دردشة حوامل أهل جدة - دردشة بنات جدة - تجمع حوامل مدينة جدة

[&&جلنار&&]

كيفكم بنات مين تعرف اذا الدكتوره تقدر تفتح الرحم حتى لو شوي وهو يكمل والله تعبت ومليت ودي افتك واولد
الله يسهل لي ولكم ويفرح قلوبنا ..............يارب
في بداية التاسع اصبري لسه بدري
الي اعرفه انهم يلجؤ للتحريض بس انتي اصبري دامك لسه بالتاسع وعليكي بالمشي
الله يسهلك ويسهلي يارب

داليا..في محل اسمه ماما للحوامل بس والله ما اعرف وين فرعه ^^"
والمحلات الي زي فيمي ناين ومانجو تحصلي فساتين ناعمه تناسب الحوامل شوفي كذا محل بتحصلي ان شاء الله

[رورو ام لولو]

هااااي كيفكم ي حلوين ها بشرو محد ولد

[رورو ام لولو]

مرررسي مرا ي نكهه على خبر التخفيضات حق مذركير لاني كنت ناويه انزل اشتري

[شمس الحلوة]

السلام عليكم
كيفكم بنات
انا سجلت قريب في هدا المنتدى وتوني اللي انتبهت انو في تجمع لبنات جدة
باذن الله باتواصل معاكم ....
بسالكم ياحلوات مين ولدت في الطبي الدولي قريب عن سوسن عبد الدايم ....
وجزاكم الله خير

[زهرة الحب]

http://forum.hwaml.com/t108418.html

يسعدلي اوقاتكون ياريت تشرفونا بدروس لتتعلمي عمل صيانة لايفونك
انا بانتظاركن

[رورو ام لولو]

ماعندي والله خبر ي شمس

[نكهة القهوة]

أم أسكندر / مبـــــ1000ــــــــروك المركز الثالث والله يحفظ لك أسكندر والله يبلغك وتشوفينه ببشت العرس .


غلاها / أنتي مستغربة مننا لأنك بعيدة و فين وفين تجي لأهلك وتكوني حدك مشتاقة وهما مشتاقين مرررره لك اما إذا تجي كل أسبوع ولما زوجك يكون عنده عمل متواصل وتروحي تجلسي عند أهلك راح تطفشي زينا وتشتاقين لبيتك وماراح تستغربين مننا راح تعذرينـــــا hwaml02

أيوه حبيبتي انا معاي ربو من الصغر hwaml42 بس الحمد لله لما كبرت خف والحين مع الحمل رجعلي hwaml83 والحمد لله على كل حال الله يشفي ولدك ويشفي كل مريض .

رورو أم لولو / العفو حبيبتي وكويس انك سألتي قبل لاتروحي وتتعبي نفسك .

r4m / لاتزيديها علينا الله يسعدك مااحنا ناقصين خلينا كذا غافلين أحسن واحنا نبغى أحد يشجعنا ومادام تجربتك فاشلة معاهم مو بالضرورة يحصل هالشىء معانا الله لا يقدر علينا إلا كل خير ياررررب والتساهيل من ربنا وممكن يحصل هالشىء بأي مستشفى ثاني ما يخص هالمستشفى بس واحنا متكلين عليه سبحانه وهو ماراح يضيعنا والله يتمم علينا وييسر لنا ولادتنا جميعـــــاً ....hwaml7

[shomok]

صباح الخير

[>>>مصرقعه<<<]

صباح الانوار يا عسولات ..............؟؟؟

هاه مارديتو علي ايش موضه السنه هاذي ب الالوان بليييييييييييز الي تعرف ترد

والله يسهل علي وعليكم يارب

[ام اسكندر]

صباح بدون غثيان يارب

[ام اسكندر]

ام اسكندر بالنسبه لمستشفى هاله بن لادن ماشاءالله الكل يمدحها
و انت رابع وحده تنظم لينا لنفس المستشفى
الله يعين جلنار اذا ولدت على اسألتنا
اما الدكتوره ماجده كأنه جلنار قالت انه سمعت عنها انه كويسه بس
هي تراجع عند دكتوره ثانيه د اماني هي اللي حتولدها وانا بعدها
ان شاءالله حولد عند نفس الدكتوره الله يسهل علينا ويهون ولادتنا جميعآ
وان شاءالله اللي جربواالدكتوره يفيدونك


الله يسهل عليكم ويعطيكم ساعه ولاده سهله وميسره
بالنسبة لهاله بن لادن بصراحه تجربتي فيها فاشله
رحت علي مدح وكلام بنات كتير هنا لمن كنت حامل
وتبهدلت مع الدكتورة تيسير الكومي
اول الامر تعاملني كويس بس احسها بارده لكن مو مشكلة لمن قربت ولادتي وتعسرت
بدات تنفخ عليا وتبغاني قيصري وانا اقدر طبيعي بس تصبر وتعطي طلق صناعي
وبنفس الوقت لمن دخلت غرفه الولاده حسيتها مو نظيفه وكتمة وخلاص بس قلت ياللا عشانا لدكتورة شاطرة بتحمل
لكن للاسف كانت بتستعجل عالعمليه وانا مابدي فتركت المستشفي وقالتلي لو ماجيتي العصر عمليات لاترجعيلي بعد كدا انتي حره
طنشتها ورحت عرفان عند نورما والحمدلله ولدت طبيعي بس بجهد لانو ولادتي تعسرت فجاه

هيا الولاده حظ ونصيب ومن ربي كله

مبروك المركز الثالث ^^
انا لمن رحت لمستشفى هاله بن لادن لمن كنت في الإنتظار كانت معي وحده معاها ولدها في حضنها لسه شكلها في الأربعين وجت تراجع
وسألتها انتي ولدتي في هذي المستشفى قالت ايه ولدت قيصري قلتلها عند خلود قالت لااا هذي ماعجبتني خوفت منها قلتلها اجل قالت عند ماجده تقول مره طيبه واخلاق و مره كويسه في القيصري
قلتلها ليش قيصري قررتلك قالت عشان الولد كان معترض و شفت انا الدكتوره و شفت الخير في وجهها والله اعلم بس صراحه شتاااااااان بين خلود وماجده ..استغفر الله خلود تنفر الواحد ><

انا شفت المستشفى نظيفه وسألت عنها عند كذا وحده ولدت فيها قريب ومدحوها
الله يخليك انا على ولاده خليني مطمنه كذا لا تخوفيني ><"

غلاها اجل كلكم منتظريني اولد شكلي بستغل الفرصه لصالحي hwaml02
والدكتوره بجيبها من برا المستشفى زي ماقالت غلاها من مستوصف الفيصل عند الدكتوره اماني السيد
الله يسهل يارب...وعلى قولتك الولاده حظ ونصيب من ربي
بكره ان شاء الله نازله جده وبراجع عندها السبت

ام اسكندر كيفك وكيف اسكندر والنونو
اول شي مبروك لاسكندر يستاهل الاول
مو الثالث الله يحفظه لك يارب ويرزقك بره
اما سوالك عن الدكتوره ان شاء الله البنات
يفيدونك


يسلمو بنات لردودكم


ع فكرة بالنسبة لدكتورة خلود ترى يوم قعدت بالانتظار سالت واحدة عن الدكتور ماجدة

مدحتها وقالت طيبة وصبورة مو مثل خلود

قالت انها عندها حبوب دهنية بالمنطقة التناسلية ولما دخلت عند خلود قالت لها ادفعي قيمة فتح الحبوب
دفعت وهيا فتحتلها الحبوب وشالتها

ولمارجعتلها الحبوب مرة ثانية دخلت عند ماجدة .. قالت فتحت لها الحبوب بدون ماتطالبها باي مبلغ
وتعاملها كان محترم وطيب جدا


المهم تطمنت من ردودكم كمان يابنات

وربي ييسر اموركم يارب


انا تأميني انتهى ذا الاسبوع ورح نجدده على شركةتأمين ثانية

اذا طلعت مستشفى هالةبن لادن معايا بالتأمين الثاني رح استمر عندهم اذن الله


مع ان زوجي يفضل مستشفات ثانية

والله اعلم وين مكتوب لي الولادة

[ام اسكندر]

بالنسبة للطفش ببيت الاهل<<< انا اولكم



عشان ان بيتنا كله مشاكل



ويوم ارجع بيتي ارتااااااااااااااااااااااح



ومافي حد يخدمك .. بالعكس تخدميهم انتي..



اغسل صحونهم واغسل ملابسهم واهتم باطفالهم

واطفال وزحمةومافي خصوصية ..




امي كبيرةبالسن وماتحب تقعد معي ولا تحب اللمة .. تحب

تقعد عالمصحف بغرفتها تسكرالباب وتقعد بروحها وتكره حد يجلس عندها



عندي اخت واحدة سنها بالاربعينات متزوجة



والبقية اخوان متزوجين



وزوجات اخواني مافي واحدة تحب الثانية.. حتى اطفالهم كل واحد يكره عيال عمه



واخواني فيما بينهم يكرهو بعض ومتعاديين ومشاكل ..

رغم انهم رجال متزوجين .. اصغر واحد باواخر العشرينات والبقية بالثلاثينات والاربعينات



يمكن عشان امي طبعها انطوائي ماتحب تسال عننا ولا تحب تشوف اخبارنا ولا تحاول تجمع بيننا.. لذلك مشاكلنا كثيرة


وابويا خرج من المشاكل ذي وطفش ورح تزوج وسكن لوحده ولا عاد سأل عن امي
ولا يزورها الا بالاعياد بس



الله يعين كلن ع ظروفه


ترى يوم تنفست ببيت اهلي بابني اسكندر قيصري كنت اعد الايام عشان ارجع بيتي


حتى هم كاانو متضايقين من وجودي عندهم


تخيلو كنت اخدمهم انا

اضافة الى خدمة نفسي ومولودي والضيوف<<< لاتنسو اني والدة قيصري بعد


والمشاكل خلت راسي خلاااااااااص ..
جاتني زي الحالةالنفسية وضيق صرت اضرب ابني الل توه مولود


والمشكلة بالعادات الزفتة اللي تقول لازم الواحدة تقعد ببيت اهلها40 يوم بالتمام


هذي المرة تنقلع العادات وربي ما اتنفس الا ببيتي .. وزوجي يشيلني ع راسه من فوق ربي يحفظه

[shomok]

الله يسهل لي ولكل حامل في شهرها الخير

[دالياا]

جلنار مشكورة حروح اشوف يارب الاقي فساتين تناسبني
نكهة قهوة بعيد الشر عنك وسلامتك يااارب
ام اسكندر الله يفرجها يااارب علينا وعليكي حتى انا حتنفس ببيتي هذي المرة مع انو اهلي يبغوني اجي عندهم بس لانو ولدي دخل المدرسه ومااقدر اروحلهم لانهم بعيد عني الله يعين بس

[دالياا]

مصرقعه عاش من شافك
بالنسبة لموضة الالوان ماادري صراحه اتوقع الالوان الفاتحه بما انو صيف والالوان الفرايحي

[$اميرة الذوق$]

هاااااااااااااااااااااااي بنات شخباركم
وحشتوووووني
اليوم نزلت سنتر بوينت حلو وفيه اشياء خطيره بس
لما جيت اشتري احترت مدري اخذ مقاس من 0-3 شهور ولا نيوبورن
محتاره والله

وش رايكم ؟؟واللي لها خبرة ....!! hwaml23

[دالياا]

سنتر بوينت يابنات تخفيض الين70% على كل حاجه ان شاءالله حاخد منهم سرير البيبي وجهاز تعقيم الرضاعات هذا غير البربتوزات مخففضة

[نكهة القهوة]

يسعد صباحكم يا حلووووووين
كيفكم اليوم وأخبار نونواتكم
ان شاء الله أموركم تمااااااام التماااااام :-)

[مكوية]

hwaml7السلام عليكم اخواتي انا من مكة بس تزوجت ونزلت جدة انا يدواب ياحبايبي حامل بالشهر الاول الله يعين

[&&جلنار&&]

ام اسكندر الله يعينك ><
داليا ...الله يجزاك خير عالخبرية =)
نكهة قهوه يسعد مساك ^^ ...الحمدلله انا بخير وعافية..وصلت امس جده عند اهلي بعد العشا بالسلامه
انتي كيفك وكيف البيبي؟
مكويه..هلابك في جده ^^ عالبركة الحمل ^^...الله يكون بعونك ويعديلك فترة الوحام على خير يارب

[هشاميه]

كروشات كيفكم عساكم بخير وحشتوني
انا لساتني احرحر ادعولي الله يفرج علي
وكل حامل

[&&جلنار&&]

هشامية...الله يفرج عليك يالغلا ..هااانت مابقي شيء ان شاء الله
طمنينا عنك

[غلاها بس يكفيني]

هشاميه الله يسهل عليك وتقومي بصحه وسلامه يارب
وتفرحي بشوفة هيثم سليم معافي من كل شر


ام اسكندر الله يفرج عليكم ان شاءالله
والله مافي بيت يخلى من المشاكل الحمدلله على كل حال


جلنار &نكهة قهوه كيفكم ان شاءالله تمام
والله قريت الكلام اللي عن المستشفى وتوترت
بس ردودكم ريحتني الله يريح بالكم دنيا وآخره يارب
ويهون عليكم وتقوموا بصحه وسلامه انتو والبيبيهات


داليا يسلمووو ياحلوه على خبر التخفيضات توني اليوم كنت بسأل
عنها نكهه قهوه لانه قالت على يوم 25 تبدأ وانامو عارفه التاريخ


يارب يهون علينا جميعآ ويسهل ولادتنا ويرزقنا الذريه
الصالحه الباره والسليمه المعافاة من كل شر
اللهم آمييييييييييين

[نكهة القهوة]

اللهم أعذهم وأهل بيتهم بعزتك وجلالك من شتات الأمر ، ومن مس الضر،
ومن ضيق الصدر ،ومن عذاب القبر ،ومن حلول الفقر ،ومن تقلب الدهر،
ومن العسر بعد يسر
و امنن عليهم إلهي بالعافية والستر . اللهم وأسألك باسمك الأعظم أن لا تغيب شمس هذا اليوم إلا و قد غفرت لها ذنوبهم .

[غلاها بس يكفيني]

اللهم آميييييييييين

[&&جلنار&&]

غلاها...لاياقلبي لا تتوتري ان شاء الله تتسهل من ربي ^^"
ولك بمثل مادعوتي آميييييييييييييييييييييييييييييين
انا الحمدلله بخير وعافية انتي كيفك؟

نكهة قهوه..اللهم آمييييييييييييييييييييييييييييييييييييييين
جمعه مباركة

امس رحت مجمع العرب شفت تخفيضات عند اوكايدي بس مو ذاك الزود وفي عند سيرجنت ميجور تصل ل50٪ و نايك تصل ل50٪ وسنتر بوينت 60٪ زي ماقالو ولاسنزا بس صراحه ما اخذت حمالات لان صدر الحامل قابل للتغير بعد الولاده ومع الرضاعه ><...عندهم اشياء حلوه بس لاسنزا الي في الدور الثاني الي في الاول مافيه ولاشيء ..اشتريتلي من عندهم السراويل الشورت مررررره حلوه ماكأنك لابسه شيء ^^
وفي محل عندهم تخفيض اسمه اف جي فور بس مادخلته وتخفيضاتهم حلوه
ونعومي عندهم تخفيض 20٪ بس مادخلته

و رجعت ظهري ><..

هاذا الي اذكره واعتقد في كمان بس ناسيه

[دالياا]

]يالله يابنات سنتربوينت قد ايش زحمة وطوااابير عالكاشير كنت ناوية اخد سرير خشب من عندهم بس من الزحمة خلاص مني قادرة اركز بس ان شاءالله حرجعلهم بعد كم يوم ..المهم اش رايكم بالسرير اللي حاخده طبعا اتعمدت اخذ كبير عشان ابغاه يكفي ل4 او5 سنين ان شاء الله مين جربو ؟؟؟؟

http://forum.hwaml.com/imgcache2/hwaml.com_1337359705_772.jpg

[بناتي كل حياتي]

بنات تكفون دعواتكم لي بالنجاح

[نكهة القهوة]

هشامية / الله يفرجها ويهون عليك ويقومك بالسلامة ولاتنسين تطمنينا عليك يا قلبي .

غلاها / لا يا حبيبتي لا تتوتري الحمد لله احنا متوكلين على الله ومن يتوكل على الله فهو حسبه والله يريح بالنا وبالك يارب بس خليها على الله ولاتفكري بالوقت الحالي غير بالتجهيز وترى الراحة النفسية لها دور فريحي بالك :)

على طاري التجهيز كيف بديتي تقضين وإلا لسه يبغالك تشجيع وحماااااااس :)

جلنورة / الحمد لله على سلامة الوصول وآسفة جات متأخرة لأني رسلت لكم أمس من الجوال وخفت الخبط بالكلام لأنه يعقد بالكتابة شوي ...

انا الحمد لله بخير وأخيراً أمس فضي زوجي ورحت لسنتربوينت وأخذت من عندهم سرير خشب صغير يكفي لست شهور أوسبع تقدري تخليه هزاز ويتثبت كان قبل التخفيض قريب 500 وبعد التخفيض ب263 حلو سعره صح *^

واشتريت شنطة للمستشفى وشالات للرأس وبناطيل قطن وشبشب الله يكرمكم وخلاااااااص تعبت وزحمة ورجة ماقدرت أشتري أغراض النونو بخليه بعدين وكمان ماني متأكدة ولد وإلا بنت الدكتورة ماهي راضية تقولي تقول يلعب على النفسية ومو لازم تعرفين ودكتورتي اللي قبل قالت لي أحتمال بنت بخليه للمراجعة الجاية بأذن الله واتأكد من الدكتورة وبعدين يصير خير ><

داليا / مررررره حلو هالسرير لايفوتك وراح ينفعك لعمر 4 سنين وأمس شفته بس ماأدري بكم سعره بعد التخفيض لأنه عندي عشان كذا ما شفته بكم بس شفت زحمة عنده ناس بيشترونه وجالسين يناظرون فيه وبالتوفيق حبيبتي .

بناتي كل حياتي / الله يوفقك وينجحك ويعلي مراتبك بالدنيا والآخرة والله لايضيع لك تعب .... اللهم آميييييين .

[نكهة القهوة]

أميرة الشوق /

توني اللي انتبه لسؤالك ومن جد سنتربوينت منزل ملابس رووووووعة للبيبيهات بس القيت عليها نظرة خاطفة :)
حبيبتي هو يعتمد على وزن الجنين وإذا منتي عارفه لاتكثري من الملابس مقاس نيوبورن لأن البيبي ماشاء الله يكبر بسرعة انا بولدي أشتريت بس 3 لبسات أو أربع ماني فاكرة بس ماكثرت وأخذت بقية الملابس من 0_3 شهور وبالتوفيق .

[بنت أبيها]

هلا بنات جده

وامهات المستقبل

صج انا رحت السنتربويت واشتريتلي اشياااااااااااء حق البيبي

بس احترت بالرضاعات البيبي اخذه زجاج ولا لا

قلت خليه بعدين

يارب يتمم حملنا وحملكم

ويرزقنا بالطفل المعافي المشافي

السرير ودي اشتريه بس مثل ما قلتم hwaml15

زحمه زحمه حتي حسيت بهبوط من الكاشيرات hwaml03

بس مره ثانيه اروح بالصباح يقولون ما في زحمه hwaml8

بشرونا عنكم وعن البيبيات

[&&جلنار&&]

بناتي كل حياتي...الله يوفقك يارب
داليا ...حلو السرير توكلي وخذيه=)
نكهة قهوه ..الله يسلمك يارب ...مو مشكله متأخره او متقدمه الله يجزاك خير =)

[&&جلنار&&]

كيفكم كروشات غلاها..نكهة قهوه..ام اسكندر..داليا..هشتمية..بنت ابيها..والي ماذكرت اسمائهم؟عسى الجميع بخير يارب

انا امس الصباح رحت مع زوجي مستوصف الفيصل
والحمدلله ماتعطلنا بسرعه دخلنا
و وزن البيبي كويس الحمدلله و صحتي كويسة و الراس بدأ ينزل في الحوض على شوي شوي

[دالياا]

هلا حبيباتي كيفكم اليوم؟؟
كويس شجعتوني اخد السرير بشوف متى زوجي يفضى واروح اخذه
على فكرة ماتعرفوا متى تخلص تخفيضاتهم؟؟؟

[حكآية عشق]

مسااااء الخيرر ع الجميع

كيفكم صبايا ... حبيت اسالكم من منكم تراجع في الاطباء المتحدون ومن افضل دكتوره
هناك ... الي تعرف شي لا تبخل به ربي يسعدكم ويتتم حملكم

[ملاك العشق]

هلا كيفكم بنات عساااااكم طيبين
انا والنونو بنسلم عليكم كلكم

[&&جلنار&&]

حكاية عشق...اخواتي يمدحو صباح في القيصري لكن الطبيعي سمعت انه فاطمه النمر كويسة
أسألي عنها في قوقل

ملاك العشق..الله يسلمك حبيبتي =)
كيفك انتي والبيبي؟^^

[حكآية عشق]

حكاية عشق...اخواتي يمدحو صباح في القيصري لكن الطبيعي سمعت انه فاطمه النمر كويسة
أسألي عنها في قوقل^

يسلمووو يالغلا ع الرد ربي يسعدك

صباح مو ع التامين والله يبعدنا عن القيصيري

وفاطمة النمر شفت كم بنت تمدحها بقسم المستشفيات

[creema]

]يالله يابنات سنتربوينت قد ايش زحمة وطوااابير عالكاشير كنت ناوية اخد سرير خشب من عندهم بس من الزحمة خلاص مني قادرة اركز بس ان شاءالله حرجعلهم بعد كم يوم ..المهم اش رايكم بالسرير اللي حاخده طبعا اتعمدت اخذ كبير عشان ابغاه يكفي ل4 او5 سنين ان شاء الله مين جربو ؟؟؟؟

http://forum.hwaml.com/imgcache2/hwaml.com_1337359705_772.jpg





هلا اختي
كيفك
وكيف الحمل معاك
انشاءالله بخير

انا كنت فى سنتربويت
هدا الاسبوع
وكذا مره اروح وادور على السرير
وروحت اماكن كتيره
فى المولات والاسواق كمان
ونفس سراير سنتربويت شوفتها فى سوق باب شريف
وبنصف ثمنها إللي فى سنتربويت
ولا في زحمه ولا وقفة كاشيرات ولا شئ
تقفي بسيارتك امام المحل وتشيلي إللي يعجبك
وجميع كراسي الاطفال والعربيات واسرة السبوع ومدسات التقديم وخلافه
انا قولت اقلك يمكن يعجبك
والسرير الخشب جدا عملي وبيضل معاك لسن 4 سنوات

مبروك عليك من الحين

[baby zone]

http://forum.hwaml.com/imgcache2/hwaml.com_1337594155_416.jpg


http://forum.hwaml.com/imgcache2/hwaml.com_1337594154_904.jpg



مدسات فيرست كلاس بيبي زون لمدسات المواليد الراقية

مدسات حصرية لا توزع في الأسواق

فقط للسيدة التي تريد أن تتميز بستايل مولودها

أو تحب تهدي عزيزة عليها هدية تبهر الكل وتعكس ذوقها الراقي


للدخول للموقع

http://babyzone2011.blogspot.com/ (http://forum.hwaml.com/redirector.php?url=%68%74%74%70%3a%2f%2f%62%61%62% 79%7a%6f%6e%65%32%30%31%31%2e%62%6c%6f%67%73%70%6f %74%2e%63%6f%6d%2f)



http://forum.hwaml.com/imgcache2/hwaml.com_1337594155_494.gif



للطلب أم يوسف - الكويت

0096560901393

[دالياا]

اهلييين بنات
رحت امس اخذت السرير الحمدلله من سنتربوينت وقالوا حيوصلوه يوم السبت خخخ من قوة الزحمة

[&&جلنار&&]

حكاية عشق ...الله يسلمك حبيبتي
داليا عالبرررررركه السرير يكسره البيبي بالعافية ^^

نكهة قهوه...غلاها...ام اسكندر..داليا..حكاية عشق..والبقية الي ماذكرت اسمائهم كيفكم جميعا؟
هشاميــــــــــة اين انتي طمنينا عنك يالغلا؟><

[دالياا]

اهلين جلنار سألت عنك العافية انا بخير الحمدلله
انتي والبنات كلللكم كيف الحمل معاكم؟؟؟؟
ربي يهون علينا يااارب والله انا شايله هم رمضضان بدون شغاله حاسه اني حتعب كثير...
تخيلوا شغالتي اليوم جات واخذت حسابها وقالت بسافر والشغل اتكوم عليا الله يعين

[بنت أبيها]

هلا كروشات اتمني تكونوا بخير اليوم وكل يوم

بالبركه داليا وبكم اخذتيه

اي لون اذا ما في مانع نزلي صورته

تري الي بره سنتربوينت مو اصلي انا شفتهم

حلو الواحد يشتري شي زين يكفي لوقت بعيد

وطمنونا عليكم

[&&جلنار&&]

آميييين يارب وعالجميع
لا تشيلي همه يكفي الهم الي معك ><
في رقم شغاله عند اختي حبشيه شغلها كويس بس ماتتحمل بزوره ولازم احد فوق راسها يقولها سوي وافعلي
وفوق هذا بــ ألف ونص ><
تبغي؟

[حكآية عشق]

مسائكم راحة بال يارررب ... اخباركم

جلنار ويسلمك يالغلا ويسعدك

احنا تمام كيفك انتي كيفك وكيف الحمل معك

وه الشغالات دحين ينقرضون معد تحصلين الا بالغصب وبعد غالييييين ... بس خدي تشاديه تشتغل وتروح احسن

[هشاميه]

كروشات حبايبي كيفكم ان شاء الله تكونو بخير
ابشركم انا ولدت الاحد الفجر وجبت احلى هيثم
ودعيت لكم كلكم الله يقومكم بالسلامه يارب

[&&جلنار&&]

هشامية..الف الف الف مبروووووووووووووووووووك..كلولولولولولولولوليييييش ^^
الحمدلله على سلامتك وسلامة هيثم.. احساسي ماخاب انك ولدتي =)
الله يجعله قرة عين لوالديه ويحفظه ويهديه يارب

حكاية عشق...الحمدلله انا بخير والحمل ماشي حاله الله يسهلي واياك يارب
وع قولتك الشغالات ينقرضو وبعضهم يشوفو نفسهم و يطلبو بالألفين و الثلاثة ><
الله المستعاااااااااااااان

[رورو ام لولو]

ع البركه هشاميه قرة عينك والله يحعله ولد صالح ويبرك ي رب ويعينك على تربيته

[بنت أبيها]

مبروك الي جاااااااااااااك هشاميه
بيبي تمام و
وان شااااااااء الله ما تعبتي

[حكآية عشق]

هشاميه حمدلله ع سلامتك ومبروك ما جاك

ويتربى في عزك انتي وابوه

جلنار عساه دوم يارب ... وامين ويسهل ع الجميع

وييسر عليهم ولادتهم

الله يعين ع هالشغالات المشكله رمضان ولا باقي الشهور عادي

[هشاميه]

هشامية..الف الف الف مبروووووووووووووووووووك..كلولولولولولولولوليييييش ^^
الحمدلله على سلامتك وسلامة هيثم.. احساسي ماخاب انك ولدتي =)
الله يجعله قرة عين لوالديه ويحفظه ويهديه يارب

حكاية عشق...الحمدلله انا بخير والحمل ماشي حاله الله يسهلي واياك يارب
وع قولتك الشغالات ينقرضو وبعضهم يشوفو نفسهم و يطلبو بالألفين و الثلاثة ><
الله المستعاااااااااااااان
الله يبارك فيك يالغاليه ويسلمك انتي والنونو من كل شر عقبال نفرح لك يارب وتبشرينا بسلامتك

[هشاميه]

هشاميه حمدلله ع سلامتك ومبروك ما جاك

ويتربى في عزك انتي وابوه

جلنار عساه دوم يارب ... وامين ويسهل ع الجميع

وييسر عليهم ولادتهم

الله يعين ع هالشغالات المشكله رمضان ولا باقي الشهور عادي
الله يسلمك يارب ويحفظك من كل شر

[هشاميه]

ع البركه هشاميه قرة عينك والله يحعله ولد صالح ويبرك ي رب ويعينك على تربيته
الله يبارك فيك يارب

[هشاميه]

مبروك الي جاااااااااااااك هشاميه
بيبي تمام و
وان شااااااااء الله ما تعبتي


الله يبارك فيك والفال لك يارب وتفرحي بشوفت ولدك بصحه وعافيه اما عن التعب لازم منه الله يكتب لنا الاجر ان شاء الله

[Nice girl]

حبايب قلبيييييييييييييي
أنا كرووووووووووووشة جديدة من جدة

حابة أكون في التمجع معااااااااااااااكم

أضيفوووووووني عندكم

ولادتي بإذن الله في شهر ذي القعدة في أكتووبرر

وحاليا في الشهر الخااااااااامس

[Nice girl]

مبرووووووووووووووووووك ياقلبي
انا جديدة بس حبيت أبارك لك ع اللبيبي وع الولادة
الحمدلله ع السلاااااااااااااامة

[Nice girl]

حبيت أسأل ميييييييييييييييييين فييييييييييييييييييييييييييييييكم
تراااااااااااااااااجع في الطبي الدولي عند دكتورة هناء بدراااااااااااااااان

حواااااااااااامل احد فيكم موووووووجوووووووود ندردش سوااااااااااا

انا دااااااااااااخلة عرررررررررررض
ومتحمسة

[ملاك العشق]

مبرووووك الف مبرووووووك
ياعسل
ناطرين قصه ولادتك...

[حكآية عشق]

حبايب قلبيييييييييييييي
أنا كرووووووووووووشة جديدة من جدة

حابة أكون في التمجع معااااااااااااااكم

أضيفوووووووني عندكم

ولادتي بإذن الله في شهر ذي القعدة في أكتووبرر

وحاليا في الشهر الخااااااااامس

اهليييييين فيك يالغلا نورتي التجمع

الله يتتم عليك ويسر ولادتك وتفرحين بشوفت النون

ماعرف هالمستشفى خخخخ ... ان شاء الله البنات يفيدونك

[Nice girl]

حكاية عششششششششششق تسلمي ياروحي
منور بوجووووووودك

طيب انتي تراجعي في اي مستشفى ؟؟

أنتظر إجاااابتك

[حكآية عشق]

حكاية عششششششششششق تسلمي ياروحي
منور بوجووووووودك

طيب انتي تراجعي في اي مستشفى ؟؟

أنتظر إجاااابتك

يسلمك ربي من عذاااااابه

والله غلاي انا اراجع في الاطباءالمتحدون

عند الدكتوره هدى جديده بس شكلها طيوبه

انا ولدت ببنتي فيه عشان كدا ناويه اولد بتاني كمان هناك

[Nice girl]

تسلمييييييييي يااااااااااااااقمر
ربي يقومك بالسلامة وكل الحواااااااااامل يااااااااااارب

[حكآية عشق]

الله يسلمك ... امييييييين وياك غلاي

[غلاها بس يكفيني]

هشاميه
الف الف الف مبروووووووووووووووووووك
والحمدلله على سلامتك ويتربى بعزك يارب
جعله الله من مواليد السعاده
ولو انها جايه متأخره شويه بس توني اقرأ الخبريه
الحلوه*

[غلاها بس يكفيني]

كيفك جلنار وكيف البيبي ان شاءالله تمام
ايش شعورك الحين بعد ماولدت هشاميه
اكيد تحمستي للولاده ولا خايفه
خلاص بدأ. العد التنازلي
الله يهون عليك ويقومك بصحه وسلامه انت والبيبي يارب

[غلاها بس يكفيني]

[QUOTE=نكهة القهوة;2231023][color=#9932cc]
غلاها / لا يا حبيبتي لا تتوتري الحمد لله احنا متوكلين على الله ومن يتوكل على الله فهو حسبه والله يريح بالنا وبالك يارب بس خليها على الله ولاتفكري بالوقت الحالي غير بالتجهيز وترى الراحة النفسية لها دور فريحي بالك :)

على طاري التجهيز كيف بديتي تقضين وإلا لسه يبغالك تشجيع وحماااااااس :)
يسلموو ياعسسل كيفك انت وكيف البيبي
انا والله تشجعت انزل السوق من كلام البنات
بس باقي زوجي يبغاله تشجيع خخخخخ

[&&جلنار&&]

كيفك جلنار وكيف البيبي ان شاءالله تمام
ايش شعورك الحين بعد ماولدت هشاميه
اكيد تحمستي للولاده ولا خايفه
خلاص بدأ. العد التنازلي
الله يهون عليك ويقومك بصحه وسلامه انت والبيبي يارب
الحمدلله بخير وعافية ..والبيبي يسلم عليكم ^^
والله شعوري يقولي يالله دورك بعدها اناhwaml9
آمييييييييييييييييييييييييييييييين يارب
بدأ العد التنازلي فعلا ..يوم الجمعة اكون كملت نص التاسع
شاده حيلي بالمشي..احس انه نزل بالحوض لأن مراجعتي الأخيره السبت الي راح تقولي الدكتوره اماني بدا ينزل على شويه شويه والحين احس نزلت بطني اكثر من اول والله اعلم..الله يسهل ويعين يارب

[&&جلنار&&]

غلاها..مشكلتكم مشكله ..انتي تشجعتي الحين ولسه ماتشجع ابو الشباب يعني وراكم مشوار
المفروض اول ابو الشباب هوا الي عليه الشغل خخخخخخ

[Nice girl]

الله يقووووووووووووومكم بالسلامة

انا بكرية بس صراحة ماافكررررررر في الولادة شايلتها من راسي

هدا من الخوف عندي هرووووووووووووب

انا احس اهم حاجة الرااااااااااااحة النفسية ويكون تفكيرنا ايجااااااااااابي

وقبل كل حاجة التوكل على الله والدعاااااااااااااااء طول فترة الحمل

[Nice girl]

حبيت أسأل ميييييييييييييييييين فييييييييييييييييييييييييييييييكم
تراااااااااااااااااجع في الطبي الدولي عند دكتورة هناء بدراااااااااااااااان

حواااااااااااامل احد فيكم موووووووجوووووووود ندردش سوااااااااااا

[دالياا]

كروشات حبايبي كيفكم ان شاء الله تكونو بخير
ابشركم انا ولدت الاحد الفجر وجبت احلى هيثم
ودعيت لكم كلكم الله يقومكم بالسلامه يارب

ماشاءالله هشامية الحمدلله عاسلامتك ويتربى بعزكم ياااارب

[دالياا]

هلا كروشات اتمني تكونوا بخير اليوم وكل يوم

بالبركه داليا وبكم اخذتيه

اي لون اذا ما في مانع نزلي صورته

تري الي بره سنتربوينت مو اصلي انا شفتهم

حلو الواحد يشتري شي زين يكفي لوقت بعيد

وطمنونا عليكم

اهلين حبيبتي
السرير اخذتو ب615 بعد التخفيض بدون المفرش والمرتبة ... اول مايوصل حصوره من عيوني قالوا السبت حيجيبوه

[دالياا]

آميييين يارب وعالجميع
لا تشيلي همه يكفي الهم الي معك ><
في رقم شغاله عند اختي حبشيه شغلها كويس بس ماتتحمل بزوره ولازم احد فوق راسها يقولها سوي وافعلي
وفوق هذا بــ ألف ونص ><
تبغي؟

اهلين جوجو كيفك؟
بس على قولك ماتتحمل بزورة مشكلة والله بحاول ادبر اموري دحين وبرمضان لكل حادث حديث
مشكورة ياقمر

[noor alhoda]

مرحبا كيفكم والله يقومكم بالسلامه بس كان بدي اسال سؤال
بعرف اني خاشة عرض بس لاني خفت وما عرفت وين اكتب سوالي
المهم انا بالشهر السابع وهذا اول حمل لي بس اول مرةاعرف انو لازم اخذ فيتامينات
انا اخذبس حديد وكالسيوم
هل في ضرر انو ما اخذت فيتامينات؟؟؟بليزز جاوبوني

[&&جلنار&&]

نايس.. الطبي الدولي مالي علم فيه بس احس الناس الي تروحله عشان منظر ولا المستشفى كله نصب في نصب لكن الله اعلم اسمع ناس تمدحه وناس تذمه
والدكتوره ما اعرف عنها شيء جربي أسألي عنها في قوقل
وان شاء الله باقي البنات يفيدوكي

نور الهدى...اذا الدكتوره قالت انك تحتاجي فيتامين خذي واذا لا لا تاخذي ..كثرة الادوية تتعب المعدة..

[lilia omar]

الطبي الدولي فيه سماء ناظر وخالد خادوردي مره كويسين
من فيكم ولدت في الاطباء عند دكتور يوسف ابراهيم

[lilia omar]

وانا بعد ولادتي انشالله في ذي القعده الله يسهل علينا

[ام وسيم 20]

ياريت تكون وحده جربت الولاده بعرفان عند الدكتوره اميره وتجاوبني
احترت فيها ناس تذمها وناس تمدحها
يارب سهل ولادتي على خير يارب
دخلت العاشر وللحين ماولدت وقالت بتعطيني تحميله تحريض للرحم وانا بصراحه متوتره منها شوي

[&&جلنار&&]

ليليا ..مالي علم في هالدكتور بس الاطباء المتحدون بصفه عامة كويسه

ام وسيم..عرفان ما اعرف ناس مدحوها بس انتي أسألي لين تطمني
طيب قبل ماتعطيك الطلق ما سوتلك تحريض او كشف مهبلي او حتى نصحتك بمحفزات؟

[ام وسيم 20]

لا للاسف لا تحريض ولا كشف مهبلي تقول مافيه طلق ليش اسوي لك كشف مهبلي
بس هلكتني كل اسبوع تخطيط وقالت لي يوم الاحد اخر يوم لازم بعده تعطيني تحميله وطلق صناعي
الا نصحتني بالمحفزات وخصوصا زيت الخروع بس للاسف مانفعت معي
وقالت انا ماابغى وزن الجنين يكبر اكثر من كذا

[بنت أبيها]

هلا كروووشااااااات جده

شخباركم وشخباااار البيبات

انا هالاياااام منشغله بتغيير الصالون تبعي

الله يعيني واخلص قبل رمضااااان

احد منكم تفيدني وتعرف من وين اقدر اشتري

الكنب ابيه تفصاااااااااااال مع الستاير

ممكن حبوبات تساااااعدوني

رحت ايكيااااااااااا بس في جااهز

ابي تفصاااااااال علي قد صالتي

ويعطيها العافيه الي ترد

[دالياا]

هلا كروووشااااااات جده

شخباركم وشخباااار البيبات

انا هالاياااام منشغله بتغيير الصالون تبعي

الله يعيني واخلص قبل رمضااااان

احد منكم تفيدني وتعرف من وين اقدر اشتري

الكنب ابيه تفصاااااااااااال مع الستاير

ممكن حبوبات تساااااعدوني

رحت ايكيااااااااااا بس في جااهز

ابي تفصاااااااال علي قد صالتي

ويعطيها العافيه الي ترد

اهلين بنت ابيها
بالنسبة للكنب شوفي اسواق الدروازة عندهم حاجات حلووة وانا لسا مفصلة عندهم

[رورو ام لولو]

هلوو صبايا كيفكم نور حبيبتي اسالي دكتورتك عن الاوميقا 3 ينصحو فيه ب الشهور الاخيره وبنت ابيها زي ماقالتلك داليا الدروازه ومحمود سعيد وكمان الشاطئ

[Nice girl]

أممممممم فعلا عندك محمود سعيد
الدروازة
سوق البدو
الدراجة
يعني ناحية الدرااااااجة كلها محلاااااااات تفصيييييييييل ,,,,,,,,
بس الجودة صراحة ما أعررررررررف كييييييييييف

[Nice girl]

حوااااااااااااااااااامل جدة الحلواااااااااااات

أمممممممم خلوناااااااا نحرك التجمع شووووووووي
ونسوي أكشننننننننن هههههههههههههههههه

فكري معايا ايش نطررررررح مووووووووضوع ,,,,,,,,,,

ايش رأيكم نتكلم عن أوزاننا مع الحملللل ,,,

كم كان وزن كل وحدة اول ماحملللللللت
وكم صاااااااار مع الحممممممممل ؟؟؟؟؟؟؟

أنا أحم أحم أحم
ههههههههههههه من بدايتها كذا

صراحة انا بالخاااااااااااامس ووزني زي ماحمممممممملت 62 بس الله لايورررريكم اللي صارمعاااااايااااااااا الحمدلله اللهم لك الحمد والشكررررر

أنا في غربة وشخصيتي حساااسة ما أتحمل بعد عن أهلي
وحملت وبكرية
ونفسيتي من اول مو تماااااااااااااام

مررررررررررررت عليا أسوأ نفسسسسسسسسسسسسسسسسسسية اللهم لك الحمد والشكر

تخيلوا ما أقدررررر أكلللللللللل إلا بالغصب اكلللللل بسيييييييييييييط

ماليه نفففففففففسسسسسسسس

هيا كل وحدة تقوووووول ؟؟؟؟؟

[دالياا]

والله بالنسبة للوزن ماافتكر كنت كم بالضبط بس افتكر انو وزني وقتها كان زاايد وكنت اعمل ريجيم وانا حامل بالشهور الاولى وماادري اني حامل المهم انو كان تقريبا 68 وباخر موعد ليا قبل شهر كان 73
الله يسهل يارب

[Nice girl]

والله بالنسبة للوزن ماافتكر كنت كم بالضبط بس افتكر انو وزني وقتها كان زاايد وكنت اعمل ريجيم وانا حامل بالشهور الاولى وماادري اني حامل المهم انو كان تقريبا 68 وباخر موعد ليا قبل شهر كان 73
الله يسهل يارب

ماشاء الله تبااااااااارك الله داليا كويييييييس
انتي في الشهر الكم ؟؟؟؟

أنا ع نهاية الخاااااامس ربي يقومنا بالسلامة

[بنت أبيها]

مشكورين يا الغاليات

واحاول اقول لزوجي يوديني للتفصال الكنب

اما بالنسبه للوزن اناااااااااااا الحمد لله كان جسمي مثالي

قبل الحمل كان 63 وانا الحين قبل اسبوعين وزنت

صاار وزني قولوا ماشاء الله 75

يقولون بعد بمتن الله يستر

احس اني ثقلت واااااااايد

بس كلا باجره

وانا مثلك نايس قيل تري ما لي نفس

وانا بديرتي بس بغربه

لان اهلي كلهم بالكويت

انا مع زوجي هني

الله يقومنا بالسلامه

[Nice girl]

مشكورين يا الغاليات

واحاول اقول لزوجي يوديني للتفصال الكنب

اما بالنسبه للوزن اناااااااااااا الحمد لله كان جسمي مثالي

قبل الحمل كان 63 وانا الحين قبل اسبوعين وزنت

صاار وزني قولوا ماشاء الله 75

يقولون بعد بمتن الله يستر

احس اني ثقلت واااااااايد

بس كلا باجره

وانا مثلك نايس قيل تري ما لي نفس

وانا بديرتي بس بغربه

لان اهلي كلهم بالكويت

انا مع زوجي هني

الله يقومنا بالسلامه

ياعمري ماشاء الله حلوووو وزنك
ياقلبي انتي في جدة صح عندنا
واهلك في الكوييييييييت

من جد الغررررررررررربة تدمرررررر النفسية الحمدلله

[دالياا]

ماشاء الله تبااااااااارك الله داليا كويييييييس
انتي في الشهر الكم ؟؟؟؟

أنا ع نهاية الخاااااامس ربي يقومنا بالسلامة

الله يهون علينا انا بنص السادس الله يتمم على خير

[&&جلنار&&]

الله يجمعنا بأهالينا يارب انا الحمدلله في ينبع مابعدت كثير
انا حاليا عند اهلي انتظر الفرج و زوجي في ينبع
الله يسهل يارب..ويفرجها علي وعليكم

انا وزني زايد 15 كيلو كان 45 وصار 60
ان شاء الله حيرجع بعد الولاده ><

[Nice girl]

الله يجمعنا بأهالينا يارب انا الحمدلله في ينبع مابعدت كثير
انا حاليا عند اهلي انتظر الفرج و زوجي في ينبع
الله يسهل يارب..ويفرجها علي وعليكم

انا وزني زايد 15 كيلو كان 45 وصار 60
ان شاء الله حيرجع بعد الولاده ><

ماشاء الله تباااااااااااااااااارك الله
حلللللوووووووووووووو
60 روووووووووووعة

في الشهر الكم

[هشاميه]

هشاميه
الف الف الف مبروووووووووووووووووووك
والحمدلله على سلامتك ويتربى بعزك يارب
جعله الله من مواليد السعاده
ولو انها جايه متأخره شويه بس توني اقرأ الخبريه
الحلوه*
الله يبارك فيك عقبال لك يارب الله يفرحك بشوفت
ولدك بخير وعافيه ويقومك بالسلامه

[&&جلنار&&]

نايس..انا في التاسع لي اسبوعين فيه
الله يفرجها علي وعليك ^^

[>>>مصرقعه<<<]

سلام ياكروشات ...............

انا كروشه صغيره مثلكم في السابع قبل ما ادخل السابع قطعت القهوه ولشاي لعدت اسباب

عندي نقص بدم 11 والشاي يكسر الحدييد فتركته
والقهوه تضر دماغ الجنين ومايستفيد منها
وبرضو يقول لوتركتي المنبهات تتبنجي وماتحسي بالم الخياطه وقت الولاده .......


عشان كذا تركتها بسس المشكله من تركتها طايحه على السرير نووووووووووووووووووووووووووووووووووووم غير طبيعي وراسي يوجعني مع اني مو مدمنتها المهم انتو كيف مع المنبهات والكافين تركتوها وصار لكم زيي.......

اول حمل لي الله يسسرها علي وعليكم....

[أم ريهام]

السلام عليكم كيفكم بنوتات كروشات حمولات ^_^

يا مصرقعة والله انا مثلك تركتها والصراحة عادي ما صار في شي ولله الحمد

بس انت حاولي تاخذي الحبوب اللي صرفتها لك الدكتورة واشربي عصيرات وحليب

واكلي على الاقل نص كيلو فاكهة كل يوم سواء من نفس النوع او مشكلة

وطمنينا عليك

[أم ريهام]

بنات ردوا على هالموضوع الله يخليكم >_<

http://forum.hwaml.com/t123250.html

[بنت أبيها]

هلا بالكروشااااااااااااات

اشدنياكم واشلون البيبيات ان شاء الله بخير

اسال الرحمن ان تكونوا بخير

مصرقعه انا من بدايه حملي تركت كل شي

صج كنت مدمنه نسكافي ما اروح الدوام الي 4 او 5 اكواب باليوم

وتركتهم سوت فيني في البدايه

بس الحين الحمد لله عادي كلا علشان فديته الي بطني

واشلون البنات خلصتوا شرااااااء ولا لسا

[ام ماسة]

مرحبا انا ام ماسة حابة اعرف عن ولادة مشفى الحمرا كم اسعارهم انا ارجع عند دكتورة فادية شاطرة

[lulu11]

كيفكم حوامل

عن حابة اسئل عن اشعة الحمل مين فيكم سوتها

[قلب امه]

بنات السلام عليكمنا تابعت بحملي السابق عند دكتورة اماني السيد احسها كويسة بس وقت الولادة تعذبت بالمرررة ولدتني بمستشفى جدة ال

اوطني ب5300 صراحه غالي علي شوي وقت الولادة قالت الحوض ضيق وسوت لي توسيع كبيير وخيطتني من المغرب لبعد العشا ولا حسيت بالبنج شفت العذاب والموت شهر النفاس هذا من سنه ونص والحين انا حامل بالتاسع بموت خووف ورعب وش تنصحوني ومين ولدت او بتولد عند اماني او غيرها وبكم ووين انا اهلي بجدة وساكنه الرياض
الله يسهل لها الي ترد علي

[ام ماسة]

مرحبا كيف ام ريهام ممكن اسال كيف مشفى الحمرا انا خايفة كتير لانو دكتورتي سافرت غيرت راحت مشفى الحمرا

[رورو ام لولو]

اختي قلب امه اذا دكتورتك عذبتك وماارتحتيلها ليه ترجعي لها وتدوري تجارب البنات انتي تجربتك اكبر دليل انها مو كويسه اتوكلي على الله ودوري غيرها والله يسهل عليك وعلينا ي رب

[رورو ام لولو]

لولا حبيبتي ايش قصدك ب اشاعة الحمل تقصدي السونار الكبير

[lulu11]

لولا حبيبتي ايش قصدك ب اشاعة الحمل تقصدي السونار الكبير

ايواااااااااا
سويتيها
و هل لازم في كل حمل

[رورو ام لولو]

يس سويتها في الرابع و في بداية الثامن هيا يحسبولك وزن وطول وعمر النونو وكمان موية المشيمه وكل شي يتعلق بسلامته

[lulu11]

شكرا ااااااااااااااااااااااااااااااااااااااااااااا

[يارووووحي]

بنات السلام عليكمنا تابعت بحملي السابق عند دكتورة اماني السيد احسها كويسة بس وقت الولادة تعذبت بالمرررة ولدتني بمستشفى جدة ال

اوطني ب5300 صراحه غالي علي شوي وقت الولادة قالت الحوض ضيق وسوت لي توسيع كبيير وخيطتني من المغرب لبعد العشا ولا حسيت بالبنج شفت العذاب والموت شهر النفاس هذا من سنه ونص والحين انا حامل بالتاسع بموت خووف ورعب وش تنصحوني ومين ولدت او بتولد عند اماني او غيرها وبكم ووين انا اهلي بجدة وساكنه الرياض
الله يسهل لها الي ترد علي


اختي مرا تمدحها لانها ولدت عندها قبل خمس شهور وتمدح خياطتها وتشجعني اولد عندها بس خايفه لانهم مايدخلو حتى الام وانا بكريه وبعدين كلفت اختي الولاده ب4500

[قلب امه]

اختي مرا تمدحها لانها ولدت عندها قبل خمس شهور وتمدح خياطتها وتشجعني اولد عندها بس خايفه لانهم مايدخلو حتى الام وانا بكريه وبعدين كلفت اختي الولاده ب4500

اختي الله يقومك بالسلامة ويسهل عليك اختك ولدت بجدة الوطني الي بالكندرة ولا وين

البنات يقولون في كبس افضل من الخياطة وبالنسبة لي امي دخلت معي غرفة الملاحظة بس الولادة طبعا لا انا عشت وقت صعب جدا الم الطلق والولادة والخياطة ولا ارتحت ومانظمت موضوع منع الحمل وحملت بدري ومرعوبة ونفسيتي تعبت واثر علي ولا رضعت ولدي اتمنى تفيديني

[قلب امه]

اختي قلب امه اذا دكتورتك عذبتك وماارتحتيلها ليه ترجعي لها وتدوري تجارب البنات انتي تجربتك اكبر دليل انها مو كويسه اتوكلي على الله ودوري غيرها والله يسهل عليك وعلينا ي رب

اختي العزيزة انا كنت بكرية وقالت لي حوضك ضيق واحمدي ربك ماولدتي بعملية يعني ماني قادرة احكم عليها اخافف اروح مستشفى ثني ودكتورة تسوي لي قيصري لاسمح الله

مشكلة الخياطة ماحسيت بالبنج ليه مدري وانا في خيرة من امري ما املك الا الاستخارة والاستشارة
والله يجزيك خير على تفاعلك معي

[همسة خير]

صباااح الرضا من الله يااااارب
حبيباتي الكروشات انا كروشه جديده على التجمع بس موجديده على المنتدى
كنت حامل قبل سنتين وهذا حملي الثاني
الحين انا حامل بالشهر الخامس واراجع عند الدكتوره هبه فؤاد في الاطباء المتحدون
واناولدت عندها ولادتي الاولى والحمدلله ولدت بالسلامه بدون مشاكل....
والله يسهل علي وعليكم ونولد بصحه وسلامه ويرزقنا الذريه الصالحه اميين

[&&جلنار&&]

اختي مرا تمدحها لانها ولدت عندها قبل خمس شهور وتمدح خياطتها وتشجعني اولد عندها بس خايفه لانهم مايدخلو حتى الام وانا بكريه وبعدين كلفت اختي الولاده ب4500
يارووووحي انتي
الله يطمنك يارب ويفتح عليك دنيا و آخره طمنتيني جدددددددددددددددددا..جزاك الله خير الدنيا و الآخرة
انا اليوم مراجعتي عند الدكتورة اماني وبنتفاهم معها ع موضوع الولادة وموضوع انه زوجي يكون معي وبردلكم خبر
الله يسهل يارب

[يارووووحي]

يارووووحي انتي
الله يطمنك يارب ويفتح عليك دنيا و آخره طمنتيني جدددددددددددددددددا..جزاك الله خير الدنيا و الآخرة
انا اليوم مراجعتي عند الدكتورة اماني وبنتفاهم معها ع موضوع الولادة وموضوع انه زوجي يكون معي وبردلكم خبر
الله يسهل يارب




اي ردي لنا اذا يدخلو معاكي احد الله يسهل لك

[Khno]

سلام اناجديده بالمنتدى

ابغي اسأل افضل دكتوره بجده مين

[Khno]

مررره حمستوني
عجبتني دررردشاتكم وان شاء الله علي طول بتلاقوني هنا

[ام ماسة]

مرحبا انا جدية في موقع حابه اعرف عن مشفى الحمرا كويس انا اليوم ارجع عند الدكتوره فادية سليم شاطرة كم المبلغ لعملية قيصيرية تانية ممكن اعرف الدرجة الغرف عندهم

[ام ماسة]

مرحبا انا جديدة في موقع ممكن ترددو عللي حابة اعرف عن مشفى الحمرا مين ولادت هناك انا ارجع عند الدكتوره فادية سليم شاطرة كم المبلغ لعملية قيصير ية تانية التنويم عندهم حسب الدرجات

[ام ماسة]

مرحبا كيفك انشاء الله تمام

[همسة خير]

سلام اناجديده بالمنتدى

ابغي اسأل افضل دكتوره بجده مين

ياهلا حبيبتي
انا اسمع كثير عن حنان الشمراني في الاطباء انها ممتازه
وبنت خالتي ولدت عندها وتقول احسن دكتوره شافتها بس مشكلتها ماتقبل التامين
كااااش يعني وانا دكتورتي هبه فؤاد كويسه وشطوره في الخياطه
بس هي شوي جديه وارسلت لها اكثر من واحده ولدوا عندها وعجبتهم بس ماتحب الدلع
وسمعت عن سحر في فقيه يقولوا كويسه وان شاء الله البنات يفيدوك كمااان

[همسة خير]

ام ماسه هلا والله
ماسمعت عن مشفى الحمرا بس ان شاء الله البنات مايقصروا معاك

[ام اسكندر]

سلام اناجديده بالمنتدى

ابغي اسأل افضل دكتوره بجده مين


ياكثرررررررررررررررررر الدكتورات الممتازات في كل المستشفيات
واسألي كمان قرايبك عن تجاربهم

وربي يسهل امورك

[ام اسكندر]

الماسة

ولله يالغالية ماقد زرت مستشفى الحمرا
ان شاء الله تتوفقي

[ام اسكندر]

بنات بعطيكم معلومة قالت لي اياها الدكتورة عن:

سبب اختلاف عمر الحمل بالسونار عن الدورة

انا رحت للدكتورة لمن كنت بالاسبوع 12

سوت السونار وقاسته فطلع عمره 10 أسابيع وخمسة ايام

تفاجأت قلت لها ابني نموه بطيء او ايش؟

قالت لا بس عشانه منكمش ع نفسه مافرد جسمه
كلما كان مفرود كلما زبط العمر

وعادت القياس عشان تطمنني

ظلت تحاول تستناه يتحرك لين مد يداته ورجوله وانفرد شوي قاسته من جديد
طلع عمره 11 اسبوع و4 ايام

شفتو كيف فرق العمر اسبوع كامل بنفس الدقيقة وكله بسبب وضعيه الجنين
وقالت لي كمان ابنك ما انفرد تماما لو كان فارد حاله مزبوط رح يزبط عمر السونار ع عمر الدورة ويصير 12 اسبوع

ربي يحفظها طيوبة ووضحت لي كل شي

هيا الدكتورة ماجدة في مستشفى هالة بن لادن في جدة

بس للاسف ما رح ارجع لها لان تأميني خلص وسويت تأمين فئة ثانية وماطلعت معاي نفس المستشفى بالتأمين الثاني

[ام اسكندر]

بنات بسألكم عن المستشفيات اللي في تاميني الجديد

في جدة

ممكن تعطوني معلوماتكم عن الدكاترة اللي في ذي المستشفيات حسب خبرتكم
:
سواء طبيعي او قيصري

واسم الدكتورة او الدكتور
:


مستشفى الجدعاني الجديد

مستشفى الزهراء

مستشفى الحياة

مستشفى السلام

مستشفى الحمراء

مستشفى خالد ادريس

مستشفى بقشان

مستشفى المستقبل

مستشفى جدة الوطني القديم

مستشفى حي الجامعة

مستشفى ابو زنادة

مستشفى جدة الاهلي

[Khno]

يسلمووو. همسه وام اسكندر
الله يسعدكم يارب ويتمم لكم بخير

[همسة خير]

صباح الانوار
اليور رحت المستشفى عشان تعبت من الانفلونزا
ودكتورتي حولتني لدكتور انف وحنجره واعطاني الدواء والحمدلله صرت احسن
وسويت الالترا سونت وشفت النونو وطلعت بنوته
الحمدلله على كل حال انا ولادتي الاولى بنت وهذي ان شاء الله بنوته كمااان
الحمد لله ان زوجي يحب البنات وربي يرزق الجميع بالذريه الصالحه

[بسمــة]

ام اسكندرر


كل الي اقدر اساعدك فيه بالمستشفيات

هيا مستشفى الزهراء اختي تابعت عندهم في حمالاتها الاربعه ماشاءالله

عند الدكتوره نجوى اعتقد انها يمنيه شاطره ماشاءالله

فيه مستوصف الرشاد دكتوره امال العمر لكن وقت الولاده تولدك بمستشفى الحمراء

برضو هالدكتوره ممتازه ومتفاهمه وتاخذ وتعطي معاكي يعني ترتاحي بالكلام وياها

الله يسهل لك يارب

[بسمــة]

همسه خيرر

الله يتمم لك بخير يارب وتتربى بعزك

مافي احلى من البنات حنونات فديتهم بس

[تحقق حلمي]

بنات بعطيكم معلومة قالت لي اياها الدكتورة عن:

سبب اختلاف عمر الحمل بالسونار عن الدورة

انا رحت للدكتورة لمن كنت بالاسبوع 12

سوت السونار وقاسته فطلع عمره 10 أسابيع وخمسة ايام

تفاجأت قلت لها ابني نموه بطيء او ايش؟

قالت لا بس عشانه منكمش ع نفسه مافرد جسمه
كلما كان مفرود كلما زبط العمر

وعادت القياس عشان تطمنني

ظلت تحاول تستناه يتحرك لين مد يداته ورجوله وانفرد شوي قاسته من جديد
طلع عمره 11 اسبوع و4 ايام

شفتو كيف فرق العمر اسبوع كامل بنفس الدقيقة وكله بسبب وضعيه الجنين
وقالت لي كمان ابنك ما انفرد تماما لو كان فارد حاله مزبوط رح يزبط عمر السونار ع عمر الدورة ويصير 12 اسبوع

ربي يحفظها طيوبة ووضحت لي كل شي

هيا الدكتورة ماجدة في مستشفى هالة بن لادن في جدة

بس للاسف ما رح ارجع لها لان تأميني خلص وسويت تأمين فئة ثانية وماطلعت معاي نفس المستشفى بالتأمين الثاني
انا عكسك حسبت لي 10 اسابيع بالسونار طلع الاسبوع 11 ماعرفت انا حامل من بعد الدوره ولا فييوم التبويض hwaml9

[creema]

بنات بسألكم عن المستشفيات اللي في تاميني الجديد

في جدة

ممكن تعطوني معلوماتكم عن الدكاترة اللي في ذي المستشفيات حسب خبرتكم
:
سواء طبيعي او قيصري

واسم الدكتورة او الدكتور
:


مستشفى الجدعاني الجديد

مستشفى الزهراء

مستشفى الحياة

مستشفى السلام

مستشفى الحمراء

مستشفى خالد ادريس

مستشفى بقشان

مستشفى المستقبل

مستشفى جدة الوطني القديم

مستشفى حي الجامعة

مستشفى ابو زنادة

مستشفى جدة الاهلي




في مستشفي حي الجامعه
عندك دكتوره جميله وطيوبه وممتازه جدا
انقذت حملي لما كنت فى الشهر الاول
اسمها د. سوسن
تتابعي معاها ووقت الولاده يجيبوها من البيت
ولو عندها عياده تسيبها وروحلك ع الولاده
والمستشفي مو فخمه
ولكن كويسه والممرضات كويسين كمان
و دكاترة السونار ممتازين
ونظام المستشفي بصفه عامه مافيه اي تعقيد وروتين
والطوارئ عندهم كمان ممتازه

[قلب امه]

يعطيك العافية اختي
مستشفى حي الجامعة
وش تقصدين به الخاص؟

[دالياا]

بنات كيفكم؟؟
حابه اسأل انا حساب الحمل عندي بالسونار لانو دورتي صارت مخربطة الفترة الاخيرة..كيف يعني ممكن يكون حسابي غلط؟؟؟

[رورو ام لولو]

داليا والله مدري ايش اقولك مافهمت على كلامك انتي دورتك ملخبطه ومنتي عارفه موعدها صح ذا اللي قصدتيه بعدين السونار حسابه صح اغلب الوقت خلاص اتطمني

[رورو ام لولو]

بنات بسال متى تخفيضات مذركير خايفه اشتري وثاني يوم ينزل تخفيض انقهر

[&&جلنار&&]

رورو...تخفيضات مذركير ياحلوه على شعبان تقريبا بالضبط في بداية شهر 7 ميلادي

[رورو ام لولو]

مشكوووووره حببيبتي جلنار اجل بنزل اخذ السرير وامري لله

[&&جلنار&&]

العفووووو^^

نكهة قهوه...غلاها...ام اسكندر...هشامية...والبقيه ^^
كيفكم؟وين الناس ^^؟

[بنت أبيها]

هلا كروشااااااااااااات

ان شااااااء الله بخير وكيف البيبيات

طمنونا عنكم

احس بثقل وتعب والله المستعاااااااان

واحس بحرقه ذابحتني ما اقدر اناااااام منها

بس كلا باجره الحمد لله

[دالياا]

داليا والله مدري ايش اقولك مافهمت على كلامك انتي دورتك ملخبطه ومنتي عارفه موعدها صح ذا اللي قصدتيه بعدين السونار حسابه صح اغلب الوقت خلاص اتطمني

ايوا بالضبط هذا اللي اقصدو..طمنتيني الله يسعدك
وبالنسبة لمذركير ماعندي علم بس اتوقع الشهر الجاي تبدأ التخفيضات

[دالياا]

العفووووو^^

نكهة قهوه...غلاها...ام اسكندر...هشامية...والبقيه ^^
كيفكم؟وين الناس ^^؟

اهلين جلناركيفك؟ وبشرينا عنك
نكهة قهوة فقدتها ربنا يحفظها هي وام اسكندر

[ام ماسة]

شكرا صبايا بس مافي احد يعرف المشفى الحمرا لايقدر يسالي علية لانوانا في مكة حابة اولدفي جدة ممكن ترددو جواب الي

[Khno]

صبايا
كيفكم ابغي أسألكم فين محالات حلوه تبع ملابس حمل

[رورو ام لولو]

هاي ي حلوين اختي اللي تسالي عن ملابس الحمل أنا اخذت قليل مو كثير لان بطني ماكبرت الا في الشهرين الاخيره اخذت من ماماز وباباز في ستاررؤ افينيو اشيائه مرا نايس وفيه محل ثاني قريب منه بس موفاكره اسمه كمان حلو

[رورو ام لولو]

ستارز افينيو سوري خطأ مصبعي

[&&جلنار&&]

الي تسأل عن مستشفى الحمرا تبحث في قوقل
انا الي اعرفه عن هذي المستشفى انها سيئه ومافيها نظافة

[الأموره]

مساء الخير

ممكن يا عسولات تساعدوني وتقولوا لي أفضل مستشفى في جده للولاده..

أنا الآن أراجع في مستشفى(بخش)عند دكتوره كيتي اسماعيل..هي بصراحه طيوبه واخلاق..
بس انا ابغى لي مستشفى كويس اولد فيه..لانه بصراحه خفت من الكلام اللي سمعته عن الولاده والالام اللي ممكن تكون اكثر واكثر لو كنتي في مستشفى مايعرفو يتعاملو كويس..
ومستشفى بخش مقسم مبنيين..مبنى للعيادات ومبنى ثاني شكله هو اللي فيه غرف المرضى(بصراحه حاسه اني ماراح ارتاح بالولاده هناك)<<مين قد جربت الولاده هناك؟
وسمعت عن فقيه انه ترتاحي في الولاده ويحطو كمام فيه غاز مخدر ويعطو ابره ماتحسي بالم خروج الراس..
بس مو عارفه بالضبط ..من أحسن دكتوره هناك..؟!
وكمان مستشفى الاطباء المتحدون يمدحونه كثير..

بلييييييييييز قولولي ايش أفضل مستشفى؟وايش أفضل دكتوره؟وكيف الأسعاااااااااااااااااار؟؟
<<<بليييييييز هذا أول بيبي ليآ وخايفه كثير ومتوتره..الله يخليكم ويسعدكم جاوبوني على كل أسئلتي..وآسفه على الإطاله..

ومشكورآآآت مقدماً ياعسولات..

[lulu11]

مستشفى فقيه فيها دكاترة كويسين
سحر ملودي
فاطمة العتيبي
مروة بغدادي
و في دكتور امكن اسموا انور او امجد

[&&جلنار&&]

مساء الخير

ممكن يا عسولات تساعدوني وتقولوا لي أفضل مستشفى في جده للولاده..

أنا الآن أراجع في مستشفى(بخش)عند دكتوره كيتي اسماعيل..هي بصراحه طيوبه واخلاق..
بس انا ابغى لي مستشفى كويس اولد فيه..لانه بصراحه خفت من الكلام اللي سمعته عن الولاده والالام اللي ممكن تكون اكثر واكثر لو كنتي في مستشفى مايعرفو يتعاملو كويس..
ومستشفى بخش مقسم مبنيين..مبنى للعيادات ومبنى ثاني شكله هو اللي فيه غرف المرضى(بصراحه حاسه اني ماراح ارتاح بالولاده هناك)<<مين قد جربت الولاده هناك؟
وسمعت عن فقيه انه ترتاحي في الولاده ويحطو كمام فيه غاز مخدر ويعطو ابره ماتحسي بالم خروج الراس..
بس مو عارفه بالضبط ..من أحسن دكتوره هناك..؟!
وكمان مستشفى الاطباء المتحدون يمدحونه كثير..

بلييييييييييز قولولي ايش أفضل مستشفى؟وايش أفضل دكتوره؟وكيف الأسعاااااااااااااااااار؟؟
<<<بليييييييز هذا أول بيبي ليآ وخايفه كثير ومتوتره..الله يخليكم ويسعدكم جاوبوني على كل أسئلتي..وآسفه على الإطاله..

ومشكورآآآت مقدماً ياعسولات..
حبيبتي التساهيل من ربي مو من افضل مستشفى...قبل كل شيء وكلي امرك لله اصحك توكلي امرك للمشافي و الدكاتره

الدكتوره الي تراجعي عندها كويسه اختي تراجع عندها و ولدت عندها مره طيوبة
واذا تقدري على فقيه بدلك على الدكتوره اسماء شحرور في بناية نورة تولد في فقيه خبرررره و خياطتها الكل يمدحها
اختي جربت كيتي في الخياطه كويسه بس ماتضيقلك ...لكن اسماء شحرور من غير ماتقوليلها تضيقلك ماتخليه وسيع على حالته بعد التوسع الي حيصير فيه بعد الولادة
لكن اشوف الدكتوره كيتي حنونه اكثر من اسماء..وبما انك بكرية افضلك كيتي وممكن عالولادة الثانية تروحي لأسماء

و الأطباء المتحدون سمعتهم في القيصري اكثر شيء

وعلى راحتك يالغلا...و زي ماقلتلك قبل كل شيء وكلي امرك لله ولاتخافي وادعي ربي يسهلك
لا تجيبي لنفسك كوابيس مالها داعي ترى حتتعبي من التفكير في الولادة قولي يارب وكلت امري لك ونامي قريرة العين =)

ان ربًا كفاك ماكان بالأمس...سيكفيك في غد مايكون

[رورو ام لولو]

حبيبتي اموره بقولك شي زي ماقالت جلنار التساهيل من عند ربنا ب النسبه لمستشفى بخش اختي ولدت عند نوال سناني الدكتوره كانت قممممممه في الاخلاق والحنان والصبر بس لاحظت اختي ان الدكتوره كانت لحالها مع ممرضه وحده ماكان في طبيب اطفال وولدها شرق وحست ان الدكتوره حاست فيه ويوم سالت عن السبب انو مافي فريق معاها قالتلها والله ميزانية المستشفى ماتسمح وجربت فقيه بصراحه قمه في العنايه والاهتمام ويدخل معك غرفة الولاده فريق كامل من ضمنه دكتور اطفال انا بصراحه قزت اولد ف فقيه بالرغم اني متاكده انو دكتورتي اللي تابعت مرتين عندها ماراح تجيني وبالرغم من ذا ماني حابه اغير المستشفى لانها ممتازه

[&&جلنار&&]

اهلين جلناركيفك؟ وبشرينا عنك
نكهة قهوة فقدتها ربنا يحفظها هي وام اسكندر

هلابك داليا
الحمدلله انا بخير وعافة انتي كيفك وكيف البيبي؟

[بنت أبيها]

حبيباتي حبيت اسال اذا ممكن

في جده ابي توزيعات للمولود ذكر

باسم البيبي وين ممكن القاه

الي تعرف لا تبخل علي

ولها دعوه بظهر الغيب

[3rosajadeda]

السلام عليكم

بنات ممكن اعرف اذ اي وحده عملت اشع 3 دي او 4 دي في اي مستشفا وبكم ومتا سوتها باي شهر ؟؟

بنت ابيها باتشي اكتر الناس تاخد منها

[ام وسيم 20]

السلام عليكم
ياريت تفيدوني يابنت جده في اندونسيه او فلبينيه تسوي مساج بعد الولاده ومتى اسويه بعد اسبوع او اكثر

[الأموره]

مشكوووورات (لولا2-جلنار-رورو ام لولو)الله يسعدكم ويوفقكم ريحتوني وطمنتوني..

بس ممكن باسالكم عن التضييق جلنار انتي تقولي بما انك بكريه هالمره عند كيتي والجايه لاسماء
<ليه التضييق مو مهم اذا اول ولاده؟والا مايبان الاتساع اذا اول مره؟؟يعني بليز ممكن تفهموني!!<(ادري سؤالي محرج بس ممكن توضحو لي)

[&&جلنار&&]

مشكوووورات (لولا2-جلنار-رورو ام لولو)الله يسعدكم ويوفقكم ريحتوني وطمنتوني..

بس ممكن باسالكم عن التضييق جلنار انتي تقولي بما انك بكريه هالمره عند كيتي والجايه لاسماء
<ليه التضييق مو مهم اذا اول ولاده؟والا مايبان الاتساع اذا اول مره؟؟يعني بليز ممكن تفهموني!!<(ادري سؤالي محرج بس ممكن توضحو لي)

انا اقولك كيتي لانها حنونه جددددا وبما انك بكرية تبغي وحده تطبطب عليك لان اول ولاده لك وخايفة ^^
لكن اسماء اوقات تكون جافه وقت الولاده حسب كلام اقاربنا الي يولدو عندها
لكن لمن تكون ولادتك الثانية يكون لك خبرة في الولادة خلاص ومايكون عندك الخوف المجهول زي الولادة الأولى
وهذا من وجهة نظري وانتي الي يريحك سويه =)
والتضييق مو انه مو مهم بس اذا حصل توسيع كثير انتي و زوجك ماحتتمتعو بالشيء ذاك بعد التوسع^^"
بس سمعت انه الولادة الأولى مايكون فيها التوسع كثير و الله اعلم
شوفي الي يناسبك يالغلا =)
انا عن نفسي بروح لوحده تطبطب عليا لان اول ولادة وخايفه ما ابغى وحده ممكن تعصب اول تخاصم عليا مع الزحمه
الله يكتبلك الخير

[ام رحمة]

السلام عليكم ممكن تقبلوني معكم انا مو من جدة بس حابة اتعرف على بنات من كل الدول

[ام رحمة]

انا كمان حامل ببداية الشهر الثاني

[مزاجي كول]

مساء الخير ..
بنات جده الله يسعدكم مين تتابع حمل عند الدكتوره نوال السناني وهي الان في اي مستشفى ؟؟
انا سمعت انها كويسه مين جربت الولادة عندها وبكم الطبيعي وبكم القيصري ؟؟

[lulu11]

مزاجي كول




انا سمعت عنها كويسة و انها موجودة بمستشفى الجامعة حاليا

[الأموره]

يسلمو جلنار ريحتيني(الله يسعدك ياعسل)
طيب ايش رايك أطلب منها تضييق؟؟(لانه بصراحه مستحيه أشاور احد حولي>ماعندي خوات كبار وامي استحي اسالها)

وطلللب صغنطوط >>بليز لكل الحوامل اللي مو اول ولاده لهم(يعني مجربين الوضع)يفيدونا>هل يكون الاتساع كبير ويؤثر؟او مايبان شي لانه اول ولاده؟؟<<بلييييز افيدوووونا..

ومشكورات ياعسولات..

[-بنت ابوها-]

السلام عليكم
كيفكم بنات انا جديده على المنتدى
وحامل الحمد الله اول مره احمل من 8 سنوات ادعوا الله انه يثبت الحمل

[رورو ام لولو]

الله يثبت حملك ي بنت ابوها ويرزقك الطفل السليم المعافى الجميل

[رورو ام لولو]

بنات بسالكم عن محلات تعمل زينه للمستشفى وتكون اسعارهم مقبوله

[يارووووحي]

السلام عليكم
مين منكم تعرف تحسب موعد الولاده لاني ما اعرف
اخر دوره ليا 25/4/1433
الله يسعدكم الي تعرف لاتبخل

[>>>مصرقعه<<<]

سلام عليكم ..............


اولا الله يثبت حملك بنت ابوها واهتمي بنفسك والله ييسر امورك.......

ثانيا (( الله يسعدكم كروشات فيه احد استخدم من او طلب من ام عبد الملك ((اعشاب نفاس وكورس بشره ))كورس البشره كيف حلوو ولا تفتيحه بسيط الي تعرف لا تبخل علي بتجربتها بللللللللللللللللللللللللللللللللللللللللللللللللل للليز

[&&جلنار&&]

الامورة...احسبي حسابك اذا طلبتي حتاخذ عالتضييق زيادة وما اعرف كيف تضييقها ماقد سمعت احد سوا عندها تضييق
يارووحي ..حسبتها لك بالمنتدى 10 / 2 / 1434 هـ
رورو..المستشفى نفسها تسوي الزينة عادة اطلبيها منهم انتي بس أسألي في المستشفى الي حتولدي فيها اذا يسوو او لا
مصرقعه ان شاء الله البنات يفيدوكي =)

[هشاميه]

مساء الخير ..
بنات جده الله يسعدكم مين تتابع حمل عند الدكتوره نوال السناني وهي الان في اي مستشفى ؟؟
انا سمعت انها كويسه مين جربت الولادة عندها وبكم الطبيعي وبكم القيصري ؟؟
اختي انا تابعت عندها بس شهرين هي حنونه وطيوبه بس مشكلتها ماتقبل تامين يعنى كاش
سالتها عن الولاده قالت الطبيعي 8000اذا عندك تامين تدفعي بس 3000وهي في بخش اعتقد السبت ولاحد والثلاثا والخميس الصباح بس انا الحمد لله ولدت لي اسبوعين مو عندها ولدت عند هدى عبد الفتاح هي مصريه وكويسه اهم صفه فيها انها تذكرك بالله وانا بولدتي الاولى قد جربت الخياطه عندها وكان اول جماع بعد النفاس كاني بكر ماكاني ولدت والحين ان شاء الله يكون كل شي تمام اي استفسار انا جاهزه

[هشاميه]

كروشات حبابيبي وحشتوني كيفكم وكيف بيبيهاتكم ان شاء الله كل شي تمام
جلنار اخبارك عادك ماولدتي الله يقومك بالسلامه ويسهل عليك
نكهة القهوه وغلاها وام اسكندر فينكم ان شاء الله تكونو بخير
وباقي الكروشات الحلوات

[دالياا]

اهلييين فيكم حوامل؟؟؟؟ كيفكم اليوم

[الأموره]

مشكوووره ياجلنار
وهشاميه حبيت اسالك ازا ممكن تفيديني
>يعني انتي ولادتك الاولى سوت لك خياطه بس والا خياطه وتضييق؟؟
واذاباطلب تضييق تاخذ زياده قد ايش في المبلغ؟؟وهل تنصحوني بها بما اني اول ولاده ليا؟
<لانه بصراحه ماابغى زوجي يحس بفرق بعد الولاده ابغى اكون كاني دوبي متزوجه*

[ام اسكندر]

هشامية ولدت

ماشالله الف مبرووووووووووووووووووووووووووووووووووووووووووووووو ووووووووووووووووووووك

لي فترة مادخلت

[ام اسكندر]

بسمة

جلنار

داليا

كريما

الف شكر لكم ع سؤالكم
انا مشغولة شوي مااقدر ادخل غير ع فترات متقطعة

[ام اسكندر]

ياحريم بسألكم بخصوص شعر الاطفال
انتو تحب الكدش ع الاولاد
ما اقصد الكدش مررررررة زي عبدالفتاح قريني
لا اقصد الكدش الخفيف .؟؟؟

ودي انزل موضوع بقسم الاطفال استشيرهم

ترى شعر ابني من النوع اللي يتلفلف
مو جعد
تراه ملمسه ناعم بس يتموج

وابوه يقول لي اربيه واخليه يطول شوي يصير زي الكدش
قلتله طيب تسعة شهور اللي هي فترة حملي ما رح اقصه
بس مع ولادتي رح اقص له
الحين طال شوي
بس احسه مو مرتب
شكله زي اللي توه صاحي من النوم
احس الولد حلاته يوم يقص شعره يكون شكله مرتب
بس برضو احب الكدش الخفيف ع بعض الاولاد .. بس ع ابني ابد ماحبيته
حسيته مشعفل<<< ترجمو هالكلمة ع كيفكم

هنا صورة شعره قبل شهرين
بس دحين اطول شوي لكن ماعنده صورة حاليا

http://forum.hwaml.com/imgcache2/hwaml.com_1338677493_495.jpg

[حامل لأول مرره]

بناااااااااااااااات بالله عليكم اللي تعرف لي رقم شغاله اندنوسية بجدة

وتعرف تطبخ عشان الولادة محتاجتها صراحة ياريت تكتب لي الرقم او ترسله

ولها دعوه بظهر الغيب

تسلمووووووو

[ام اسكندر]

تعالو ارويكم مشترياتي من ملابس الحمل

مابي تشوفو وتمشو
ابي ردود حلوة بحق تعبي في رفع الصور

يلا قولو ماشاء الله عشان يكون فيها البركة لي ولكم

شوفو هالبلوزة البيضا
انجنيت يوم شفتها بالمحل

http://forum.hwaml.com/imgcache2/hwaml.com_1338692028_133.jpg (http://www.gulfup.com/show/X6sme1nzvad0v)

ولانها بلوزة توب ولزوم الحشمة والستر اخذت لها هالجاكت
واشتريت بنطلون استرتش اسود طويل

http://forum.hwaml.com/imgcache2/hwaml.com_1338690427_570.jpg (http://www.gulfup.com/show/X6wjl11k11eq9)
.
.
.

وهنا بلوزة اهدتني اياها بنت اختي
بس ما اعتقد تمشي معايا غير للشهورر الوسطى لانها قصيرة مع كبر البطن ممكن ترتفع للسرة

http://forum.hwaml.com/imgcache2/hwaml.com_1338690429_104.jpg (http://www.gulfup.com/show/X2atzlet5kx348)

ناوية البسها ان شاء الله مع التطقيمة السابقة

http://forum.hwaml.com/imgcache2/hwaml.com_1338690429_316.jpg (http://www.gulfup.com/show/X6whytmx2pmaq)

.
.
.


وهنا بلوزة توب مشجرة

http://forum.hwaml.com/imgcache2/hwaml.com_1338690430_975.jpg

ولزوم الحشمة عندي هالجاكت من قبل
واشتريت جنز للحوامل ازرق
ماحبيت هالبنطلون لانه متموج .. كان ودي لو كان سادة لون واحد بس
بس للاسف هالازرق الوحيد اللي لقيته بالمحلات حق الحوامل اللي اخدني لها زوجي

http://forum.hwaml.com/imgcache2/hwaml.com_1338690431_498.jpg (http://www.m5zn.com)
.
.
.


وهنا بلوزة كيوت تناسب الجنز الازرق الانف الذكر

http://forum.hwaml.com/imgcache2/hwaml.com_1338690430_355.jpg (http://www.gmrup.com/)
.

.
.

هادي بلوزة لونها جنااااااااااان

http://forum.hwaml.com/imgcache2/hwaml.com_1338690428_623.jpg (http://www.gulfup.com/show/Xrmhy9sjuiqsws)

طقمت لها هالجاكت البمبي ع لون الوردة اللي بالبلوزة
بس ما ادري البسها ع الجنز الازرق او ع ايش من لون بالزبط؟؟؟؟؟؟ وش اقتراحاتكم؟؟

http://forum.hwaml.com/imgcache2/hwaml.com_1338690430_444.jpg (http://www.gmrup.com/)
.

.
.

وهنا بلوزة كيوت
واشتريت لها جنز حوامل ابيض

http://forum.hwaml.com/imgcache2/hwaml.com_1338690430_438.jpg (http://www.gmrup.com/)

.
.
.

هااااااااا وش رايكم بالافرول - الشيال <<< بكل اللهجات
حسيت حالي زي الاجانب الحوامل دايم يلبسو كذا
البلوزة عندي من قبل

http://forum.hwaml.com/imgcache2/hwaml.com_1338690429_443.jpg (http://www.gmrup.com/)


هنا بلوزة عريضة ومن تحت زي التنورة
اعتقد تنفع للاشهر الوسطى بس
مارح البس الحزام عشان مايضيق ع بطني
وطقمت لها استرتش ابيض
واكسسوار احمر
ولو لبستها ع صندل او شوز احمر ياسلاااااااااااام

http://forum.hwaml.com/imgcache2/hwaml.com_1338690427_627.jpg (http://www.gulfup.com/show/Xkouj0ub08st)

.
.
.

هنا بلوزة طويلة لونها زيتي ومخططة بالبيج
وعندي من قبل استرتش بيج يناسب عليها

http://forum.hwaml.com/imgcache2/hwaml.com_1338690427_341.jpg (http://www.gulfup.com/show/X6wgpen45v7kc)

.
.

.
.
.

شوفو قد ايش حلاة هالقطعة
بلوزة رايقة
تنفع فستان قصير
بس اني ابيها بلوزة لان مااعتقد عندي حفلات او اعراس
اغلبها حتكون زيارات خصوصا ان العيد جاي
وطقمت لها هالاسترتش الرمادي شكله زي الجنز بس هو استرتش مو جينز
ماعرفت وش اطقم له من جاكت
ودي بجاكت جينز سماوي احسه يكون رووعة ع البلايز البمبي

http://forum.hwaml.com/imgcache2/hwaml.com_1338690427_499.jpg (http://www.gulfup.com/show/X29h7t9bilobow)

وهنا فستان قصير احمر
بس ناوية البس له نفس البنطلون الاسترتش الاسود اللي في الصور السابقة عشان يكون زي البلوزة مو فستان
وابي له جاكت بس ما اددري وش اللون اللي ممكن يناسبه

http://forum.hwaml.com/imgcache2/hwaml.com_1338690427_827.jpg (http://www.gulfup.com/show/X6spu30iz00tx)

هالفستان اخذته في عهد حملي باسكندر
فستان حمل
بس مارحت اي فرح ابد وانا حامل
وما ادري متى رح البسه

http://forum.hwaml.com/imgcache2/hwaml.com_1338690429_998.jpg (http://www.gulfup.com/show/X29p0sz61c1esg)

.
.
.


هاذي بلوزة راااااااااايقة هدية جاتني من الوالد بعد سفره
وطقمت لها هالاسترتش الازرق
وعندي اكسسوار ازرق

http://forum.hwaml.com/imgcache2/hwaml.com_1338690428_807.jpg (http://www.gulfup.com/show/X29w9fd894i1wc)

.
.
.

نجي للتنورات
اشتريت تنورة حمل
لاحظو الشريط الاسترتش حق البطن اللي ع التنورة
وعندي بلوزة من قبل موجودة ناسبت عليها
البلوزة فيها طبقات من الامام طايحة تغطي البطن فاعتقد رح تناسب الحمل

http://forum.hwaml.com/imgcache2/hwaml.com_1338691016_767.jpg (http://www.gulfup.com/show/Xkmvt7exvo0l)
.
.
.

هاذي ماهي تنورة حمل
بس اشتريتها عريضة من فترة
وطقمت لها لمن خرجت هالبلوزة

http://forum.hwaml.com/imgcache2/hwaml.com_1338690428_156.jpg (http://www.gulfup.com/show/Xre7t5eb5yrkw0)


يلا دور الارواب وقمصان البيت
اشتريت مجموعة
بس للاسف لبست البعض
ماينفع اصور شي ملبوس
بس رح اصور لكم الجديد منهم

هاذي شوفو كيف لونها نعومي بمبي وابيض

http://forum.hwaml.com/imgcache2/hwaml.com_1338690428_374.jpg (http://www.gulfup.com/show/X6unh9qxwwjix)

.
.
.

هادي الجلابية اخدتها لي اختي من شيار

http://forum.hwaml.com/imgcache2/hwaml.com_1338690428_446.jpg (http://www.gulfup.com/show/Xrjoldcdbk2oko)
.
.
.

هنا جلابية اهدتني اياها جارتي من سنة ولالبستها
حسيتها زي موديلات العجايز
الشي اللي مخليها بدولابي هو لونها البمبي عاجبني
يمكن اضطر البسها مع الحمل .. الله العالم

http://forum.hwaml.com/imgcache2/hwaml.com_1338691016_178.jpg (http://www.gulfup.com/show/X1pcsuu6asel)

.
.
.

اادري رح تقولو كثرت الملابس
بس ترى ذي مو للحمل وبس
هيا تجديد لدولابي وتناسب مابعد الحمل كمان
باستثناء بناطيل الحمل اللي رح اشيلها من دولابي بعد الولادة

ولاتنسو ان العيد جاي والزيارات جاية مع العيد
وامي جاية من مدينة ثانية مع العيد واكيد مع زيارتها رح يكثرو زيارات الحريم لنا لذلك اضطريت اخذ كل هالقطع

وعقبالكم بالمشتريات

[ام اسكندر]

نجي الان لمشترياتي لاسكندر للعيد

يلا قولو ماشاء الله عشان يكون فيها البركة لي ولكم

هادا لاول يوم يروح صلاة العيد فيها <<< مع ان حبيبي لسا يصلي بالحفاظة^.^
والصلاة حسب فهمه يكبر ويسجد ع طول <<< لسا عمره سنة ونص
ينقصه بس غترة وعقال .. بس ما ادري من وين اشتريهم لطفل
مرة زماااااااااااان قريت عن واحدة تبيعهم بالنت حتى عقالات مقاس مواليد تخيلو تكون صغيرة ومخيطة في شماغ صغير ومن تحتها زي الطاقية القطن مخفية مو ظاهرة عشان تدخل في راس المولود
بس ما ادري وين القى ع مقاس ابني
ان شاء الله مايجي العيد الا وقد اشتريت له عقال وشماغ صغنونين
وودي اشتري له دقلة حجازية بعد
ان شاء الله يوم اشتريها رح اسدح صورتها هنا
بس حاليا هادا اللي اشترى له ابوه من السوق الشعبية
<<< ع فكرة ماكنت ادري انهم يبيعو سراويل سنة مقاس سنة
لااااااااازم مانخرج عن ستايل ابو سروال وفنيلة << ستايل تتوارثه الاجيال

http://forum.hwaml.com/imgcache2/hwaml.com_1338693902_685.jpg (http://www.gulfup.com/show/X6ufk2u9e49wp)

..
.
.
هنا ثوب بيت صغنون مقاس سنة ونص << ياقلبي ع الرجال الصغير حقي
مع نفس الصندل اللي فوق
بس مايعرف يحط الصندل في رجله ابد << تعرفو البزارين الصغار ماينفع لهم صنادل مفتوحة
يحتاج اوديه لاسكافي يركب له شريط مطاط اسود من ورا عشان يثبت برجله

http://forum.hwaml.com/imgcache2/hwaml.com_1338693904_531.jpg (http://www.gulfup.com/show/Xkj3so8er105)
.
.
.

هنا بنطلون زيتي
بس مالقيت تطقيمة تي شيرت ع نفس درجة الاخر اللي بالبنطلون
هاتيشيرت اخذته من سيتي ماكس
درجة الاخضر اللي فيه شوي فاقعة ع الاخضر الداكن اللي بالبنطلون بس هادا انسب تي شيرت لقيته
والشوز طقمته من محل جنب بيتنا نزلت وحدي مع ابني اشتريت له

http://forum.hwaml.com/imgcache2/hwaml.com_1338693897_924.jpg (http://www.gulfup.com/show/X6v276ruc62dv)
.
.
.

وهنا بنطلون ابيض من سيتي ماكس عجبني ان فيه زرار من تحت تقدري تعطفي البنطلون وتقصريه عشان يكون ع مقاس ابنك
والتي شيرت من المحل اللي جنبنا
والشوز من شو اكسبرس

http://forum.hwaml.com/imgcache2/hwaml.com_1338693904_495.jpg (http://www.gulfup.com/show/X6tw0uek7gsd3)

.
.
.

نفس البنطلون آنف الذكر مع تي شيرت من سنتر بوينت

http://forum.hwaml.com/imgcache2/hwaml.com_1338693901_998.jpg (http://www.gulfup.com/show/X1pia1u7eqb0)

.
.
.

التي شيرت من مارك اند سبنسر
والشورت والشوز من المحل اللي جنبنا ^.^

http://forum.hwaml.com/imgcache2/hwaml.com_1338693903_135.jpg (http://www.gulfup.com/show/X6t0wcrc49oct)

.
.
.

البنطلون كان هدية في النفاس
والقميص من سيتي ماكس هدية من اختي في عيد ميلاده
والاثنين مقاسهم من سنة ونص لسنتين
مع نفس الشوز حق شو اكسبرس

http://forum.hwaml.com/imgcache2/hwaml.com_1338693903_260.jpg (http://www.gulfup.com/show/X1pin5j59ggs)
.
.
.

البنطلون من H&M
والتي شيرت من سيرجنت ميجور
والشوز من المحل اللي جنب البيت ^_^

http://forum.hwaml.com/imgcache2/hwaml.com_1338693899_157.jpg (http://www.gulfup.com/show/Xkjplut5ow1s)
.
.
.

الشورت من المحل اللي قريب البيت
والقميص من سيتي ماكس

http://forum.hwaml.com/imgcache2/hwaml.com_1338693904_478.jpg (http://www.gulfup.com/show/Xkkqd7quddpt)

.
.
.

الشورت من مذركير
والتي شيرت والشوز من المحل اللي قريب مننا

http://forum.hwaml.com/imgcache2/hwaml.com_1338693904_717.jpg (http://www.gulfup.com/show/Xrgtfeq45hz4w0)

.
.
.

الجينز والتي شيرت من سيتي ماكس
والشوز نفسه حق شو اكسبرس

http://forum.hwaml.com/imgcache2/hwaml.com_1338693903_102.jpg (http://www.gulfup.com/show/Xklkjcc42hif)

.
.
.

نفس التي شيرت اللي فوق حق سيتي ماكس
مع افرول -شيال من زارا
والشوز نفسه حق شو اكسبرس

http://forum.hwaml.com/imgcache2/hwaml.com_1338694631_514.jpg (http://www.gulfup.com/show/X6vrim439ism2)
.
.
.

وملبوس العافية لي ولابني ولكم باذن الله

اما الجنين لسا ماجهزت لي لاني لسا ما اعرف جنسه

[>>>مصرقعه<<<]

بنات تكفون من جربت كورس البشره لام عبد الملك ((((تقوووووووووووووووووووول الله يسعدها )))))))))))

[>>>مصرقعه<<<]

ام سكندر مررره ملابسك حلووه ............

في ملابسك اعجبتني ((( البلوزه السوداء + والبلوزه الرايقه + والفستان الاحمر ))) لبس العافيه

ملابس اسكندر كلها حلوووووين ياروحي على الاطفال اكثر شي حلو ((( الاجنز والمقلم + والفنيله البيضاء وشورت الاحمر + برضوو الشورت ابني ))))))

لبس العافيه قلبي والله يخليه لك ......................................

[ام اسكندر]

مصرقعة

ربي يسعدك ياعسل

وبالنسبة لكورس ام عبدالملك ما عندي خبرة وما احب هالخرابيط
ونزلت مووع مثبت بقسم النفاس عن الاعشاب راجعيه اذا تحبي

[Khno]

سلام.كروشات
تيتهني بملابسك حلوه
بنات بسالكم وين محل. بيت الهدايا حق فساتين الاطفال غيرلي مول هل له فروع ثانيه

[حامل لأول مرره]

ام اسكندررر

مررررررررررررره تجنن الملابس ماشالله من جد ذوووق

وملابس اسكندر رووووعه

الله يخلية لك ياررررب

[ملاك العشق]

ملابسك تحفه وملابس ابنك ارووووع ملبووووس العافيه

[هشاميه]

مشكوووره ياجلنار
وهشاميه حبيت اسالك ازا ممكن تفيديني
>يعني انتي ولادتك الاولى سوت لك خياطه بس والا خياطه وتضييق؟؟
واذاباطلب تضييق تاخذ زياده قد ايش في المبلغ؟؟وهل تنصحوني بها بما اني اول ولاده ليا؟
<لانه بصراحه ماابغى زوجي يحس بفرق بعد الولاده ابغى اكون كاني دوبي متزوجه*
اختي انا بولادتي الاولى سوتلي خياط بس بس المكان كان ضيق اول جماع ماقدرت اتحمل من الضيق بس الحين طلبت منها تضيق والحين قدني شايله هم الجماع هههههههه احس المكان ضيق بس اقولك شي الممرضه الي كانت معاي في غرفه الولاده تقول لعمتي لانها كانت معاي انه خياطت الدكتوره هدى مره كويسه كثير ناس يجونها ومافي احد اشتكى منها وتقول على الدكتوره نوال انها بس معاها الشهره والله اعلم على فكره انا مره حبيت الدكتوره لانها بعد الله تنقذ عيالي من الموت لاني ببنتي وولدي يكون الحبل السري ملفوف على الرقبه وغير انه ولدي ماشاء الله كان وزنه كبير يوم قلت لها ليش كل ذي الخياطه قالت احمدي ربك ولاخلصتي الاربعين صلي ركعتين شكر لله انتي كنتي تحتاجي عمليه الله يعطيها العافيه
بس معليش قصيت لك قصت حياتي
اما على السعر مااعرف لاني تامين وانا عن نفسي انصحك فيها وانتي استخيري ماخاب من استخار

[هشاميه]

ام اسكندر لبس العافيه لك ولابنك

[hana kh]

السلام عليكم بنااات جده
اولا انا اول مره اكتب بذا التجمع وعندي استفسار
ثانيا ام اسكندر عجبتني ملابسك وملابس ولي العهد وماشاء الله تعرفين تجمعين وتنسقين الله يبارك لكم فيه وملبوس العافيه
لو انا اشيل كل شي من محل واحد مالي بالفرفره والتجميع ابد وتمنيت شفت هالاشياء وانا حامل لاني كنت باززمه



المهم اجي لسبب دخولي التجمع انا والده من شهر بالضبط وماعندي خبره بهالاشياء لاني بكريه بس سوالي انا ماادري كيف اعرف الخياطه تلتئم ومتى والشي الوحيد اللي لاحظته الله يكرمكم نزل مني خيط بطول الاصبع ولمن حاولت اشيله انقطع بدون ماادري انه ثابت احسبه نازل خلاص ابي اعرف كذا التئم الجرح والا باقي وغلط اللي سويته والا لا مع اني مااحس بالالام ولاشي الحمدلله ومستحيه اروح اكشف وانا باقي ماطهرت بليز مساعدتكم للي عندهم خبره

[الله يحميني]

بنات كيفكم انا حابه انضم لكم

واول طلب بطلبه منكم ابي رايكم ايهم اختار مستشفى اراجع واولد فيه

الاطباء المتحدون او سليمان فقيه ومن احسن الاطباء

واذا فيه غيرهم احسن دلوني بكريه موعارفة شي

[رامان]

مرحباً بنات جده ////

أنا مؤ من جده بس حبيت تساعدوني
أنا بعد يومين رحلتي على جده
وعندي زواج وحابه أجهز من هناك
فأبي منكم تدلوني على أماكن فساتين
غريبه ومميزه وماتهم الأسعار أهم شي
يكون الموديل جديد ومميز وغريب
الله يسعدكم بنااااااااااااات ضروري تساعدوني
قبل أوصل جده

[&&جلنار&&]

روحي توب تاتو في عزيز مول عنده اشياء حلوه ناعمه وفخمه
و اذا تبغي شيء خفيف روحي محلات الماركات زي مانجو و فيمي ناين تحصلي
واذا تبغي شيء فخم روحي مركز الحفني في شارع التحلية

[&&جلنار&&]

بنات كيفكم انا حابه انضم لكم

واول طلب بطلبه منكم ابي رايكم ايهم اختار مستشفى اراجع واولد فيه

الاطباء المتحدون او سليمان فقيه ومن احسن الاطباء

واذا فيه غيرهم احسن دلوني بكريه موعارفة شي
فقيه احسن في الطبيعي حسب علمي اعرف الدكتوره اسماء شحرور تولد عندهم و عيادتها في بناية نوره وفي دكتوره يمدحوها اسمها سحر ملودي في نفس المستشفى

والاطباء في القيصري عند الدكتورة صباح وفي الطبيعي يقولو فاطمة النمر

شوفي مكان ماترتاحي استقري عليه و أولا آخرا التساهيل من ربي مو من المستشفيات

[رامان]

مشكوره جلناااار وأنتظر من البنات
ردودهم بعد

[>>>مصرقعه<<<]

بنوتات حبايبي انا سويت اشعه لمعرفه جنس المولود في الشهر الرابع قالت ((ولد )) والحين بنهايه السابع ((قالو بنت ))

امووووت واعرف ولد ولا بنت عشان اتجهز بلبس ولاسم ((افيدوني اسوي اشعه ملونه رباعيه الابعاد))تتوقون تثبت ولا سوتها تقوووووولي

في الانتضار ابي تقولي بتفصيل

واضحه صورته وبشربته وملامحه وهل الصوره الي يطبعونها لك واضحه جدا ولا ابيض واسود <<<<<<واي مشتفى بجده؟؟؟؟؟؟؟


(((((((((((((((((((((((((((((((((في انتضاررررررررررررررررررررركم يا احلا كروشااااااااااااات ))))))))))))))))))))))))))))))

[ام اسكندر]

مصرقعة

وااااااا ياقلبي ولله كذا حيرة بالتجهيزات
بس اعتقد يمكن تكون بنت لان السابع اوضح

سوي ثري دي يمكن يتوضح لك اكثر
ما ادري باي مستشفى
واسعارها من 400 وفوق حسب غلا المستشفى
ويعطونك صور وسي دي وبعض المستشفيات ماتعطي

ان شاء الله البنات المجربات يفيدونك
انا ماقد جربت
بس ناوية اسوي في السادس عشان تاكيد الجنس باذن الله

هنا صور رباعية الابعاد شوفي كيف تطلع

هادي صورة لعضو الذكر شوفي كيف واضح
http://forum.hwaml.com/imgcache2/hwaml.com_1338827413_127.jpg

وهنا عضو الانثى واضح بعد
http://forum.hwaml.com/imgcache2/hwaml.com_1338827414_109.jpg

[ام اسكندر]

الله يحميني

انتي راجعي في الاثنين وشوفي الدكتورتين
واللي ترتاحي لها استمري عندها

[ام اسكندر]

رامان

يحتاج تدوري ع عدة اماكن
ممكن تشوفي الدور الثاني من الاندلس مول مليااااااااان محلات فساتين
وربي ييسر امورك

[>>>مصرقعه<<<]

مشكووووووووووووووووووووووووووووره ام اسكندر الله يعطيك العافيه يارب اممممممممممممممممممممممممواه

[أفلاطونة]

بنوتات حبايبي انا سويت اشعه لمعرفه جنس المولود في الشهر الرابع قالت ((ولد )) والحين بنهايه السابع ((قالو بنت ))

امووووت واعرف ولد ولا بنت عشان اتجهز بلبس ولاسم ((افيدوني اسوي اشعه ملونه رباعيه الابعاد))تتوقون تثبت ولا سوتها تقوووووولي

في الانتضار ابي تقولي بتفصيل

واضحه صورته وبشربته وملامحه وهل الصوره الي يطبعونها لك واضحه جدا ولا ابيض واسود <<<<<<واي مشتفى بجده؟؟؟؟؟؟؟


(((((((((((((((((((((((((((((((((في انتضاررررررررررررررررررررركم يا احلا كروشااااااااااااات ))))))))))))))))))))))))))))))

يا ويلي أنا قالولي ولد بالرابع وبدأت أبضع على كيف كيفك..

وا وبعدين تطلع بنوتة hwaml03 من جد حيرة كيف نتأكد!!

[بنت أبيها]

هلا بنات اشلونكم

انا الحمد لله من الرابع قالولي ولد

والحين بالسابع نفس الشي

بس في شي حجم البيبي اسبوع زايد بالسونااااااار

احترت ليش وقالتلي الدكتوره راسه كبير

هل هذا طبيعي

من الي صااااااار معاها شذي

بارك الله فيكم

[وصآيف]

سلام
كيفكم ان شاء الله طيبين
كنت بسألكم مين تعرف مستشفى صايم الدهر انا بصرآحة اول مرآ اسمع فيه
ياليت اللي تعرف تفيدنيhwaml85

[رورو ام لولو]

اما مستشفى صايم الدهر ههههههههه عجبني اسمها سوري حبيبتي بس مأعرفها مصرقعه اختي سوت ثري دي في عرفان اعتقد ب 800 واضح فيها ملامح البيبي وكل شي

[مزاجي كول]

حبيبتي اللي تسال عن الفساتين عندك سوق المساعديه فيه اشياء فخمه وسوق لمسات كمان
اتمنى تدعيلي ربي يثبت حملي

[&&جلنار&&]

الي تسأل عن هاله بن لادن كلام طازه



جلنار
امس رحت هاله بن لادن وطلعت غرفة الولادة
بصراحه شي مرتب ومريح
اول شي جناح كامل للولادة فيه 3 غرف جنب بعض
اول غرفة حق التخطيط وتكون معك فيها ممرضة تتابع وضع الجنين ووضع الطلق معك
جنبها على طول غرفة الولادة اذا قربتي تولدي دخلوك هالغرفة عشان ينزل النونو
<< شفت السرير حق الولادة وانصدممممت بس ابكي فيه حديد عشان تفتح رجولك واجهزة كثييييرة

وبعدين نزلت الدور الثاني اشوف الغرف
مررة مرتبة وحلوة ونضيييييفة
اما الحضانه رحت اشوفهاا مافيها احد بس شكلها نضيف وصعب اي احد يدخلها

دعواتككم لي

[الأموره]

مشكوره هشاميه
يعني الخياطه لوحدها تكفي في اول ولاده ؟؟
والمرات الجايه خياطه +تضييق افضل.مو صح؟؟

واذا ممكن
متى يلتئم التخييط؟ومايصير باين انه تمت خياطه؟؟
ونفس السؤال في التضييق ؟متى يلتئم ويصير ماهوباين؟؟

ارجوووكم جابوووني ..ولكم جزيل الشكر ياعسولات

[ام اسكندر]

وصايف

انا ولدت ابني اسكندر قيصري في مستشفى الدكتور عبدالله صايم الدهر
اخترتها لانه كان فيها واحد من افضل جراحين القيصري في جدة اسمه محمد الجمل
بس الان انتقل للمستشفى السعودي
وفي دكتورة ثانية بس مادخلت عندها ابد

بالنسبة لولادتي الحمدلله دكتوري ممتاز
وطلبنا غرفة منفصلة كانت شرحة وحلوة
والممرضات ماشالله عليهم حبوبات وصبورات عليكي
سواء العربيات او الصينيات والفلبينيات زي العسل كنا نهرج سوا بعد الولادة
بس مايجيبو ملابس للبيبي في الحاضنة زي بقية المستشفيات
يطلبوكي ملابس ليه من البيت
واذا انتي تولدي طبيعي ماحتفرق عندك حكاية الملابس لانك حتروحي البيت مع البيبي

والصراحة انا ماجربت الولادة في مستشفى ثاني عشان اقارن
وتجربتي في صايم الدهر كانت كويسة

وبالنسبة لاسعارهم ماهي غالية
يعني القيصري بـ6000 شاملة لغرفة منفصلة لك 3 أيام وحاضنة البيبي 3 أيام
وما اعرف الطبيعي بكم
بس حتى اللي يسوو فيها عملية اللواز قالولي سعرها ارخص من غيرها

وفيها دكتور الاطفال ممتاز لانه برفسور

بس بالنسبة لدكتورة النساء والولادة ماعندي اي معلومة عنها
لاني كنت قيصري عند دكتور وخلاص دكتوري انتقل

الشي الوحيد اللي طفشنا هو موظفين الرسيبشن تعاملهم يطفش

والله يوفقك

[ام اسكندر]

الامورة

لاتقولي للدكتورة ابي تضييق وتجميلي عشان ماتحسب لك سعر اعلى
قوليلها ابي خياطة من برا ومن جوا <<< هيا بنفس معنى التجميلي بس الفاظ تورية >>> انا شاطرة بالبلاغة
وربي ييسر امورك

[ام اسكندر]

http://forum.hwaml.com/imgcache2/hwaml.com_1338916358_425.jpg

[دالياا]

ياحريم بسألكم بخصوص شعر الاطفال
انتو تحب الكدش ع الاولاد
ما اقصد الكدش مررررررة زي عبدالفتاح قريني
لا اقصد الكدش الخفيف .؟؟؟

ودي انزل موضوع بقسم الاطفال استشيرهم

ترى شعر ابني من النوع اللي يتلفلف
مو جعد
تراه ملمسه ناعم بس يتموج

وابوه يقول لي اربيه واخليه يطول شوي يصير زي الكدش
قلتله طيب تسعة شهور اللي هي فترة حملي ما رح اقصه
بس مع ولادتي رح اقص له
الحين طال شوي
بس احسه مو مرتب
شكله زي اللي توه صاحي من النوم
احس الولد حلاته يوم يقص شعره يكون شكله مرتب
بس برضو احب الكدش الخفيف ع بعض الاولاد .. بس ع ابني ابد ماحبيته
حسيته مشعفل<<< ترجمو هالكلمة ع كيفكم

هنا صورة شعره قبل شهرين
بس دحين اطول شوي لكن ماعنده صورة حاليا

http://forum.hwaml.com/imgcache2/hwaml.com_1338677493_495.jpg



هههههههههههه حلوة مشعفل
الله يحفظلك ولدك يارب انتي زيي مااحب الشعر الطويل عالاولاد ولدي نفس ولدك شعرتو ناعمه بس ملفلف واحلقوا على طول احس وجهوا يبان بس انتي ولدك شعرو خفيف انا ولدي كثيف ماشاءالله عشان كدا احلقوااا

[دالياا]

ماشاءالله ام اسكندر اغراضك واغراض كتكوتك حلووين
لبس العافية يارب

[اميليا]

السلام عليكم
اقبلوني كروشه جديده بينكم
انا في الشهر الخامس
عندي سوال بالنسبه لروب النفاس من واحه الجلابية
كيف اسعارهم؟
وهل بدات التخفيضات
وبث

[ام اسكندر]

يسلمو بنات ع ردكم

اليوم قصيت شعر ابني

اتعبني مركز التحميل اليوم ثقيل مارضى يرفع الصور

ان شاء الله برويكم صوره مرة ثانية

[ام اسكندر]

اميليا

ماعرف هل بدأت تخفيضات واحة الجلابية او لا
انا اخذت اروابي من البلد

[ام ووهج]

حبايبي صباح النوور

ابي اسئل عن مستشفى الولاده اللي بلمساعديه كيف انا اراجع فيه بس مين جربت الولاده تقولي كيف كويسه ولا لا
انا بكريه وخايفه

[سكرهـ مرهـ]

المساعدية ناس مدحته وناس ذمته
إتكلي ع الله
ومستشفيات جدة عموما سييييييئة
أساليني انا

[سكرهـ مرهـ]

سلام كيفكم

كروشات انا شهري 11 وابغا اخلص اغراضي قبل رمضان

وبعدها بدخل التاسع مايمدي

كل وحدة تعطيني رايها من وين اشتري قمصان النفاس ((( اهم شي وياليت تكون كشخة )))وهدايا الاطفال وين احسن مكان وبالنسبة للضيافة عطوني اقتراحاتكم

[سكرهـ مرهـ]

وبالنسبة للمفرش مالي نية اشتري الطقم ابشتري مفرش كبير اهم شي شكله عشان استفيد منه بعدين

ياليت تدلوني ع محل شريتوا منه مفرش وعجبكم

لان حظي بالمفارش سئ

[رورو ام لولو]

ام اسكندر نعيما ل اسكندر احسلك والله فصيتيه الدنيا حر وخلي شكلو مرتب
اميليا مدري متى تحفيضه بس اسعاره معقوله اخذت قميص ب 190 مطرز ناعم روحي سوق النجار في محل نسيت اسمه بس اشيائه حلووه
واللي تسال عن المفارش انا اخدت من اورنج واحد كبير ينفعني بعدين للسرير وبس

[سكرهـ مرهـ]

ام لولو وين المحل هذا وبكم شاريته ؟!

[بنت أبيها]

هلا كروشااااااااااااااات اشلونكم واشلون البيبيات

طمنونااااااااااا عنكم وعن البيبيات

اميليا

ماعرف هل بدأت تخفيضات واحة الجلابية او لا
انا اخذت اروابي من البلد

انا امس رحت واحه الجلابيات ما في تخفيض

من وين اخذتي الارواااااااب اي محل تعرفين اسم المحل

اكون لك شاااااااكره



حبايبي صباح النوور

ابي اسئل عن مستشفى الولاده اللي بلمساعديه كيف انا اراجع فيه بس مين جربت الولاده تقولي كيف كويسه ولا لا
انا بكريه وخايفه

انا اختي مثلك بكريه واراجع هناااك

دكتورتي مها فتح الدين هيا ماااااااااااشاء الله استشاريه

وانتي منو دكتورتك

خليهاااااااااااا علي الله

[ام الحوارث]

كيفكم بنات جدة اني اختكم باللة ومالي غيركم بعد اللة اني حامل وكان عندي وحام بسيط وهسة مافي اي وحام شنو معناة ارجوكم اجيبوني

[دالياا]

وبالنسبة للمفرش مالي نية اشتري الطقم ابشتري مفرش كبير اهم شي شكله عشان استفيد منه بعدين

ياليت تدلوني ع محل شريتوا منه مفرش وعجبكم

لان حظي بالمفارش سئ

اليوم مريت هوم سنتر عندو مفارش روعه

[ام اسكندر]

بنت ابيها

في البلد مركز الحبيب في باب شريف
بس الله يعينك ع الزحمة

[ام اسكندر]

سكره مرة

في هيفاء مول
اول ماتدخلي محل مفارش ناعمة وحلوة وقماش رهيب
ما افتكر اسمه

[ام اسكندر]

http://forum.hwaml.com/imgcache2/hwaml.com_1339101391_595.jpg

اعظم الصدقة لقمة يضعها الرجل في فم زوجته.

لكن الرجل العربي لايعرف في الدين الا. "الشرع حلل اربع"

اربع عقالات يطقونك..قوووووووووول اميييييين

[ام اسكندر]

رورو

مشكورة ياعسل

[ام اسكندر]

ام الحوارث

انتي في خير من الله

وان شاء الله يظل وحامك كذا خفيف ومايشتد ابد

[أفلاطونة]

يا حوامل جدة الحلوات بدي أسألكم عن مستشفى بقشان

سويت بحث عنها قليل جدا الولادات فيها

مين سمعت فيها ومستواها زي أي مستشفى..؟ نظافة ودكاترة وخدمة وإبرة الظهر ..

الله يرضى عليها إلي تفيدني ويعطيها ليــــــن يرضيها يارب

[سكرهـ مرهـ]

ام اسكندر
المشكلة المولات دايم تاخذين الشي بدبل قيمتة الا اذا كان محل معروف يعني اخاف يجوني يقولون لقيناه بالمحل الفلاني باقل من قيمته:(

افلاطونه
اعرف وحدة ولدت عند نانسي ببقشان وتمدحها كثيير بس قيصري كانت

[أفلاطونة]

افلاطونه
اعرف وحدة ولدت عند نانسي ببقشان وتمدحها كثيير بس قيصري كانت

يا قلبي تمدح الدكتورة أو المستشفى..؟؟

لأنو أنا بدي أروح المستشفى عن طريق دكتورتي الي أراجع عندها مخصوص..

الله يسعدك ويكرمك

[سكرهـ مرهـ]

مدري عاد هي نصحتني اولد هناك..

بنات انا حملت بعد 5 شهور من ولادة قيصري

تتوقعوا اولد طبيعي او قيصري..مع العلم اني قبل كذا ولدت طبيعي

من مرعليها مثل حالتي ؟؟ واش ولدت قيصري او طبيعي

[>>>مصرقعه<<<]

اسلام عليكم ....................

اليوم حللت يا كروشات قالولي عندك صديد واملاح وعطتني (((فوار +و حبوب مضاد ))

وانا شويات وادخل الثامن ...............؟؟؟ خايفه تضر البيبي وودي يروح الصديد لنو قالت بيتعبك بلولاده ............!!

جاوبوني فيه احد استخدمت مضاد في الشهور الاخيره (((خايفه )) وفيه شي بديل يبعد الصديد طبيعي يعني

تفيدني الله يسعدها ......................................

[ام اسكندر]

افلاطونة

بقشان مستشفى راقية وممتازة

طبيعي وقيصري

الدكتورات ممتازات

بس انتي دكتورتك من برا

مستوى العناية ببقشان ممتاز

وربي يسهل عليكي

[ام اسكندر]

سكره مره

طبيعي باذن الله

لا تصدقي الدكاترة وتستعجلي بالقيصري
واتركي الامور لساعة الطلق
دام عمليتك ليزر حتولدي طبيعي ان شاء الله

صاحبتي حملت بعد شهرين من القيصري
يعني بعد الاربعين
وولدت الثاني طبيعي

وقريبتي ولدت قيصري
وحملت بعد 6 شهور بتؤام ماشالله
وولدتهم طبيعي

وكان الله في عونك وعوننا

بس ودي اسألك دامك مجربة الولادتين
وش الاسهل والافضل واللي تفضليه؟
لاني انا اولد قيصري

[ام اسكندر]

مصرقعة

ما اعتقد تضر
اللي يضرك هو استمرار المرض
واكثري شرب سوائل
اشربي اكثر من 8 اكواب مويا باليوم
هذا غير الحليب والعصاير

والله ييسر امورك

[ام اسكندر]

شاركوووو


http://forum.hwaml.com/t132960.html

[نكهة القهوة]

السلام عليكم ياكراريــــــــــــش
كيفكم وكيف نونواتكم والله لكم وحشة
اعذرونـــــــــي على غيابي اللي كان بسبب وفاة الوالد الله يرحمه ويغفر له ولجميع موتى المسلمين وماكان لي نفس بأي شىء الحمد لله على كل حـــــــال .

[ام اسكندر]

نكهة قهوة

لا حول ولا قوة الا بالله

عظم الله اجركم واحسن عزائكم وعصم قلوبكم بالصبر

[ام اسكندر]

http://forum.hwaml.com/t58801.html

[هشاميه]

نكهة القهوه حبيبتي عظم الله اجرك واحسن الله عزاك وغفر الله لوالدك وموتى المسلمين
طيب انا ببشرك انا ولدت وجبت احلى هيثم وعقبال لك يارب وكل الحوامل

[&&جلنار&&]

نكهة قهوة ...عظم الله اجرك و احسن عزائكم وغفر لميتكم...الله يرحمه ويغفرله يارب

[&&جلنار&&]

مصرقعة..انا كان عندي التهابات واعطتني مضاد واخذته والحمدلله مافيني إلا العافية

[نكهة القهوة]

ياحبيباتي الله يجزاكم خير والله يحفظ لكم أحبابكم ولا يريكم مكروه يارب .

الف الف الف الف الف مبروووووووك يا هشامية يا قلبي انتي والله فرحتيني بهالخبرية والحمد لله على سلامتك ويتربى بعزكم والله يجعله قرة عين لك ولوالده والله يسمع منك وييسرلي ولادتي و كل الكراريش حبيباتي الله يهونها علينا ياكريم .

[ام ووهج]

عظم الله اجرك نكة القهوه
وجعل مثواه الجنه

[بنت أبيها]

السلام عليكم ياكراريــــــــــــش
كيفكم وكيف نونواتكم والله لكم وحشة
اعذرونـــــــــي على غيابي اللي كان بسبب وفاة الوالد الله يرحمه ويغفر له ولجميع موتى المسلمين وماكان لي نفس بأي شىء الحمد لله على كل حـــــــال .

عظم الله اجرك يا اختي هذي الدنياااااااااااا

ويرحم موتاكم وموتانا


نكهة القهوه حبيبتي عظم الله اجرك واحسن الله عزاك وغفر الله لوالدك وموتى المسلمين
طيب انا ببشرك انا ولدت وجبت احلى هيثم وعقبال لك يارب وكل الحوامل

بشرك الله بالجنه

ومبروك ما جاااااااااااك حبيبتي

يتربي بعز والديه

بس قوليلنا ان شاااااااااء الله ما في تعب

وعقبال ما نبشركم

[ام ووهج]

بنت ابيها

مشكوره يلغلا وا
انا دكتورتي امال باذهب بس عمري ماشفتها كل ماروح للعياده القى دكتوره غير كاتبين اسمها بس على كرت المراجعه
وناس يقولو الممرضات سعوديات واخخلاقهم زفت اثناء الولاده
مممدري الله يعين بس
الف شكر حبايبي لكل اللي رد علي

[بنت أبيها]

بنت ابيها

مشكوره يلغلا وا
انا دكتورتي امال باذهب بس عمري ماشفتها كل ماروح للعياده القى دكتوره غير كاتبين اسمها بس على كرت المراجعه
وناس يقولو الممرضات سعوديات واخخلاقهم زفت اثناء الولاده
مممدري الله يعين بس
الف شكر حبايبي لكل اللي رد علي

حبيبتي انا ماااشاء الله الدكتوره الي انا عندها

ماااااشاء الله عليها الضحكه ما تفارقهاااااااا

وانا بالشهر الخامس ترقدت عندهم

اشوف الوضع طبيعي وخليتها علي الله

والعوار والتساهيل بايد الله

ان شاااء الله نشوف اطفالنا اصحااء

بلا زياده ولا نقصاااااااااااان

قولي امين

[>>>مصرقعه<<<]

ام سكندر ((( احبكـــــــــــــــ في الله ))) .........................

الله يسعدكــــــــــــ

[>>>مصرقعه<<<]

&&جلنار&& (((( مشكوره حبيبتي طمنتيني )))))...............

[>>>مصرقعه<<<]

نكهه قهوه (( احسن الله عزاكــــــــــ والله يصبركـــــــــ ويغفر لبوكــــــ يارب ))............

[نكهة القهوة]

الله يجزاكم خير والله يحفظكم ويحفظ لكم أحبابكم ومن يعز عليكم والحمد لله على كل حال .

[رورو ام لولو]

نكهة القهوه عظم الله اجرك وغفر لميتكم وجعل مثواه الجنه