ديوانية البحرين - دردشة حوامل البحرين - البحرينيات

[**سماسم**]

بسم الله الرحمن الرحيم
فتحنا هذا التجمع من أجلكن لتبادل الخبرات والمعرفه بخصوص الحمل بهذه الفتره ..
ونتمنى مراعاة الآتي حتى لاتتعرضين للتوقيف والحضر من المنتدى :



عدم التدخل بخصوصيات العضوه .
أحترام وجهات النظر وعدم الشتم والتجريح والكلمات الغير لائقه لأي عضوه .
تبادل الإميلات والأرقام وروابط المواقع داخل التجمع ممنوع .
يمنع تنزيل أي عمل تجاري أو عروض داخل التجمع.
يمنع التطرق والتعرض للأعراض أو للعنصريه أو للقبليه أو الطائفية والتي بها تجاوزات دينيه وسياسيه.
يمنع فتح تجمعات إلا بعد التنسيق مع مشرفات القسم أو الإداره .





نتمنى التعاون معنى وأتباع قوانينا التي وضعت من أجلكن لتتمتعن بدردشه راقيه وذات فائده
,,

[نونو82]

مبروك الافتتاح الجديد

[امل الوجود]

هلا و الله باهل ديرتي ...

ومبروك الافتتااح ...


ان شاء يكون المكان عامر ...


ونتبادل الخبرات و المعلومات

[بنوته شي]

حياكم الله من جديد

[أسيرة عيونه]

مرحبا ..!

شخبااركم؟

وشخبار الحمل وياكم؟

[امل الوجود]

هلا و الله


الامور كلها تمام


ولله الحمد

[بنوته شي]

اليوم حسيت بنفضه خفيفه في بطني مع اني توني بالشهر الثالث

هل ممكن تكون الحركة الاولى للجنين ولا لا

[أسيرة عيونه]

ههههه بنوته شي مثل الي احس فيه بس يقولون ان البجر ما تحسين فيه الا في الرابع يقولون بعد مو دائماً تحسين فيه من الرابع بعد اني ساعات احس بنوع النبض بس يقولون مو الجنين

[بنوته شي]

لا أنا في حملتي الثانيه
وصج ترى بحملتي الاولى ما تحرك الجنين الا بنص او نهاية الشهر الرابع

[امل الوجود]

صباح الخير ...


شلونكم من الصبح ..


نايمين لو قاعدين ...

[الفتاة الذهبية]

مبروك الافتتاح مٍْْـٍْْ???????ـٍْْنٍْْ جديد

أحب أعرف نفسي حق العضوات الجدد

أنا أم عندي بنت وحده واسمها الاء

عمرها ?? شهر

وحاليا أنا مو حامل ما أفكر بالحمل الحين
أبي بنتي تكبر شوي

بس أنا هني معاكم عشان افيدكم


إوكي


س سم
س
س

شمس الصباح
وينج مختفية
طفلي حياتي
ليس هالغيبة
حنين للماضي
الله يقوج بالسلامة واتجيبين احلى البنوتأت
أحلام أم

س
شخبار هنوي

حبيبة حسوني
شخبار فظومة
شوري إذا

[امل الوجود]

هلا و الله بالفتاة الذهبية ...


ان شاء الله نستفيد من خبرتج حبيبتي ..

[أسيرة عيونه]

هلا بنات

شخباركم

بسألكم سؤال سألته وحده من الاخوات قبل يومين تقريباً من حست بحركة الجنين وهي بنهاية الثالث؟

وهل شريط حساب الحمل صحيح او لا؟!

المستشفى عطوني تاريخ الولاده 19/7/2012 وفي الشريط 18/7/2012

اتوقع صح يعني ؟؟!!

وسامحونا ع الازعاج

تحملونا شوي جم شهر وبتفتكون من اسئلتنا هع هع

[احب ربي]

السلام عليكم ورحمة الله


انا عضوة يديدة معاكم

الحمدلله انا حامل

بعد تأخر سنتين ونص

الحمدلله ربي يثبته لي يارب

اعرفكم بنفسي:
انا بحرينية -عمري 20 سنة- انا الآن مقيمة في المدينة المنورة لان زوجي يدرس في الجامعة الاسلامية

وآخر دورة كانت 5-12-2011
يعني بالاسبوع الرابع تقريبا

[بنوته شي]

الله يهون عليكم حبيباتي وتقومون بالسلامة

بخصوص حركة البيبي في الشهر الثالث .. يقولون اذا ولد يتحرك قبل البنت
البنت تتاخر بالحركة وعادة تبتدي بالحركة بالشهر الرابع تقريبا

[امل الوجود]

صباح الخير ..


شلونكم ..ان شاء اموركم تمام ؟؟

[بنوته شي]

وينكم يا بنات ليش دردشتكم هلوون بارده

[أسيرة عيونه]

هلا ..شخباركم

بسألكم الشهر الثالث فيه كم اسبوع؟

[امل الوجود]

صباح الخير يا بنات ..


بصراحه الدردشة كلش باردة ..



اسيرة عيونه .. حبيبتي

الشهر الثالث: بكون من الاسبوع 9 الى الاسبوع 13

[أسيرة عيونه]

مشكووورة عمري ع الرد بس اني في الشريط طالع ليي اني في الاسبوع 13 بس للحين ما تغير يمكن بعد 13 اسبوع وجم يوم

مشكووورة مرة ثانية

والله يعطيش العافية والله يتمم لش على خير

[المستشارة]

السلام عليكم بنات
شخباركم عساكم طيبين ؟؟

حابه انظم معاكم بس عاد ابي حركة في الدردشة مؤ نووووم هع
سوري بس احب امزح شوي خذو راحتكم

واعرفكم بنفسي ..
انا حامل لاول مرة يعني بجر مثل ما يقولون
بس للحين مادري في اي شهر او اي اسبوع
حاسه روووحي في دووامه كبيرة مادري
لاني قبل اسبوع رحت للدكتورة وكانت اول زيارة لي
قالت لي متى اخر دورة جاتني وقلت لها
جان تقول لي ان انتي الحين في الشهر الثاني
بس يوم سوت لي الالترا ساوند طلع البيبي صغيير
الا تقول هذا مو بو شهرين وخوفتني
قلت لها يمكن الحساب خطأ لان دورتي مو منتظمة يعني اشهر تجيني 30 واشهر 35 واشهر ما تجي اذا نفسيتي مضطربه شوي
وعطتني موعد بعد اسبوعين يعني الاسبوع اللي بجي اروح لها
فدعواتكم تكون اموري كلها سليمه والله مو عارفه افرح من هالافكار اللي تلعب براسي :/

وسلامي لكم جميعا
واتمنى الدردشة تكون اكثر نشاط من جي
عشان نفيد ونستفيد من بعض ان شاء الله :)

[bahrainia]

السلام عليكم بنات
شخباركم عساكم طيبين ؟؟

حابه انظم معاكم بس عاد ابي حركة في الدردشة مؤ نووووم هع
سوري بس احب امزح شوي خذو راحتكم

واعرفكم بنفسي ..
انا حامل لاول مرة يعني بجر مثل ما يقولون
بس للحين مادري في اي شهر او اي اسبوع
حاسه روووحي في دووامه كبيرة مادري
لاني قبل اسبوع رحت للدكتورة وكانت اول زيارة لي
قالت لي متى اخر دورة جاتني وقلت لها
جان تقول لي ان انتي الحين في الشهر الثاني
بس يوم سوت لي الالترا ساوند طلع البيبي صغيير
الا تقول هذا مو بو شهرين وخوفتني
قلت لها يمكن الحساب خطأ لان دورتي مو منتظمة يعني اشهر تجيني 30 واشهر 35 واشهر ما تجي اذا نفسيتي مضطربه شوي
وعطتني موعد بعد اسبوعين يعني الاسبوع اللي بجي اروح لها
فدعواتكم تكون اموري كلها سليمه والله مو عارفه افرح من هالافكار اللي تلعب براسي :/

وسلامي لكم جميعا
واتمنى الدردشة تكون اكثر نشاط من جي
عشان نفيد ونستفيد من بعض ان شاء الله :)


الف الف مبروك اختي والله يثبته لج يارب ويسهل امورج
انتي يالغالية قصتج نفسي بالضبط بس انة اختلافي معاج في شغلتين
1.انة دورتي منتظمة
2. ماحددت لي عمر الجنين لحد اللحين وقالت يمكن شهر ونص وسوت لي دكتورتي الترا ساوند جافت الجيس مال الحمل وجيس الياهل بس ماقدرت تجوف الياهل

انة خفت من كلامها بس اغلب الظن ان في بداية الحمل مايبين الياهل بسهولة

الحمدلله على كل شي
الله يسهل الامور يارب
تحياتي

[المستشارة]

اهلا وسهلا فيج حبوبة
والله يبارك في حياتج ..
يمكن صار حمل متأخر وهذا اللي اتوقعه عندي بعد
ان شاء الله الله يريح بالنا ونطمأن ان كل الامور بخير وكل شي سليم
ياارب يا كريم

[bahrainia]

اهلا وسهلا فيج حبوبة
والله يبارك في حياتج ..
يمكن صار حمل متأخر وهذا اللي اتوقعه عندي بعد
ان شاء الله الله يريح بالنا ونطمأن ان كل الامور بخير وكل شي سليم
ياارب يا كريم

اللهم امين
اعراض الحمل في البداية كانت خفيفة اللحين ابتدت اللوعة تصير شي اساسي في يومي مب طايقة روحي كلش ووايد اوسوس احس حلو لما تحصلين وحدة حامل تتكلمين وياها وتتشاركون الاهتمامات اللي تخص الحمل.

خلينا نتواصل وطمنينا عليج

[حنين للماضي]

السلام عليكم

اهلا وسهلاً بالاعضاء الجدد

لاتحاتون مو شرط الحمل يكون بالضبط على آخر دورة
اني بعد كان بين آخر دورة وعمر الحمل اسبوعين فرق لأن الحمل صار متأخر
الله يسهل عليكم وتقومون بالسلامة

اعرفكم بنفسي نفس ماسوت فتوت
صحيح شخبارش ام لولو من زمان ماجفناش ولا سمعنا بأخبارش
شخبارش وشخبار لولو؟؟؟
مشت لو نفس اللي عندي خايب هههههه

اني ام لطفل واحد حالياً تاريخ 24 من هالشهر يكمل سنة
وعلى نهاية شهر 3 بكون ام لاثنين
الله المستعان
اذا عندكم سؤال شيء لاتستحون مامداني انسى ههههه

يلا نبي ترجع الديوانية نفس قبل ونسولف ونسمع اخبار بعض
اذكر بحملي بعلوان يومية كنا ندش ونسولف ونسمع اخبار بعض الحين الكل انشغل

اهم شيء تكونون بخير
طمنونا عنكم

[أسيرة عيونه]

حنين الله يخليه ليش ياارب ويسهل عليش

اني ما بستحي منش وبسألش شريط التوقيع صحيح او لا

وفي اي شهر المركز يعطون موعد؟

اني عطوني تاريخ 15/2 يعني يصير نهاية الرابع او بداية الخامس؟؟!

[bahrainia]

شلونكم بنات؟

[bahrainia]

السلام عليكم

اهلا وسهلاً بالاعضاء الجدد

لاتحاتون مو شرط الحمل يكون بالضبط على آخر دورة
اني بعد كان بين آخر دورة وعمر الحمل اسبوعين فرق لأن الحمل صار متأخر
الله يسهل عليكم وتقومون بالسلامة

اعرفكم بنفسي نفس ماسوت فتوت
صحيح شخبارش ام لولو من زمان ماجفناش ولا سمعنا بأخبارش
شخبارش وشخبار لولو؟؟؟
مشت لو نفس اللي عندي خايب هههههه

اني ام لطفل واحد حالياً تاريخ 24 من هالشهر يكمل سنة
وعلى نهاية شهر 3 بكون ام لاثنين
الله المستعان
اذا عندكم سؤال شيء لاتستحون مامداني انسى ههههه

يلا نبي ترجع الديوانية نفس قبل ونسولف ونسمع اخبار بعض
اذكر بحملي بعلوان يومية كنا ندش ونسولف ونسمع اخبار بعض الحين الكل انشغل

اهم شيء تكونون بخير
طمنونا عنكم


الله يخلي لج علاوي .. ويسهل لج ولادتج ويقومج بالسلامة ويعطيج اخت جميلة حق علاوي..

خاطري اعرف .. فيج بنوتة او ولد؟
يلا حبيبتي موفقة والله يخليج لاهلج ويخليهم لج
دعواتج لنا اختي

[امل الوجود]

صباح الخير ..


شدهوة غبت يومين محد سال عني .. لالا زعلتوني بصراحه

حبيت ارحب بالاعضاء الجدد .. واقول خلينا نزيد النشاط .. ترى الديوانية صايرة باردة

[Om KHaled]

أخواتي الحبيبات

المسابقة على الرابط بدأت
وتنتهي يوم الأربعاء القادم


http://forum.hwaml.com/t91015.html#post1843267

[حنين للماضي]

السلام عليكم

مشكورين حبيباتي على دعواتكم

اسيرة اتوقع يصير بداية الخامس
عقب يعطونش كل شهر وبعدين كل اسبوعين
الله يسهل عليش ان شاءالله

امل يا هلا فيش
الاعضاء اغلبهم جدد واني لحد الآن ماحفظت اساميكم
ان شاءالله نتواصل اكثر ونتعرف على بعض ونسأل عن بعض اكثر واكثر

طبعاً علوان نايم عشان جدي قاعدة على النت شوي
الله هداه هالولد عباله اللابتوب سيارة يقعد عليه ويقوم يناقز هههه
فديته يا بعد عمري

[حنين للماضي]

الله يخلي لج علاوي .. ويسهل لج ولادتج ويقومج بالسلامة ويعطيج اخت جميلة حق علاوي..

خاطري اعرف .. فيج بنوتة او ولد؟
يلا حبيبتي موفقة والله يخليج لاهلج ويخليهم لج
دعواتج لنا اختي

طالعي شريط حملي وبتعرفينhwaml02

[امل الوجود]

مساء الخير


هلا اختي حنين الماضي .ان نتواصل اكثر واكثر

[Om KHaled]

هنا((التصووويت )) للمرشحات للفوز في مسابقة اللون الرماادي الشروط بالداخل بالتوفيق# (http://forum.hwaml.com/t92268.html)

[أسيرة عيونه]

السلام عليكم

مشكورين حبيباتي على دعواتكم

اسيرة اتوقع يصير بداية الخامس
عقب يعطونش كل شهر وبعدين كل اسبوعين
الله يسهل عليش ان شاءالله

امل يا هلا فيش
الاعضاء اغلبهم جدد واني لحد الآن ماحفظت اساميكم
ان شاءالله نتواصل اكثر ونتعرف على بعض ونسأل عن بعض اكثر واكثر

طبعاً علوان نايم عشان جدي قاعدة على النت شوي
الله هداه هالولد عباله اللابتوب سيارة يقعد عليه ويقوم يناقز هههه
فديته يا بعد عمري

مشكوورة عمري ع الرد

والله يسهل ع الجميع يا رب

ههههههههه الله يخليه ليش يااارب

[امل الوجود]

يسعد صباح الجميع


شخباركم ؟؟

[أسيرة عيونه]

هلا امووله

مساء النور هع هع هع

تماام الحمدلله شخبارش انتين؟!

[امل الوجود]

هلا اسيرة حبيبتي ..

صباح الورد لج وللاعضاء ..


والله اخباري ظهري وايد يعورني ..


وبلاعيمي متنفخين .. وببدي الزكام .. الله يستر ما يزيد علي

وانتي طمنيني عنج ..


اخباركم يا حوامل ؟؟؟ كلشي تمام

[أسيرة عيونه]

هلا فيش

ما تجووفين شر وسلاااماات

الله يساااعدش صراااحه الجو هاليومين يمررض عدل

والله اني الحمدلله تمام

الله يفرج عنش ياارب

[امل الوجود]

صباح الخير ..


اسيرة شنو اخر الاخبار ؟؟

بسكم نووووم يا بنات

[بنوته شي]

صبحكم الله بالخير

امس صار لي شي خرعني .. يا ليت لو تطمنوني

اممم .. امس نزل لي علي دم اثناء الجماع
وبعد ما تغسلت وكل شي وقف الدم ولحد الحين الحمدلله ما نزل علي شي

بس انا خايفه والله وقاعده احاتي
شنو تنصحوني اسوي

[بنوته شي]

بنات الي ولادتها قريبه او الي تعرف جنس جنينها
تروح مذكركير .. عندهم تخفيضات 75%

انا خاطري اشتري حق البيبي اشياءات .. بس احس وايد تو الناس
لكن ما كسرت بخاطري رحت واخذت حق بنتي

[امل الوجود]

صباحكم عسل ..

بنوته شي ..حبيبتي مممممممم ما اقدر افتيلج بالضبط
بس انا نزل علي دم على فترتين و السبب كان دم بين التوام ما فهمت الدكتورة شتقصد .. بس طمنتني اول مرة رحت لها وقلت برد ينزل عليج .. وفعلا بعد فترة تقريبا اسبوع او اسبوعين نزل علي .. بس مو دم كتير كتير .وسوت لي سونار بالمرتين واطمنت على صحه البيبي انهم بخير .. فراجعي دكتورتج احسن ..


طبعا من حالة الى حالة تختلف . وانا قصتي طويلة فما بعور راسج .. وانتي قلتي ان عندج بنت فاعتقد خبرتج اكثر مني بهالامور .. بس اللي اعرفه ان الجماع بداية الاشهر خطير ..ومن حالة الى حالة تفرق

[يويو84]

السلام عليكم ورحمة الله وبركاته
يسعدني ان اكون ضيفة حلو معاكم لاني توني جديد في هذه المنتدى
يالغاليات عندي مشكلة انشاء الله تساعدوني فيها انا متزوجة من 8 اشهر حتى ليومي هذه لم استطع ان احمل وسبب لا اعرف الجماع عندي نوعا ما قليل يعني في الاسبوع مرتين او مرة وبعض اوقات ولا مرة نمارس في الاسبوع تقريبا اذا اعطيكم عدد مرات الجماع طوال فترة يمكن 20 مرة فقط ، فارجو منكم رد علي في اسرع وقت ممكن لان انا تعبت تفكير

[امل الوجود]

مرحبا يويو يسعدلي صباحج
بخصوص موضوعج بصراحه ما ما عندي فكرة عدل ,,, بس هو فعلا عدد المرات قليل بس يمكن ما لها علاقة .. اقصد عدد المرات ماله خص بالحمل .. غير ان فرصة الحمل بتزيد .. وفي بنات يحملون من اول مرة فهمتي علي ..

وعشان ما تخافي ..احس تسوي فحوصات انتي و زوجج .. عشان لا سمح الله في مشكلة تداركونها من البداية .. لان معظم العلاج يطول .. على حالتج وكتبت ربج ..

اهم شي الوحدة ما تياس من رحمت ربها ,, وكل تاخيرة فيها خيرة ,, ويمكن التاخير في صلاح لج ,,


اتمنى اكون افدتج حبيبتي ... وسامحيني على القصور

[بنوته شي]

السلام عليكم ورحمة الله وبركاته
يسعدني ان اكون ضيفة حلو معاكم لاني توني جديد في هذه المنتدى
يالغاليات عندي مشكلة انشاء الله تساعدوني فيها انا متزوجة من 8 اشهر حتى ليومي هذه لم استطع ان احمل وسبب لا اعرف الجماع عندي نوعا ما قليل يعني في الاسبوع مرتين او مرة وبعض اوقات ولا مرة نمارس في الاسبوع تقريبا اذا اعطيكم عدد مرات الجماع طوال فترة يمكن 20 مرة فقط ، فارجو منكم رد علي في اسرع وقت ممكن لان انا تعبت تفكير

وعليكم السلام ورحمة الله وبركاته
اول شي الله يرزقج بالذريه الصالحه .. والسامع يقول آمين

اممم .. والله مادري شاقول لج
بس انتي حسبت عروووس يديده .. ليش يعني الجماع قليل عندكم
شنو الخلل .. هل الخلل منج او من ريلج ؟؟

يعني انتي الي ما ترغبين ولا اهووه .. اذا اهووه الي ما يرغب
جددي حياتج انتي معاه .. لا تستمرين على روتين محدد
يعني لبسي وتكشخي وخلقي جووو رومنسي

واذا اهووه تحسينه ما بادر لج .. انتي روحي صووبه وحاولي تتقربين منه
ودايماً حطي في بالج شي واحد
ان اول ما توصلون لمرحلة النوم على السرير .. مو كل واحد يحط راسه على المخده ولا يدري عن الثاني

قعدي سولفي معاه .. دوري لج اي سالفه وقعدي سولفي
وخلج واعيه لين ما اهووه يرقد .. لا ترقدين قبله
لان الريال ما يحب المره ترقد قبله ويتم اهووه صاحي

انتي جربي هالنصايح وان شاء الله تفيد معاج وربي يسعدج ويهنيج في حياتج الزوجيه

وسامحيني على الاطالة .. احس روحي صرت فوزية الدريع hwaml7

[بنوته شي]

صباحكم عسل ..

بنوته شي ..حبيبتي مممممممم ما اقدر افتيلج بالضبط
بس انا نزل علي دم على فترتين و السبب كان دم بين التوام ما فهمت الدكتورة شتقصد .. بس طمنتني اول مرة رحت لها وقلت برد ينزل عليج .. وفعلا بعد فترة تقريبا اسبوع او اسبوعين نزل علي .. بس مو دم كتير كتير .وسوت لي سونار بالمرتين واطمنت على صحه البيبي انهم بخير .. فراجعي دكتورتج احسن ..


طبعا من حالة الى حالة تختلف . وانا قصتي طويلة فما بعور راسج .. وانتي قلتي ان عندج بنت فاعتقد خبرتج اكثر مني بهالامور .. بس اللي اعرفه ان الجماع بداية الاشهر خطير ..ومن حالة الى حالة تفرق

اهااااا
يعني اهووه مو خطر على الجنين
لان انا من ذاك اليوم لي الحين الحمدلله اموري طبيعيه ولله الحمد
وحدي ولهااااانه ابي اروح المستشفى اتطمن
بس كل من يقولي هذي شي عادي وماله داعي كل مره تروحين المستشفى ويقعدون يسوون لج سوالف ويتعبثون فيج .. خلج جذي احسن

بس الحين ناطره موعدي بشهر 2 ان شاء الله

[Admnt 7obk]

السلام عليكم
شخباركم حوامل
عندي استفسار انه حامل بالاسبوع التاسع بخصوص حبوب الفوليك ما اكله بانتظام هل يأثر على ألبيبي او عادي
و اخر مره زرت الدكتورة كتبت لي حبوب pregnacare حبيت اعرف حق شنو
ياريت تفيدوني

[حب الأمومة]

http://forum.hwaml.com/t94034.html#post1897675


مفارش كشخه لحديثي الولادة

[أم عائشة]

قوووووووووووووة كروشات شخباركم

ابي اعرف شرايكم بالسلمانية للولادة بهالوقت؟؟؟
وايد احاتي الصراحة وكنت خلاص حاسمة امري بولد هناك بس هالايام ماادري شفيني مب مرتاحة
ماادري شسوي
المشكلة حتى دكتوري الخاص نصحني بالسلمانية لاني قيصري وعندي سكر وحامل بتوينز

[bahrainia]

قوة بنات شلونكم شمسويين ؟
اخيرا رحت المركز الصحي وعطوني موعد مبدئيا قالوا لي ان انة في الشهر الثالث بناءا على اخر موعد للدورة ..
اللوعة ذابحتني خصوصا الصبح وصايرة بسرعة اتعب ما اقدر حتى اروح السوق اخذ احتياجات االبيت مع ريلي ..
ابي اروح معرض الخريف وما احس روحي باقدر افتر اكثر من نص ساعة
يلا طمنوني عليكم

[بنوته شي]

Admnt 7obk
حبوب الفوليك يفضل تاكلينه بانتظام لانه يساهم في حصول الطفل على ما يحتاجه من فيتامينات .. فحاسبي لنفسك وحاولي تذكرينه كل يوم
وبالنسبه للحبوب الي كتبته لج الدكتوره .. ما عندي اي فكره عنه الصراحه

حب الأمومة
مشكوره على هالمفارش الكشخه .. يعطيج العافيه
بحاول اجمع افكار حق بعدين ان شاء الله

أم عائشة
والله انا اخاف من السلمانيه .. انزين ليش ما تروحين العسكري ؟؟
واذا مالج حل غير السلمانيه مالج الا تتوكلين على الله وتسوينها عندهم وربج الحافظ

bahrainia
انا اليوم دخلت الرابع .. واحس باللوعه ذابحتني من امس شابكه معاي ما اشتهي اكل شي
وبالنسبه حق معرض الخريف كنت متشفقه اني اروح بس بعد الي صار شلت فكرة الروحه من راسي وخلاص كنسلتها .. اهم شي صحتي وصحة البيبي والشوبينق لاحقين عليه
انا يوم كنت حامل ببنتي .. رحت معرض الخريف وحسبت بتعب ودووره وعلى طول قعدت ما امداني افتر فيه

[أم عائشة]

بنوتة شي مشكورة على ردج حبيبتي المشكلة زوجي مو عسكري والعملية بتكلفني هناك فوق الألف دينار ويمكن أولادي يحتاجوا حضانة والعسكري مودايما متوفرة عندهم الحضانات الله كريم شنو اسوي مالي الا هالسلمانية والله الحافظ يختج دعواتك

[امل الوجود]

صباحكم سكر يا بنات ..


Admnt 7obk حبيبتي .. الحبوب اللي كتبته لج الدكتوره هو عبارة عن : حمض الفوليك وفتامين b12 وفيتامين b وما ادري شنو بعد .. يعني خليط فيتامينات .. يعني اذا شربتي حمض الفوليك بروحه وشربتي هالحبوب يمكن الكمية بتصير مضاعفة عليج ويبب لج خطر للبيبي فتاكدي احسن من دكتورتج
لانج بتاخذين جرعة زيادة فهمتي يعني اذا المفروض حبة باليوم من حمض الفوليك وشربتي من هالدواء .. بتصير شاربه جرعتين باليوم ..


اتمنى اكون افدتج حبيبتي ..

سلام

[Admnt 7obk]

انه كنت شاكه والله ما اكل الا الفوليك بس
مشكورة حبيبتي ماقصرتي كفيتي ووفيتي

[امل الوجود]

حبيبتي انتي ما سويت شي ..واجبنا


يا بنات شلونكم .. شلونكم مع الغبرة

[أم عائشة]

وينكم؟؟؟؟؟؟؟؟؟؟؟؟؟؟؟؟؟؟؟؟؟

[ام داني]

سلم اني ام دانسال عمري 24 وتني حامل اخر دورة كان 11-12-2011 ممكن تسووون لي شريط الحمل وتحسبون لييي باي أسبوع اني ومشكورين اتمنى اني ما زعجتكم وشكرا

[أسيرة عيونه]

أم داني هذا التوقيع ليش بس ما ادري صح او لا

http://forum.hwaml.com/imgcache2/hwaml.com_1328383823_907.png (http://pregnancy.baby-gaga.com/)

[ام داني]

مشكورة علىراتوقيع بس خيو شلون اسوي توقيع للمنتدى بتعبج

[صفاء الروح]

قوووووووووووووة كروشات شخباركم

ابي اعرف شرايكم بالسلمانية للولادة بهالوقت؟؟؟
وايد احاتي الصراحة وكنت خلاص حاسمة امري بولد هناك بس هالايام ماادري شفيني مب مرتاحة
ماادري شسوي
المشكلة حتى دكتوري الخاص نصحني بالسلمانية لاني قيصري وعندي سكر وحامل بتوينز

حبيبتي ام عائشة ..

انتي مثلي بالضبط

أنا حامل بتوأم و اراجع عند الخاص و حاطه في بالي اولد في الخاص

بس الدكتوره نصحتني بالسلمانيه و كانت اتقول خبرتهم افضل من اي محل ثاني

و انا مو حابه السلمانيه بالمره و متررده اروح هناك .. hwaml93

و عشان اطمني الدكتوره للموضوع كانت اتقول ما اتلاحظين انه الحالات الطارئه

انحولها على السلمانيه مباشره ....

ودي اقتنع بس احس الظروف مو مثل قبل

على العموم الله اسهل علينا و عليك يا رب

[صفاء الروح]

حبيباتي حوامل البحرين

ابغي اسوي سونار ثري دي

تنصحوني بأي مستشفى او اي دكتور ؟

أنا اتصلت في التخصصي و قالوا ليي عندهم بس ما ابغي اتسرع

يمكن احصل محل ثاني اضبط في الموضوع .... في احد جرب ؟

[أم عائشة]

هلا حبيبتي صفاء شخبارج
ماشاءالله تبارك الرحمن الله يقومج بالسلامة يارب
ها بشري بين جنسهم لوللحين؟؟
انا طلع معي اولادالخمدلله كان خاطري ببنوتة بس الله ماكتب الحمدلله على كل حال
وبالنسبة للثري دي الحين عد يقولون فيه 4 بس انا ماسويته للحين ناوية ان شاءالله على نهاية شهر2 بكون خذيت من السابع تقريبا عشرة ايام
وجوفي عندج الدكتورة فوزية كمال وفهيمة المطوع حدهم عجيبين بالسونار

[ام داني]

سلام شخباركن بحرينيات عساكم بخير ياربي اني بنهاية الثاني واحس الوحام مرة يخف ومرة يزيد هل في خوف

[صفاء الروح]

هلا حبيبتي صفاء شخبارج
ماشاءالله تبارك الرحمن الله يقومج بالسلامة يارب
ها بشري بين جنسهم لوللحين؟؟
انا طلع معي اولادالخمدلله كان خاطري ببنوتة بس الله ماكتب الحمدلله على كل حال
وبالنسبة للثري دي الحين عد يقولون فيه 4 بس انا ماسويته للحين ناوية ان شاءالله على نهاية شهر2 بكون خذيت من السابع تقريبا عشرة ايام
وجوفي عندج الدكتورة فوزية كمال وفهيمة المطوع حدهم عجيبين بالسونار

هلا حبيبتي

قالت لي الدكتوره اولاد بعد ... واحد منهم اكيد ولد و الثاني مو مبين واضح بس الاغلب بعد ولد )

مشكوره عمري على الرد انا توني في الرابع بدخل الخامسه

بصبر بعد و بعدها بسوي الثري دي او 4 عشان اشوفهم واضحين hwaml23

[صفاء الروح]

سلام شخباركن بحرينيات عساكم بخير ياربي اني بنهاية الثاني واحس الوحام مرة يخف ومرة يزيد هل في خوف


شي طبيعي حبيبتي كل وحده تختلف عن الثانيه في الوحام

عن نفسي اول شهرين كنت تعبانه و اللحين اقل من قبل

بس غثيان الصبح للحين يذبحني hwaml93 و على طول احس بالتعب و صداع

و صديقتي حامل و اللحين بالشهر السادس اتقول ليي ما حست بشي من بدايه حملها

و ما صداها و لا شي من اعراض الحمل hwaml7يا ريت كلنا مثلها مرتاحين

بس الحمد الله على كل حال

[أم عائشة]

صفاءالروح ماشاءالله تبارك الرحمن
انتي كيس لو كيسين؟؟
انا كيسين ومشيمتين
والحمدلله على كل حال اهم شي الخلقة السليمة الكاملة بلازيادة اونقصان
ربي يتمملنا على خير يارب

[أم عائشة]

ام داني لاتوسوين قلبي انا بحملي ذي وحامي كان كلش خفيف وكنت حدي مرعوووووووبة بس الحمدلله دكتوري طمني وقالي كل حمل يختلف في الوحم عن غيره
الله يتمللج على خير يارب

[امل الوجود]

مسائكم الورد يا حوامل


شلونكم عساكم بخير

[ام داني]

[quote=أم عائشة;1927785]ام داني لاتوسوين قلبي انا بحملي ذي وحامي كان كلش خفيف وكنت حدي مرعوووووووبة بس الحمدلله دكتوري طمني وقالي كل حمل يختلف في الوحم عن غيره
الله يتمللج على خير مشكورة حبيبتي ام عائشة على الرد طمنتتيني ربي يطمنج يالغالية تسلمين يالله نبي تفاعل عشان نسلي بعض

[بنوته شي]

السلام عليكم حوامل .. شخباركم

شوقتوني اسوي سونار ثري دي .. بس بالاول اسوي السونار العادي عشان اعرف نوع الجنين وبعدين لين ما يكبر البيبي اسوي ثري دي عشان اشوووفه اوضح شي

وبسألكم .. فوزية كمال وين تصير عيادتها ؟؟
اسمع عنها وايد انها زينه وجذي بس ما ادل مكانها وين بالضبط يا ليت لو تدلوني

وربي يسهل عليكم ولادتكم جميعاً وخصوصاً البنات الحمل بالتوائم

[صفاء الروح]

صفاءالروح ماشاءالله تبارك الرحمن
انتي كيس لو كيسين؟؟
انا كيسين ومشيمتين
والحمدلله على كل حال اهم شي الخلقة السليمة الكاملة بلازيادة اونقصان
ربي يتمملنا على خير يارب

انا بعد حبيبتي كيسين و مشيمتين

الحمد الله رب العاليمن .. اي و الله اهمشي الخلقه السليمة

[صفاء الروح]

السلام عليكم حوامل .. شخباركم

شوقتوني اسوي سونار ثري دي .. بس بالاول اسوي السونار العادي عشان اعرف نوع الجنين وبعدين لين ما يكبر البيبي اسوي ثري دي عشان اشوووفه اوضح شي

وبسألكم .. فوزية كمال وين تصير عيادتها ؟؟
اسمع عنها وايد انها زينه وجذي بس ما ادل مكانها وين بالضبط يا ليت لو تدلوني

وربي يسهل عليكم ولادتكم جميعاً وخصوصاً البنات الحمل بالتوائم

هلا حبيبتي بنوته شي

الحمد الله احنا بخير

عياده الدكتوره فوزيه كمال على شارع عذاري

الله اسهل علينا انشاء الله

[رناد الحي]

الله يسهل عليكم

[امل الوجود]

مرحبا حوامل ..


زعلتوني منكم .. صارلي كم يوم غايبة ..
واخر مرة دخلت كنت اسال عنكم .. ولا احد رد علي .. وش دعوة

[أم عائشة]

هلا امل الوجود
شنو سؤالج قلبؤ
ولازعلي ماادري شفيهم الديوانية صايرة نايمة هاليومين وينكم كروشات؟؟؟؟؟؟؟؟؟؟

[بنوته شي]

من كم يوم تعبت ورحت للمستشفى سويت سونار والحمد لله تطمنت على صحة البيبي
بس كان دمي ناقص وايد فعطتني الدكتورة حديد وفيتامينات

والحين هذاني كل شي مفيد أحاول اكله ولو أني تلوع جبدي من كل شي
يعني اللوعة ما ابتدت معاي من الأشهر الاولى .. توني احس فيها وانا بالشهر الرابع

يالله الحمد لله على كل حال

اللهم احفظ لي جنيني واجعله سليما معافا يارب العالمين

[فرح عمري]

الله يسهل علينا جميعا يارب

ويعطينا الولاده السهله الميسره

[PinkCherry]

السلام عليكم حوامل شخباركم؟ان شاء الله زينين؟آنه توني اكتشفت حمليhwaml03 بس لحد الحين مارحت المستشفى زوجي عنيييييييييييييييييييدhwaml4 قال مايوديني الا نهاية هالاسبوع وآنه خايفه يصير شي للبيبي لاني اول مره احمل ماعندي خبره في هالامورhwaml02..وحبيت اسال وين احسن مكان حتى اتابع الحمل؟مابي اروح مركز منطقتنا لان زوجة ولد عمتي هناك وهي وحده حشريه من قلب مره كنت رايحه احلل دم hwaml10بس جذي وكنت اول مره اروح ماعندي فايل راحت عفست ودورت ويت قالت ماعندج فايل ماحصلته كنت ابي اجوف شفيج!!!!شدخلج انتي؟وبعدين مو ممنوع ان احد يطلع على الفايل غير الدكتور وآنه؟؟؟؟؟يعني الحين زين صار هالموقف حتى ما اروح الحين لان ابي اخلي الموضوع سر على الاقل لين الشهر الثالث مابي اقول لاحد واهي ان درت او شمت خبر طيران تنشره ومايتم احد في البحرين مايدري اني حامل!!!!hwaml15فبليييييييييييييييز ابي اعرف مكان زين اتابع الحمل عندهم واسعارهم معقوله hwaml5

[امل الوجود]

صباحكم عسل يا حوااامل ...

ام عائشة حبيتي .. انا ما عندي سؤال .. بس كنت اعتب عليكم .. يعني اذا الوحده منه تغيب ما نسال عنه ..عارفة شقصد ..
المهم طمنوني عنكم يا حوامل

حبيبتي بنك شيري ..مبروك الحمل حبيبتي والله يتتم لج ولنا على خير ...

والله يصبرج على بلواج مع الحشرين

[أم عائشة]

اوووووووف الديوانية حدها نايمة
ووووووووووووينكم

[بنوته شي]

اي والله حدها نايمة الدردشه وينظم حواااااامل البحرين


أختي PinkCherry الله يعينج الصراحه اكره الناس الفضوليين الي من هالنوع
بس اذا هلون مالج الا تروحين خاص .. عندج عيادة الدكتورة فوزية كمال او عيادات العسكري أو روحي مستشفى الهلال

وربي يتمم حملي وحملج وحمل الجميع على خير

[أم عائشة]

بنوتة شخبارج
رحتي سويتي الفور دي؟؟؟
انا اليوم سويتها عند فوزية حدها وناسة ربي يتمللنا على خير يارب

[أم عائشة]

الابسالج بنوتة
تعرفين احد يسوي توزيعات حلوة

[PinkCherry]

السلام عليكم عندي سؤال متى اقدر اسوي التراساوند؟ يسوونه في المركز عادي؟ آنه رحت عطوني موعد الشهر الياي بيسوون لي هناك التراساوند وله لازم اروح الخاص؟ومتى يبان جنس المولود؟

[أم عائشة]

في المركز مايسوونه اول موعد

روحي عيادة خاصة احسنلج

[بنوته شي]

أم عائشة
لا والله مارحت زوجي مو راضي يقولي يمكن يضر الجنين ولا شي
بس أنا مصممه اذا هالمره مابين شنو بسوي ثري دي ان شاء الله

وبخصوص التوزيعات
في محل في بوكواره اسمه روشان توزيعاته حدها حلوووه
بس تقدرين تاخذين الاغراض وتشتغلين بروحج

وعندج بعد محل طيور الجنه مال التوزيعات والرونق

تبين الصج أنا لحين ماتفرغت اسوي شي

بنك شيري
المركز يسوون لج سونار من الشهر الرابع
وجنس الجنين ماظن يبين قبل الشهر الرابع

[أم عائشة]

بنوتة مافيه ضرر ولاشي مثل الالترساوند مال المستشفى بس اوضح

ومشكورة على اسامي المحلات ماقصرتي حبيبتي

[بنوته شي]

أنا مرتين رحت حق السونار وكله ما يبين شنو جنس الجنين وهالاسبوع عندي موعد بعد

ادعوا لي ان يبين واعرف ان كان بنت ولا ولد يزاكم الله خير

واذا صح مابين بروح بسوي ثري دي والي فيها فيها

استفسار ...
من يسوي ثري دي غير الدكتورة فوزيه كمال ؟؟؟

[أسيرة عيونه]

سلام ...

شخبااركم وشخبار الحمل وياكم؟!

[امل الوجود]

صباحكم عسل يا حوامل .. شخباركم ...وشلونكم مع الحمال ...

اسيرة عيوني.. انا الحمد لله بخير ..طمنيني عنج ؟؟

[ام داني]

سلام شخباركن كيفكن ليش ماكو تفاعل نبي نفاعل ونفيد ونستفيد يلا اني صراحة اوعدكم كل يوم ادخل من تتفق وياييي نبي تفاعل مايصير

[امل الوجود]

هلا ام داني ...انا عن نفسي الحمدلله ..


والمنتدى فعلا يبيلة حركة شوي .. انا عن نفسي ودي اكون على طول بس ساعات ظروف الشغل يكون ضغط .. وتدرين الحمل ساعات مالج خلق شي ... بس وعد ..قد ما اقدر اكون موجودة

[ام داني]

هلا امل الوجود ان شاء الله اني قلت جدي نبي تفاعل ياحبيباتي عشان نشارك بعض الافكار

[امل الوجود]

صباح الخير ..

اكيد يا ام داني لازم نتبادل الافكار .. واللي عندهم خبرة يفيدونا بالتساؤلات..

[ام داني]

صباح الخير ..

اكيد يا ام داني لازم نتبادل الافكار .. واللي عندهم خبرة يفيدونا بالتساؤلات..

اليوم اني رحت المستشفى لكن مادشيت للدكتورة احس كل شي تبدل بس فحوصات الموعد الجاي قالت ادخل ع الدكتورة كان خاطري ادش واسمع صوت البيبي

[امل الوجود]

مرحبا يا حوااامل

ام داني حبيبتي .. ان شاء الله ما فيج الا العافية ... لا تحاتين .. وعلى سماع دقات القلب انا نفسج كل زيارة احب اسمع الدقات .. لاني ما افهم حق الصوة عدل ما تلحقين ادققيقن فيها عدل لان مو خبرة فيها .. مو مثل الدكاترة من اول نظرة عارفين شنو قدامهم ..

[ام داني]

اي ان شاء الله بس صراحة قبل بولدي سمعته من الرابع احس الحين. ياحبيبتي يأمل الوجود غير كليش عاطيني تحليل سكر للموعد الجاي قبل بالسابع

[بنوته شي]

هلا امل الوجود وأم داني
أنا بعد بحاول كل يوم ادخل المنتدى عشان نفيد ونستفيد

أنا بأجر عندي موعد في المستشفى وبسوي سونار
ادعوا لي أن يبين جنس الجنين بسهوله

[امل الوجود]

مرحبا .. شلونكم ؟؟

ام داني حبيبتي .. اي الحين من الرابع او الخامس يبتدون يسوون تحليل السكر .. عشان يداركون المشكلة من البداية .. عرفتي .. في السابع تكون المشكلة مستفحلة .. انتي عند وين اتابعين ؟؟ الحكومة لو خاص ؟؟


بنوته شي .. كل الهلا فيج حبيبتي منورة الديوانية .. ان شاء الله يبين معاج الجنس خصوصا انج بنهاية الخامس على حسب الشريط اللي مخليتة .. شوفي انا ماعندي خبرة بس الي اسمعه من الحريم يقولون ان اذا البيبي كله مسكر على رجله يكون بنت والله اعلم .. بس بصراحه انا مو مقتنعة بالهشي ..

طمنيني حبيبتي بس ترجعين .. عشان نفرح معاج .. هذا اول بيبي لج ؟؟

[بنوته شي]

لا شريطي غلط بعدله الحين

الحمد لله بين جنس جنيني ... الحمد لله والشكر لك يارب

[sweet heart4]

السلام عليكم شخباركم يا حوامل البحرين

انه توني يديده في المنتدي وهي اول حمله لي انه حاليا في الشهر الخامس

او ودي استفيد منكم

و الله ايسر لكم جميعا و سهل عليكم

[غصون الأمل]

السلام عليكم اخواتي واهل ديرتي البحرين اتمنى تقبلوني معكم في دردشتكم توني طالعه من المستشفى صار لي ثلاثة ايام راقده عندي جفاف والتهاب في الأبوال(حامل صار لي شهرين آخر دوره كانت 14/1 ) اخواتي رحت عند الدكتوره وانا كنت في الستة اسابيع من حملي سوت لس سونار وقالت الجنين صغير وما يبين تعالي بعد اسبوعين رحت بعد اسبوعين قالت بعد الجنين كبر اشويه بس ما يبين وكان عندي جفاف من الترجيع وقلة الأكل وترقدت ثلاثة ايام واليوم طلعت اليوم في المستشفى سوت لي الدكتوره السونار العادي بعد قالت الجنين ما يبين بس كيس الحمل وبعدها سوت لي سونار من المهبل والجنين بين بس ما تنسمع دقاته المهم قالت لي ما يصير ليش الحين ثمان اسابيع والجنين ما فيه نبض يمكن خلاص وقف نبضه انا وكلت امري لرب العالمين بس اليوم اخذوا من دم عشان يشوفون نسبة الهرمون ترتفع او تنزل شاركوني حبايبي بخبرتكم علما هذا حملي الأول وعندي آلام بالظهر اتمنى ما اكون ثقلت عليكم يا اطيب شعب بهالدنيا

[ام داني]

[quote=امل الوجود;2025314]مرحبا .. شلونكم ؟؟

ام داني حبيبتي .. اي الحين من الرابع او الخامس يبتدون يسوون تحليل السكر .. عشان يداركون المشكلة من البداية .. عرفتي .. في السابع تكون المشكلة مستفحلة .. انتي عند وين اتابعين ؟؟ الحكومة لو خاص ؟؟

اني الحكومة حبيبتي وقبل كنت الامل اللي في بوري في البديع وخايفة مرة من الاوضاع يمنا الاوضاع كليش صعبة عدنا وخايفة وقلقانة

[امل الوجود]

صباحكم عسل ..

كيف الاخبار ..

سويت هارد فور .. كل الهلا فيج يالغالية منورة المنتدى .. الله يثبت حملج يارب .. ويقومج بالسلامة ..

غصون الامل .. منورة حبيبتي .. والله ما ادري شقولج لان انا مثلج هذا حملي الاول وما عندي خبرة .. بس شوفي اهم شي النفسية ترى تلعب دور .. لا تتخيلي شي مو زين بالعكس تفائلي .. ومالج الا تنتظرين نتيجة التحليل . هي خير برهان على ثبوت حملج .. والله يتمم لج على خير .. وطمنيني يالغالية ..


ام داني .. شلونج عساج بخير .. اي والله الاوضاع تخوف هالايام .. بس سلمي امرج الى الله وبسهل امورج ..


الله يقومنا بالسلامة .. وتقر عيونا بشوفت الذرية .. والله يرزق كل محروم ..

[sweet heart4]

السلام عليكم خواتي بغيت استفسر اشرايكم في الولاده بمستشفى العسكري؟

[امل الوجود]

صباح الخير

سويت هارد حبيبتي ما عندي فكرة بصراحة .. ما بقدر افيدج .. ان شاء الله باقي الاعضاء يفيدونج

[بنوته شي]

أختي سويت هارت فور

بخصوص الولاده في العسكري الصراحة ما عليها كلام
يعاملونج أحسن معامله ويدلعووونج

أنا كنت مجربتهم بحملي الاول
بس عيبهم

ما يعطونج غرفه خاصه بسهوله حتى ولو بتدفعين بفلوسج
دائماً هناك أولوية
وتتوهقين انتي بالغرفة الجماعيه

بس اذا كان عادي عندج هالشي توكلي على الله

[sweet heart4]

مشكورين خواتي علي ردودكم

بخصوص الغرفه الجماعيه اكيد مشكله بس مادري محتاره

[امل الوجود]

صباح الخير ..
شلونكم يا حوامل ؟؟

ام داني وينج حبيبتي ... ان شاء الله المانع خير

[بنوته شي]

مساكم الله بالخير يا بنيات

شخباركم وشخبار أجنتكم .. طمنونا عنكم

[امل الوجود]

هلا والله بنوتة .. عن نفسي انا الحمد لله .. اليومكان عندي تحاليل وسويتها.. ان شاء الله النتائج تمام ..

[فاطِم]

السلام عليكم
انا اتابعكم من زمان بس حبيت الحين اسجل وياكم
انا دورتي امس وحللت قبل الدورة بيومين طلع لي خط باهت وبعدها تحول سالب
امس ماجاتني الدورة وحللت اليوم طلع لي موجب واضح وما تغير
يعني حامل انا ؟؟ hwaml13
احس بألم في الظهر والبطن واحيان وخزعند المبيض الايسر
او حكه من داخل هل هو شي عادي ؟
واحس انها بتنزل علي بس جاف مافي شي !

فشنو الي لازم اسويه الحين ؟ انا قلت بنتظر 10 ايام بعدين بروح المستشفى
بس اروح وش اقول لهم ؟

[فاطِم]

ولا رد شدعوة !

[أم عائشة]

اختي فاطم
بماانه طلع لج خطين فان شاءالله حامل
بس ليش تتنتظرن عشرة ايام لج قلبؤ
روحي المركز وحللي دم وتاكدي احسن وربي يتمملج على خير يارب

[امل الوجود]

صباح الخير ..

فاطم حبيبتي .. انا مع ام عائشة . حليلي دم احسن .. عشان تتاكدين وطمنينيا حبيبتي

ومبروك مقدما

[فاطِم]

لان الدكتورة مره سالتها قالت لازم 10 ايام بعدين تعالي تحليل بول !!!
انا فنيه مختبر واعرف ان عادي يطلع من قبل بس اهي قالت لي جذي
وبعد لان عندي امتحانات قلت بنتظر


البارحه تألمت ما عرفت انام
اول عورني بطني وطلعت كل شيئ مع ان صارلي كم يوم امساك
وبعدين حسيت بالم في الظهر وينتقل لي من مكان لمكان راح لريلي اليسار ورجع في ايديني
غير اني اروح الحمام اتبول واااااااايد 3 مرات قمت بالليل

من آكل احس اني ابي انام وانام كثير وبالليل ما يجني نوم الا متأخر
وعندي غازاات مع اني لا اشرب حليب هالفتره ولا بيبسي ولا اكل حار

انا ما عندي خوات وامي تقول نست الحمال hwaml10هههه
سوري بتعبكم معاي
ومشكورين ع الرد

[بنوته شي]

والله يا فاطم أنا اقول لا تخلين روحج روحي المستشفى وتطمني على صحتج وطمنينا عنج

وبخصوص الألم الي فيج يصير مال حمال ويصير مال الدورة بس انتي حاسبي على روحج لين ما تتأكدين ان كان في حمل او لا وان شاء الله تكونين حامل وتنظمين معانا

أنا بعيد الشر عنكم امس كان معاي إسهال وترجيع ورحت للمستشفى وعلى طول حطوا لي سيلان صادني جفاف

ترى هالايام هابه جرثومة الإسهال والترجيع والصخونه .. حطوا بالكم على روحكم

[توت احمر]

اتشرف(ام الهواشم)بانضمامي معكم ياحوامل البحرين


بسم الله الرحمن الرحيم
فتحنا هذا التجمع من أجلكن لتبادل الخبرات والمعرفه بخصوص الحمل بهذه الفتره ..
ونتمنى مراعاة الآتي حتى لاتتعرضين للتوقيف والحضر من المنتدى :



عدم التدخل بخصوصيات العضوه .
أحترام وجهات النظر وعدم الشتم والتجريح والكلمات الغير لائقه لأي عضوه .
تبادل الإميلات والأرقام وروابط المواقع داخل التجمع ممنوع .
يمنع تنزيل أي عمل تجاري أو عروض داخل التجمع.
يمنع التطرق والتعرض للأعراض أو للعنصريه أو للقبليه أو الطائفية والتي بها تجاوزات دينيه وسياسيه.
يمنع فتح تجمعات إلا بعد التنسيق مع مشرفات القسم أو الإداره .




نتمنى التعاون معنى وأتباع قوانينا التي وضعت من أجلكن لتتمتعن بدردشه راقيه وذات فائده
,,

[/align]
[/cell][/table1][/QUOTE]

[امل الوجود]

فاطم لا تتحججين بالامتحانات وغيره حللي احسن ..


بنوته شي .. يؤيؤ الله يستر علينا ..سلامات حبيبتي وما عليج شر .. شلون ج الحين احسن ؟؟

توت احمر .. كل الهلا فيج يالغالية

[فاطِم]

رحت المركز اليوم وقلت لها ابي احلل دم اتاكد
قالت البول يكفي
وحللت بول وطلع بوزتف hwaml7
قالت لي افتح ملف للحوامل

ما اوصيكم خبروني وش اكل وش الي اتجنبه ؟ :$

[فاطِم]

رحت المركز اليوم
حللت بول ما رضت تحلل لي دم
وطلعت حامل hwaml7

ما اوصيكم خبروني وش آكل وش وش الي اتجنبه ؟ hwaml9

[فاطِم]

حللت و يسعدني ان انضم لكم hwaml02

[فاطِم]

رحت المركز وقلت لها ابي اتاكد احلل دم
قالت البول يكفي وطرشتني احلل بول
والنتيجة بوزتف hwaml7

عاد لا تبخلون علي قولو لي اهم النصايح هالفتره
شنو آكل وشنو اتجنبه hwaml10

[فاطِم]

هذي المره السادسه يمكن الي اكتب رد امس المنتدى ما يرضى يحط ردي
كنت ببشركم اني رحت حللت بول بالمستشفى
قلت لها ابي دم ما رضت البول يكفي قالت

وبفتح لي ملف hwaml02

عاد ما اوصيكم قولو لي وش آكل وش ما آكل
وش اسوي وش لازم ما اسوي

[امل الوجود]

الف الف مبروك حبيبتي فاطم .. الله يثبت حملج ويقومج بالسلامة ...

ممممم بخصوص الاكل يعتمد على دكتورج شنو تحدد لج .. انا عن نفسي .. كل شي ممنوع .. النشويات بانواعها مثل الارز والخبر والمعكرونة والمعجنات .. الحلويات مثل السكر والحلويات ... والفواكه مثل البرتقال و التفاح والموز والمانجو ... يعني تقريبا ما تاكلين شي ..


عشان تحافظين على وزنج .. والبيبي ما يضغط على الرحم .. ويصير حجمه كبير وبعدين ولادة مبكرة .. وعن سكر الحمل ..


طولت عليج صح ..ههههه ومبروك مرة ثانية ...

[بنوته شي]

مبرووووك فاطم وربي يثبته لج ويتمم لج على خير

بخصوص الأكل بقوله أنا من شنو كنت محرومه ...

البيض بجميع أشكاله ممنوع .. اي اكله فيها دارسين ممنوعه
اي شي فيه زعفران بعد ممنوع .. وابتعدي عن المنبهات ( القهوة .. الكوفي .. الشاي )
وبعد أشياء وايد

أيييي .. دكتورتي قالت لي لا تاكلين التبوله بس مادري ليش

وقالت لي اكلي الكبده اي شي خضر إكليه وخصوصا الجرجير والبروكلي
عشان يزيد الحديد بجسمج

وبس هذا الي أتذكره حاليا ولين تذكرت شي ثاني بقولج

[امل الوجود]

بنوته شي .. التبولة ممنوع غريب رغم ان المكونات خضار وبرغل قليل ..


الله يقومنا بالسلامة يا رب

[فاطِم]

امبيه فشله
انحطت كل الردود هههههه
من منتداكم انا مالي شغل
ياريت لو في احد من الاشراف هني يمسحهم ويخلي اخير مشاركة !

الله يبارك في عمركم
وحده قالت لي ما اروح اراجع الا في الشهر 3؟؟؟؟
ليش ؟

وبالنسبه للأكل
كل ابي حلويات وخصوصا الكيك !

[sweeti love]

مساء الخير بنات اشلونكم مع الحمال والتعب
انا يديده عليكم والحمدالله حامل وتوني داشه الاسبوع السابع
ورحت حق دكتوره خاصه واكدت لي كل شي اوك وشفت الجنين والحمدالله
والنبض توه خفيف الانه توني انشاء الله عقب 3 اسابيع باروح اراجع
بس بغيت اسالكم بنات اشلون اجراءات مال المركز الصحي عن فتح فايل ف رعايه الامومه
وشنو الاوراق الي يبونه الانه لحد الحين مارحت ولازم اروح بس مو عارفه شنو بيسون ولا شي
انشاء الله اساعدوني وطمنوني الانه اول حمل لي عقب 6 اشهر من عرست والحمدالله

[فاطِم]

مثلج ما اعرف
بس روحي المركز واساليهم
ياريت تقولين لي وين رحتي خاصي تأكدتي ع الحمل ؟
ودي اروح واتطمن على كل شي وكم كلف ؟

[امل الوجود]

صباح الخير يا اهل ديرتي ..

فاطم حبيبتي .. ليشس قالت لج تراجعين في الشهر الثالث ..مممممم يمكن يعتمد على المكان اللي تراجع فيه .. انا اتابع في الخاص وكل شهر اروح ..



سويت لاف الغالية هلا فيج بالتجمع نوريتنا ... الله يثب حملج ويقومج بالسلامة .. بخصوص سؤالج عن الاجراءات في المركز الصحي .. مو متاكدة منها لاني اتابع في الخاص .. بس في شغلة طبعا الحين عنوانج تغير على بيت الزوج .. طبعا اذا كان منطقة ثانية .. المفروض تروحين المركز اللي كنتي تراجعين فيه .. وتخبرينهم ينقلون ملفج .. على المركز الجديد .. لان اذا كنتي حاملل بيفتحون لج فايل عائلة جديد باسمج واسم زوجك.. فهمتي علي .. في شغله اهم البطاقة الذكية اكيد بدلتيها على العنوان الجديد صح ؟؟.. هههه سؤالي يمكن غلط .. بس ما دري عشان ما تتعطلين ...

[sweeti love]

مثلج ما اعرف
بس روحي المركز واساليهم
ياريت تقولين لي وين رحتي خاصي تأكدتي ع الحمل ؟
ودي اروح واتطمن على كل شي وكم كلف ؟



رحت حق دكتوره صباح في المنامه وشفت الجنين والنبض والحمدالله وعلى تكاليفه اهي غاليه سعرهه 45 دينار بس حق السونار المهبلي والاستشاره وافكر اروح حق فوزيه كمال وايد مدحونه وسريعه مواعيده وسعره 30 او 20 دينار وفي بعد وحده اسمه دكتوره منى في رويان بعد زينه بس مواعيده عقب اسبوع نصيحه لاتهملين روحج الانه عطتني الدكتوره حبوب عباره عن بروتين وحديدوايد زين قالت استعمله كل يوم لمدة 3 اشهر

[sweeti love]

صباح الخير يا اهل ديرتي ..

فاطم حبيبتي .. ليشس قالت لج تراجعين في الشهر الثالث ..مممممم يمكن يعتمد على المكان اللي تراجع فيه .. انا اتابع في الخاص وكل شهر اروح ..



سويت لاف الغالية هلا فيج بالتجمع نوريتنا ... الله يثب حملج ويقومج بالسلامة .. بخصوص سؤالج عن الاجراءات في المركز الصحي .. مو متاكدة منها لاني اتابع في الخاص .. بس في شغلة طبعا الحين عنوانج تغير على بيت الزوج .. طبعا اذا كان منطقة ثانية .. المفروض تروحين المركز اللي كنتي تراجعين فيه .. وتخبرينهم ينقلون ملفج .. على المركز الجديد .. لان اذا كنتي حاملل بيفتحون لج فايل عائلة جديد باسمج واسم زوجك.. فهمتي علي .. في شغله اهم البطاقة الذكية اكيد بدلتيها على العنوان الجديد صح ؟؟.. هههه سؤالي يمكن غلط .. بس ما دري عشان ما تتعطلين ...


هلا اختى يعني السالفه عوار راس روحي وتعالي انا بعد من عرفت اني حامل في خاص بس يقولون لي لازم افتح ملف ف المركز الصحي والله مو مشتهيه اروح الانه زحمه وبطلعت روح ايي دورج واشوه بيت اهل ريلي نفس منطقتي
بغيت اسالج اختى اي دكتوره اتراجعين عندهه وتنصحينه انروح له

[طه و ياسين]

السلام عيكن بنات .. شخباركن... الله يتمم حملنا على خير يارب... اللي تسأل عن المراجعة ف المركز ... صح أول لازم تنقلين ملفش للمنطقة اللي انتين ساكنة فيها مع زوجش... و بعدين اذا رحتين اول مراجعة بتطلب منش بطاقة فحص قبل الزواج ضروري تاخذينها وياش.. و بتعطيش موعد بعد ثلاث أشهر على ما اذكر.. بعدين بتصير مواعيدش كل شهر لما توصلينالشهر الثامن بصير كل أسبوعين و ف الشهر التاسع كل أسبوع..أني أراجع ف المركز و الخاص... الخاص عند دكتورة كيران ف مستشفى رويال تسوي لش سونار ف كل زيارة و تكلفش 20 بس اذا لا قدر الله تشكين من شي و تاخذين علاجج اخذت مني 30

عندكم فهيمة المطوع و زينب الجفيري و منى الشروقي يمدحونهن بعد بس فوزية كمال شخصيا ما انصح بها لأنها بس تسوي أشعة يعني ما تقدرين تستفسرين امور الحمل وياها

و اي سؤال اني جاهزة لكن باللي اقدر عليه

[sweeti love]

الله يتمم علينه انشاء الله
باجر باروح المركز الصحي اخلص اموري وعقب كل 3 اسابيع باراجع الخاص احسن واطمن
احس روحي تعبانه هل الايام الم في ظهري وبطني مقطعني خصوصا فليل مو عارفه شنو اسوي في روحي والله

[فاطِم]

شكرا على المعلومات ذكرتوني بامي قبل 11 سنة كانت رايحه لفوزية كمال ههه
افكر اروح لها انا ادور الارخص والاحسن
ياريت تقولون كل دكتورة وين مكانها
ووزين قلتو عن المركز بكرة عجل بروح اكمل
باقي امتحان واحد hwaml02

[طه و ياسين]

الكل يقول ألم البطن و الظهر طبيعي فترة الحمل بس أهم الشي الراحة

الدكتورة منى الشروقي في سند صوب رويان ..الدكتورة زينب الجفيري ابن النفيس على مااظن الحين هناك هي... الدكتورة فهيمة المطوع قريب لعيادة سميرة المتروك لليزر ع نفس الشارع... بالنسبة للمراجعة ف المركز و الخاص كلش مريح ترى و اوفر من ناحية الفحوصات ترى بتكلفش ف الخاص .. لأن الدكتورة بتسألش ف الخاص عن الاتش بي للدم و السكر فتكونين مسوتنهم ف المركز اما الخاص بتدفعين

[sweeti love]

انا اليوم رفيجتي انصحتني اروح حق منى الشروقي بس مو الحين باروح له انشاء الله ادا خلصت 3 اسابيع
وصج الخاص يبيله ميزانيه وايد وباجر من الصبح باروح المركز علشان الملف وايد احاتي وهامله روحي وايدhwaml79hwaml79

[امل الوجود]

فاطم حبيبتي انا بصراحة اتابع عن دكتورين .. الاول احمد بركات لان حملي عن طريق الانابيب وهومتابع حملي .. بس على التحاليل هم ما يسوونها فقالو روحي المركز رحت المركز لوعو جبدي وما ناخذ حالتج وروح وتعال ومعاملتهم زفت .. فزوجي قال نروح نسوي التحاليل بالخاص .. ومرة وحده للودلاة لان دكتورة ما يولد الا قيصرية بس وبمستشفى الكندي وما ادري وين بعد .. وطبعا سعر المسشتفى غير وسعر الدكتور غير ... فسالنا والحين اتابع عند دكتورة كيران في مستشفى رويان ..


ومرتاحه من الاثنين .. وكل شهر عندي مراجعة عند احمد وعند كيران ..


سويت لاف .. لي هاملة روحج .. المفروض اتابعين على طول .. عشان تطمنين

[فاطِم]

للأسف زوجي صادته انفلونزا واخاف الحين يعديني انا بسرعه امرض
شسووي ؟ ما نمت وياه امس قلت له ما ابي امرض ههه بس يقطط لي كلينكس في كل مكان
خليت له كوب وقلاص وصحن وملعقه بروحه يستخدم واخلي له اكياس بكل مكان عشان ما يرمي ع الاشياء الجراثيم
وحطيت لي ديتول وماء في انبوبة رش وارش منه على كل المكان عسى يفيد hwaml02
لا تلوموني تخصصي عقدني hwaml02

ما قدرت اليوم اروح افتح الملف لان ما اسوق
ادعوا له بالسلامه وما انعدي والله يتمم علينا ونجوف اول فرحه لنا hwaml13

[Um Fa6oom]

سلام عليكم
انه عضوة جديدة وياكم
ومأعرف اسوي لي توقيع الحمل
من يساعدني

[فاطِم]

وانا بعد حاولت اسوي وما رضى يصير
انا ودي من Baby Ticker - The Baby Countdown Pregnancy Ticker (http://babystrology.com/tickers/)
آخر دورة لي 21-2-2012

[sweeti love]

للأسف زوجي صادته انفلونزا واخاف الحين يعديني انا بسرعه امرض
شسووي ؟ ما نمت وياه امس قلت له ما ابي امرض ههه بس يقطط لي كلينكس في كل مكان
خليت له كوب وقلاص وصحن وملعقه بروحه يستخدم واخلي له اكياس بكل مكان عشان ما يرمي ع الاشياء الجراثيم
وحطيت لي ديتول وماء في انبوبة رش وارش منه على كل المكان عسى يفيد hwaml02
لا تلوموني تخصصي عقدني hwaml02

ما قدرت اليوم اروح افتح الملف لان ما اسوق
ادعوا له بالسلامه وما انعدي والله يتمم علينا ونجوف اول فرحه لنا hwaml13




ماجوف شر اختي ترى حاسبي لاتعادين منه انا اول اسبوع عرفت فيه حامل صادتني اصخونه كرهتني حياتي كل ما اروح مكان ما يعطوني اله بندول تميت 5 ايام على العصير ليمون ونعناع وبرتقال ترى المرض حق الحامل كلش غرباله انا اليوم الحمدالله رحت المركز وافتكيت وفتحت فايل وعطوني موعد في شهر 5 الله يتمم علينه

[sweeti love]

وانا بعد حاولت اسوي وما رضى يصير
انا ودي من Baby Ticker - The Baby Countdown Pregnancy Ticker (http://babystrology.com/tickers/)
آخر دورة لي 21-2-2012
Baby Gaga (http://tickers.baby-gaga.com/pregnancy.php)



اختي جربي هل الموقع انا سويته من اهني كتبي فوق موعد الولاده لي حاسبته لج الكتوره بيطلع لج اي شهر وجم اليوم

[فاطِم]

للحين ما رحت لدكتورة ولا سويت شي
بس حللت بول

[sweeti love]

للحين ما رحت لدكتورة ولا سويت شي
بس حللت بول

لازم اتروحين علشان ترتاحين وجوفين الجنين واهو اصغير توه بتحسين بشعور حلو
بس روحي خاص علشان يحددون جم اسبوع ويرونج صورته الانه المركز مستحيل يرونج له بطلعت روح

[فاطِم]

الحين اول اروح خاص والا اروح افتح ملف بالمركز ؟
ولما اروح افتح ملف بسوون لي اج بي وما ادري شنو ؟

[sweeti love]

الحين اول اروح خاص والا اروح افتح ملف بالمركز ؟
ولما اروح افتح ملف بسوون لي اج بي وما ادري شنو ؟



انا توني اليوم رايحه فتحت ملف في المركز ورحت قبل اسبوعين الخاص سوت لي سونار روتني الجنين
واليوم المركز ولا شي سو لي بس اسالوني عندج الورقه الي تثبت انج حامل وبس وعطوني موعد يعني لا فحص ولا روني الجنين ولا غيره

[طه و ياسين]

افتحي لش ملف ف المركز اول... لان الخاص ما بيحتاج تأخير كل شي بسوونه لش من اول زيارة يعني بيعطونش بطاقة المتابعة و بسوون لش سونار فكل شي سريع

[sweet heart4]

السلام عليكم بنات انا اراجع عن الدكتوره مها في مستشفي الهلال في المحرق بصراحه وايد حبوبه وحتي الفحوصات اسويه اهناك اسعارهم جدا مناسبه وعندهم بكج حق المراجعه والفحوصات و السونار بعد ب 100 دينار بس

[امل الوجود]

صباح النشاط .. صباح الامطار .. والله هالجو حلو .. بس لو تروح الشمس ..


شلونكم يا حوااااااامل

[فاطِم]

صباحكم خير
رحت المركز عطوني موعد يوم الخميس

حدي ابي اتطمن على البيبي ما احس بولا شي بس
ظهري يعورني ساعات ويروح خصوصا لما اقعد او بنام
عادي ؟ امي تقول عادي توني في البداية لأن !

[طه و ياسين]

مساءكن خير بنات.. ألم الظهر عادي فاطم بس ارتاحي كثر ما تقدرين... الحين لازم تاخذين موعد من الخاص بعد ...اني اول مرة رحت من غير موعد ..ماادري انتين وين بتراجعين ... يمكن اللي بتروحين ليها لازم موعد ... الحين يلا حركي روحش للخاص... اذا تبغين تتطمنين سريع روحي فوزية كمال بتسوي لش سونار و بطمنش ..

[sweeti love]

بنات الم ظهري زايد كل ما امبطح يزيد وارقاد ما ارقد وغير مزاجي كل متنرفزه ومضايقه مو قادره اتفاهم مع احد كل ساكته واصيح
شنو اسوي لا اسالف ولا شي بس كله على منتدى تمللت والله

[فاطِم]

لا تصيحين حبابه مو زين للبيبي مزاجه يصير مو اوكي
حاولي تشغلين قرآن عشان تنامين واقري انتي بعد

[بنوته شي]

أختي فاطم بنصحج ...

اول شي روحي المركز .. انتي قلتي ان رحتي وعطوج موعد حق يوم الخميس
يعني بتروحين لازم بتودين معاج ورقة تحليل الحمل
وبيطلبون منج نسخة من البطاقة الذكية مالتج ومالت زوجج
وبيعطونج أوراق تروحين المختبر ويأخذون منج دم حق التحاليل .. تقريبا 3 غراش دم

بيسوون لج فايل وبس هذي الموعد
وبيعطونج موعد ثاني جريب .. هني بيدخلونج على الدكتورة وبتسوي لج وزن ولازم تاخذين معاج عينة من البول الله يعجز
ولين دخلتي على الدكتورة بتسمعج نبضات قلب البيبي وبتحسب لج انتي باي اسبوع وبتشووف تحاليلج

وبعدين كل شهر بيعطونج موعد
بس على ماظن ان ما يعطونج موعد حق التحاليل الا بعد ما تدخلين الشهر الثالث ان شاء الله

أنا اول 4 شهور كنت أعالج بالحكومي .. وبحملي الاول كامل كنت أعالج بالحكومي
بس الحين لأني اشتغل وماقدر اروح مواعيدي الصبح عشان جذي اضطريت أراجع بالخاص العصر

[فاطِم]

اها الحين فهمت انا عبالي كلشي اليوم بيسونه لي
انصدمت اصلا لما قالت بتعطيني موعد hwaml02

شكراً جزيلا على التوضيح يعني انتظر شوي على سالفة الخاص hwaml13
عبالي المركز كلش كلش ما يسون شي

[امل الوجود]

يسعد صباحكم ... شخباركم اليوم ؟

[امل الوجود]

صباح النوم.. صحصحو يا حواااامل ...

الله يقومنا بالسلامة ..

[sweeti love]

قوة بنات شخباركم عساكم بخير
بنات بغيت اسالكم انا رحت عند المركز الصحي يوم الاثنين ووصفت لي دكتوره حبوب حامض الفوليك ماكليته لي اليوم صار لي فضول قريت عنه شفته وايد مهم حق الحامل بس انا يوم اروح عند دكتورتي في خاص عطتني حبوب فيتامين اسمهpregnazon وكليت منه وجريب بخلص
الحين اكل شنو وهل الحبوب الي ماكليته حامض الفوليك كان مهم اكثر من فيتامين

[أسيرة عيونه]

سلام

شخباركم بنات؟

الي عندها رقم دكتوره فهيمه المطوع تكتبه هني ضروووري

ابي اجيك ع جنس البيبي

واذا عندكم اسماء دكاتره افضل اكتبوا الاسماء مع الاسعار

[أسيرة عيونه]

سوبتي لاف

الفوليك اسد مهم يحمي الطفل من التشوهات

الله يثبت حملش وحملي ويسهل علينا وعلى جميع الحوامل

الافضل خيو تواضبين عليه

[فاطِم]

اوه ما شاء الله تفاعل hwaml02

رحت موعدي اليوم فتحو لي ملف وعطوني تحاليل اسوي
دم وبول زراعة والاج بي 11 بس !
وعطوني موعد ثاني شهر 6

يعني ما تطمنت على روحي hwaml9
سالتها ما بتقولين لي معلومات ولا شي قالت لا !

الحين شسوي ؟ اروح خاص ؟
انا ويك 5 يعني دخلت الثاني صح ؟

[هندية ضايعة]

السلام عليكم ....

لو سمحتون اخواتي اني عضوة جديدة بالمنتدى واني الحين حامل في الشهر الخامس قالو لي المستشفى تاريخ اخر موعد للدورة الشهرية 11_11_2011 بغيت اعرف في اي تاريخ ادخل الشهر السادس او الشهر الجاي وشلون يكون الحساب ؟؟؟؟


مشكورين أخواتي واتمنى مساعدتكم


ياالله يابنات البحرين

[فاطِم]

وينكم حوامل .. حسدتكم ؟

اختي سويت لج حساب بالنت
على اساس دورتج منظمة 28 يوم
تاريخ الولادة المتوقع 17/8/2012
وانتي في الاسبوع العشرين

http://forum.hwaml.com/imgcache2/hwaml.com_1333140759_826.png

[طه و ياسين]

مرحبا بنات...اختي فاطم ع حسب علمي ويك 5 ما ببين لش الجنين ..انتظري للاسبوع الثامن و إن شاء الله تسمعين النبض و الجنين .. اللي تسأل عن الدكتورات ..سوي سيرنش ع النت و بتشوفين آراء البنات

[امل الوجود]

صباح الخير يا حوامل ..


سويت لاف حبيبتي .. الحبوب اللي عطوج اياه الخاص .. عبارة عن محموعة من الفيتامينات ومن ضمنها حمض الفوليك .. فلازم توقفين حبوب حمض الفوليك اللي من المركز لانج بهالطريقة .. تكونين قاعدة تاخذين ضعف الكمية .. .. وعشان تتاكدين اقري على الكارتون تبع حبوب الخاص مكتوب هالحبوب عبارة عن شنو ..

[sweeti love]

اي قريت الفيتامين ويحتوي على نسبه حمض فوليك بس با ترك حبوب المركز باتم على الحبوب مال الخاص احسن الانه حدي اخاف لما اكل حبوب حمض الفوليك مع فيتامين اخاف يصيدني شي

[أسيرة عيونه]

مسامحه خيو سويتي لاف

عبالي تقولين انش ما تاخذين الفولك اسد

خلاص دام الفيتامين فيه فولك اسد وقفي مال المركز واسألي دكتوره افضل بعد

الله يثبت حملنا ويسهل علينا

[امل الوجود]

صباح الخير .. شلونكم يا حوااامل

[ام داني]

هلا صباح النور شخبار بسالكم متى احس بحركة الجنيين

[فاطِم]

لحقو عليّ

اقعد من النوم ارد انام !

[طه و ياسين]

ام داني بتحسين إن شاء الله به بنهاية الرابع و ع بداية الخامس مثل الرف و بعدين بتحسين بتحجر لما تتطور عندش الحركة.... فاطم النوم كلش عاااادي

[امل الوجود]

صباح الخير حبيباتي ..

ام داني حبيبتي .. بخصوص الحركة اللي اول تحمل .. بتكون عندها الحركة غير معروفة .. غير اللي حملو من قبل بحسون بالحركة بسرعة ويميزونها .. ومثل ما قالت اختي طه وياسين الحركة عموما تكون محسوسة من الشهر الرابع و الخامس وانتي ماشية .. بس يقولون انها بالشهر التاسع تخف لان البيبي يكون شغل المساحة كاملة .. اللي عنده ..

فاطم حبيبتي .. النوم امر طبيعي عند الحوامل .. بس ياريت انا نفسج .. انا كله قاعدة ونومي قليل . حتى الاهل على طول يقولون لي نامي واشبعي نوووم .. بكون بس يجي البيبي .. راح توديعين النوم .. بس ما اقدر رغم اني اغصب روحي على النوم .. ما في فايدة ..

[فاطِم]

رحنا لفوزية كمال
وشفنا النونو دائرة ما يبان شي وعمره مثل الي بالموقع
اهمشي تطمنت ، قالت لي عندي كيس ع المبيض بس بيروح بروحه

والحمد لله hwaml13

[بنوته شي]

الحمد لله فاطم اهم شي شفتيه وتطمنتي عليه

وباقي البنات شخباركم عساكم طيبين وشخبار اجنتكم

طمنونا عنكم ..

عني أنا رحت الاسبوع الي طاف وسويت تحليل سكر
وعندي موعد عند الدكتورة موزة يوم الخميس

واحس بثقل نازل تحت بطني ومعاي نفس الحموووضه ذابحتني

الله يكون بالعون

[امل الوجود]

فاطم .. الحمد لله تطمني على وضعج ..


بنوته شي .. انا السكر مرتفع عندي .. سويت تحليلين .. واليوم عندي موعد مع الدكتورة حق التحليل الثالث .. اللي كل ساعة يسحبون عينة .. والله يستر بس ..

[hazina]

اهلاا شخبــأأأركم عسـأأأكم بخير

أنــأأ قديمة بالمنتدى احس انه المنتدى تغير واجد

وحتى البنآآت الا فيه جدد وحتى الديوانية تجددت

واهلا بيكم وتشرفنا ابكم بس وين بآآقي البنآآت الا كانو موجودين

آكيد كل وحده انشغلت باولادهآآآ وتستمر الحيآآة جدي

والبنآآت الجدد الحوآآمل الله يثبت لكم وتولدون بالسلآآآمة يآآرب وعقبآآلي

مآآاخبركم بحملي قولووووو آآآآمـــــــــــــــــين hwaml23

[بنوته شي]

ما تشوفين شر أختي امل الوجود
وربي يحفظج انتي وجنينج من هالسكر
أنا باجر بتطلع نتيجتي وان شاء الله يكون مافيني

هلا اختي حزينه نورتينا مره ثانيه

[خاتم ذهب]

بنات الحوامل
سمعت اللي تاكل فواكه وسفرجل وتمر وهيك يطلع الطفل يجنننننن قمر
قولي لي شنو تاكلو بالضبط غير فواكه وسفرجل عشان يصير قمر وجميل وصحي ومورد ودب هههه

[فاطِم]

ايه انا بعد سمعت بالي قلتيه وضيفي عليه الكمثرى والتفاح الحلو
بسالكم من وين احسن مكان سفرجل جابو لي بس خشن وما يناكل
وبعد هل الفشار البوب كورن يضر الحامل او لا لان صايره اشتهيه وايد

[hazina]

منور بوجودكم

لان من زمان ما ادخل

وقلت ما ابي ادخل الا واني حامل بس قلت

بشوف المنتدى اشوي هههه يالله الله يكتب لنا الا فيه الخير

ويرزق كل محروم الذريه الصالحه

[امل الوجود]

مرحبا .. شلونكم .. السفرجل حاليا ما اشوف له اثر .. وبخصوص الفشار او البوب كورن فهو ممنوع علي .. مفما عندي فكرة اذا مضر او لا .. بس على الاغلب ما فيه مضره لان له فوائد كتيرة .. واستغربت يوم عرفت فيه هالفوائد ..

وخاتم ذهب انا اكثر شي اكل هالفترة التوت .. ان موسمه واحبه .. الغوجة .. الصبار التايلندي .... الخ بس اكثر شي التوت


حزينة حبيبتي الله يرزقك ويرزق كل محروووم يا رب .. ولا تستعجلين على رزقج .. كل تاخيرة فيها خيرة .. اكيد في صلاح لج

[ام ابتهال]

يب انا بعد سمعت بالسفرجل حليو للجنين وامو بعد التفاح

[فاطِم]

امس بالليل حسيت بشي غريب
نوع الشي الي يسحب قوتي من جسمي كله
وما اقدر اتنفس واحتاج هواء
ونبض في بطني قوي
وبعدين راح الالم في رجولي من الركب الى الاصابع !

[امل الوجود]

ممممممم غريب يا فاطم .. احتمال مو ماكله شي .. او ناقصج حديد ..
ما عندي فكرة بصراحة بس راجعي المستشفى احسن ..


شخباركم يا حوااااامل ؟!!

[فاطِم]

انا اكتشفت السبب
كان عندي عزومة واشتغلت كثير
ويوم الي اشتغل اتعب

[بنوته شي]

السلام عليكم بنات

أنا امس كان عندي موعد بالمستشفى ويوم سووت لي الدكتورة سونار شافت ان راس الجنين نازل وانا توني باول الشهر السادس
ومنعتني من الحركة لازم على طول اكون منسدحه ومنعتني من الطلعات والروحات والييات وحذرتني من الجماع وعطتني إجازة لمدة أسبوعين ما أداوم

وكتبت لي إبرة أخذها كل اسبوع لمدة شهر وكتبت لي حبوب أخذ منه حبه مرتين في اليوم

وانا حدي خايفه وقاعده احاتي
ادعوا لي يا بنات أن ربي يحفظ لي جنيني ويرتفع راسه وما اروح موعدي بعد أسبوعين ان شاء الله الا كل شي زين

[طفلتي انيقتي]

لاتشتغلي كثير يافاطم
بناااااااات ابي صديقات ^^ بس اهم شي يكونون مواليات ^^ < يعني بالحرف الواحد (شــــيعيه موالي لمحمد وال محمد )
لاني طفشانه حدي

[طفلتي انيقتي]

لاتشتغلي كثير يافاطم
بناااااااات ابي صديقات ^^ بس اهم شي يكونون مواليات ^^ < يعني بالحرف الواحد (شــــيعيه مواليه لمحمد وال محمد )
لاني طفشانه حدي

[طفلتي انيقتي]

اسفه من غبائتي عدة الرد ثانيه ههههههههههه لانه علق
بنات شخبار البحرين من هالقمع ؟؟؟؟؟؟؟؟؟ والله دايم ادعي لهم وابجي ^^

[بنوته شي]

مساكم الله بالخير يا حواااامل
شخباركم وشخبار اجنتكم

[امل الوجود]

مرحبا يا حوااامل .. انا عن نفسي تماااااااام .. بس اليوم حاسة بتعب ولوعة .. شكلي بستاذن من الدواااام ...

[ام داني]

هلا كيفكن حوامل شخباركن ان شاء الله بخير ادعو ليي اروح تحليل السكر ويقولون نزل خايفة لان ارتفع وبردون يسوون ليي تاريخ 10

[فاطِم]

الله يثبتكم ويسهل عليكم
صرت ما احب الاكل اول الحمل اشتهي اكل كثير

[أسيرة عيونه]

صباح الخير

شخباركم؟!

[أسيرة عيونه]

هلا كيفكن حوامل شخباركن ان شاء الله بخير ادعو ليي اروح تحليل السكر ويقولون نزل خايفة لان ارتفع وبردون يسوون ليي تاريخ 10

ان شااء الله ينزل وتفتكين ما تسوين مره ثانيه

[اميرة الفراشات]

مرحبااا حواامل

شخباركن؟؟


انا عضوة يديدة واتمنى تقبلووووني معااكم ..

و ربي يسهل عليكم جميعااا ويتمم لكم على خير ..

[ام ارجواااااان]

مرحباااااااااااا
يالغالياااااااااااااااااااااات
شرفونااااااااااااااااااااااا
على الرابط


http://forum.hwaml.com/t104081.html (http://forum.hwaml.com/t104081.html)




http://forum.hwaml.com/imgcache2/hwaml.com_1333922438_316.jpg

[امل الوجود]

صباح الخير .. شلونكم ؟؟؟

ارحب بالاعضاء الجدد ..

ام داني حبيبتي بخصوص السكر ان شاء الله ينزل .. انا سويت التحليل الثالث ابو اربع ساعات وانتظر النتيجة المفروض اليوم يتصلون يخبروني ... عموما انا تميت استخدم (( ماء الزيتون )) + (( ماء السكر )) ما يضرون الحمل طبعا .. تحصلينهم في البرادات او الحواج .. مثل ماء اللقاح و المرقدوش ... طبعا ماء الويتون يخفظ نسبة السكر و ضغط الدم .. وماء السكر .. ينظم مستوىالسكر في الدم.. تاخذينة قبل الاكل بنص ساعة
مكتوب عليهم الفوائد و الاستعمال

[امل الوجود]

صباح الخير .. وينكم يا حواااامل ؟؟؟


طمنوني عنكم ...

[فاطِم]

انا بعدي مرضانه بس الحمد لله ارتفعت السخونة

[Um-shaika]

صباح الخير

شخباركم دبدوبات p=

بسألكم تحليل السكر متى يسونه؟

[بنوته شي]

لمن تدخلين الشهر السادس يعطونج حق تحليل سكر

[امل الوجود]

مرحبا .. شخباركم مع الغبرة اللي ما تصير الا في الويكند هههه ...

بخصوص تحليل السكر انا سويته بالخامس ..

[أسيرة عيونه]

اني سويته في السادس قبل موعدي مال السابع بأسبوع

يعني تقريباً آخر اسبوع من السادس

يمكن كل مركز مواعيدهم تختلف

الله يساعدش على التحليل .. العصير يلوووع الجببد من تشربينه تحسين روحش بترجعين

[بنوته شي]

أنا سويته بالأسبوع الاخير من الشهر الخامس لأني أراجع في الخاص

ودكتورة المركز مالنا تقولي إحنا ا نسويه الا باخر اسبوع من السادس

[امل الوجود]

يسعد صباحكم يا اهل ديرتي ..

طمنوني عن صحتكم ؟؟؟ وشخبار البيبي ؟؟

[اميرة الفراشات]

هلا والله ..

بخير الله يسلمج .. ولله الحمد


انتي شخبارج شعلومج ؟؟

[امل الوجود]

انا الحمد لله بخير .. اليوم عندي موعد اشوف الدكتورة شتقول ..


صباح الخير للجميع

[بنوته شي]

مساء الخير

شخباركم وشعلومكم

طمنينا عنج اختي امل الوجود

[امل الوجود]

صباح الورد ..

اموري كلها تمام .... ولله الحمد ..


بس قالت ان عندي التهاب بالبول ... وكل مرة تسمعني نفس الجملة ان البيبي حجمه كبير ..رغم ان نزل وزني ..

ومره ثانية بسوي تحليل الدم .. لان كل مرة ينزل .. بس عموما وضع البيبين اوك ...


طمنوني عنكم ...

[قطوه سوده]

شلونكم مع الحمل الله يسهل علينا يارب

[قطوه سوده]

هلا فيج منوره حبوبه

[امل الوجود]

كل الهلا فيج يا قطوة سودة ..

صباح الخير يا اهل ديرتي .. شخباركم مع الحمل ..

[نجمة صغيرونة]

مرحبا
صباااااح الخيرررر
شخبار كم ياحلوين
اني امس كان عندي موعد حق سونار واني بنص الخامس
والحمدالله طمنوني على سلامة الجنين وكل شي يسير في وضعه الطبيعي
بس للاسف ماقدرت الدكتورة تعرف جنس البيبي لان كان امسكر ارجوله
وقلت راح ارجع اروح اشوف لما ادخل الشهر السادس يمكن يبان واذا مابان
امري لله لان حابة اجهز حق البيبي وموعارفة الالوان اللي تناسب خصوصا اذا ماعرفت شنهو نوع جنسه والفضول ذابحني ههههههه

[فاطِم]

من زمان ما اطل هني
تعبانه موت
اقعد من الصبح وبعدين انام لي الضحى
ما اشتهي الاكل وعندي لوعه
وبديت ارجع اللي اكله hwaml15
غير وجع الظهر يقولون تدليك الظهر مو زين
شسوي يالم بشكل مثل الدورة !

[امل الوجود]

مرحبا يا حوااامل ..

نجمة صغيرونه اللي اسمعه من الناس ان اذا البيبي ما يبان اقصد كله مسكر رجوله يكون (( بنت ))

بس مو شرط ما ادري بس الاغبيلة يقولون جذي انا حامل بتونز البت بينت بسرعه بس الثاني وضعه ما كان يبان وتدرين 2 يخربطون على كلام الدكتورة .. اخر زيارة الدكتورة قالت صبي .. بس بشوف دكتوري شنو يقول .. عشان ابتدي اجهز على فكرة انا غالبتج شوي انا الحين بالسادس .. الله يتمم لنا على خير يارب

فاطم حبيبتي .. خبرتج ان هذا كله طبيعي .. فترة وتعدي .. ان شاء الله على خير .. وانتي الحين بالثاني .. يعني باقيلج شهر وتطلعين من النساه .. ويجيج الثقل بعدين والم الرجل .. ههههه (( اخوفج من الحين ))وعلى فكرة في البعض النساه اتم معاهم الى التاسع ان شاء الله انتي مو منهم .. ههههه اتوقع اتسبيني الحين هههه .. الله يقومج بالسلامة حبيبتي .. صدقيني راح تنسين كل شي بس تشوفين البيبي قدامج ...

[فاطِم]

هههه صج خوفتيني
لان اعراض النساه بدت متاخر توها يعني
الله يستر

اكيد كلشي يزول بجوفته الله يقومنا بالسلامه ويوصلنا

[امل الوجود]

صباح الخير ... شخباركم ..


فاطم حبيبيتي ... مو قصدي اخوفج .. ههههه الله يقومنا بالسلامة

[أسيرة عيونه]

سلاام..

شخبااركم؟!

[امل الوجود]

هلا و الله اسيرة بخير نسال عنج ..


شخباركم يا حوامل ؟

[أسيرة عيونه]

هلا و الله اسيرة بخير نسال عنج ..


شخباركم يا حوامل ؟

هلا فيش عمري ..

دوووم يا رب مو يووم .. سألت عنش العافيه خيه ..

[أسيرة عيونه]

بنات ابي منكم مساعده من فيكم تعرف محلات للحواامل يبيعون فساتين حلووه ونااعمه

[امل الوجود]

صباح الخير ..

اسيرة حبيبتي شلونج .. ممممممم بخصوص الملابس بالعادة المحلات اللي تبيع اغراض البيبي مثل الملابس يكون عندها قسم للحوامل يحتوي على فساتين .. او بناطلين و غيره .. بس محل خاص بصراحه حاليا ما يحضرني شي .. وما ادري اذا فيه ... انا عن نفسي اختي عطتيني كم فستان تبع حملها .. كانت مسوية الدزاين وخيطتهم .. والحين عطتني عشان البسهم ..


احاول اشوفج مني ومني .. واذا عرفت محل او مكان راح ارد عليج .. وسامحيني على القصور ..

[فاطِم]

شخباركم ؟
انا من اتعشى ثقيل مثل معجنات او شي بالبهارات ارجعه

بسالكم ومستحيه
بعد الشهر الثالث يصير يتم الـ ... بشكل كامل ؟
لان صراحه يألمني لما كان يصير من قبل احس المكان ضيق
وما ارضى يتم كلشي لان اخاف على البيبي

[بنوته شي]

فاطِم

اختي في الاشهر الاولى .. حاسبي على روحج
بس اظن من بعد الشهر الخامس كل شي عادي

انا كان راس الجنين نازل عندي وخذت قسط من الراحه لمدة اسبوعين ومع حبوب التثبيت والابر

الحمدلله رب العالمين .. رحت هالمره لموعدي وبشرتني الدكتوره ان وضع الجنين طبيعي وكل شي سليم ولله الحمد

بس انا خايفه ان يرجع ينزل راسه مره ثانيه بسبت الدوام والدرب الطويل الي اسوق فيه السياره كل يوم من الرفاع لين المحرق والعكس

مع اني بعد ما ارجع من الدوام على طول اتغدى وانسدح ولا المس شي في البيت .. يا اكون منسدحه او قاعده بس المهم اني ما اتحرك وايد ولا اجهد نفسي بشغل البيت

[امل الوجود]

مرحبا يا حوامل..


فاطم حبيبتي .. المعجنات هي اساسا ثقيله وتنفخ .. حاولي تخففين .. وترى الترجيع شي عادي .. وبخصوص العلاقة .. ترى يعتمد على وضعج و وضع البيبي .. في بنات يكون ممنوع عليهم طوال فترة الحمل مثل اللي مسوين ربط .. وغيره .. ومثل ما قالت بنوته البيبي ساعات راسه يكون تحت .. وعلشان اوضح الصورة انتي لما يصير شي تصير انقباضات في الرحم .. خصوصا السائل المنوي يحفز الرحم .. فهالشي بادي الى ولادة مبكرة مثلا ...
ان شاء الله فهمتي علي حبيبتي .. بس الاحسن تسالين دكتورج مو تسالينا احنا .. الدكتوره عارفة وضعج عدل .. واحنا بنختلف بالاراء على كل وحده وحالتها ..

[فاطِم]

اهاا
المشكله ان ماعندي دكتورة ولما اروح الخاص محد يقولي شي
بس طمنوني اخير مره انه كلشي اوكي
وموعدي فالمركز بعيد 20-6

[بنوته شي]

ليش معطينج موعد وايد بعيد

[فاطِم]

شدراني عنهم
سألت قالو عادي يعطون موعد بعيد
حسبت اني بدخل الخامس يعني نهايه الرابع

[بنوته شي]

يعني بتروحين موعدج ان شاء الله وبيعطونج موعد جريب حق سونار

يمكن بعد اسبوع من موعدج

[فاطِم]

ههه عاد انا بنطرهم
بروح خاص لي ابي اجوف

ان شاء الله يعطوني قريب

[امل الوجود]

صباح الخير يا حوامل
شخباركم ؟؟
وشلون الحر معاكم .. الله يستر تونا في شهر 4 و الحرارة 37 ..

[أسيرة عيونه]

صباح النور

الحمدلله وانتين شخبارش؟!

ايي والله .. الله يسااعدنا ع الحرر

[PinkCherry]

السلام عليكم حوامل البحرين شخباركم؟
اني عندي موعد غدا عند الدكتوره زينب الجفيري شهالزحمه تصدقون دخلت الرابع وتوني اول مره بروح اسوي التراساوند صار لي شهر انتظر موعدي ليش هالزحمه؟hwaml15عموما حبيت اسال اللي عندها خبره يبان جنس البيبي متى؟hwaml7ضاربتني حووووووومه ابي اعرف ههههههههه ووووووومشكورين مقدما

[امل الوجود]

اسيرة انا الحمد لله بخير ..


بنك حبيبتي عادة من الشهر الرابع يبان شنو فيج وساعات يكون مو واضح في الخامس وز السادس يوضح عدل .. بس عموما من الرابع ..

[بنوته شي]

اي والله حر خصوصا اذا اطلع الظهر من الدوام واروح اتمشى لي الباركات .. احس دبتي تنصلخ من الشمس

يالله الحمد لله على كل حال .. وربي يقومنا بالسلامه

أنا يوم الخميس عندي موعد عند الدكتورة موزة ... ان شاء الله تطمني

[ايم___ان]

صباح الخير بنات
كيف الحمل وياكم , ان شاء الله بخير
عندي لكم سؤال اتمنى تكون عندكم الاجابة
انا متابعة حملي في المستشفى الحكومي (مدينة عيسى )
تدرون يعطون مواعيد بعيدة وايد وانا موعدي باول شهر 6 وحابة اعرف عندي ولد او بنت خصوصا اني بالشهر الخامس والخاص ذبحونا ما يتكلمون بأقل من 35 دينار حق الالتراساوند
سمعت انو مستشفى الهلال الي بالمحرق رخيص يسوون الترساوند بس ب 13 دينار وما في فتح فايل والدكاترة زينين
شرايكم ؟؟

[Om KHaled]

http://forum.hwaml.com/t109045-3.html

[فاطِم]

كلما يمر اسبوع وادخل اسبوع جديد
تنزل افرازات مثل ايام التبويض عادي ؟؟
احيانا احسها مطاطه وخيط
واحيانا سائله لزجه
تنزل بعد البول

والحر اففففف مشكله يسبب لي صداع hwaml15

[أسيرة عيونه]

خيو فاطم اني ينزل عليي افرازات صفره وبيضا سمعت يقولون طبيعي

بس اهم شي ما وياها حكه ولا ريحه

وبتجوفين الافرازات بتزيد ويه تقدم الحمل

الله يسهل عليناا ياارب ويعدي هالشهور ع خير

[امل الوجود]

صباح الخير يا حوامل .


شخباركم مع الحر و الحمل؟؟ بصراحه براااااااد مو طبيعي هههه ...

[هداوي]

صباح الورد
شخباركم بنات

[ام القمر ياسر]

مساء صباح الخير

بغيت استفسر عن عيادات او مستشفيات لفحص السونار لتحديد جنس الجنين وعن اسعارهم بالبحرين

[فاطِم]

بالنسبه للبراد
الله يعين
شهر رمضان جاي والله يستر
فعز البرد شهر 8

[أسيرة عيونه]

خيو ام القمر ياسر عندش فهيمه المطوع ب35 دينار

ويكون التلفزيون واااضح وهي دكتوره شاطره

الله يثبت حملي وحملش وحمل كل البنات يارب ويسهل علينا

[صعب تنساني]

صباح الخير بنات
كيف الحمل وياكم , ان شاء الله بخير
عندي لكم سؤال اتمنى تكون عندكم الاجابة
انا متابعة حملي في المستشفى الحكومي (مدينة عيسى )
تدرون يعطون مواعيد بعيدة وايد وانا موعدي باول شهر 6 وحابة اعرف عندي ولد او بنت خصوصا اني بالشهر الخامس والخاص ذبحونا ما يتكلمون بأقل من 35 دينار حق الالتراساوند
سمعت انو مستشفى الهلال الي بالمحرق رخيص يسوون الترساوند بس ب 13 دينار وما في فتح فايل والدكاترة زينين
شرايكم ؟؟
اهلا اختي ايمان الله يتمم عليج ومبرووك الحمل انه كنت اتابع بالهلال hwaml10والدكاتره الي هناك واايد زينين وعندهم خبره عريقه انه انصحج فيهم لانه انه ارتحت عليهم واايد ما فيه سؤال عندي الا كان عندهم جوواب شافي وكافي والسوونار بعد الي عندهم واايد زين وواضح وسعره معقووول واذا الله اكرمني مره ثاانيه رااح اتابع معااهم hwaml16

[صعب تنساني]

الله يتمم لكم اي سؤال عنكم انه حااااااضره بالنسبه لكم انتوا على جدد بس اعرف بعظكم مثل ام عاائشه ؟؟؟ وينهي ليكوون سوتها وولدت؟؟؟ واعرف بنووته شي شلوونج مع الحمل اخر مره اتذكر كنتي تقولين تبين ترووحين تسووين سوونار؟؟؟الله يتمم لكم