضاريه
وامس انفجرت فيهم صياح وتهزيئ مرره عجبتني يعني
فوضى من المراجعات وهي مسكينه المستشفى ضاغطينها
مابيدها شي بس انتي استخيري ربك وشوفي
امس نعيمه موجوده شفتها لما طلعت
من غرفتها ماكان عندها ولاده بس يمكن امس ماعندها
مراجعات دعاء كان عندها ولاده

[أمووله]

تاليا زي ماقالت لك ام يونس اكتبي في قوقل كيف اسوي
شريط حمل واختاري الاول وتجيك طريقه سهله بس
اهم شي تكتبي تاريخ ولادتك المتوقع بالميلادي

[تــــرف]

مرحبا حبوبات كيفكم
انا عضوه جديده ويشرفني انضم لكم
حابه اسأل عن افضل مستشفى للولاده من ناحية الاطباء والاجهزه والنظافه ياليت تفيدوني
وكمان ابرة الظهر وش رايكم فيها

[thalia20]

اهلين ياحلوات اخبارك ام يونس امولة شموع العلم
ترف حياك الله بينا الله يخفف عليك ويسهلك الولاده
بالنسبة لاحسن مستشفى مدري صراحه يقولون اسطون وسعد
انا اول حمل للي ما اعرف بس بجرب ان شا الله اسطون
ابرة الظهر حلوة بس يوم دورت على تجارب خفت مررره فيه الي جاها شلل وفيه الي جاها شلل نفصي يعني تحس بنص الايمن والايسر لا
يعني كلو مشاكل اصلا منطقة النخاع الشوكي خطيره لازم احد خبير فالتخدير الله يعين

[نداء الرووح]

السلام عليكم خواتي

انا عضووة جديده وهذا اول حمل لي بعد الاجهاض ادعوو لي ..^^

[أمووله]

هلا تاليا اخبارك ياعسل
الله يعين ياررب بدا الثقل يزيد والتعب
والم المفاصل وكل شي في جسمي
يعورني والغريب ان الصبح ع الساعه
5/4 يجيني طلق مرره قوي
ويختفي شبه يوميا على ذا الحال
بس ربي يسهل علينا ويتمم لنا بخير جميعا
ندآء الروح هلابك وحياك الله
بين اخواتك ربي يتمم حملك ويثبته ويرزقك بالي تتمنيه
ويعوضك خير عن الي فقدتيه واي شي تبي تسألي عنه
احنا جاهزين كلنا اخوات وربي يوفقك

[thalia20]

اهلين امولة والله بخير ياقلبي انتي طمنينيا عنك وكيف وضعك الحين
الله يسهل لك يارب لك الاجر جبيبتي ماتشوفي شر يارب
انتبهي على نفسك
من جد اخاف من اسمع كدا ههه وانا توي فالبدايه وكان عندي خوف من الولاده ابطيت الحمل كثييييييييير الله يعين

[أمووله]

هلا تاليا الله يسلمك مايجيك شر ان شاءالله
الحين احسن الحمدلله
والله خلاص ودي اولد وارتاح
انا كمان مثلك ابطيت بالحمل ليا
4 سنين ماحملت وفترة الحمل 9 شهور
المفروض مانبطي علشان مانتعب
زوجي يقولي اصبري سنه اوسنتين
واحملي علشان ماتتعبي واجد
بس احنا دلوعات
بس ربي يسهل لنا ويساعدنا ويعينا

[أمووله]

ام يونس وشموع وباقي البنات وينكم طمنونا عليكم

[ام يونس123]

السلام عليكم
كيف حالكم يابنات ان شاء الله كلكم بخير وعافيه والله تاليا وامووله وشموع وحبلا ايش اخباركم وهلا وسهلا بترف ويانا امووله الله يهونها عليك وتولدين على خير بس لاتقطعين لولدتي خبرينا عندك واتواصلي معانا تاليا مبروك الشريط ...

[thalia20]

اهلين يالغاليات

امولة انتي ابطيتي بس حملتي قبل
انا لا باقي ماحملت يعني مر على زواجي سنتين تقريبا وانا ابطي وابطي وادلع خايفه هههههههه الله يعين
ام يونس حنا بخير تسلمي انتي كيفك طمنينيا عنك
والله يبارك فيك اخيرا سويته تسلمين

[أمووله]

ام يونس كيفك اكيد اذا ولدت ماراح اقطعكم
والله احس اني بين اخواتي بشرينا راجعتي اليوم
وكيف امورگ....
تاليا ;; لسا بكر ماشاءالله ربي يفرحك بشوفة
ضناك انا معاي بنت وولد وهذا الثالث ربي يسهل
ولادته

[ام يونس123]

هلا كروشات ايش الاخبارك ان شاءالله كلكم يخير
امووله الله يسلمك انا لله الحمد بخير وانتي كيف والله دخلني الخوف لما قلتي بديتي تحسين الالم كني انا الله يولدك على خير وصادقه ياعمري حتى انا احس كاني وسط خواتي الله يجمعنا بلخير وكل يوم اجري وافتح عشان اشوف اخباركم ..ومراجعتي كانت تمام الحمدلله ولسى لي 12 يوم في الثامن فكرت لي نص في الثامن اهي اهي اهي يله الله يهونها علينا كلنا....
تاليا ايش الاخبار ان شاء الله بخير ومبروك شريط الحمل خبرك اختك احتست الين سويت الشريط وعاد طلع وماادري كيييييييييييييييييييييف ههههههه الا وينكم اليوم من الصبح ادخل ومااحصل احد وينكم ....

[حبلا]

تكفون يابنأت كتبت موضوع ولاحد رد شوفو »» السﻼ‌م عليكم*
بأبدا بالموضوع ع طول
الجنين مافي نبض ونازل من مكانه والحجم ماتغير من اخر مره في السونار 6اسابيع*
مع ان الحين بسابع اسبوع مافي نمو وﻻ‌ كبر*

وضرس العقل مفتوحح ع بمووووت منه صب وطايحه الحشوه ولحل؟؟؟؟؟؟؟

[thalia20]

امولة ياقلبي الله يخلي لك عيالك يارب واذا ولدتي بشرينا عنك
صح وش عندك ماشا الله بنت ولا ولد
ام يونس طلعت شطورة ههههههه صح
والله الصبح انا اصحى الظهر صرت واجد انام مع الحمل
اصحى الظهر وافرفر لي شوي فالبيت والمسا افضا عاد صرت مدمنة منتدى حوامل ههه
الله يسعدكم يارب
حبلى غلاتي والله مدري وش ارد عليك جد مو عارفه بس لازم الدكتورة حقتك هي لي تعلمك وش صاير
الله يثبت لك الحمل يارب وحاولي ترتاحي جسديا ونفسيا

[أمووله]

هلا حبلى حبيبتي انا مابي اخوفك بس المفروض يكون النبض مبين خلاص
بس سالفة الضرس والله ماعندي علم
ربي يتمم حملك بخير ويكتب لك الخير فيه
ام يونس الله يطمنك وطالما كل شي تمام ماعليك بتعدي الايام ان شاءالله
تاليا هلا ياقلبي قالت الدكتوره معي ولد بإذن الله
واكيد لما اولد راح ابشركم ع طوول

[thalia20]

الله يخليه لك يارب
ياليت تفيديني شوي لان مدري امي وصحبتي يقولون لي عندك ولد احساس ههههه وانا اتمنى بنوتة
فيه فرق بين حمل البنت والولد يعني لاحظتي ها الشي ولا لا
اتمنى حتى الباقي يفيدوني
للعلم انا بكرية والوحام الحمد لله مررره خفيف بس النفسية زفت شعري يتساقط بقوة والاكل وقفت عنه لمدة شهرين كرهت كل شي
بس الحمد لله رجعت اكل طلع لي خط تحت السره فالشهر الثاني بني فاتح ومستقيم على ما اعتقد وكني حسيت بنبض جنين امس ههههه مدري هو ولا لا
ما اشتهيت شي معبن يعني اكل شيبس حار فشار مالح فواكه شوكولاته مصاص وجبنة كيري هذول الي حبيتهم زيادة
ايش تتوقعون عندي بنوتة ولا ولد من تجاربكم السابقه

[أمووله]

الله يرزقك باللي تتمنيه ياارب
انا حملي هذا توحمت ع الشوكولا والحلى مررره
لدرجة خفت يجيني سكر حمل الله يبعده عنا يارب
وتوحمت ع الفلافل واحس ان البيبي حركته في اليسار
اكثر شي زي حملي بولدي الاول
البنت كانت ع اليسار وكان حملها خفيف
بس هذا واخوه ثقل موطبيعي والم بالظهر
اتوقع معاك ولد والله اعلم ههههههه

[أمووله]

بالنسبه للخط البني طلع لي بكل حملي
بس انا قاسم البطن كله من فوق لتحت السره

[ام يونس123]

هلا حبلا ماتشوفي شر بس احنا مارح ننصحك بشي زي الدكتوره اهي الي ادرى بهشي والله يطمنك على جنينك اللهم امين

[ام يونس123]

هلا بنات كيف الحال الظاهر ماجاينا نوم اليوم بنات والله الوحام مو شرط يفتهم ببنت ولا ولد يعني انا ببناتي حملي مره بطني كبيره وثقيله وبولدي صغيره وخفيفه يعني موشرط والحين صحيح صغيره بطني بس احس بثقل وفي بداية الوحام كنت اكره الشوكلاته والحلويات بس ابغى موالح وحوامض والحين ابغى كيككككككككككككككككك اموت فيه بلكريمه يم يم يعني يختلف الوحام من وحده لوحده مو صح

[ام يونس123]

وينكم بنات قلنا اليوم صباحي ايش نمتوا

[شموع العلم]

صباااااااااااااااااااااااااااااااااااااااااااااااا ح الخيررررررررررررر حلواتي
اخبار الحوامل
عذرنا علي التاخيررررررررر يا حلوات
امس كنت تعبانة حيل خموووووووول وكسل وتعب كانة تسمم ونوووووووووم وزوجي نفس الاعراض
رغم اني ما سويت الا محشي رغم اني شاكة باللحمة اللي اشتريتها لمن طبختها احس لها ريحة
قلت اكيد وحااااااااااااام وعاد انا توحمت في كره اللحم يا ربي
لكن امس تقولوا ميتة
الحمد لله اصبحت اليوم زينة بس لا زلت تعبانة شوية خاصة الم اسفل البطن
ودوبي مخلصة المضاد جلمنتين ولازال الالتهاب المسالك متعبني خاصة احسة يزيد مع الجماااااااااع
وشكلي بروح لعزة تشوف حالي
ومحتارة ما بين عزة ونعيمة
لاني مسافرة شهر 7 الي ابها مع اهلي نصيف يا حلوووووووووووووووووها
وما ابي اروح الا وانا طيبة ان شاء الله
صح هدرتي كثيرررررررررررة

[زوجه العمده]

اهلا وسهلا بالكروشاااااااااااات ...اخباركم علومكم ..
بشوني عنكم

[thalia20]

امولة انتي بعد ههههههه
يلا اهم شي الصحه والعافية والدين مافي فرق بين بنت ولا ولد كلهم حلوين
ام يونس صادقة الوحام يختلف والنفسية بعد تاثر فيه وش عندك ماشا الله بنوتة ولا ولد
شموعة ما تشوفي شر يارب انتبهي من الاكل اذا شكيتي فيه الله يعطيك العافية يارب ويحفظك

[thalia20]

حياكك الله زوجة العمدة
الحمد لله حنا بخير انتي كيفك طمنينا عنك

[thalia20]

ام يونس ان شاء الله يوم الخميس الصباح بروح الدكتورة نعيمة
عندي سؤال لو سمحتي السونار حقها ثلاثي الابعاد ولا العادي الي بالاسود والازرق

[أمووله]

سلامتك شموع العلم انتبهي من الاكل انا حصلي
كذا تسمم وربي شفت المووووت
هلا زوجة العمده احنا بخير علووومگ انتي
تاليا صحيح اهم شي الخلقه التامه والصحه والعافيه
بخصوص سونار نعيمه اتوقع انه العادي الاسود
لان حتى عزه بغرفتها الاسود بس ثلاثي الابعاد
يكون بغرفه ثانيه غير العياده الي يكونو فيها الدكتورات
والسونار الثلاثي بيكون حسابه غير واغلى لكن الي في غرفتها
بيكون حسابه داخل مع حساب الكشف العادي
انا كمان مراجعتي الخميس قالت لي بما انك دخلتي
التاسع لازم اشوفك كل اسبوع والله يعيني كل خميس اكون
عندهااااااا
وربي يسهل علينا يااااارب ويقومنا بالسلامه

[وردة العشاق 2]

هلا

حوامل اهل الدمام انا بعد حامل بس بشهور الاولى بس

تدكتوره اليوم سوت لي سونار وقلت لي مافي نبض لانه
توني لي سبع اسابيع هو متى يكون نبض الجنين يتكون

[thalia20]

مشكورة امولة يعطيك العافيه
يعني بنتلقي فغرفة الاستقبال ههههههه

وردة العشاق انا بان عندي النبض فالاسبوع 6
وكل جنين يختلف عن الثاني
كيفك مع الوحام طمنينا
الله يهون عليك

[*بسمة *]

السلام عليكم ياحوامل

انا عضوه جديده وتوني مسجله بالمنتدى ومن الدمام
وبكره بأّذن الله بدش الشهر السادس ااااه واخيرااا
بس صاير ينزل مني ماي وحدي مستغربه تو الناس عليه احس
وانتوا شرايكم ؟؟

[أمووله]

هلا وردة العشاق انا بين النبض بالاسبوع الثامن
يمكن انتي لسى صغير علشان كذا مابين
وين تراجعين
بسمه هلا فيك ربي يتمم حملك بخير
انتبهي من المويه الي تنزل راجعي الدكتوره
وشوفي يمكن تكون افرازات عاديه واحتمال تكون
موية الجنين الله يطمن قلبك يارب
تاليا خلاص نتقابل ع خير ان شاءالله بس ذي اول
زياره لك عند نعيمه

[thalia20]

ايوه امولة اول زياره لي
بنقل من مواساة لاسطون ان شاء الله

[thalia20]

حياك الله بسمة منورة
الله يتمم لكطط بالخير يارب
ماعندي معلومة عن الماي ان شا الله البنات يفيدوك

[thalia20]

بنات الله يستر شكل بتجيني انفلونزا
حلقي مررره كنه مجروح شكلها بداية الرض
لما اعطس احس بشد قوي فبطني
ايش اسوي عشان لا تجيني كحة من جد خايفه

[أمووله]

سلامتك ياتاليا
بسرعه اخذي لك ليمون مع عسل
اوليمون لوحده وعسل مع حبه سودا
وماتشوفين شر

[thalia20]

الحين بسويه ان شا الله
تسلمي
اخدت لي مصاص حق الحلق بالبرتقال
وسويت كوب حبق سمعت انه مفيد للبرد
والله الشافي

[شموع العلم]

سلااااااااااااااااااااااااام صبايا اخباركم

اخبارك الحلوين اللي يعشون وياكم.......... انا تماااااااااااااام الحمد لله زينة

بس خاطرررررررري معكرررررررررر متهاوشة مع زوجي لسبب تافهة ربي يخارجنا منة

اموري زينة بس المبيض الايسر مرة يوجعني مع نغزة بالرحم وربي يستر والي اللحين ما ظهر لي بطن رغم اني

داشة علي الاسبوع 16 من الحمل

وعلي فكرة نعيمة تقول لكم وش جنس الجنين اللي يراجعون لهااااااااااا

امولة ربي يعافيك ويكثر خيرك وربي يعينك ويسر ولادتك

واموسونس وينها غاطسة

تاليا سلامتك يا حلوة وطمنينا عليك والليمون هو العلاج ان شاء الله

هلااااااااااااااااااا بالضيوف الجدد

[*بسمة *]

السلام عليكم
تاليا مثل ماقالوا الليمون مع العسل مفيييييد جدا
ولاتشربين اشيا بارده هالفتره لان اذا جات الكحه شيفكك منها
الله يعطيش الصحه والعافيه

[ام فطومي الحلوه]

مرحباً يا حوامل شخباااااااركم
انا عضوه جديده وحامل توني بداية السابع
الله يسهل علي وعليكم
بس حبيت اسأل من اللي مثلي تتألم من الام الظهر حيل متعبتني

[ام فطومي الحلوه]

إيه صج بسالكم منو اللي توها والده في اسطونانا ولدت فيه قبل ست سنين وكانت العنايه فيه روعه
بس الحين خايفه لانه الدكتوره سناء. راحت. وانا الحين عند الدكتوره دعاء شرايكم فيها
ونظافة الغرف شلون كويسه

[thalia20]

سلااااااااااااااااااااااااام صبايا اخباركم

اخبارك الحلوين اللي يعشون وياكم.......... انا تماااااااااااااام الحمد لله زينة

بس خاطرررررررري معكرررررررررر متهاوشة مع زوجي لسبب تافهة ربي يخارجنا منة

اموري زينة بس المبيض الايسر مرة يوجعني مع نغزة بالرحم وربي يستر والي اللحين ما ظهر لي بطن رغم اني

داشة علي الاسبوع 16 من الحمل

وعلي فكرة نعيمة تقول لكم وش جنس الجنين اللي يراجعون لهااااااااااا

امولة ربي يعافيك ويكثر خيرك وربي يعينك ويسر ولادتك

واموسونس وينها غاطسة

تاليا سلامتك يا حلوة وطمنينا عليك والليمون هو العلاج ان شاء الله

هلااااااااااااااااااا بالضيوف الجدد


اهلين شموعة ماتشوفين شر يالغلا
انا لحين فالاسبوغ العاشر والبطن ظهر هههههههه كني فخمس اشهر
روقي يالغالية وطنشي انتي حامل انتبهي على البيبي ولا تخلون الامور تكبر من اتفه شي
روحي انتي وراضيه حتى لو هو الغلطان عشان نفسيتك ونفسية البيبي
الله يسخر لك زوجك يارب ويهون عليك الحمل

[thalia20]

بسمة تسلمي يالغلا اخدت ليمون الحمد لله ويارب يجيب الشفا
ام فطومي الله يسهل عليك الحمل يالغلا وتولدين بالسلامة انا عني بكرية بس ان شا الله ناوية اولد فيه يقولون حلو ومدري

[thalia20]

ام يونس وين الغيبه عسى ماشر

[أمووله]

هلاااا شموعه شخبارك اذا انتي بكريه ماراح يطلع بطن
الا بالسادس انا كنت كذا ونعيمه اتوقع تقول الجنس
لان انا عند عزه وقالت لي الجنس بدون ماسألها بس كنت عارفه
اش معي وهي اكدت لي ولاااااتعكرين مزاجك ياحلوه
مافي بيت مافيه مشاكل حتى ع اتفه الامور وربي يهون عليك......
ام فطومي هلا فيك يالغلا منوره
انا معي الم الظهر من الشهر السادس والحين زايد
وبقوووووه وربي لدرجة اني ببكي من شدة الالم
ماقدر اجلس ولا اوقف وحتى وانا نايمه اتعذب بس ربي
يهووونها ان شاءالله
وبخصوص اسطون انا اول مره اولد فيه وراح اكون عند عزه
بس كثير يمدحون العنايه عندهم والحين جالسين يعدلون
في المبنى وكمان دعاء يمدحونها وشكلها حبوبه وطيوبه
بس اغلبنا بنكون في اسطون وانا اول وحده راح اولد
وبخبركم بكل شي من عنايه ونظافه واهتمام

[أمووله]

بنات اليوم جاني طلق مررره قويوربي حسيت
اني بولد تخيلوا من الساعه 6 لحد الساعه 10 الصباح
وانا اتألم مع اني لسى ماخذه اسبوع من التاسع
والم بفخوذي وظهري
بكره مراجعتي الله ييسر اموري واموركم ويسهل علينا يااااارب

[ام فطومي الحلوه]

بنات اليوم جاني طلق مررره قويوربي حسيت
اني بولد تخيلوا من الساعه 6 لحد الساعه 10 الصباح
وانا اتألم مع اني لسى ماخذه اسبوع من التاسع
والم بفخوذي وظهري
بكره مراجعتي الله ييسر اموري واموركم ويسهل علينا يااااارب







الله يسهل عليك وتقومين بالسلامه وتفتكين من التعب. والكروشه

[thalia20]

امولة ياقلبي الله يهون عليك
ادا رحتي بكره طمنينا عليك
اكيد النونو يبغا يطلع خلاص طفش هههههههه
وانتي بعد ترتاحين شوي
شدي حيلك ربي يهونها عليك وكثري من اكل التمر والعسل الحر
وارتاحي لا تمشين واجد
عشان يبقا فيك حيل تولدي
ربي معاك

[*بسمة *]

بنات اليوم جاني طلق مررره قويوربي حسيت
اني بولد تخيلوا من الساعه 6 لحد الساعه 10 الصباح
وانا اتألم مع اني لسى ماخذه اسبوع من التاسع
والم بفخوذي وظهري
بكره مراجعتي الله ييسر اموري واموركم ويسهل علينا يااااارب

الله يسهل عليك يارب وتولدين ولاده سهله

[هنّوسه]

بنااااااات

انقذوووني
تعبت من زوجي وحركاته الماصخة hwaml93

[أمووله]

الله يسلمك ياااارب
وياااارب يسهل علينا جميعا

هنووسه سلآمات عسى ماشر الله يهديكم ويسخركم لبعض

[thalia20]

امولة طمنينا وش قالت لك الدكتورة
انا رحت اليوم فتحت ملف فاسطون ودخلت عند نعيمة ماكان عندها زحمة وااجد
عملت لي سونار وشفت البيبي ماشا الله صغنون ويحرك يده ههه
احسها طيوبة وكويسة ووصفت لي فيتامينات
بس زوجي ماعجبه المستشفى يقول لي قديم بالاخص لما قالو له راح تولد فغرفة مشتركة
عصب هههه بس انا احسها عادي حلو منها اتونس وماقعد بروحي شرايكم
وش احسن

[شموع العلم]

هلااااااااااااااااا بالحوامل الحلوات
اهلين امولة سلامتك يالغالية ما تشوفي شرررر هذا بوادر ولادتك اهم شي اهتمي بنفسك وكثري الحركة والمشي
والتمارين الخفيفة وشرب الاشياء الحارررة وخليك من الباردة
اما انا هذا حملي الثالث عندي ولد عمرة 9 سنوات والثاني اسقاط وهذا الثالث واما بطني بارز من تحت السر كتلة
تاليا عمري اخبارك وربي يبلغك النون ويقر عينك فية ويسعدك
اما هنوسة ربي يعيننا والله عندي زوج لنا 4 ايام مشاكل تقفل من هنا وافتحها من هنا لاني اناقشة وبارد ولا عنده
ويقفل علي السالفة بدون اي حل وانا اجلس تعبانة من داخلي من القهر
والله اني اكتب وقلبي تعبان منه حسبي الله ونعم الوكيل والله انه افطر وخرج ولا عنده في وجهي
لا يفوتك انا زوجة ثانية وسبب مشاكل زوجتة الاولة
احمدي ربي حالك مو مثلي ولا لي احد هنا بالشرقية كل اهلي بالرياض
وربي يحلها من عنده

[شموع العلم]

وين ام يونس لها ايااااااااااااااااااااااااام ما شفناها ربي يحفظها

[thalia20]

شموعة انا بخير تسلمي
انتي كيفك وكيف النونو
انتي لحين حامل استمتعي باللحظة وطنشي المشاكل والله ماتستاهل
خليك قوية ربي يعينك ويسخر لك زوجك يارب ويبعد عنكم كل شر

[حبلا]

مرحبا بنات كيف اعرف اذا فيه نبض ؟

[أمووله]

هلا تاليا رحت اليوم راجعت عند عزه وكل شي تمام الحمدلله
والحمدلله تطمنت ان عزه هي الي تولد مو صحيح الي انقال
عنها انها بس تولد قيصري كلمنا مدير العيادات وهو قالنا
ان عزه تولد طبيعي وتكون موجوده ع طول بس يقول
اذا صار لهاا ظرف طارئ وخارج عن ارادتها ممكن في الحاله
ذي مساعدتها الباكستانيه هي الي تولد وبس وقال لزوجي
نصيييييحه ماتغير من عند عزه خليك معاها والحمدلله تطمنت
كنت قلقانه شوي
وبخصوص الغرفه ياتاليا مدير العيادات قال
لزوجي عندك تختار غرفتين المشتركه ب4200 والخاصه ب4600
قال زوجي لانبي خاصه قال ع راحتك انتي مين قالك انها غرف مشتركه
فقط
شموع العلم زي ماقالت تاليا انتبهي ع نفسك
وعلى حملك والمشاكل عمرها ماتخلص بالعكس طنشي
والا قلبك بيمرض الرجال ماحد يعطيهم وجه بس اذا طنشناهم يرجعوا هم يعتذروا
واذا انك زوجه ثانيه وقصدك زوجك مستغني عنك بزوجته الاولى
فما ظنيت هالشي صح بالعكس تلاقي مكانك في قلبه
وربي يسخركم لبعض ويبعد عنكم الشيطان
ام يونس فقدناك ياعسل عسى المانع خير ان شاءالله تكوني طيبه

[أمووله]

حبلى علشان تطمني ع النبض لازم تروحي الدكتوره تعملك سونار
لان من دون سونار ماراح تسمعين نبض
وربي يتمم حملك ع خير

[حبلا]

رحت مابين بس لدكتوره 2وقالت توني بالاسبوع
5
المهم انا مسدوده شهيتي لي كم يوم وش اسوي
وش اكل جوعانه وماني مشتهيه شي هع

[أمووله]

5 اسابيع لسى صغير مايبين انتظري لين تكملي 7 اسابيع
ووراح يبين معك ان شاالله
بالنسبه للاكل كثري فواكه واشربي حليب وشابوره
حلوه للوحم حاولي تبعدي شوي عن الاكل الزفر
وكللي تمررر
وربي يسهللك

[حبلا]

تسلمين اموله

[حبلا]

طفشانه وزوجي مسافر مين موجوده تسولف معي ~_^

[thalia20]

اهلين امولة الحمد لله
تولدين بالسلامة يارب
انا خلاص شكلي بكمل عند نعيمة واتوكل على الله
واذا ولدتي تكفين لا تنسيني خشي واكتبي تقريرك على المستشفى وكيف الولادة فيه وكيف العناية

حبلى استني ولا توسوسي لسة صغنون ما يبين النبض الحين
اطمني يا حلوة

[حبلا]

تاليا الله يستر

[أمووله]

اووووك اكيد راح اقولكم عن كل شي بالتفصيل

[شموع العلم]

سلااااااااااااااااااام

امولة ربي يعافيك وزين كل شي تمام وكلامك زين وبعد طمني بس الولادة في اسطون كم تكلف

تاليا شكرا يالغالية وربي يحلها

تدرون زوجي وش السالفة اللي طلعت معاه اليوم يقول اكيد هذا المشاكل سببة عين عندك بوديك شيخ موسوس الرجال

المهم العصر حسيت الاللم زادت وما عاد اتحمل جنبي من تحت علي المبيض وظهري

رحت نعيمة رغم زوجي يقول لا غير عزة ما تروحي المهم ما لقيت عزة ما عندهل عيادة العصر

طلبته ادخل نعيمة علشان الالام طمنتي كل شي تمام بس قالت اكيد هذا من الالتهابات سوت لي تحاليل

وقالت انتي عندك بنوتة زوجي طار من الفرحة يبي بنت اما انااا حزززززينة كنت اتمنى ولد نفسي بولد لكن الحمد لله

دعوة مرت اخوي اجيب درزن بنات ههههههههه

قالت ترجعي لي الثلاثاء علشان اشوف النتائج واعطيك العلاج للالتهابات

وربي يسرها

اليوم وانا بالاستراحة اطالع بالحريم اقول ياليت امولة وام يونس وتاليا معاي واشوفهم افكر انا في ايش والناس بايش

ام يونس وش اخبارها ربي يسر امرها ويعينها

بنات ابي احسن مكان ملابس حوامل خاصة البناطيل والتنانير

اشوفكم ان شاء الله بكرة منتهية وابي انام عاد وحدانية الليلة

[maesooo]

السلام
انا بعد رحت لاسطون
بس دخلت عند دكتوره دعاء
ما ادري احترت اي وحده ادخل ودخلت عندها ما ادري المره الجايه ادخل عندها ولا اغير اروح لعزه

[أسيرة زوجي]

السلام عليكم و رحمة الله و بركاته

أنا أخت جديدة لكم مش من بلدكم ، بس حبيت أتشرف بمعرفتكم

الله يتمملكم بخير و عافية، و يرزقكم الذرية الصالحة المعافاة

و الله يرزق كل وحدة ما تتمناه يا رب

تقبلوني كأخت لكم

[أمووله]

هلا ياحلووات كيفكم وجمعه مباركه
الحمدالله شموع انك تطمنتي نعيمه يمدحوها
والولاده عندهم الغرفه المشتركه ب4200 والخاصه ب4600
ههههه ليه ماعزمتينا بالاستراحه الله يسعدك
ووربي يهديك انتي وزوجك ويسخركم لبعض اللهم آميين)"]بعدين البنت والولد كلهم حلوين اهم
شي الصحه والعافيه وماعليه خلصي النفاس واحملي مره ثانيه خخخخ
[=""]هلا ميسوو حياك الله شوفي اسطون افضل
دكتوره فيه ع الاطلاق عزه بدون منازع حتى كنت بغير لنعيمه
ومدير العيادات قال لزوجي نصيحه ماتغيرها صح زحمتها لاتطاق
لكن هي الافضل وربي يسهلك
اسيرة زوجي هلا ومرحبا فيك بين اخواتك وتشرفنا بمعرفتك وربي يتمم لك بخير ان شاءالله[/color]*

[maesooo]

ليش ما اشوف توقيعي

[memaya]

صباحكم بنات انا اخت جديدة برضة فى المنتدى وعايشه فى الخبر ومش من بلدكم واتمنى تقبلونى اخت ليكم هنا انا لسه متجوزة جديد ولسه مش حامل بس يا رب ان شاء الله يرزقنى قريب :)

[memaya]

السلام عليكم و رحمة الله و بركاته

أنا أخت جديدة لكم مش من بلدكم ، بس حبيت أتشرف بمعرفتكم

الله يتمملكم بخير و عافية، و يرزقكم الذرية الصالحة المعافاة

و الله يرزق كل وحدة ما تتمناه يا رب

تقبلوني كأخت لكم

اهلا اسيرة زوجى ... انتى مصريه؟

[Didi]

مساء الخير يا جميلات

انا في الاسبوع الثامن وماشيه في الاسبوع التاسع تتوقعون لو اسوي سونار يبين النونو ؟ ولا استنى الين اخلص الشهر الثالث يعني في الاسبوع 12 ؟

[*بسمة *]

مرحباااا بنات شلونكم شالاخبار

الله يسهل لكم ياحوامل ويفرحكم بالجنين السليم وجمعه مبااااركه للجميع انشالله

Didi رح يبين النبض وجنين صغيييير بالمره ماتعرفين منه شي
بس اذا بغيتي تعرفين جنس البيبي من الرابع بعضهم يبين والله يتمم لك على خير

[أمووله]

حياك الله ميمي بين اخواتك مفيده ومستفيده
وربي يرزقك بالحمل والذريه الصالحه[
ديدي انا لما رحت في الاسبوع التاسع قالت
لسى صغير مره وانتظرت لحد ماخلصت الثالث
وبين
ميسوو تأكدي انك سويتي حفظ للتوقيع

[thalia20]

اهلين بنات كيفكم
جمعة مباركة عليناوعليكم
امولة كيفك يا بنت وكيف النونو اهم شي يلعب كورا جوا هاه ههههه
شموعه ياقلبي والله كسرتي خاطري احنا هون بالكتابة وقلوبنا مع بعض حتىى لو مانعرف بعض
وفرحت لك ترى البنات حلوين ادعي لي ربي يرزقني بنوتة
حبلى كيفك اليوم الله يرجع لك زوجك سالم يارب
والبنات الجدد حياهم الله اسفرت ونورت

صحيح بنات دلوني على محل ملابس حوامل فالدمام ماعرف شي هنا الله يعين

[*بسمة *]

في بمارينا محلين لملابس الحوامل حلوين
]بس والله موذاكره اساميهم
انشالله البنات يعرفون ويفيدونك اكثر

[thalia20]

مارينا مول
تسلمي بسمة ان شا الله اروح وافرفر فيه لين القاه
من جد تبهدلت مع الملابس البناطيل كلها قطعتهم من فوق هههه صار المغاط يضايقني

[أمووله]

هلا تاليا شلونك كنت امشي وامشي وامشي
تعبت وانهد حيلي وزوجي يقول امشي علشان تولدي
ههههههههه والنونو ماشاءالله يلعب كوره هجووم بعد
الله يحفظلنا ماعطانا اللهم آمييييييييين
بخصوص ملابس الحوامل صح في المارينا
عندك لواء ومراحل بس مدري ليه مايعجبوني مررره
وعندك في سيتي ماكس الي بالعثيم مرره حلوه شفتها
قبل فتره وتريها تختلف عن سيتي ماكس الي بالكورنيش
والي مقابل الحياة بلازا يعني الافضل الي بالعثيم
وكمان بالحياة بلازا واحد حلو والله ملابسهم نعومه بس مكتوب ع الباب ملابس حوامل
وربي يسهللك

[thalia20]

تسلمي امولة
الله يخليكم لبعض يارب
بس ترى مو زين تمشين واجد لما تقربي تولدي
كلي بس تمر ونامي ارتاحي عشان يبقا فيك حيل للولادة
اذكر مرت عمي اتعبت نفسها بالمشي يوم بغت تولد ماقدرت
ولا قدر البيبي يطلع هلكان بعد
الدكتورة هاوشتها وهاوشت امها قالت لها بنتك مافيها حيل تسوي شي
تعبانه علاخر
الله يسهل لك حاولي ترتاحي

[maesooo]

اموووله الله يسهل عليكي وتولدي بالسلامه
سويت حفظ للتوقيع بس ما ادري ليش مايطلع :(

[maesooo]

ههههههههههههههه
طلع اخيرا :) (:

[أمووله]

هههههههه اخيرا طلع ياحليله صغنون ربي يحفظه
ويتمم لك بخير
خوفتيني تاليا وربي مشيت كثير
الين حسيت ان النونو نزل ع الحوض
بس قلت بستغل الجووو كان مره حلو

[ام يونس123]

السسسسسسسسسسسسسسسسسسسسلام علييييييييييكم
كيفكم ياكروشات وحشتوننننننننننننننننننننننننننننننننننننننننننننن نننننننننننننننننننننننننننننننننننننني والله فقدتكم امووله وتاليا
وشموع العلم وحبلا والله لكم وحشه تدرون الي قطعني عنكم خرب الموس وزوجي كان مسافر واخخخخخخخخخخ والله ضاق
صدري وتونا اليوم جاب لي ماوس والله طرت من الفرح بنات سامحوني مااقدر ارد على كل الكلام الي كتبتوه بس انا قريته كله فديتكم والله لكم وحشه ماشاءالله كثروا في التجمع كروشات جدد واهلالالالالالالالالالالالالالالالالالالا وسهلالالالالالالالالالالالالالا فيهم بنات يعطيكم العافيه على سالكم عني والحين نتواصل ...

[ام يونس123]

امووله انتي موجوده اذا حابه نسولف شويه تعالي لاني والله مشتاقه اسولف معاكم

[*بسمة *]

حوامل وكروشات الدمام شلونكم
عندي سؤال
منو يعرف فيكم اشعة رباعية الابعاد ومنو سواها ومتى افضل وقت ووين احسن مستشفى يعطونش صور عدله
واهم شي السعر بككككم ؟؟؟
يالله عاد لاتخيبون املي فيكم ياحلوين

[ام يونس123]

امووله الا قوليلي متى ارتب شنطة المستشفى انا الحين لي باقي 13 يوم وان شاء الله ادخل التاسع والله يتمم لي ولك ولكل البنات الي ويانما اللهم امين

[ام يونس123]

هلا بسمه في في اسطون انا كنت ناويه اسويها ولما دريت انه دكتور الي يسويها هونت واضنها 150 ريال اضن وبس يصور الراس مثل ماقالوا لي هذا الي ادري عنه

[maesooo]

هااااااااي
اول مره اسمع بالصوره الرباعيه اللي اعرفه 3d
شنو فايدتها بس تشوفين الشكل؟؟؟؟؟؟؟؟

[thalia20]

امولة زين انه نزل الحوض يعني خلاص الحين ارتاحي اهم شي نزل عشان يطلع بسرعه
الله يسهلك ياقلبي كم باقي لك للولاده ؟؟؟

[thalia20]

اهليييييييييييييييين وسهليييييييييييين شموعه
تو مانور التجمع
افا على الماوس اوريه بس هههه
من جد كان بالنا معك
الحمد لله على سلامتك
كيف النونو حبيب قلبو ان شا الله منيح
بوسيه لي بدالك
ودعواتكم نفسي احس بالنونو حقي يركلني ههههه

بسمة ميسوو كيفكم ياحلوات وكيف الوحام معكم الله يثبت لكم الحمل يارب

السوناري رباعي الابعاد اتوقع تشوفين البيبي شكل وجهه زين كنه على الطبيعه
بس احسن ما يحتاج خلي لين تتفاجئي بشكله بعد ماتولدي بس هو اعتقد اغلى من السونار العادي

[thalia20]

هذا السونار 4d

http://forum.hwaml.com/imgcache2/hwaml.com_1335613837_138.jpg


http://forum.hwaml.com/imgcache2/hwaml.com_1335613836_528.jpg

[ام فطومي الحلوه]

شوقتوني اسوي رباعي الأبعاد بس وين اسويه في الدمام لانه مستشفى اسطون رجال
ياليت اللي تعرف تعطينا خبر

[أمووله]

حياالله ام يونس شخبارك زين ان المشكله بالماوس
افتقدناك والله انا ياطويلة العمر للحين مارتبت الشنطه
كل ماشوف ملابس البيبي يجيني خوفً ومغص
وانا الحين دخلت الاسبوع الثاني من التاسع
ان شاءالله برتبها نهاية الاسبوع هذا وانتي كمان
اصبري لحد ماتدخلي التاسع او اذا حابه تعطي نفسك
حافز وتشجيع ان ولادتك قربت فرتبيها من الحين
وربي يتمم لنا بخير ياااربهااااي تاليا انا لسى ع ولادتي
تقريبا عشرين يوم ينكتب تحت في التوقيع
وانتي لسى قدامك 203 ايااام الله يعديها ع خير

[أمووله]

تاليا عقبال مايتحرك البيبي حقك
وقتها ماعاد بتقدرين تنامي ع الجنبين
لما انام ع اليسار يجلس يتحرك لحد ماقلب ع اليمين
واذا نمت ع اليمين نفس الشي صرت في دوامه وصار نومي
مرره قليل الله يعيينا ونرتاااااح

[thalia20]

هههههههه امولة

ليه هو يالم لما يبدا يتحرك ولا ايش ؟؟؟؟

[أمووله]

ههههه لامايألم بالعكس رووووعه هالاحساس
بس اقصد ماعاد بترتاحين في النوم ترفيسً
ووقت الاكل لازم ظهرك مستقيم لان لو نزلتي
ظهرك بيرفس ومابتاكلين وانتي مرتاحه
طبعا هذا يبدا من الشهر السابع لما يكبر

[thalia20]

ههههههههههه ياحلوهم والله
الله يبلغني واحس بها الشعور يارب

امولة كثري تمر وعسل حر
عشان تسهل الولاده واتكلمي مع البيبي حقك كثييييييييييير عشان يعرفك فوق الولاده ويطلع بسرعه

[ام يونس123]

هلا امووله الله يحيش ويبيش والله لكم وحشه شخباركم امووله ليه للحين ماجهزتي الشنطه لا لازم من الحين ترتبيها انا احب ارتبها من اخر الثامن مايندرا ايش يصير تدرين احنا يلي ولدنا من قبل ممكن ماندخل كثير في التاسع ..عاد انا الحين بديت انظف وارتب في البيت من شان الولاده وبغيت اسالكم عندي الكنب فيه سحاب وممكن اغسله بس الي تحطين يدك عليها مااعرف كيف انظفه حاولت انظف مافي فايده ودخلت في النت كمان مافي شي استفدت منه ولاتقولين كلور لان الكنب موفي غامق المهم اذا عندكم يابنات اي طريقه للتنظيف دلوني عليها الله يعافيكم..الا امووله خبريني وين بتطهرين للبيبي في اسطون ضروري تردين علي
تاليا تسلمون والله عترحيب والله انا كمان فقدتكم والله يبلغك ترفيس مثل مابلغنا وصحيح احساس ماينوصف ابد لما تحسين ترفيس البيبي والله مرات تخذني العبره وانا اطالع فيه ماشاءالله تبارك الله والله يكتب لنا كلنا ولاده ميسره وفي ساعه طيبه ويكتب لنا الاجر اللهم امييييينننننننننن...

[thalia20]

والله شوقتيني مررره ام يونس
متى يجي داك اليوم بس
بالنسبة للكنب انا اطلعه للسطح او الحوش وانظفه بالماي والتايد وما اكثر ماي وااجد واخليه يتشمس
وادا ماتقدرين جيبي منشفة مبلولة بالتايد وابدي اضربي فالكنب حتشوفي الاوساخ تلزق فالمنشفة بعدين منشفة فيها ماي لحالها
بعدين عطري وخلاص

[أمووله]

هلا ام يونس خلاص برتبها الحين >>>>خآاافت
بالنسبه للتطهير ماعتقد اني بطهر باسطون لاني بحثت
في النت ماحلصت اي شي بخصوص الطهاره في اسطون
بس قريت في مستوصف الاحمدي اذا تعرفيه يقولون طهارتهم حلوه
وكمان بسعد التخصصي يمدحوا طهارتهم مرره يقولو بالحلقه
بس اكيد زوجي بيسأل ونشوف وين احسن واحد
واقولك اكيد ان شاءالله
بخصوص الكنب لاتسحبيه يمكن يضرك انا انظف مكان اليد بنفس مكانه
انظفه باريل وماشاالله يرجع كنه جديد وافتح المكيف عليه
واعطره وووبس جارتي تمدح فانش بس انا ماقد جربته

[مجنون فيكـ]

يسعدلي مساكم حبايبي

[ام يونس123]

تاليا يعطيك الف عافيه انا كذا اسوي بس المكان الي تحطي ايدك فيه هوه الي وسخان ولما انظف كانه يزيد يطبع المكان اما تلبيسة الكنب كله ينشال واغسله في الغساله .....
بصراحه مثل ماقلتي حركة الجنين تزيد من محبتك له لما يتحرك وفي كل حركه يتحركها تحسين باحساس غريب مختلط من العبره والحب والشوق والحنان لالالالالا شكلي بغني لك الاماكن كلها هههههههههههههه...