دردشة حوامل أهل القصيم - دردشة بنات القصيم - تجمع حوامل القصيم

[عبير الحرية]

http://forum.hwaml.com/t259391.html

[أم عموري.]

مراحب يابنات القصيم اخباركم؟
ليت اللي لها تجربة ولادة قريبة بمستشفى النساء والولادة الحكومي ببريده او الفريح وش رأيها بعنايتهم وخياطهم هل يصارخون على الوحدة :)

[قمرهم ندو]

مستشفى الحبيب يعطي اجازات

واهتمامهم حلو لكن الخياطه عاديه انا سبق ان ولدت عند ساجيلا
مستشفى الفريح الدكتورة نوال طيبه ولاتصرخ لكن اهتمامه خايس
الحبيب دلع اهتمامهم .
اللهم سهل على الجميع

[أم عموري.]

مستشفى الحبيب يعطي اجازات

واهتمامهم حلو لكن الخياطه عاديه انا سبق ان ولدت عند ساجيلا
مستشفى الفريح الدكتورة نوال طيبه ولاتصرخ لكن اهتمامه خايس
الحبيب دلع اهتمامهم .
اللهم سهل على الجميع

الله يجزاك خير ياقمرهم .
قصدك الفريح اللي اهتمامهم خايس ؟ كيف الخياطه عندهم حلوة ؟

وباقي الصبايا احتاج تجاربكم في المستشفى الحكومي ببريدة الله يوفقكم

[حبيبي يارسولي]

الحكومي انا جربت الولاده عندهم قبل خمس سنوات والمره هذي ان شاءالله يقولون متغيرين في ناس تمدح وفي ناس تذم احترنا وكل شي بيد ربي بس مايحبون الي تصارخ الفريح يمدحونه عندهم ابره ماتحسين بخروج طفلك ولا الخياط باخر لحظه يضربونك اياه عند خروج الراس تصحين تلقينهم مخلصين وملبسينك بالنسبه لخياطهم سوته حماتي عندهم التجميليه مع الولاده تحلف تقول ماتغيرت من جوا بس مخطيين البدايه ومضيقينه بزود وراجعت بعدين تبي حل لهالمشكله قالو لازم نفتح ونخيط من جديد وهالشي سبب له مشاكل مع زوجه لانه مقفل المنطقه ولا تقدر تستحمل الالم يعني ديكور بس خياطهم اما خياط العادي والله مدري عنه بس يقولون دكتوره نوال نفسه زينه هي الي سوت التجميل للمره

[أسيرة زوجي]

http://forum.hwaml.com/t260328.html

[تيامه]

اهليييين بالحوامل

لا ماشاء الله فيه امل يمشي التجمع

لكاعه.... وينك عساك لقيني احد يعطيك اجازه... ان شاء الله تكوني ولدتي تعالي وصولي لنا وين

حبيبي يارسولي... طمنينا عليك اذا ولدتي قريت مواضيعك قبل الله يسهل عليك وييسر لك الولاده السهلة وتجين تبشريننا

انا باقي لي اسبوع ادخل او اقل ادخل التاسع بإذن الله..

ومالي تجارب بالخاص.. جربت مستشفى الولاده وعذبتني خياطتهم

والحين محتاره ودي بالخاص عشان الخيوط والاهتمام الله يعين والله مييييته رعععب وخوف.. يارب طمت قلوبنا

يالله ياحوامل القصيم دردشوا وشعللوا المكان نبي تباشير ولاده واخبار المستشفيات.. ربي يعين ويسهل

[أم عموري.]

حبيبي يارسولي تنصحين يعني بالحكومي ؟

تيامه كم لك سنة والدة بالحكومي ؟ والخاص قررتي مستشفى محدد تولدين فيه ؟

انا مشكلتي بكر وأخاف يصير لي الله يستر مضاعفات والخاص يصير ماعندهم امكانيات .
الله يكتب الخيره ..

ياجميلات ياقصيميات شعللوا التجمع نبي تبادل خبرات خصوصاً اللي والدات قريب تكتب لنا تجربتها

[تيامه]

هلا ام عموري

انا والده لي ثلاث سنوات... والحين اراجع عندهم.. بس احسهم حوسه بعد الانتقال تخيلي تخليلي ضاع واللي سألتهن والدات فيه قريب يسبنه
انا ودي بالقصيم الوطني ومثلك خوافه والله ماادري اجزم عليه اولا.. بروح لهم واشوف بإذن الله
وسمعت مددح كثير لمستشفئ سعود بعنيزه بس مافي تجارب كثيير فيه والا هو حكومي واخاف يصير زي الولاده

الله يطرح لنا الخيرة المباركه انا حاليا على استخاره وماادري وش ابرسي عليه .. الله يهون علينا ويقومنا بالسلامه ياااارب

[لكاعه]

مرحباا حبيباتي كيف حالكم ... إيه يا عيوني رحت الوفاء بعنيزه و عطون اجازه كنت ابي الوطني يقولون يعطي بالهبل بس اخترت الوفاء علشان أولد فيه بس لان خياطهم زين و كأنه تجميلية ....

[لكاعه]

تيامه أختي ولدت بالملك سعود بعنيزه بس قيصرية من 4 سنوات تمدحه و ما تطلعين إلا والولد مطهر

[عروسة نايس]

مرحبا حبيباتي كيفكم
انا مو من القصيم وحابه أستفسر عن مستشفياتكم سوا خاص او حكومي ولادتي بتصادف بالقصيم ﻷنزوجي جاله ندب سنه بالقصيم ولا نعرف فيها احد فياليت تنصحوني بمستشفى حلو وخياطة حلوه واهتمام بي وبالبيبي وربي راح ادعي لكم من قلب الندب برمضان وولادتي بذي القعدة لكن م1طره افتح ملف ول ماأجي عشان متابعة الحمل وشكر لكم

[تيامه]

الله يهون عليك اختي لكاعه وتقومين بالسلامه وتجسن تبشرينا ياارب

انا رحت القصيم الوطني وفتحت ملف وكان بالطوارئ مناوبه استشاريه اسمها سميه ودخلت عند رحاب سودانيه شكلها كويسه بس ماادري والله عندي نسبة تردد خخخخخخخ الله يستر.. قالت لي نبي تحليل واشاعه..

زوجي يقول مهب لازم خلينا مانجيهم الا بالطوارئ احسن..وانا والله متردده لاني تحاليلي واشعتي بالولاده كويسه...
فيه كمان عندهم دكتوره جراحة عامه اسمها عميره كشفت علي تتكلم فصحى مكسر

اللي فهموني اياه ان اللي تولدك الاستشاريه المناوبه كل وحده لها مناوبه واما عروب آخذه إجازه شهر وفيه سميه ورحاب ووحده ثالثه نسيت اسمها
سألت عن التكلفه قالو لي طبيعي 4110 والاقامه ثلاث ايام

ان شاء الله اكون افدتكم بعد ما قصيت لكم قصة حياتي
دعواتكم لي بالشفاء والولاده السهله الميسره

[لكاعه]

الله يسهل عليك و على كل الحوامل

[عروسة نايس]

تيامه مشكووورة اختي ربي يسعدك ويوفقك ويسهل عليك حبيبتي التوليد والإقامه 3أيام ب4110بسيطه مقارنه بالوفاء
اولد واريح 3ايام واسافر ﻷهلي
الله يفرج عليك ويناولك مرادك ويسعدك ويفرحك بشوفت جنينك بين يديك

[حبيبي يارسولي]

رجعت لكم بعد الولاده الحمدلله ولدت بمستشفا الولاده والاطفال وطبعا هم كانو منوميني قبل الولاده بثلاث ايام لان المويه كثيره وقالو مشكله لو تجيك ولاده بالبيت وموعد عمليتي السبت عاد انا جاني طلق طبيعي يوم الخميس العصر وانا عندهم ودوني الكشك وكان فاضي مافيه الا انا والله الظلم ظلمات يوم القيامه والله اهتمو وحتا دقو ع الاستشاريه حقتي وجت من البيت وشافت ملفي وشافو البيبي وقالو المويه كثيره وحجم البيبي كبير ودخلوني عمليات والحمدلله قبل مايجيني الطلق الحار كانو بسرعه يشتغلون كان فاتح 4 سم وبعد الولاده قالو لازم مرافق معك وانا ماعندي احد بالقصيم واصرو ع المرافق جبت شغالتي وخليت عيالي عند جدتهم من ابوهم بس والله كانو مهتمين من ناحية الخدمه العلاجيه وهذا اهم شي ولا مالهم دخل فيك باي خدمه غيره والله الممرضات سعوديات حبوبات مره عكس الي نسمع والدكاتره نفوسهم زينه وهذي قصتي مع المستشفى مشكلتنا حنا الخوف الغير طبيعي انا شوي وافقد اعصابي من الخوف دخلت حاله نفسيه قبل اولد الله يسهل عليكن وتولدن وتقومن وانتن بصحه وسلامه

[تيامه]

الحمدلله على سلامتك حبيبي يارسولي.. والله يجمع لك بين الاجر والعافيه ويخليلك اطفالك ويخليك لهم يااارب

تسلمين على طرح تجربتك بالولاده الله يجعلها بموازين حسناتك..

والله ياختي الخوف قطعنا وشتتنا الله يرحمنا والا الولاده تساهيل بس انا شكلي ان شاء الله بتيسيره اذا اراد ابولد بالوطني الله يعجل لي ولجميع الحوامل بالفرج العاجل يااارب..

[تيامه]

تيامه مشكووورة اختي ربي يسعدك ويوفقك ويسهل عليك حبيبتي التوليد والإقامه 3أيام ب4110بسيطه مقارنه بالوفاء
اولد واريح 3ايام واسافر ﻷهلي
الله يفرج عليك ويناولك مرادك ويسعدك ويفرحك بشوفت جنينك بين يديك

اامين ياارب ولك بالمثل الله يسهل علينا الوه ويقومنا بالسلامه مشكوووووووره ياااقلبي...

[شقـ بدلع ـاوة]

مرحبا بنات كيف حالكم كثير تمنيت اشارك بالمنتدى هذا والحمدلله بعد مرحلة علاح تمت قرابة الثلاث سنوات حللت منزلي مابان الخط الثاني مره كاانو ظل بعد نص ساعه وضح الخط الثاني وتحليل دم طلع ايجابي اني حامل ولما رحت لدكتورتي اللي عالجت عندها باالمعالي قلت. انا حامل وشنو العلاجات اللي اخذها قالت اول اشوفك سونار ضيقت صدري يوم شافت قالت كيس تغذية الطفل موجود وفيه نقطه ممكن انها النطفه قلت كيف تحاليلي تقول انا حامل قالت بعمل تحليل دم رقمي انتي قد اخذتي منشطات وممكن نفس الابر رفعت هرمون الحمل ومايطلع حمل طمنوني تكفون كلامها رفع ضغطي

[لكاعه]

ما عليك من كلامها توكلي على ربي اذا كاتب ربي حمل بتحملين ... و كل أمرك خير تطمني ي قلبي

[تيامه]

حبيبتي شقاوة بدلع توكلي على الله وفوضي امرك له ان شاء الله تكوني حامل

انا هذا ثاني حمل تقولي الدكتوره باول سونار كيس فاضي..

في حملي الان وصلت الاسبوع السادس وهي تقول كيس فاضي وبآخر الاسبوع السابع طلع النبض والحين دخلت التاسع ربي يهون علي ويسهل ولادتي وجميع الحوامل يااااارب

[حبيبي يارسولي]

اي لاتستعجلين انا بداية حملي قالو كيس بس فاضي لازم تنويم وطلعت ع مسؤليتي لان كل حمل لي بدايته يقولون هالكلام الله يعطيك مااتمنين

[شقـ بدلع ـاوة]

الله يقر عيني بشوفة جنيني بين يديني وكل محرومه يارب

[اغآني الشتآء]

بنات انا اتابـع بمستشفﯼ الفريح بس لما اشوفه شكله من برا تجيني كآبه وشلون بولد عندهم انا الحين بالتاسع وخايغه اولد عندهم بس يمدحون الدكتوره نوال وش رايكم
طيب عندي سﯝال مستشفﯼ الولاده والاطفال اختفﯼ الفايروس اللي كان منتشر ولا ايش بالظبط.. وعندي بعد سﯝال اقدر اولد قطاع خاص بمستشفﯼ الولاده والاطفال يعني فيه قطاع خاص ولا مافيه

[تيامه]

اغاني الشتاء.. انا واياك نفس اليوم بآخر موعد للدوره.الله يتمملنا على خير.. وش رايك نصير خويات.. ههههه

الفريح كثير اسمعهم يمدحونه وخاصة نوال بس ماادري ليش انا ماارتحت له هالفريح ابد ابد
اما بالنسبه للفايرس اللي بالولاده كان موجود ولاادري راح او لا بس انا اراجع عندهم وعندي بكرا سونار .. وحتى بالرقت اللي انتشر عندهم رحت طواري لان عندي نزول بالمشيمه ودم وساعدوني
اما القطاع الخاص اذكر انهم الغوه من زمااان بس ماادري حاليا موجود او لا لاني ماراح اولد عندهم
انا سمعت ان الفريح نفس سعر الوطني حاليا .. عشان كذا استخير اني اولد بالوطني.. دعواتك لي واذا ولدتي قبلي بشريني<<فرحت لقت احد زيها