دردشة بنات المدينه المنوره - تجمع حوامل بنات المدينه [الأرشيف] - الصفحة 4

ام اجـــوان

02-17-2012, 09:44 PM

حبيبتي ضاااع الامل
الله يقومك بالسلامه ياارب
لاتشيلي هم وربي الولاده تساهيل من ربك
انتي ادعي ربك ان يقومك بالسلامه انتي والبيبي
وبالنسبه فين تولدي انتي استخيري
والله لما تجيكي الولاده لاشعورياا تروحي للمكان اللي ربي اختاره لك
عمتي طول ماكانت حامل كانت تقول بولد بالوطني
واستخارت اكثر من مره ولما جاها الولاده راحت احد
شفتي كيف سبحان الله كلها تساهيل من ربك
لاتشيلي ياقلبي

ام اجـــوان

02-17-2012, 09:48 PM

اسوووم
انا زيك صار لي كم يووم اتحلم احلاام مو حلووه عن النونو
والله صرت اخاف انام عشان ما اتحلم
الله يسهل يااااارب

احلى ليان

02-17-2012, 11:24 PM

سلام عليكم..
كيفكم يا بنات وايش اخباركم ..وايش اخبار البيبي ؟؟
انشاء الله تكونوا بصحة وعافية يارب..
المتوكلة على الله.. ربي يرزقك انشاء الله ويعطيكي ويرضيكي قولي امين بحق اليوم الفضيل هذا..
وويسر على ضاع الامل ولادتها .. وولادتي وولادة كل حامل يارب ويكتبلنا الاجر..
اسوم .. سلامتك ياقمر ما تشوفي شر..
ام اجوان .. الله يعينك وتخلصي اشياء النونو على خير انشاء الله وتورينا هههههههه

الورد الناعم

02-18-2012, 04:44 AM

هلا والله الورد الناعم
ان شاء الله دوووم تكوني تمام
انا الحمد لله بخيرات
وقتي كله يا بالسوووق اقضي للنونو لاني اسبوعين وادخل التاسع
وما اشتريت ولا شئ والوقت الثاني في ترتيب البيت والشنط
لاني يووم الثلاثاء ان شاء الله نازله المدينة
وبس هذا وقتي
الله يسيرلك ولادتك وتقومي بالسلامة انت والبيبي ولا تنسى تبشيربالولادة00

الورد الناعم

02-18-2012, 04:49 AM

الله يقومك بالسلامة وييسير الولادة وماتحسي بالم الولادة000والله استخيري واحس احسن شىء المطبقاني

الورد الناعم

02-18-2012, 04:50 AM

احنا الحمدلله تمام التمام يا احلى ليان

الورد الناعم

02-18-2012, 04:51 AM

ياكروشات وين ام رزان لها مدة مادخلت المنتدى

best mama

02-18-2012, 05:10 AM

صبـآح آلـورد :)

best mama

02-18-2012, 05:20 AM

فيه آحد هون ؟؟

best mama

02-18-2012, 05:38 AM

لا إله إلا الله الحليم الكريم ، سبحان الله رب العرش العظيم

آستغفر آلله
آسغفر آلله
آستغفر آلله

تفاحه المدينه

02-18-2012, 07:08 AM

اهي اهي خااااااااااااااااااااااااايفه من الولاااااااااااااااااااده قربت اخش التاسع اهيييي

تفاحه المدينه

02-18-2012, 07:20 AM

أم حسون

02-18-2012, 07:43 AM

صباحكم احلى ياكروشات

كيفكم وكيف البيبي وحشتوووني من زمان عنكم

ربي يسهلي ويسهلكم ويقومنا بالسلامة يارب

MميميM

02-18-2012, 08:54 AM

السلام عليكم ورحمة الله وبركاته
كيفكم ياحلوااات,,؟
وكيف نوناتكم,,؟
احلى ليان تسلمي ياقلبي ع السؤال
انا بخير الحمدلله
الحمدلله ماما جاتني الاسبوع اللي فات وجابت لي معاها قدر رز كابلي كبييييير اللي كنت مشتهيته
انتي كيفك,, واخبار نونتك,,؟
~~~~~~
تفاحة المدينة ربي يعينك ولاتخافي ان شاء الله ربي يسهلك
وتكون ولادتك سهلة ميسرة

الورد الناعم

02-18-2012, 10:13 AM

تفاحة الله يهون عليك ولادتك وتقومي انت والبيبي بخير وسلامة

ام فجر بأذن الله

02-18-2012, 11:36 AM

اسوووم يالغلا سوري طولت ماحطيت التوقيع الي سويتيه ليا بس النت انفصل عندي وانا قبل ماعرفت كيف احطه وموعارفه كيف للحين قهر

ام اجـــوان

02-18-2012, 12:22 PM

الورد الناعم ابشري ان شاء الله اذا ولدت اكيد بعطيكم خبر
تفاحه المدينة الله يهون عليكي ولادتكي بالعكس المفروض تكوني فرحانه
قرب الوقت اللي راح تشوفي النونو بين احضانك
فكري من هذي الناحيه راح يزول خوفك ان شاء الله
حتى انا قربت ادخل التاسع

sooma1

02-18-2012, 03:29 PM

سلام كروشا
اخبار الورد ورحيق وغنوجه وام ليان واسومه والكل

يارب ياحي ياقيوم تسهل لضاع الامل ولادتها وتسهل للجميع يارب
بنات ماحبيت افيد نفسي واسيبكم امس قريت موضوع مره مشاءاللله حلو ياليت لو تكتبوه بقوقل وتقروه عشان ترتاحون نفسيا وتسفيدوا
الموضوع يابكريه خايفهمن الولاده تعالي احكي لك منتدى الامارات مره مفيد الموضوع وحده حاطه قصتها بالولاده مشاءالله

بنات الحين سوال الثامن متىيخلص يعني انا قاريه بالجدول حق الاسابيع ان الثامن يبداء 31 -32-33-34-35/ وبالصور حقه تواقيعكم يبداء مع بدايه 35 ومتى تبدون تاكلون تمر وسمعت ان عصير الرمان حلو لللي بداء شهرها 9 الله اعلم عاد

العنود خالد

02-18-2012, 04:15 PM

العنود خالد واحلى ليان شكل الحااااااااااااال من بعضه كلنا باالريااااااااااض واهلنا باالمدينه والشووووووق بيذبحنا عليهم المشكله انها غرررربه الريااااض مررررره ااااااااااااااه الله يعين بس
ايوه والله من جد غربه جاني الطفش في الرياض نفسي اسكن في المدينهhwaml85الله لا يحرمنا من اهالينا ياااااارب

sooma1

02-18-2012, 04:28 PM

بنات احس بنغز بالمنطقه الحساسه من تحت طبيعي ولا لا

احلى ليان

02-18-2012, 06:52 PM

سلام عليكم
كيفكم يا بنات انشاء الله بخير .. كيف الكرمبة اللي جوه؟؟ ياقلبو والله نفسي اشوف النونو المجرم الصغير يتكور في ناجية ويسيب باقي البطن.. ههههههه
ميمي .. بالعافية اخيرا اكلتي اللي مشتهيته بالعافية..
العنود خالد وتفاحة المدينة .. تعالوا يا بنات نهون على بعضنا الغربة ونتزاور هنا في الرياض انا ماعندي مانع واللي ما عندها تقول ونتجمع هنا نتعرف على بعضنا ونساعد بعضنا على الغربة وربي يقربنا من اهالينا انشاء الله..
اخبار باقي الكروشات ؟؟
بالله اللي دخلوا التاسع .. كيف احساسكم؟؟ مو تحسوا انكم فرحانين ومبسوطين انو هانت وعدت الشهور اخيرا ووصلتوا للتاسع وقرب وقت الفرج صح.. صح في خوف من الولادة لانو الواحد ما يعرف ايش حيسير بس برضو اي وحدة تدخل التاسع تفتكر الشهور اللي فاتت وانها خلاص باقيلها ايام وتشوف النونو في حضنها..
ربي يبلغنا اجمعين يارب..

سنة حلوة

02-18-2012, 07:07 PM

كيف حالكم كروشات وحشتوني ان شاالله كلكم بخير
يارب سهل لضاع الامل وقومها بالسلامه ولي وللجميع
سوما اتوكلي عالله في ناس كتير يسووا التصوير كم مره في الشهر والحمدلله امورهم تمام

سنة حلوة

02-18-2012, 07:12 PM

سوما يقولوا النغزات هدي سببها تمشي حافيه لازم تلبسي شي برجلك الله يكرمكم
احلى ليان مره يضحكوا مدري ليش هدي الحركة يسيبوا البطن كلها ويجويا بواحد جنب لمن اقولهم يقولوالي هو حر مكانه خليه يجلس في المحل اللي يبغاه ههههه
الله يحفظهم ويجيبهم بالسلامه

ام اجـــوان

02-18-2012, 08:43 PM

هاااي كروشااات
اليوم رحت للدكتوره اكشف على النونو
الحمد لله كل شي تمام وسليم
بس تخيلوو الى الان ما اعرف شو جنس النونو
من الشهر الرابع الى الثامن من باين جنسه
مقفل رجوله ورحت لدكتورتين كلهم يقولوا ما نقدر نأكد لك ايش نوعه
طيب كيف اقدر اللحين اقضي ملابسه ابغى ادلعه بالحركااات
..............................

تانيا

02-18-2012, 09:36 PM

السلام عليكم أنا غضوة جديدة الحمد الله أنا حامل بعد ثلاث سنوات من زواجي وفي الأيام الأخيرة من الشهر الثامن حبيت إني استفيد من المعلومات من عندكم أنشاء الله تقبلون صداقتي

تانيا

02-18-2012, 09:44 PM

احلى ليان

02-18-2012, 10:00 PM

سنة حلوة .. على قولك سبحان الله الجنين ما يشوف اوسع من بطن امه.. بس يخرج للدنيا يشوفها ضيقه والله اعلم انا سمعت هذا الكلام وما ادري؟؟
تانيا.. مبروك وربي يتمللك على خير انتي والبيبي وتشوفيه بالسلامة لا تزعجي من حركة البيبي انها قليلة بسبب كبر حجمه.. طبيعي..
ام اجوان.. النونو يبغى يسويلك مفاجأة هههههههه ربي يجيبه بالسلامة خلاص مو محطوط في كافولة ولبسهم ابيض ويجنن وسكري وخدي بمبة وازرق ولو بنت عادي لبسيها ازرق ولو ولد لبسيه وردي ما حيقلك ماما ليش لبستيني وردي هههههههههههه وخدي اصفر واخضر تفاحي تعتبر الوان محايدة والفساتين والبدل سواء ولد ولا بنت على العيد وانتي طيبة
حتى البربتوزات خديها ملونة.. وخلاص..
حتجلسي تستني الين تعرفي ايش جنس البيبي ههههههههههه وربي انك خطيرة..

ام اجـــوان

02-18-2012, 10:07 PM

ام اجوان كيفك كيف الحمل معاكي انشاء الله تمام المهم شوفي كل بعد فترة روحي للدكتورة تشوفلك جنس الجنين أنا ماعندي خلفية الأنو أنا بكرية أول حمل لي بماإنك في الشهر الثامن حبيت أسألك عن حركة البيبي قوية والله ضعيفة الأنو أنا البيبي حركة ضعيفة يمكن يتحرك في اليوم أربع إلى6سويت أشعة حقة نبض قلب الجنين كل شي تمام أرجوكم مرة خايف إلي مرة بتجربة يقولي

اولا هلا فيكي معانا في التجمع
وانا تمام الحمد لله بخير .. والحمل مرررره متعبني وخاااصه بالشهر هذا
وبالنسبة لحركه الجنين تختلف سبحان الله على حسب الجنين
انا في حملي هذا النونو مو مخليني مرتاحه ابدا كل دقيقه حركه ... يلعب في بطني لعب
بس لما كنت حامل في بنتي كانت حركاتها قليله وساعات اشك ان فيها شي
وطالما انتي سويتي اشعه نبض الجنين وطمنوكي ان شاء الله مافيه شي
لا تخافي من شي ياقلبي الله ييسر لك حملك وولادتك يااارب

ام اجـــوان

02-18-2012, 10:18 PM

هلا احلى ليان
على قولتك يبغى يسوي لي مفاجااااه اصلا انا كمان غسلت يدي من اني اعرف
ماباقي لي الا شهر وشوي واعرف غصب عنه
بس تعرفي الوحده فيها لقاااافه الا تبغى تعرف
وخاصه في نااس تقولي ان اللي ببطنك بنت ونااس تقول لي ولد
ويوقلي لي اعراض حمل البنت واعراض حمل الولد
ونااس تحلمت فيني اجيب ولد وناس تحلمت اني اجيب بنت
فـ تحسي الوضع اللي انا فيه يخليني ملقوووفه اعرف
وبالنسبه للملابس قلت ابشتري ابيض للاستقبال
والباقي امشي حااالي فيه واذا خرجت ان شاء الله
اكشخه وازبطه

تانيا

02-18-2012, 10:21 PM

احلى ليان مشكورة على رد وكمان بشكرك يا ام جوان الله يسرلك حملك وولادتك ونا وياكي انشاء الله يارب

أسوووم

02-18-2012, 10:40 PM

هلا والله بـ تانيا ومبروك الحمل وربييتمملك على خير وتشوفي النونو ..

حتى انا زيك بكريه والحمد الله ربي رزقنا بالذريه وربي يجيبهم كاملين معافيين يارب انا وانتي وكل الحوامل يارب

وتقوم الي قريب ولادتهم بالسلامه خلاص افرحو ماشاء الله ايام وحتشوفو النونو هااانت الشهور

الله يعينني على الصبر احس اني بصبر سنه كااامله واحس من دحين تعبت بس ربي يهونها يارب ويجي بالسلامه ..

يابنات ابغى اسألكم سؤال محرج بس ماشاء الله أكيد عندكم خبره .. انا يجيني ألم من تحت أثناء الجماع مره قوي ماأقدر اتحمله بصراحه وطول معايا ليا 3 أسابيع ومره مني مرتاحه .. قولولي ايش اسوي عشان الم ع الاقل يخف لأني بموووت منو .. والحمد الله مافي حكه .. بس افرازات زياده ولونها مايل للأصفر الله يكرمكم وقالولي ان الافرازات عاديه لاني حامل .. بس ابغى حل للألم ؟
فـ سامحوني ع الجرأه نحنا أخوات ..

تانيا

02-18-2012, 11:21 PM

الله يبارك فيكي يا أسووم تسلمي كلك ذوق الله يوفقك ماعندي خلفية عن الموضوع

تانيا

02-19-2012, 12:04 AM

حبيت أسئل عن الولادة أنا سمعة عن أعشاب تخفف ألم المخاط إذاعندكم المعلومة ارجوكم قلولي عنها

احلى ليان

02-19-2012, 12:49 AM

تانيا .. كلي رطب وفي عشبة اسمها كف مريم اقرأي عنها في النت لانو انا صراحة ما جربتها بس اسمع عنها وانها تسهل الولادة وربي يسهلك انشاء الله..

تفاحه المدينه

02-19-2012, 01:04 AM

اسووووم ياقلبي انا كونت مثلك يجيني الم من تحت ومعاي افرزات لونها اصفر بس عادي قلبي روحي للدكتوره تديكي غسول والجماع خليه بعد اسبوع مره انا سويت كذا ومره ارتحت احلى ليان ياقلبي والله ودي انا نتعرف ع بعض وننسى هم الغربه بس والله ماتصدقين لو قلتلك جارتي الي بالدور الي تحتي تكلمني باالجوال ونرسل لبعضنا اكل وماعمري شفتها بس مره جاتني بنتها الصغيره قلتها روحي جيبيلي رقم امك ونا ماعمري شفتها لاني تعبانه بس خليها انشاالله بعد مااولد انشاالله نزور بعض ولاني ماباقي لي الا اسبوعين واروح المدينه باالتوفـــــــــــــــــــــــــــــــــــــــــــ ـــــــــــــــــــــــــــــيقhwaml7

تفاحه المدينه

02-19-2012, 01:05 AM

دعواتـــــــــــــــــــــــــــــــــــــــــــــ ـــــــــــكم ياحلــــــــــــــــــــــــــــــــوين

احلى ليان

02-19-2012, 02:52 AM

تفاحة المدينة .. توصلي المدينة بالسلامة انشاء الله وانا كمان ححصلك عما قريب انشاء الله على الاجازة الجاية 28-4 حنزل المدينة انشاء الله واستعد هناك للوادة عند اهلي وليه 4 شهور ما شفت ماما وبابا واخواني .. الله يوريني همه على خير وربي ما يحرم احد من اهله.. انشاء الله بعد ما تولدي بالسلامة انشاء الله.. بالتوفيق ياقلبي..

أسوووم

02-19-2012, 03:02 AM

طيب ياحلوين أنا دحين تجيني ألآم وشد في رجلي اليمين وتعورني من أردافي وفخودي وقلت لماما قالتلي لسا بدر ع الشد دا لأنو لسا مافي ثقل وأنا في الشهر الثالث فإنتو إيش رئيكم

حمرة الورررد

02-19-2012, 03:52 AM

اسوووم الاعراض اللي بتشتكي منها تدل انك حركيه وما تريحي نفسك
لازم تخلي فكرة انك حامل في باللك وتقومي بشويش وتمشي بشويش وما تتحركي حركه فجائيه فاهمه عليا

سنة حلوة

02-19-2012, 03:59 AM

أسوم انا اخاف من الافرازات للبكرية وخصوصا مع الالم اخاف تكون لاسمح الله التهابات افضل راجعي الدكتورة ولا تستحي قولي لها بالصراحه وقدامك العافية اما الشد اذا في البطن انا هلكني الشد من البداية للان
احلى ليان تنزلوا بالسلامه انتي واهل الرياض كلكم اللي هنا في التجمع وتشوفوا اهاليكم على خير يارب
تانيا الله يتمم لك بالسلامه يااارب انا الاعشاب اللي اعرفها الحلبة واليانسون والمحلب كل يوم كاستين وحده صباحا وحده مسا الحلبة واليانسون اما المحلب سمعت يسف مطحون لما يبدا الطلق وكذلك الحال بالنسبه لكف مريم والخروع هذي الثلاثه لمن يبدا الطلق
اما الحلبه واليانسون من بداية التاسع او بعد ماتدخلي التاسع ب2 اسبوع
تفاحة المدينة كيف الوالده طمنينا عليها
ياااارب سهلنا كلنا وقومنا بالسلامة ونوناتنا ياكريم

أسوووم

02-19-2012, 05:39 AM

الله يسعد إلي رد عليا ويوفقهم بس ياقلبي إزا قالت بأخد مسحه من تحت بصراحه ماأبغى تحط يدها بالزات وانا حامل فإيش رئيكم لأنو سمعت إنو ماينفع مين جربت وأخدتلها مسحه وطبيعي

احلى ليان

02-19-2012, 11:11 AM

صباح الخير .. يا بطابيط.. وبطاتكم الصغيرة..
اسوووم .. اسمعي كلام حمرة الورد.. لا تسوي حركات عنيفة او تقومي بسرعة حافظي على نفسك.. والشد اكيد توقفي كتير انا لمن كنت حامل في بنتي كانت رجليني تشد عليه بالذات اوقات النوم اقوم من النوم على الشد .. اهم شي ما تسوي كشف من اسفل لانو كشوفهم هادي زي وجهم بس ماني فاهمة ايش يعني مسحة.؟؟
اما حملي هادا في رجلي اليسار لمن اوقف كتير وقت الطبخ لمن اطول في الوقفة.. والله يعيننا اجمعين..
سنة حلوة .. الله يسلمك يارب ياقلبي ..

MميميM

02-19-2012, 01:22 PM

السلام عليكم ياحلوات
كيفكم,,؟
احلى ليان,تفاحة المدينة,العنود خالد
ربي يهون عليكم غربتكم ياااارب وتشوفو نوناتكم بين يدينكم
تفاحة كيف الوالدة ان شاء الله سوت العملية وامورها تمام,,؟
~~~~
تانيا اهلا فيكي بيننا
واكيد نقبل صداقتك شرفتينا
~~~~
ام اجوان
انتي اشتري الاشياء الاساسية لون ابيض وسكري
وباقي الاشياء نوعي اخضر واصفر واحمر وزهري وازرق
وربي يسهلك وع قوا احلى ليان يبغى يسوي لك مفاجأءة
~~~~
اسوم
ربي يعينك ويسهلك انصحك تروحي للدكتورةاحسن
~~~~

تانيا

02-19-2012, 01:41 PM

تسلمي يا ميمى كلك ذوق انشاء الله يقومك بسلامة يارب

تانيا

02-19-2012, 02:14 PM

ممكن تساعدوني ماني عارفة الأسواق إلي في المدينة تخص مستلزمات البيبي من ملابس وسرير وغيرها إلي عارفة تقولي

تانيا

02-19-2012, 04:04 PM

احلى ليان الله يوفقك يارب ويسعدك وسهل علينا ..سنة حلوة .. الله يسلمك يارب الله يوفق الجميع يارب ويسعدهم ويقومهم بسلامة وانا وياهم يارب

العنود خالد

02-19-2012, 04:31 PM

احلى ليان: انا ماعندي مانع ليه الشرف اني اتعرف على اهل المدينه الي نفسي اسكنها تانيا:هلا بيكي بيننا والله يوفقك ويسهل عليكي الولاده
ميمي:الله يسمع منك يااااارب ويهون علينا الغربه

العنود خالد

02-19-2012, 04:34 PM

كيفكم ياكروشات انشاء الله تكونو بخير والنونات بخير الله يسهل لكل وحده ويشفي كل وحده تعبانه ياااااارب

بوح التفائل

02-19-2012, 06:14 PM

هلا والله بالكروشات الجدد
كيفكم وكيف الحمل معاكم
اسوم ياقلبي الافرازات عادي بس اهم شي قولي لدكتورتك عشان تكتبلك ع غسول
الله يهون ويسهل ولادتي وولادتكم
ضاع الامل طمنينا ان شاء ولدتي الله يقومك بالسلامه وكل وحده حامل

احلى ليان

02-19-2012, 07:59 PM

ميمي.. الله يسمع منك ونقرب انشاء الله كلنا.
العنود خالد.. خلاص ياقلبي الله يحيكي .. وانا كمان اتشرف بمعرفتك.. شوفي كيف تحبي نتقابل وقوليلي..
بوح التفائل.. انشاء الله تكون ضاع الامل ولدت.. وتبشرنا..
تانيا.. اللهم امين..
فين باقي الحوامل.. رحيق .. الورد الناعم.. حمرة الوردة.. غنج.. ام اجوان.. ايلاف............................................. ..........زوالباقين

الورد الناعم

02-19-2012, 08:16 PM

اهلين احلى ليان الحمدلله تمام00
وانتم ياكروشات كيف الحمل معاكم000
يارب يسهل ولادته بالباقي الكروشات

أسوووم

02-19-2012, 08:30 PM

كيفكم ياحوامل ..

يسلمو للي ردو عليا .. انا ماحبيت اروح ع الدكتوره لانو ماعندي موعد فـ راح أروحلها ع بداية الخامس وانتو طيبين .. وأقلها ع الي عندي

انا بحثت في قوقل ولقيت ناس بالهبل تشتكي من الافرازات وطلعت طبيعي عشان الحمل لكن ازا معاها حكه وريحه كريهه فـ ماهي كويسه ممكن التهاب

لكن انا الحمد الله لا حكه ولا ريحه .. فـ أتطمنت وارتحت وقلت لمن اروح للدكتوره اقلها ع الالم مع انو الكل قال انو عادي لان البيبي يكبر ويوسع الرحم فـ شي طبيعي بتجي ألآم وانا اساسا موقفه جماع ومخليه كل فتره ..

والمسحه ياقلبي يعني تمسح من تحت عشان تشوف ايش نوع الافراز حق التهاب ولا شي طبيعي..

لكن انا لوو اييييييييييييييش ماررضى بالمسحه لو تسير ملييييووون لانو خطر ع البيبي ربي ييحفظو ..

فـ يابنات انتو ايش رئيكم متى اروح للدكتوره كمواعيد يعني كل شهر ولا كل اسبوعين ولا أسألها هيا متى أجيها ؟؟

تفاحه المدينه

02-19-2012, 10:38 PM

الله يسعد الي تسال عن ماما والله ياقلبي لسا عندها مواعيد باالمستشفى تسال عنك العافيه ياقلبي

Raama

02-20-2012, 12:35 AM

السلااااام عيكم ورحمة الله وبركااااته

كيفكم ياحلواااات شخباركم وكيف نونااااتكم ؟؟

Raama

02-20-2012, 12:36 AM

اختي تفاحة المدينه الله يشفي امك ياااااارب ويحفظهااا من كل شر....

سنة حلوة

02-20-2012, 02:58 AM

الحمد لله بخير راما
ضاع الامل طمنينا عنك الله يقومك بالسلامة وييسرلك

توت ياعسل

02-20-2012, 03:46 AM

صباح الخير للجميع
كيفكم عساكم بخير يارب غيابي كثير لأنه أكون عند أهلي وماعندهم نت ولما اجي بيتي اجلس اطقطق عندكم فديتكم
حيالله الحوامل الجدد انشاءالله تجمع مبارك بأذن الله
تسلمي يا أحلى ليان على سؤالك عني وربي ترى لكي وحشه
اتمنى الجميع يكون بصحه وسعاده
العنود خالد
حياك الله بالمدينه نورتينا والله يقومك بالسلامه وييسر ولادتك بأذن الله
المتوكله ع الله
الله يعوضك بالخير ويزقك بالذريه الصالحه ضروري تراجعي عند دكتور وبالنسبه للحمل كمان
يحتاج مراجعه دائمه عشان يشوفوا لك سبب لأجهضاتك المتكرره لازم تسوي متابعه من قبل ماتحملي
ابحثي عن دكتور شاطر والله يكتب لك الي فيه الخير
بوح التفائل
ملابس الحمل تلاقيها في باسلامه الي في قباء وفي سيتي ماكس وفيه محل بالنور ما اذكر اسمه
اسوووم
اخبارك ياحلوه وين الناس
بالنسبه للسونار غير مضر أبداً بأذن الله اذا بيضر كان ضرني انا في حملي السابق يمكن عملت ولا 30 تصوير
يمكن ماتستعبوا بس والله ما اكذب لأن كانت عندي مشاكل وكنت مره خايفه وقلت للدكتوره حرام عليكم انتوا في
اليوم تسون تصويرين (طبعا تصويرين في اليوم يمكن سووها لي مرتين) وكنت مره خايفه قالت لي اشعة الالترا ساوند
غيره مضره للحامل ولم يثبت طبياً أنها أثرت على حامل انا من بدايه حملي لحد ماولد وانا بس اسوي تصاوير ماتضر
الأ بأذن الله يعني أطمني والي يقولك مضره في بداية الحمل هذا كلام ابدا مو صحيح وصدقوني لو احد بينضر كان اتضررت انا
الله يحميني ويحمي الي في بطني
وبالنسبه للسخونه تراها جدا مضره
الله يعطيك العافيه ويقومك بالسلامه
ضاع الأمل
الله يقومك بالسلامه و ولاده يسيره بدون الم بأذن الله
انا اشوف تولدي بالوطني افضل واطلبي ولاده بدون الم
بس احس انك ولادتي ما ادري الله يكتبلك الي فيه الخير
تفاحة المدينه
الله ييسر لك ولادتك وتكون ولاده ميسره من عند الله سبحانه
sooma1
النغز طبيعي بأذن الله
وبالنسبه للتمر كلي من الحين افيدلك الله يقومك بالسلامه يارب
تانيا
حياك الله بيننا والله يتمم لك حملك ويسهلك ولادتك على خير بأذن الله
ام اجوان
الله يعينك اشتري ملابس ابيض وسكري مابيدك حل

العيون المكجله

02-20-2012, 03:55 AM

ياناس انا مسويه تلقيح صناعي كيف اعرف اني حامل مره خايفه ليه 12 سنه زواج ادعولي بس ردو عليه بليز

توت ياعسل

02-20-2012, 04:26 AM

ياناس انا مسويه تلقيح صناعي كيف اعرف اني حامل مره خايفه ليه 12 سنه زواج ادعولي بس ردو عليه بليز
والله ياحياتي ماعندي اي خبره في هالموضوع الله يرزقك بالذريه الصالحه

MميميM

02-20-2012, 11:57 AM

السلام عليكم ورحمة الله وبركاته
يابنات فين ضاع الامل ابغى اتطمن عليها اذا ولدت او لا
ربي يسهلها ولادتها وكل حامل يااااارب
~~~~~~
اسووم
ياقلبي قدامك العافية ان شاء الله الافضل انو كل شهر اذا ماكان في شي ضروري
وكمان اسأليها لما تروحي ,انا لما رحت سألتها قالت موعدنا الشهر الجاي بإذن الله
بس قلتلها ممكن اخد رقمك عشان اذا ابغى اسأل عن اي شي اتصل اول واسألك اعطتني رقمها
~~~~~~
تفاحة المدينة
ربي ان شاء الله يقومها بالسلامة
ياقلبي خليها تشرب موية زمزم تكون مقرية عليها القران وايات الشفاء
لاتنسي (زمزم لما شرب له) وان شاء الله ماتشوف شر
~~~~~~
راما اهلا فيكي بيننا شرفتينا
انا وانتي بنفس الشهر تقريبا الفرق اسبوع بس
انتي متى قالتلك الدكتورة ولادتك,,؟
انا قالت على اخر رمضان
~~~~~~
العيون المكجلة
مااعرف ربي يرزقك بالذرية الصالحة وتكوني حامل يااارب

احلى ليان

02-20-2012, 12:55 PM

تفاحة المدينة .. سلامة الوالدة قدامها العافية انشاء الله..
راما.. كلنا بخير انشاء الله انتي كيفك وكيف البيبي؟؟
توت يا عسل .. وحشتينا .. من طول الغيبات ..
العيون المكحلة .. ماعندي خلفية انشاء الله البنات يفيدوكي وربي يرزقك..
فين باقي الكروووووشات؟؟؟ ايشبكم غاطسين؟؟

تانيا

02-20-2012, 04:01 PM

هلا فيكي اسوووم اناإ برأي انك تنتبهي على نفسك موكل شي نعتمد فيه على الدكتورة انتبهى من الهواء ادفي منيح حطي زيت على بطنك ومن تحة كمان زوري دكتورة كل بعد فترة تطمني أكثر بس أنا من كثر ماروح دكتورة تزيد شكوك عندي اكثر وتعبة كل فتر ة طالعالي بشغلة الوحدة لزم تتوكل على الله وتدعي ربه وتستغفر ان ربي يحفظ لهالبيبي وهذا كل شي ..... إنشاء لله ربي يقومك بسلامة وتشوفي البيبي بسلامة وبصحة جيدة

Raama

02-20-2012, 05:24 PM

السلام عليكم ورحمة الله وبركااااته ...مساء الخيراااات

..ميمي انا ياقلبي ادخل شهري ان شاء الله 19 شعبان وولادتي المتوقعه 19 رمضان واذا مثل مايقولون انه مثل البكريه كل ولاداتك اتوقع اخذ اسبوع بس من التااااسع مثل حملي بنتي والله يقومنا با السلامه جميعايااااااارب ويرزقنا اطفال سليمين كاملين

احلى ليان انا الحمدلله ب خيريياقلبي انقطعت فتره لاني كنت في المدينه عند اهلي ومن يومين بس رجعت للغربه والطفش

احلى ليان

02-20-2012, 06:40 PM

راما .. انتي فين لا يكون زينا في الرياض تعالي انضمي لقروبنا هههههههههههه الله يهونها على الجميع..

أسوووم

02-20-2012, 07:23 PM

الحمد الله اساسا مافيا أوسوس كل شويا أقول فيا شي بس الحمد الله ماأسير أم بسهوله وربي يدينا الأجر وماأنحرم منكم ومن وقفتكم معايا ريحتوني ربي يسهل ولا داتكم وولادتي

احلى ليان

02-20-2012, 11:09 PM

اللهم امين يا اسووووم بالله كتري دعا خلاص مبسوطة اني خلاص انشاء الله دخلت السايع هااانت باقي شهرين من الرحلة..

أسوووم

02-21-2012, 05:13 AM

الله يسهلك ياقمر ربي يعدي الشهرين على خير وتشوفي ولي العهد انتي كشفتي شفتي إيش في بطنك ولا لسا وإنتي بكريه ولا عندك قبلو وأدعيلنا معاكي وكمان ناوية فين تولدي؟وفين كنتي تراجعي؟

MميميM

02-21-2012, 10:04 AM

السلام عليكم ورحمة الله وبركاته
صباح الخير ياحلواات
شكلها ضاع الامل ولدت دخلت على ملفها الشخصي اخر مرة كانت فيها هنا قبل 3 ايام
يلا ربي يسهلها ويفرحها بشوفة نونتها
~~~~~~
وعليكم السلام ورحمة الله وبركاته
اهلا راما
انا بكرية وولادتي تقريبا ع 20 رمضان او 25
يلا ربي يسهلنا ونشوف اولادنا بين يديننا ان شاء الله
~~~~~~
اسوووم امين يااارب كلو يهون لما تشوفي نونتك بين يدك ان شاء الله ربي يعيننا
~~~~~~
احلى ليان
مبرووك ياقلبي ربي يسهلك وتعدي الشهرين
ايش سار معاكي في الشقة رتبتي امورك ولا لسه,,؟

احلى ليان

02-21-2012, 12:33 PM

اسوم .. الله يسمع منك ويسهل على كل حامل ..لا انا عندي بنوتة طعمة الله يحميها .. هادا تاني حمل ليه يعني خلاص سرت ام بزورة ههههههههههه.. كشفت بس والله ابو الشباب هوه اللي سال ولا انا طناااش ما تفرق عندي بس اسوفهم بخير ونعمة وسليمين ومتعافين احمد ربي الف مرة ومرة على النعمة غيرنا محروم منها..انشاء الله ناوية اولد في المواساة زي المرة الاولى.. هنا بتابع في مستشفى دله عند دكتورة اسمها عائشة كمال.. وفي المدينة بتابع عند دكتور رضا الشيوي في المواساة.. هيه متابعة بس والدكاترة احسن من الدكتورات اللي كانت كويسة راحت اسمها منال..
ميمي .. الله يبارك فيكي عقبال لمن اباركلك انك دخلتي التاسع يا قلبي .. رتبت بس والله لسه باقي اشياء ما خلصت اتكيت على نفسي كتير في الشغل بس انشاء الله موعدي عند الدكتورة انشاء الله تطمني..

ام اجـــوان

02-21-2012, 07:39 PM

ســـــــــــــــــــــــــلام للكروشااااات الحلوات
كيفكــم وكيف الحمــــل معاكم ....؟
الحمد لله امس وصلت للمدينة بس مررررره تعبت من الطريق والسفر
ومن كثر الفرحه ان انا عند اهلي ماجاني نوووم ابدا الا الساعه 12 ونص
وكنت قبلها مانمت الا الساعه 3 ونص وصحيت 5 ونص
بس اللحين بدات اثااار التعب ... مررره انهلكت
بس يلا الحمد لله على كل حال

ام اجـــوان

02-21-2012, 09:00 PM

ياحوامل بسالكم ..؟..
فين الاقي سرير سله موسي للنونو
لاتقولو لي سنتربويت اليوم رحت وما لقيت شي عجبني ابدا
وغير اسعااره شوي غاليه تقريبا زي اسعار مذركير
ابغاه سعر معقول شوي في حدود 200 وشوي
لاني بس بستخدمه في النفاس وبعدها ارميه
انا اشتريت له سرير كبير يكفيه 5 سنين قدام
وكمان انا ابغى لونه ابيض ..<< ايش اسوي اذا اللي في بطني مو واضح
عقدني كل شي ابيض ابيض تعبت وانا اشتري اغراضه
عسى الله يجيبه سالم ان شاء الله

best mama

02-21-2012, 09:50 PM

مسـآء آلورد

¤♥ أنثى حآلمه ♥¤

02-21-2012, 10:01 PM

ام اجـــوان

02-21-2012, 10:29 PM

السلام عليكم يابنات .. اخباركم .,,

كيف الحمل معاكم ... الله يهون على الجميع << تجي قطه وترووح خخخخخخ

ام اجوان سلة موسى تحصليه بمحلات كثير وبأسعار حلووه كمان .. عندك باسلامة في قباء سعره بحدود 200 وأقل

عندك الهرم ,,,, ممكن تحصليه فيه .... دوووري في المراكز وان شاء الله تلقيييه ,,,

هلا والله
الحمد لله تمام والحمل صار متعب اللحين بس يلا الحمد لله
انتي شوو اخبارك ...؟
ان شاء الله بروح للمحلات اللي قلتي عليه
وان شاء الله يعجبني شي مشكلتي ذوقي مررره صعب
ما اقتنع بالشي بسهوله .. وهذا اللي يتعبني

¤♥ أنثى حآلمه ♥¤

02-21-2012, 10:48 PM

^^^

الحمد الله على كل حال .. ونطلب الأجر ..

اخباري تسرك ولله الحمد .. بس الارهاق ذبحني ...

وان شاء الله تلقي اللي يعجبك وترتاااحي

توتة 14

02-22-2012, 12:28 AM

السلام عليكم .. كيفكم ياكروشات وكيف النونات اللي جوه ان شاء الله كويسين
احلى ليان حتى انا في الرياض وحابة اتعرف عليكم وانضم معاكم في القروب >>> داخلة عرض بس والله مرة طفشانة
تفاحة المدينة الله يقومك امك بالسلامة ويشفيها يارب
ضاع الامل ان شاء الله تولدي بالسلامة واذا ولدتي طمنينا عنك....

توتة 14

02-22-2012, 12:39 AM

احلى ليان صح نسيت مالقبت موضوع التجهيزات حقتك فين ياعسل نفسي اشوفها ...

بوح التفائل

02-22-2012, 01:54 AM

اخباركم كروشات
الله يسهل على ضاع الامل وتولد بالسلامه
احلى ليان ولادتك طبيعي لاني اعرف رضا يولد قيصري

بنات كيف احط شريط الحمل؟

بوح التفائل

02-22-2012, 02:20 AM

ضبطته وان شاااااااء الله اوكي

سنة حلوة

02-22-2012, 02:39 AM

كيفكم كروشات ان شاالله تكونوا باتم صحة وعافيه
احلى ليان طيب فين ناوية تولدي ما جربتي احد من الموجودات الان انا بافكر فيها عشان لو لو احتجت الله يسهلنا جميعا لو ماقدرت انحمل الم الطلق نفسي اضرب الابره لانها مي مشهورة ولا يمدحوها الاعندهم في المواساة
ايش رايكم سمعتوا عنها بمكان تاني ويكون متمكن منها غير المواساة ؟؟

احلى ليان

02-22-2012, 10:12 AM

صباح النور على البنور.. كيفكم يا بنوتات.. انشاء الله تكونوا بصحة وعافية..
ابشركم يا بنات امس كنت عند الدختورة وطمنتني بس تقلي انتي في السادس وانا احسب اني دخلت السابع بس يالله مو مشكلة كلها اسبوعين انشاء الله واطب السابع طبة ههههههههههه.. باقيلي الموعد الجاي انشاء الله اسوي تحاليل كلها دم و" الله يكرمكم" بول وسونار وكلووووو قالتلي عشان لمن تروحي المدينة تاخديها معاكي والله يسهلها انشاء الله..
توته 14 .. اهلن وسهلن ومرحبا بيكي يا قلبي في تجمعنا ..انشاء الله حنتونس ونساعد بعض على الغربة الاليمة ههههههههههه
والله لا دخلتي عرض ولا شي .. الله يحيكي بيننا ومعانا ياقمر.
بوح التفائل.. ايوه طبيعي انشاء الله.. انا عند رضا بس متابعة حمل بس وقت الولادة انشاء الله تكون في ايمان..
سنة حلوة .. انشاء الله حولد فيها عشان انا جربتهم قبل كده وارتحت الحمد لله.. انشاء الله حولد عند ايمان عبدالعزيز هيه دائما موجودة في الطواريء..
بس الباقين غادة و ماجدة وهند ..
هند .. ما حبيتها ولا حبيت اسلوبها.. لانو رحت في رمضان اللي فات كنت ابغى اسوي تحليل حمل زعقت فيه سالتني ايش بتستعملي حبوب ؟؟ قلتلها سيلست.. قالتلي .. دي بتتباع فين ؟؟ كنت ابغى اقلها من جنب رصيف بيتكم بس ما ادري ليش سكت.. المهم حلفت ما ادخل عندها مرة تانية.. لانو مو اسلوب دكتورة..
غادة.. احسها انسانة محترمة وهيه اللي كتبتلي على دخول للمستشفى يوم ولادتي وكانت تطل عليه من وقت للتاني ..
ماجدة.. دووودووودووو بس كلام كتير ماشاء الله وورا بعض ما افهم منها شي
زوجي كان يفهمني بعد ما نطلع من عندها هههههههههههههه قلتلو ما ابغى ادخل عندها.. مع انو اخت زوجي تروح عندها وتمدحها.. امكن لانها كبيرة في السن والمفروض يكون عندها خبرة..
سامحوني طولت عليكم..

احلى ليان

02-22-2012, 10:16 AM

توتة 14 .. التوزيعات في التوقيع تجيب تحته المواضيع ادخلي الجزء الاول وتوزيعاتي الجديدة واستنى رايك ياقمر.. بس تجهيزات النونو لسه على حطت يدكم ما جبتله شي..

sooma1

02-22-2012, 03:33 PM

ام اجـــوان

02-22-2012, 06:06 PM

هلا سوما
كيفك .. شو اخبارك ...؟
عادي حبيبتي في ناس تولد اول اسبوع بالتاسع
انا ولدت ثاني اسبوع بالتاسع
وان شاء الله حملي هذا كمان اولد بالبداية
صراحه مررررره تعبت

Raama

02-22-2012, 06:57 PM

راما .. انتي فين لا يكون زينا في الرياض تعالي انضمي لقروبنا هههههههههههه الله يهونها على الجميع..

ههههههه لاياقمر انا بخميس مشيط hwaml4

Raama

02-22-2012, 07:40 PM

سلآمــــــــــو كيفكـــــــــــــن
ام سسسسسسسوري طولت عليكـم بس والله مشتاقه لكم
حمره الورد مالهآ ردود شكلهآ ولدت مشاء الله ربي يسهل لهآ
امممممممم بنآت فيه بكريآت يولدن بالاسبوع الاول من التآسع .! ؟!

انآ لسآتي مشاء الله في نص الثامن اكل رطب بنآت ولا لا لاني بكريه وعارفه اني بطول ):

اخبار الصبايا وسنـه حلوه واحلى ليآن والورد الناعمم ورحيق الورد واسومه وووو <<<تتذكر والكل والكل اخبارككككككو ؟!

عاادي ياقلبي تولدي اول اسبوع با اتااااسع مو شرط البكريه تاكل شهرهاااا

انا بكريه ولدت في او ل اسبوع من اتااااسع وسبحان الله كنت حاااسه بولد والكل يضحك علي

يقولون لي البكريه تطوووووول وانتي جاهله وكنت من جد اتضاااايق

اذكر لما وصلني زوجي المستشفى الدار بيدخلوني ولاده

قلت له شفت اني بولد ومحد مصدقني ...

الله يسهل ولادتك حبيبتي ياااااااارب وعادي كلي رطب انا كنت اكل بس لاتكثري ..

واقري سورة مريم ..

احلى ليان

02-22-2012, 09:30 PM

سوما .. انا بخير يا قمر اخبارك واخبار الباشا؟؟
راما .. الله يهونها عليكي وعلينا وعلى كل متغربة عن اهلها.. ويقربنا ربي من المدينة..
فين باقي البنات .. انشاء الله تكون ولدت ضاع الامل .. وتطمنا عليها..
فينكم يا بنات طمنونا عليكم انشاء الله تكونوا بخير..
وربي ادمنت عليكم شكلي حتى لمن اولد حسنتر هنا هههههههههههههه..

توتة 14

02-22-2012, 09:38 PM

احلى ليان الله يسعدك يارب واتشرف بمعرفتك والله يعيننا ع الغربة ويسهلها علينا يارب
ماشاء الله عليكي شغلك مرة ذوووووق .....

هلا سوما كيفك وكيف الحمل معاك...

إيلاف2012

02-23-2012, 02:30 AM

كيفكم ياكروشات أخباركم حبيت اطمنكم عليا لو بتسألو عني لأني تعبت شويه الفتره اللي فاتت عندي تغييرات في البيت وماعندي شغاله والحمل كله عليا ونزلت عليا شويه مويه وراجعت الدكتوره وطمنتني انو كل شي سليم الحمدلله ان شاء الله ادخل السابع الاسبوع الجاي الله يسهلي ويسهلكم بس والله ما اخذت الا كم قطعه للبيبي وباقيلي شغلات كثيره مدري شكلي أتآخرت لأني تعبانه مو قادره انزل السوق فيا آلم فظيع أسفل البطن مدري من ايش وسألت الدكتوره تقولي راسه تحت وهو اللي مسببلك ثقل بس مدري مو مقتنعه انا لسى مادخلت السابع وراسه تحت مع العلم انو ولادتي عمليه .. الله يسهلنا ياااااااااااااااااااارب

بوح التفائل

02-23-2012, 07:42 AM

صبحكم الله بالخير
كيفكم كروشات
حبيت اسلم عليكم
وايلاف ياقلبي صح كلام دكتورتك الالم اسفل البطن هذا راس الطفل كم عملية سويتي
ربي يسهلك ويسهل عالجميع
والغايبين ان شاااااااء الله يطمنونا بالولاده السهله

تنبيه>>يابنات الي تكتب انشاء الله كذا غلط
ان شاء الله كذا صح

احلى ليان

02-23-2012, 11:15 AM

توته14..ويسعدك ربي ان شاء الله انتي وكل الحوامل.. هذا من ذوقك الحلو وعيونك الاحلى.. امين يارب..
ايلاف.. ان شاء الله تكون ولادتك طبيعية يارب.. وما يهمك انشاء الله قدامك شهرين تجيبي فيها كل اللي في خاطرك لكي وللبيبي..
حتى انا وربي ما اخدت فتفوتة له بس ان شاء الله قريب وربي يجعلها تساهيل على الجميع..
بوح.. جزاكي الله الف خير ياقمر على التنبيه.. اوقات انسى واكتبها غلط بس ان شاء الله ححاول اركز وانا بكتب واكتبها صح الواحد متعود يكتبها غلط بس ربي يسامحنا..
فين باقي الكروشاااات.. رحيق الورد.. حمرة الورد..غنج انثى..غنو حياتي..توت ياعسل.. تفاحة المدينة..ميمي.. العنود خالد..ضاع الامل..وما ابغى انسى احد سامحوني بس هادول حضرتني اسمائهم..

تانيا

02-23-2012, 09:27 PM

كيفكم كروشات ان شاء الله بخير ....أناقربت ولادتي أدعولي

Raama

02-23-2012, 10:38 PM

السلام عليكم ورحمة الله وبركاااااته

كيفكم كروشااااااات وكيف انونااااات

Raama

02-23-2012, 10:43 PM

ايلاف ان شاء الله تولدي طبيبعي والله يهونهاا عليكي يااااارب

دالياااا االله يسهل ولادتك يااااارب ويهونها عليكي وتبشرينا بولادتك

والله نفرح لما نسمع ان احد ولدhwaml7

ام تركي11

02-23-2012, 11:38 PM

السلام عليكم اخواتي انا من المدينه بس متغربه في منطقه ثانيه

انا تقريبن توي حامل في الاسبوع الاول ...الله يقوم اخواتي في المنتدى بسلامه

بوح التفائل

02-24-2012, 12:42 AM

السلام عليكم اخواتي

حبيت استفسر عن اسعار الولاده في المواساه والوطني والصفا
ومين احسن دكتور او دكتوره
والله يعطيكم العافيه

تفاحه المدينه

02-29-2012, 08:09 AM

وااااااااااااااااااااااااو اخيرا المنتدى فتح عندي صاااااااااااار له فتره مو راضي يفتح معاااااااااااااااي وربي وحشتني كلكلممممممممممم
و

MميميM

02-29-2012, 03:27 PM

لولولولولولولولوللولولولولولولولولولي
الحمدلله اخير المنتدى فتح كل يوم ادخل اشوف مو راضي يفتح معايا
كنت خايفة يكون سار فيه شي لاسمح الله
اخباركم ياحلوااااات وحشتوني من زممااااان عنكم
تفاحة اخبارك,,؟!
العنود خالد ,, احلى ليان ,, توته ,, راما ,, تانيا ,, رحيق الورد ,, حمرة الورد ,,
غنج انثى ,,ضاع الامل ,, ايلاف ,,ام اجوان ,, سوما ,, بوح التفائل,, اسووم,,
سنة حلوة ,, توت ياعسل ,, العيون المكجلة ,, اليان ,, بست ماما ,,الورد الناعم
ان شاء الله مااكون نسيت احد
كيف حالكم وكيف النونات معاكم..؟!

بوح التفائل

02-29-2012, 06:21 PM

هلا والله
كيفكم بنااااااات لكم وحشه
كل يوم اشيك عالمنتدى تعودت عليكم
هلا ميمي بخير الله يسلمك
انتي كيفك وكيف الكروشات
طمنونا عنكم مين ولدت؟
الله يسهل للجميع

تفاحه المدينه

02-29-2012, 06:31 PM

هلا ميمي ياقلبي انا بخير بس لما فتح المنتدى اول كنت دايما طفشاااااااااااااااااانه انتي اخبارك ياسكر

ساندرا 22

02-29-2012, 07:03 PM

السلام عليكم
انا جديدة بالمنتدى ولمن قريت تجمع بنات المدينة طررررررت من الفرح
ربي يسعدكم واتمنى تتقبلوني اخت بينكم
انا حامل في الاسبوع السادس ودا تالت حمل لي
ولسة محتارة اراجع عند مين
علما اني كنت فاولادي السابقين اراجع عند الدكتور هشام في مستشفى الوطني
وكله قيصريات الله المستعان

احلى ليان

02-29-2012, 09:50 PM

راما .. كلنا بخير اخبارك انتي ياقمر..
ميمي .. انا بخير يا عسل انتي اخبارك واخبار النونة؟؟
ساندرا.. وام تركي .. الله يحيكم يارب اخوات وعزيزات على قلوبنا كلنا وربي يهون الغربة..
اخباركم يا بنات .. تفاحة وبوح التفائل .. وه فين باقي الكروووووش مو باينين عسى المانع خير ان شاء الله.. يطمنونا عنهم..

أسوووم

03-01-2012, 01:35 AM

اخيييييييييييييييييييييييييييييييرا

فتح المنتدى .. فينكم يابنات وحشتوووووووني والله ..

من زمان عنكم كيفكم واخباركم والبيبي ..

الله يقوم الحوامل بالسلامه ..

بس حبيت أسأل لأني بكريه ومااعرف شي ..

دحين انا دخلت الثالث بس البيبي مااحس انو تقيل بالمره يعني هدا الشي طبيعي ولا لأ ..

واحس ماكأنو شيفي بطني .. يعني شي عاديامي تقلي شي عادي .. الله اعلم ..

الله يحفظو ياااااارب ..

طمنووووني بللهي ..

عشرينية ذوق

03-01-2012, 01:50 AM

السسسسسسسلام عليكم كرووووشات ..

اشتقتلكم مرآآآآآآآآآآآآآآآآآآآ

..

أسوم ياقلبي .. بدري على الثقـــــــــــــــــل ..أنا اللحين بالتاسسسع وبعض الاحيان مااحس انووو في بيبي في بطني..

لاتخاااافي كثير وخلي نفسيتكِ تماااااام منشان البيبي

أسوووم

03-01-2012, 01:59 AM

هلا فيكي والله ..

الله يسعدك يارب ..

كمان يابنات بسألكم هههههههههه < بتتكفخي والله

انا حلمت كتييير ان اخويا بيضربني بس مايضربني .. واخويا اسمو عبداللطيف للعلم

وكمان امس حلمت ان في حليب ينزل من صدري ..

هل يدل على جنس الجنين ..؟؟

جاوبوني

حمرة الورررد

03-01-2012, 07:52 AM

صباحكم ورد
انا هناااا ولسى ما ولدت هههههههههههه
اللي تحسبني ولدت معليش نسيت اسمك عاااد الزهايمر عندي في اعلى مستوياتو باقيللي يومين وانسى اسمي خخخخخخخخخخخخ
ولسه ما ولدت بس فالك قبلناه ومن فمك لباب السما ء

وحشتووووووووووني

¤♥ أنثى حآلمه ♥¤

03-01-2012, 07:59 AM

هاي قمورآآت .. وحشتووني مرااا مرااا

والحمد لله رجع المنتدى <<

حمرةالورد الله يسهل عليك وتولدين اليوم قبل بكراا

حمرة الورررد

03-01-2012, 08:01 AM

صح امس رحت امشي بالممشى اللي قبل التلال ممشى حلو وطويل بناتي انبسطو ههههههههههه بس تلجنا ما ادري من فين جانا هوااااء بارد

حمرة الورررد

03-01-2012, 08:03 AM

إليـ ـ ـآن anצάl↫♥ اهلا يا حلوة ومن فمك لباب السماء وعقبالك في وقتك يارب والله يرزقنا حسن الخلق وهون الطلق

ومن جد على قولك الحمد لله على رجوع منتدنا بالسلامه خخخخخخخخخخخخخخ

¤♥ أنثى حآلمه ♥¤

03-01-2012, 08:12 AM

^^^

ما شاء الله تبارك الله ... الله يهون عليك يارب

عاد انا أمس أصيح من الحرارة يارب رحمتك << نتايج الحمل خخخخ

بس على كلام اللي حولي يقولوا برررررد ,,, ههه

حمرة الورررد

03-01-2012, 08:19 AM

الله يعين الجميع مو انا زيك احسب انو الدنيا حر فاخدت دش ورحت امشي وما اعرف ايش رجع الهواء البارد انا احسب انو خلاص جانا الحر

احلى ليان

03-01-2012, 02:13 PM

هلا والله حمرة الورد .. ربي يسهل عليكي وعلينا اجمعين ..
اسوم.. امكن عشان انتي تفكري كتير في جنس البيبي قبل لا تنامي عشان كده بتشوفي احلام ههههههههههههه مدري والله ماعندي خلفية عن تفسير الاحلام بس اذا مصرة تعرفي ادخلي موقع تفسير الاحلام لابن سيرين وشوفي ..
اليان اخبارك واخبار البيبي؟؟
فين البنوتات..؟؟ رحيق الورد.. سنة حلوة .. ام اجوان.. ايلاف.. ضاع الامل..العنود خالد .. توت ياعسل.. تفاحة المدينة.. توته 14
ووووو كل البنات الباقيين فينكم وحشتونا؟؟

ام تركي11

03-01-2012, 03:36 PM

مساء الخير كيفكم بنات

حمراءالوررردالله يقومك باسلامه......انا الجهضةالحمد لله على كل حال ...

هذا يعتبر خامس اجهاض لي وخاف احمل مر ثانيه وسقط

تفاحه المدينه

03-01-2012, 05:26 PM

مرحبا صبايا عندي استفسار صغير انا الان باالرياض وباقيلي اسبوعين ادخل التاسع بس ابسالكم عن الطياران باالشهر التاسع لاني حنزل للمدينه عند اهلي هل في ضرر علي او على الجنين اتمنى تردون علي

sooma1

03-01-2012, 07:28 PM

اخيراااااااا
حمدلله اشتقت لكم بنآت مررررررررررررررره
اخباركـم ؟!
وكيف النفسيآت وهآهـ مافيه احد بيبشرنآ انـه ولد بالسسسسسسسلامـه
ربي يسسسسسسسسسسسهل لنآ يارب

اشتغفر الله
اشتغفر الله عدد خلقه وزنه عرشه ومداد كلمآتـه

همسات الندى

03-01-2012, 08:46 PM

مرحباااا كروشات كيفكم ايش عااملين

انا نادرا ما اكتب في التجمع ... بس متابعتكم بصمت *ــــ*

حابه اسألكم فين الاقي حاجات حلوه للبيبي لاني روحت سنتر بوينت مالقيت حاجات كتيره عجبتني

وايش هيا الحاجات المهمه للبيبي لاني مو عارفه ايش اشترري

توتة 14

03-01-2012, 11:09 PM

هلا والله كروشات
كيفكم ان شاء الله كويسين وربي وحشتوووني مووت
تسلمو يارب ع سؤالكم عني انا الحمدلله تمام ...

تفاحة المدينة انا زيك في الرياض وان شاء الله بولد في المدينة
فسألت الدكتورة قالت لي احسن دحين لاني انا في السادس تقول بعدين خطر ولا بداية التاسع
بس انا لما قريت في النت وشفت قريباتي لقيتهم عادي بيسافروا في السابع والتامن بس اكترهم يمنعوا السفر في التاسع
وانا عن نفسي ان شاء الله حاسافر في السابع وبس ... كثرت حكي بس ان شاء الله افدتك ...

دلوعة ميدو

03-02-2012, 06:56 AM

همسسآت والله انا انصصصحك تروحي مذركير من ججججججد في اشششياء تجنن
بازن الله انا حاجيب كل الاغراض من هناك بس يجيني ويجيكم بالسسسلامة يـآرب =)

رحيق الورد

03-02-2012, 12:47 PM

السلام عليكم
كيفكم يا حلوات وحشتوني
كنت مفتقداكم
احلى ليان ,, العنود خالد ,, توته ,, الورد الناعم ,, سنة حلوة ,, تفاحة المدينة ,, حمرة الورد ,,
غنج انثى ,,ضاع الامل ,, ايلاف ,,ام اجوان ,, سوما ,, بوح التفائل,, اسووم,,
,, توت ياعسل ,, العيون المكجلة ,, اليان ,, بست ماما ,,ميمي ,, راما ,, تانيا

رمسة دفا

03-02-2012, 01:50 PM

سلااااااااااااام كروشات كيفكم انا من المدينه اول مره ادخل الدردشه ماكنت ادري انو فيه تجمع لبنات المدينه لاني جديده على المنتدى بس حبيت اسلم عليكم وانشاء الله نفيد بعض

مجنونة بحبها

03-02-2012, 03:07 PM

http://forum.hwaml.com/t98676.html

Raama

03-02-2012, 05:26 PM

السلام عليكم ورحمة البه وبركاااااته ....

كيفكم ياحلووووين اخيراااا رجع المنتدى ...

رحيق الورد انا الحمد لله بخير يا االغاليه اااليه انتي كيفك وشخبارك وكيف البيبي ؟؟

رمسة دفاهلاااااا والله وغلاااا وحياك الله بينااا

Raama

03-02-2012, 05:30 PM

بنااااااات انا الحين تقريبااا باقي لي 10 ايام وادخل الشهر الخامس واحمد لله

ماااني حاااسه بحركه للبيبي من جد قلقاااانه

sooma1

03-02-2012, 05:45 PM

هلا واللهىرحيق كيفك انتي
وين الصبايا مختفين*

تفاحه المدينه

03-02-2012, 05:59 PM

هااااااااي صبايا نبغى نطلع شوي عن اجوا الحمل والولاده يلا اشرايكم كل وحده تكتب اسمها الحقيقي هههههههه مو اللقب لا الاسم بس بجد انا ابدا بنفسي اسمي سمـــــــــــــــــــــاح اتمنى تتفاعلو

احلى ليان

03-02-2012, 06:00 PM

راما لا تقلقي حتبدأ حركة البيبي من الشهر الخامس تبداي تحسي بيها بسيطة ومع الوقت تكثر الحركة .. وفي الشهور اللي بعدها السادس والسابع يبدأ اللعب جوه هههههههههههه ملعب وكورة وتصقيع وترقيع هههههههههههه وانواع الخبط .. الله يعين الجميع.
رحيق الورد.. هلا يا قلبي اخبارك وايش مسوية وكيف البيبي ؟؟ ها بشريني كيف تحاليلك؟؟
توتة14 .. اما انا كدبت في حملي الاول هههههههههههه كانوا مو راضيين يطلعوني الطيارة وكنت في الثامن قام اللي بيشوف البوردنج قال لزوجي لاحد سالك في اي شهر قول السادس ههههههههههه انواع الكذب .. وحتى دي المرة حكدب كمان استغفر الله..
سوما.. اخبارك ..واخبار النونو؟؟ انتي في اي شهر؟؟ ان شاء الله قريب نسمع عن ولادات ..
رمسة دفا .. اهلن فيكي بيننا.. وان شاء الله تستمتعي..
همسات الندى.. تحتاجي فنايل داخلية اللي تتقفل زي ارواب الاستحمام " الديشمبر" وفساتين وبناطيل وربطات بطن وكوافيل وربطاتها وقبعات وقفازات وشراريب وبطانيتين.. ولهاية " مصاصة" ورضاعات قزاز وايش كمان ايوه ومرايل تكون من الخلف نايلو او مشمع عشان لو سوا قرف ما تتبهدل ملابسه هههههههه وبربتوزات تكون تتفتح من قدام ومن عند مكان الحفاضة عشان يسهل عليكي تغيري له وطقمين او 3 حلوة وفخمة عشان وقت الضيوف والخرجة وطبعا شنطة تحطي فيها اغراضه وقت الخرجة ومشط وفرشة وقصاصة وادوات الاستحمام ومناشف كبيرة وصغيرة..

Raama

03-02-2012, 07:30 PM

ههههههههه احلى ليان الله يسمع منك تسلمي قلبي

والله انا ناسيه متى حسيت با الحركه بنتي بس ادكر انها اخر الرااابع والله اعلم

تفاحه المدينه

03-02-2012, 07:43 PM

بوح التفائل

03-02-2012, 07:53 PM

مراحب كروشات
ومنورين التجمع الكروشات الجدد
كيفكم وكيف نونوواتكم الله يتمم عليكم ويسهلكم يارب

>>اللي زوجها عسكري تبع الامن العام فين ممكن تراجع في اي مستشفى يعني هل لهم مستشفى خاص فيهم هنا

أسوووم

03-02-2012, 09:07 PM

ها يابنات ماجاوبتوني على أحلامي في صفحه رقم ٨٧ طنشتوووني

ضاع الامل

03-02-2012, 10:41 PM

اهي اهي محد تفاعل معااااااااااااي

مراحب لعيووووووووووووووونك ياتفاحه
انا اسمي ندىhwaml7

ضاع الامل

03-02-2012, 10:43 PM

باركولي ياكروووووووشات ولدت الحمد لله قبل اسبوعين يوم السبت 26/3
وجبت احلى بنوته
طبعا بعد معاناه مع الطلق الصناعي بس يارب لك الحمد اخيرا شفت بنوتتي

¤♥ أنثى حآلمه ♥¤

03-02-2012, 11:17 PM

هاي كروشاااات أخباركوون وكيف صحتكوون ..؟
احلى ليان & رحيق الورد
الحمد لله أنا بخير والبيبي بخيير ... تسلموا ع السؤاال...
بوح التفاؤل ...
بالنسبة لسؤالك .. في مستوصف قوى الأمن تابع للأمن العام وبصراحه طيييب مراا ,, لكن مستشفى للآن ماشفنا,, واتمنى نشووف
ضاع الأمل
مبرووووك.. والحمد لله على سلامتك ... وسلامة البيبي
وكله بأجرووو والحمد لله على كل حال أهم شيء شفتي العروووسة

sooma1

03-02-2012, 11:28 PM

احلى ليان انا على حساب السونار بالاسبوع الاخير من الثامن مشاءالله بس انا خايفه مره لاني بكريه والدكتوره الهام تقول يمكن حساب السونار يطلع خطاء ووتكوني تدخلي التاسع ومنتي داريه لاني ناسيه متى اخر دوره والله يعين خايفه المشيمه تتكلس واناغافله بس اسبوعيا قالت تعالي لي

بنات مافي شي يعجل بالولاده مره التعب واضح فيني والسمار تعبني مره ببكي منه
ضاع الامل الف مبروك وعقبالنا يارب

تفاحه انا وعد واهلا وسهلا فيك سموحه

بوح التفائل

03-03-2012, 01:11 AM

مبروووووووووووووووووووووووووووووك ضاع الامل
والحمدلله ع سلامتك
طمنينا كيفك وكيف النونو

مشكووووووره اليان الله يسعدك ويسهلك

سوما ياقلبي لا تشربي شي خليكي عالتمر والرطب
وربي يسهلك ولادتك ويهون عليكي

احلى ليان

03-03-2012, 02:33 PM

ضاع الامل .. الف مبرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررروك
والحمد لله على سلامتك انتي والبرنسيسة الزغيرة ربي يحميها لكي ويجعلها قرة عين لكي ولأبوها ومن عباده الصالحية الاخيار ان شاءالله.. وعقبال كل الحوامل ربي يسهلها عليهم ان شاء الله..
اليان .. انا بخير يا قمر بس هوه شوية الم الظهر مدري شكلو من زيادة الوزن.. بس الله يعين ويساعد.
سوما .. ماشاء الله هانت ياقمر .. خلاص لا تستعجلي يا سوما انا في ولادتي الاولى شربت زيت خروع في التاسع ولمن رحت للدكتورة قالتلها امي اني شربت زيت قالتلها لا تشربه تاني خلاص .. بس خليكي على الرطب والتمر ..
تفاحة .. ليش ما نتفاعل معاكي نتفاعل احنا ايش ورانا لسه قدامي شهرين ان شاء الله هههههههههههههه دوري اشياء جديدة كمان ومواضيع تانية نهرج فيها .. انا رحاب.
بوح التفائل .. والله ما عندي خلفية..
اسوم.. دوري في موقع تفسير الاحلام لابن سيرين.. لا تقولي محد رد عليه من اول وانا اقلك..

احلى ليان

03-03-2012, 02:36 PM

يالله يا بنات نتسلى ونسوي سابع لضاع الامل ..
جيبوا الشمع واكساي المكسرات وهيه عليها الالعاب ههههههههههه
يارب يارحماني يبارك لنا في البنية.. المولى سعدنا وهنانا واعطانا مولود جديد .. من فرحتنا غنينا مبروك مبروك سابع سعيد..
يالله يا بنات دووووروووو..

تفاحه المدينه

03-03-2012, 03:42 PM

كلوووووووووووووووووووووووووووووووش الف الصلاه والسلام ياحبيب الله محمد كلوووووووووووووووووووووووش كلووووووووووووش الف الف مبروك ضاع الامل ياربي يقومك باالسلامه

توتة 14

03-03-2012, 06:03 PM

هلا والله كروشات كيفكم

ماشاء الله تبارك الله مبروووووووووووووووك ضاع الامل وان شاء الله تتربى في عزكم وتشوفيها احلى عروسة يارب

هلا رحيق الحمدلله بخير انت كيفك وكيف البيبي ان شاء الله كويسين

احلى ليان كيفك .. يعني انت دحين رايك انو انا ان شاء الله اذا جيت اسافر اقولهم اني في السادس...

تفاحه المدينه

03-03-2012, 11:40 PM

يابنات تخيلو انا باقيلي اسبوعين وادخل التاسع للان باالرياض مانزلت المدينه العمل مو راضين يدون زوجي اجااااااااااااااازه اهي اهي مهمووووووووووووووووووووووووومه

وصاايف

03-03-2012, 11:46 PM

هلابكم بنات المدينه
انا نقلت عندكم بشرفكم قريب انشاء الله
حبيت اسالكم افضل الاحياء عندكم وافضل مدرسه ابتدئيه للاولاد
وشكرامقدما لتعونكم

احلى ليان

03-03-2012, 11:59 PM

تفاحة .. انزلي انتي وخلي زوجك في دوامه اهم شي في اهلك هنا في المدينة للطواريء تقدري تروحي لو فيكي ولادة في احد يوديكي وهوه وقت ما يعطوه اجازة يلحقك..
وصايف .. اهلن فيكي والله ماعندي خلفية ان شاء الله البنات يفيدوكي..

تانيا

03-04-2012, 02:08 AM

توحشة التجمع والكروشات كيفكم شخباركم ادعولي انا حاسةان ولادتي قربت أنا لي اسبوعين في التاسع مبررررررررررررررررررررررررروك ألف مبروك لضاع الامل والحمد الله على سلامتك وسلامة البنوتة ولاتنسين تقولينا شو سميتها

تانيا

03-04-2012, 02:11 AM

hwaml02 وهذي زغروطhwaml02

ام اجـــوان

03-04-2012, 10:48 AM

ســـــــــــــلام للكروشاااات الدبدوبااات
كيفكم ....؟؟ وكيف النونات في كروشكم ....؟
الــــــــــــــــــــــــــــ 1000ـــــــــــــــــــف مبرووووووووكـ ضااااع الامل والحمد لله على السلامه
ســوما حبيبتي لاتاخذي شي نصيحه لازيت خروع ولا شي
خليكي على المشي والتمر احسن شي للولاده
تفاحة المدينة شكلنا انا وانتي بنولد مع بعض لان حتى انا اسبوعين وادخل التاسع
اذا العمل مو راضي يعطي زوجك اجاازه انزلي انتي وبعدين زوجك يلحقك
انا اول ما دخلت الثامن نزلت عند اهلي
احــلى ليان كيفك ...؟؟ شو اخبااارك ....؟
تانيا الله يقومك بالسلامه ونسمع خبر ولادتك قريب ان شاء الله

تصدقون يابنات الى الان ما اشتريت شي للنونو غير لبسين بس
انا ماجهزت شي لنفسي ابدا ولا للنونو ماخلصت له باقي الاغراض
كل ما انزل السوق ادووخ واتعب وارجع
امس رحت السوق توي دخلت وخرجت على طول دخت ماما واخوي يمسكوني الى ماوصلت للبيت
واليوم بروح اسوي تحاليل دم واقيس الضغط وان شاء الله خير

بوح التفائل

03-04-2012, 11:36 AM

ياقلبي سلامتك ام جوان انتبهي لنفسك

يمكن معاكي نقص بالدم خوذي زبيب يماني مره كويس للدم
وطمنينا عن نتيجة التحليل والله يسهل للجميع

رمسة دفا

03-04-2012, 02:07 PM

سلام كروشات اخبااااااركم ام اجوان سلامتك جبيبتي وانتبهي لنفسك واجلى الاغراض شوي او وصي احد من خواتك او امك افضل اهم شي نفسك حبيبتي ويمكن هدا الشي هو فقر دم و كولي سبانخ والاشياء لخضراء كتري منها والله يقومك بالسلامه
حبيت استفسر فين الاقي مفارش نفاس ماتكون غاليه وابغاها شي ناعم ويضم الاشياء الاساسيه اهم حاجه لان ميزانيتي على قدي وهدا الحمل الثالث يعني بحدود 400 او 500 بالكثير انا ابغى لو مستعمل استعمال نظيف ماعندي اشكاااااااليه الللي تعرف تدلني ولها اجري وتفرج عليه لاني باديه اجهز الاشياء الاساسيه ولسى معايا وقت بس احب اجهز بدري لانها شغله طويله معليش طولت عليكم تحيااااااااااااااااااااااااتي

احساس أنثى

03-04-2012, 02:28 PM

يسعد مساكم صبايا أتمنى انكم تشاركوني باصواتكم بهالموضوع

ماحياخد من وقتكم شي

صوتوا معنا لصاحبات الذوق الرفيع المشتركات في مسابقة ( رغم اني حامل لكني سيدة الأناقة) (http://forum.hwaml.com/t98897.html)

احلى ليان

03-04-2012, 03:16 PM

سلاااااااااااااااااااااااااامات ام اجوان ما تشوفي شر وهانت انشاء الله..
ممكن توصي احد يقضيلك انتي مضطرة عشان ترتاحي .. قريب .. لسه قدامي شهرين انا في السابع يا قمر ..
رمسة دفا.. ماعندي خلفية ان شاء الله البنات يفيدوكي .. ممكن تاخدي اللحاف من بيت العروس صراحة ما اعرف اسعاره بس امكن تلاقيه بسعر كويس ومو غالي..
كيف باقي الكرووووووشات ان شاء الله بخير..

تانيا

03-04-2012, 07:20 PM

سلامتك ياأم اجوان الله يسلمك يارب انتبهي لصحتك أهم شي

ام اجـــوان

03-04-2012, 07:27 PM

الله يسلمكم حبيباتي
حللت دم وطلع عندي فقر دم مررره 10 ونص من 12
بشتغل على نفسي هذي الايام عشان ارفع الدم
لان الدكتوره تقول اذا دخلت التاسع وكذا نسبة الدم
بتعطيني ابر وانا ما ابغى

احلى ليان

03-04-2012, 08:26 PM

سلامات والله ام اجوان .. كلي زبيب وورقيات خضرا..
وماعندك الا العافية ربي ما يحوجك للابر قولي امين..

توتة 14

03-04-2012, 08:47 PM

سلامات ام اجوان .. قدامك العافية وانتبهي غلى نفسك ..

تانيا الله يسهل ولادتك وتقومي بالسلامة يارب

تفاحة المدينة ياعسل زي ماقالوا البنات سافري انت دحين وبعدين هو يلحقك والله يسهل امورك ..

احلى ليان كيفك وكيف البيبي

وكيف باقي الكروشات ان شاء الله كلكم كويسين ...

أسوووم

03-04-2012, 08:58 PM

كيفكم ياحوامل إيش أخباركم عساكم بخير وربي يسهل ولا داتكم يارب أدعوولي معاكم بللهي وألف مليوووووون مبروك ضاع الأمل ع البنوته العروسه ربي يباركلك فيها ويجعلها من الذرية الصالحه يارب إيش سميتيها؟ ماشاء الله أدعوولي ربي يرزقني بالولد الصالح يارب طبعا زوووجي ميت ويبغاني أجيب ولد عشان يسميه على إسم أبوه الله يرحمو ويغفرلو يارب وأنا كمان نفسي في ولد لأن زوجي أول ولد يتزوج في العيله ونفسهم في ولد ياااااااارب

ضاع الامل

03-04-2012, 10:10 PM

تسلمولي يا احلى كروشاااااااااااااااااااات وانشاء الله ربي يقومكم بالسلامه انتوا والنونات يارب
واللي يسألوا عن اسم العروسه
سميتها جود

أسوووم

03-04-2012, 10:40 PM

ماشااء الله اسمها حلو .. ربي يجعلها من الذرية الصالحه وعقبال ماتشوفيها عروسه يارب ..

فينكم يابنات نايميييين في العسل ولا الحمل متعبكم ..

انا امس رحت موعد عند الدكتوره وقالتلي اني يوم 20 في دا الشهر ادخل الشهر الراااابع .. الحمد الله هاااااااااانت يارب لك الحمد

وصح يابنات بسألكم هل صحيح ان الولد يتخلق قبل البنت في بطن الام .. لاني من زمان سمعتها والله اعلم

وكمان سمعت ان النونو فيالسونار اذا كان راسو على جهة اليمين ولد واذا اليسار بنت والله اعلم ..

يعني يابنات قيد سمعتو بدا الشي ولا تخاريف..

¤♥ أنثى حآلمه ♥¤

03-04-2012, 11:42 PM

مساؤ الخير كروشاات

ضاع الأمل ما شاء الله تبارك الله حلو الاسم >>على اسم بنت أختي

أسووم البنت والولد يتخلقوا مع بعض لكن الولد يبين بدري جنسه أكثر من البنت

بالنسبة للرأس ما أدري لكن سمعت أن اذا جاك شد بالورك اليسار اول مرا ولد والعكس بنت والله أعلم

بس لا تعتمدي عليها وهانت كلها كم اسبوع وتعرفي نوعه بالسونار والله يسهل علييييك ويفرح قلبك

غنج أنثى

03-05-2012, 10:38 AM

صباح الخير والفل والورد والياسمين كيفكم يا احلى كروشات جميعا ؟؟؟ وحشتوني والله وااااااااايد لبى قلوبكم والف حمدلله ع سلامة اللي ولدو وربي يهون ع الباقين اعذروني طولت الغبيبة لان ولدي كان متنوم ومرة تعبان وجدي توفى الحمدلله ع كل حال ... بنات حابة اسالكم عن فقر الدم بالاطفال وش علاجة لان ولدي معاة فقر دم شديد ويبغون ينقلون لة دم وانا رافضة فيا ريت اللي تعرف علاج ومجرب لا تبخل علي فية ...

احلى ليان

03-05-2012, 12:51 PM

هلا والله غنج.. وحشتينا ياقمر.. الف لا باس على ولدك ربي يشفيه ويرفع عنه ان شاء الله.. وعظم الله اجرك ربي يرحمه ويغفر له ويجعل الجنة مثواه.. ويلهمكم الصبر والاجر ويجعلها ربي اخر الاحزان..
والله ماعندي خلفية عن كيف تعالجي فقر الدم عند الاطفال .. بس ابحثي في النت او روحي للدكتور يوصفلك شي مضمون.. وربي يشفيه.. لا تغيبي علينا ياقمر وطمنينا على الامور..

توتة 14

03-05-2012, 04:18 PM

ضاع الامل ماشاء الله عاشت الاسامي والله يخليها لك

هلا والله غنج سلامات لولدك وقدامو العافية .... وعظم الله اجرك وجعلها اخر الاحزان يارب .. وبالنسبة لفقر الدم ماعندي فكرة ان شاء الله البنات يفيدونك ..

كروشات فينكم مختفييييييييييين ؟؟

أسوووم

03-05-2012, 06:40 PM

طيب يابنات صح إن الجنين ولد يبان في الشهر الثالث كل وحده إزا جابت ولد تقول متى عرفت في اي شهر؟لأني سمعت إنوا إزا كان ولد يبان في الشهر الثالث والله اعلم لأني كشفت وماقالتلي شي فإنتو إيش رئيكم

Raama

03-05-2012, 07:31 PM

السلام عليكم ورحمة الله وبركاته ...

كيغكم ياحلوووووين ان شاء الله الكل بخير ..

ضاع الامل الحمد لله على السلامه وتتربى بنوتك بعزكم ياااااارب
غنج انثى عضم الله اجرك حبيبتي والف لاباس على ولدك الله يشفيه لك يااااارب ويخليه لك ..

Raama

03-05-2012, 07:35 PM

بناااااات شريط الحمل دخلني شهري الخامس ونا لسه بااااقي لي اسبوووع وادخله
شكله مهستر هههههههههه

من جد تعبني ها اشريط

احلى ليان

03-05-2012, 08:35 PM

راما .. اهم شي انتي ركزي لا تخلي الزهايمر يأثر عليكي هههههههههههه الشر بره وبعيد عن كل الحوامل بس بدأت معايا الحالة ههههههههههههه سرت انسى الحقوني ..
اسوم .. يابنت الحلال ايشبك؟؟ موسوسة؟؟ انتي مستعجلة تبغي تعرفي نوع الجنين.؟؟ ولا زوجك رجك؟؟ شوفي على حسب اللي بتسوي السونار في منهم شاطرين يعرفوا مزبوط وفي منهم يقولو وهمه ماهم متاكدين.. انا في حملي الاول من الشهر الثالث لمن سويت سونار وسالها زوجي قالتله بنت.. طيب هادي المرة سالت الدكتور وانا في الشهر التالت عن نوع الجنين قالي اصبري قدام شوية عشان يبان مدري يبان مزبوووط.. بس سالت تقريبا في الخامس او السادس والله اعلم.. ماعندي خلفية زيادة ..البنات يقولولك تجاربهم.. وانتي بعدينت تقوليلنا ايش طلع.. ههههه
يا بنت يا ولد مافي تالت لهم..

سنة حلوة

03-05-2012, 08:55 PM

أسوووم

03-05-2012, 09:18 PM

ماشاء الله ألف ملييووووووون مبروك والحمد الله ع سلامتك وسلامة النونو ربي يحفظو ويجعلو من الصالحين وعقبال ماتشوفيه عريس إنتي بكريه؟ ولا هذا أول ولد وعندك بنات غيرو؟ يييلا الحمد الله جات ع كدا وبسألك الولاده في المطبقاني بكم الطبيعي؟ والقيصري

ام اجـــوان

03-05-2012, 11:01 PM

هلا والله عنج انثى .. الف سلامه لولدك .. وعظم الله اجرك .. والله ماعندي خلفيه عن الموضوع ان شاء الله تلاقي احد يفيدك بس لا تتاخري كثير ترى فقر الدم مرررره متعب للكبار فما بالك للصغار
سنه حلوووه الف مبررررررروك والحمد لله على السلامه والله يحفظه لكي
اسوووم حبيبتي لا تشيلي هم نوع الجنين .. استني الى الشهر السادس او الرابع
وربي يكتب لك الي فيه الخير سواء ولد ولا بنت
على الاقل انتي احسن من غيرك البعض امنية حياتهم نونو واحد يملي عليهم دنياهم

¤♥ أنثى حآلمه ♥¤

03-06-2012, 04:44 AM

سنة حلووة مبروووك الف الف مبروك ..ويتربى بعزكم ان شاء الله

::::

بنات ابسألكم محل " تويز آر آص " وين فروعه غير سوق العالية ..... ممكن احصله في الراشد او النور..؟

تفاحه المدينه

03-06-2012, 08:15 AM

كلوووووووووووووووووووووووووووووووش كلووووووووووووووووووووووش ماشاالله الهم زيد وبارك كثرو الولادات عندنا باالمنتدى ههههههههههههههه الف الحمدلله ع سلامتك ياقلبي ربي ينفعك فيه يااااااااااارب يلا بنات من تتوقعون يولد بعد سنه حلوه

غنج أنثى

03-06-2012, 09:17 AM

كم الله خير صباح الخير ياحلوين كيفكم وشو اخباركم ان شاء الله تمام والله وحشتوني حييييييييييل و جزاكم الله خير

بوح التفائل

03-06-2012, 09:26 AM

صباح الخير كروشات

ياقلبي غنج ماعندي فكره عن فقر الدم للاطفال الله يشفيه لكي
وعظم الله اجرك في مرحوكم والله يجعل مثواه الجنه

مبرووووك سنه حلوه والحمدلله ع سلامتك

اسوم اصبري لنهاية شهر 4 ويبين معك
وانتي بالمراجعه الجايه اسالي دكتورتك بس الله يعينك اذا مقفل رجوله

¤♥ أنثى حآلمه ♥¤

03-06-2012, 10:11 AM

^^

طيب حد يعبر سؤالي << والله مو شايفيني

على العموم مشكوريين

أم علي السقاف

03-06-2012, 10:37 AM

بنات ممكن تعلموني كيف اقدر اسوي في التوقيع الجدول اللي يخبرني بانو شهر انا مع صورة الجنين والله ماني عارفه كيف قولولي جزاكم الله الف خير والله ينورعليكم اامين

احلى ليان

03-06-2012, 11:26 AM

سنة حلوووووووووووووة .. الف الف مبروك .. بارك الله لك في الموهوب لك وشكرت الواهب وبلغ اشده ورزقت بره..
الحمد لله على سلامتك وسلامة الباشا الصغير ربي يهديه ويجعله قرة عين لكي ولابوه.. سنة حلوة هاتي الحلاوة عشانك اخدتي تاريخ حلو من عندي " عيد زواجي" ههههههههههههه والله احنا اللي نجبلك الحلاوة على سلامتك..
اتوقع اللي تولد بعد سنة حلوة حمرة الورد .. لانو لها فترة غايبة وانشاء الله ربي يكتبلها السلامة ان شاء الله..
اليان.. مافي يا قمر تويز ار اص غير في العالية.. هادا ازا في مول مافي في الراشد ولا النور..
ام علي السقاف.. ماعندي خلفية ياقمر البنات حيفيدوكي ان شاء الله..
فين باقي الكروووووشات الغايبين يطمنونا؟؟

رحيق الورد

03-06-2012, 04:45 PM

مساء الورد
كيفكم
احلى ليان وغنج وتوتة وكل اللي سألوا عني تسلمون
الحمد لله انا بخير واموري تمام دخلت السابع وعندي موعد بعد اسبوعين

رحيق الورد

03-06-2012, 04:48 PM

ضاع الامل الف مبروك وحمد لله على سلامتك
بارك الله في الموهوب لكي وشكرتي الواهب وبلغت اشدها ورزقتي برها
قوليلي في اي مستشفى ولدتي

Raama

03-06-2012, 04:48 PM

مساء الخير كروشاااات ..

ااحلى ليان الله يسعدك يااااارب ..
سته حلوه الحمد لله على السلامه ويتربى بعزكم
وعقبالنا كلنا ياااارب يوقتناااا
والله الحمل هم بس تولدي وتشوفي البيبي ترتاحي ..

رحيق الورد

03-06-2012, 04:49 PM

سنة حلوة الف مبروك ويتربى في عزكم
بارك الله في الموهوب لكي وشكرتي الواهب وبلغ اشده ورزقتي بره

Raama

03-06-2012, 04:51 PM

هلاااا رحيق الورد وووينك
كيفك وشخبارك وكيف البيبي ؟؟

رحيق الورد

03-06-2012, 04:51 PM

غنج انثى بالنسبة لفقر الدم عند الاطفال اعملي عصير جزر وبنجر ومعاهم زبيب
والمكسرات مفيدة جدا وايضا الخضروات والكبدة واللحوم الحمراء ولا تكثري حليب لانه يقلل من امتصاص الحديد وفي ادوية في الصيدلية
ربي يشفيه ويعافيه

رحيق الورد

03-06-2012, 04:55 PM

اهلين ريما الحمد لله بخير
الله يعين البرد والزكمة يروح ويجي
انتي كيفك

sooma1

03-06-2012, 07:42 PM

الف مبروك سنه حلوه وعقبال الكروشات وكلنآ يارب هههههههه
ياحياتي حمره الورد ربي يقومك بالسلامـه وتبشرينآ بولادتك يارب
يارب تسهل لنآ جميعآ

كيفكم بنآت كلكـم ؟!

sooma1

03-06-2012, 07:43 PM

غنـج انثى عظم الله اجركـم ياقلبو وماتشوفوا شر ان شاء الله البنآت يفيدونك يارب وعسى ربي يخلي لك اولادك يارب

توتة 14

03-06-2012, 08:21 PM

سنة حلوة الف الف مبروك وحمدلله ع سلامتك ويتربى في عزكم ان شاء الله
كيف الولادة في المطبقاني ان شاء الله ارتحت عندهم

كيف باقي الكروشات ان شاء الله كلكم كويسين ..

ضاع الامل

03-06-2012, 09:40 PM

مساالخير كروشات كيف حالكم جميعا الله يتمم لكم على خير ويسهلكم يااااارب
ابشركم ولدت الحمد لله يوم الخميس 7ربيع تاني العصر
في مستشفى المطبقاني المدينة الوطني عند الدكتور هشام قيصري والسبب نزلت الموية كلها والاستاذ الصغير قاعد فوووووق والرحم سميك وموراضي يفك عن 2سم واستخرت ودخلوني والحمد لله ربنا رزقني بعبد البارئ الله يهديه ويحميه والمستشفى توب من ناحية الممرضات والاطباء الحمدلله

اولا الحمد لله على السلامه ياقلبي
ثانيا حالتك تشبه حالتي بس الحمد لله ربي فكني من المستشفى الزفت هذه ولا كان ولدوني قيصري زيك
قصة ولادتي
انا من بداية التاسع ما فيني الام ابدا
وقبل ما اكمل التاسع بيوم شربت شويه زيت خروع ومشيت بعدها ساعه في الممشى
وبعده رجعت بيت اهلي وطبعا الخروع قلبلي بطني الين نظفت اكرمكم الله وعلى الساعه 1 الليل بدأ الألم معايا وكل شويه اقول لا مو طلق اكيد مغص مع الخروع ولما صارت الساعه 5 الفجر ماقدرت اتحمل الألم زاد مره اتصلت على زوجي ورحت المطبقاني لأني بأراجع فيها من بداية حملي
وكان زوجي دايم يقولي المراجعه نخليها في المطبقاني لاكن وقت الولاده بأوديك مستشفى الولاده هناك يفهموا اكثر ويصبروا عليك لأنك بكريه لاكن المطبقاني على طول مايصدقوا قيصري
وكنا دايم نتخاصم لأني كنت ابغى اولد في المطبقاني
المهم لما رحتلهم الفجر كشفت عليه وقالتلي 1 سانتي الرحم والمويه بدأت تنزل بس احنا اليوم ماعندنا حضانات تكفي مانقدر نستقبلك
قلتلها انا بأراجع هنا من بداية حملي قالتلي معليش مانقدر بس راح اصور لك تحاليلك واوراقك حقة المتابعه وخذيها وروحي اي مستشفى ثانيه
وبس خرجت من عندهم على مستشفى الولاده والمويه بتنزل دخلوني المخاض وركبولي الجهاز والين الساعه4العصر الرحم بس فتح 4 سانتي بعدين قالولي لازم نحطلك طلق صناعي لأن اذا ماحطينالك ماحتولدي الا بكره واذا عدت 24 ساعه من نزول المويه بتخلص والجنين يروح فيها وحطولي الطلق وطبعا معاناه مع الطلق الصناعي الين الساعة8 العشا ولدت وجبت احلى جود
من جد خيره من ربنا اني ماولدت في المطبقاني ولا كان ولدوني قيصري
عشان كذا نصيحه اللي بتولد تروح مستشفى الولاده والله مره احسن

احلى ليان

03-06-2012, 09:51 PM

رحيق .. انا كويسة عساكي بخير يالله هانت يا قلبي كلها شهرين ان شاء الله..
سوما .. كلنا بخير يا قلبووو.. اخبارك..
ان شاء الله حمرة الورد تطمنا انها ولدت..

احلى ليان

03-06-2012, 10:15 PM

ضاع الامل .. الحمد لله على سلامتك وسلامة جود القمر .. والله كلها تساهيل من رب العالمين ووقت مو ربي كاتب ينزل الجنين حينزل في المكان اللي ربي مقدرله وبالطريقة اللي ربي كاتبها طبيعي ولا قيصري وربي يسهل على الجميع يارب ويقوموا بالسلامة همه واجنتهم.. سبحان الله زيت الخروع صح ينظف البطن بس يسوي مفعول لمن يكون في شي لو بسيط.. والحمد لله على سلامتك مرة تانية ..
وعقبال باقي الحوامل كل وحدة في وقتها ان شاء الله على خير .. وكل وحدة وقتها تكتبلنا قصتها..

best mama

03-07-2012, 07:13 AM

صبـآح آلخير

best mama

03-07-2012, 07:24 AM

بنات آبغا آسالكم بربتوزات ام اند امز فين آلقهـآ بالمدينه ؟؟

http://forum.hwaml.com/imgcache2/hwaml.com_1316089724_843.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%73%68%79%32%32%2e%63%6f%6d%2f)

احلى ليان

03-07-2012, 09:32 AM

صباح النور بست ماما..
والله ما ادري اناكل حمل ليه اكون في منطق غير هههههههههه

Raama

03-07-2012, 09:32 PM

اهلين ريما الحمد لله بخير
الله يعين البرد والزكمة يروح ويجي
انتي كيفك
هلاااا حبيبتي سلامتك والله ماتشوفي شر
انا الحمد لله بخير

Raama

03-07-2012, 09:34 PM

مساااااكم وصباحكم جوري وكااادي ..

كيفكم وشخباركم ؟؟

ههههه احلى ليان انتي مثلي كل حمل بمكان الله يعين بس ..

بقايا ذكريات

03-08-2012, 12:25 AM

كيفكم يأكروشات اشتقتلكم حيئيل
معليش أنا جديده ع المدينه فحابه أسأل سؤال وعارفه أنه مو في محله بس وش اسوي مالي غئركم
معليش اللي تعرف رقم طباخه ممكن تعطيني الرقم بليز لا طنشون لي

دلوعة ميدو

03-08-2012, 03:39 AM

حوـآآآآآآمــل كيــفــكـــوم =)

أنـــآ ان ششـآء الله حــاولــد في مســتـتشــفـى المطــبقـآنــي عند الدكــتــورة عــفــت
كيف ولآدتـــهـآ وكيــف تعــآملهـــآ ...؟؟!

والله مــره خــآيفه وشششــآيله هم بـآلله ادعــولــي الله يـــسهــلها عليــآ وعلى جميع آلــحوآمــل =(

فيروزالاميره

03-08-2012, 05:53 PM

ووووووووحشتوني ياحوامل

فيروزالاميره

03-08-2012, 05:57 PM

ادعولي اولد بالسلامه

sooma1

03-08-2012, 06:53 PM

مساء الخير كروشات

sooma1

03-08-2012, 06:54 PM

فيروز الله يولدك بالسلامه وانتي والنونو بصحه وسلامه والجميع وانا ههههههه
امممممممممممممممممين
دعواتك

sooma1

03-08-2012, 06:56 PM

بنات امس اخت زوجي تقولي جيبي لك ممرخه عشان تمرخ بطنك ان شاء الله لمن تولدي بالسلامه تقول عشان ماتطلع لك كرشه صح بنات اخاف امرخ خخخخخخخ واحمل
بس بنات متى يربطوا البطن وكدا ؟ بالله اللي مجربه تفيدنأ ولهااا اححححححححلى دعوه

احلى ليان

03-09-2012, 12:03 AM

راما .. الظاهر انا وانتي بنلف مناطف المملكة كلها وفي كل منطقة نجيب طفل خخخخخخخخخخ..
بقايا ذكريات .. ما اعرف والله رقم طباخة ان شاء الله البنات يفيدوكي..
رحيق .. سلامتك ما تشوفي شر يا غالية..
فيروز الاميرة .. وانتي كمان وحشتينا لا تطولي غيبة وخلينا نسمع اخبارك..
وفين باقي الكروشات مرررررة لا صوت ولا خبر ..
حمرة الورد.. والعنود خالد .. وميمي .. وبوح التفائل .. وام اجوان.. والبااااااااقيين..

احلى ليان

03-09-2012, 12:11 AM

سوما .. يا قمر لا احسن تتمرخي وانتي في فترة الاربعين حقت النفاس..تساعدك تشدي حيلك وتربطي بطنك بعد تاني او تالت يوم تولدي فيه هاذا ازا طبيعي وان شاء الله طبيعي وتخلي بطنك مربوووط ما تفكيه الا وقت الاستحمام والاوقات الضرورية سبحان الله اللي تربط بطنها باستمرار ينشد ظهرها وتعرف تجلس باستثناء الخياطة خليها على جنب الله يعين تجلسي نص ساعة حايسة على السرير عبال لا تجلس بس ربي يكتبلنا الاجر.. انا افدتك على اللي اعرفه وباقي البنات حيدوكي رايهم وانت قرري يا قمر..

احلى ليان

03-09-2012, 12:13 AM

سوما لا تنسي دعوتي ههههههههههه

غنج أنثى

03-09-2012, 04:08 AM

صباح الخير والفل والياسمين لاحلى كروشات وجمعة مباركة ياحلوين ...

رحيق الورد ياقلبي الزبيب الاسود احد جربة وهل ينفع للاطفال انا سمعت عنة بس مترددة ماسويتة خايفة يضر وربي يجزاك كل خير ع سؤالك وردك

دلوعة ميدو

03-09-2012, 01:50 PM

كروششششششششآت ابغى اسالكم عن الاشعة الرباعيه

في وحدة جربتها ؟؟

أسوووم

03-09-2012, 07:46 PM

السلام عليكم ..

كيفكم يابنات ايش اخباركم ..

معليش غبت عنكم بس ماعندي في بيتي نت بس عند اهلي ..

وادعووولي ربي يتمم حملي وحمل الحوامل ويرزقنا الذرية الصالحه

وادعولي كمان ربي يرزقني الولد الصالح الكامل المعافى يااااارب .. يارب حقق امنيتي ..

احلى ليان

03-09-2012, 09:13 PM

دلوعة ميدو.. ما جربتها ان شاء الله البنات يفيدوكي ..
اسوم .. ان شاء الله ربي يعطيكي ويرضيكي قولي امين ..
فينكم يا بناااااااااااااااات غاطسين ؟؟

سكر سكاكر

03-10-2012, 01:17 AM

السلام عليكم
ازيكم كروشات
انا جديده معاكم من المدينه
تقبلوني معاكم hwaml7

أحب مكه

03-10-2012, 07:11 AM

السلام عليكم

كيف كروشات المدينه

الله يسهلها علينا ويفرحنابسلامة مواليدنا

حبوبات حبيت اسئل من ولدت في مستشفى الاحمدي

اللي ولدت فيها تقولي بكم الولاده عندهم واتنوم ولا اخرج على طول

وكيف خياطتهم التجميليه

والله يجزاكم خير

غنج أنثى

03-10-2012, 09:56 AM

السلام عليكم
ازيكم كروشات
انا جديده معاكم من المدينه
تقبلوني معاكم hwaml7

هلا وغلا وعليكم السلام احنا تمام ولله الحمد انتي اخبارك وحياك الله بيننا وبين خواتك الكروشات

غنج أنثى

03-10-2012, 09:58 AM

صباح الخير ياحلوين كيفكم وشو اخباركم والله وحشتوني وااااااااااااااااااااايد

بوح التفائل

03-10-2012, 02:03 PM

مراااااحب كروشات
هلا والله بالكروشات الجدد
كيفكم وكيف الحمل معاكم

معليش انشغلت الفتره اللي راحت وجاتني كحه
سبحان الله اتغير علينا الجو وبدأ الحر

ام اجـــوان

03-10-2012, 02:18 PM

ســـــــــــلااااااام كيفكم ....؟
وكيف نوناتكم .....؟؟
ويامرحبا بالكروشااات الجدد .....

غلاج بقلبي

03-10-2012, 04:01 PM

هاااي صبااايا
انا حاامل بالشهر الخااامس (وهذا اول حمل لي ) وابي فستااان سهر حلوووو وتوي جديدة ع المدينة ومتوهقه بالاسواااق
شبكة بنت خااالتي باسبووع الاجااازة وابي شي فخم وحلووو بنفس الوووقت
>>اللي تعرف محلات تدلني عليها فديتكم انا بليزززز

أسوووم

03-10-2012, 05:19 PM

مرحبا يابنات كيفكم اليوم ماحبيت أمر وماأسلم عليكم

sooma1

03-10-2012, 05:26 PM

أسوووم

03-10-2012, 08:35 PM

كيفك ياسوما ..

اخبارك ياقمر .. حتى انا سمعت عن الكريم بس نسيت اسمو بلللهي قوليلي هوا ...؟؟

احلى ليان

03-10-2012, 11:16 PM

يسلمووووو سوما ربي يسهلها على الجميع ..
صراااااااااااااااااااحة الدردشة ناااااايمة مافيها حركة واكشن .. فين البنات وفين الاسئلة وفين الهروج .. اروح ارقد احسن..
ههههههه

أحب مكه

03-11-2012, 08:07 AM

غنج أنثى

03-11-2012, 09:18 AM

احلى ليان هههههه ابشري ياقلبو عسى ربي يسهلها من عنده ياحي ياقيوم
بنات اخباركم
غنج ياقلبو تتذكري الحديد العلبه من وراء مره قريتها انه فيه شراب مناسب للاطفال انا ماعرفه بس ارجعي لكرتونت علاجك اول هههههههههه وتلاقيها او روحي لدكتوره تغذيه هو النونو ولا الثاني. اخوه بس اد النونو انتبهي ودكتور افضل وربي يساعدنا كلنا يارب
غنج بسئلك اش الغسولات اللي لمن ولدتي استخدمتيها وهل اشتريها ولامن المستشفى انا سمعت عن كريم تحطيه على الفوطه وتلبسيها لمن يروح البنج ماتحسي الم الخياطه اش رايك فيه

هلا وغلا اسوم انا والله اعطية حديد الدكتور وصفة لي واللي فية فقر الدم البيبي الجديد بس دعواتكم لة اما بخصوص الغسول انا اخذت معاي للمستشفى غسول بيتادين وجل ريالوكين احطة ع الخياطة وبالمستشفى اعطوني مرهم وغسول بس ما استخدمتة لان الجل اللي معاي مخدر للخياطة وقلت للدكتورة قالت كويس

احلى ليان

03-11-2012, 01:31 PM

هلا غنج .. طمنيناعلى الكتكوت ان شاء الله دحينت سار احسن ؟؟

ضاع الامل

03-11-2012, 04:22 PM

كيفكم كروشاااااااااااااااات انشاء الله الكل بخير؟؟

حابه اسأل اللي خلفوا قبل كده وعندهم خبره
لما يخيطوا الوحده خياطه عاديه هل ترجع بعد الاربعين زي ما كانت ولا لازم تسوي تجميليه؟؟؟؟؟
انا هذه اول خلفه ليه
واللي تعرف اشياء تضيق ياليت ماتبخل بالرد عليه بس اهم شي تكون مجربه مو من هرج المنتديات الثانيه اللي يخربطوا الواحد بكلامهم المتناقض
بليز الله يسعدكم ردولي
ويعطيكم الف عافيه ويقومكم بالسلامه يارب

سيفونية الوادي

03-11-2012, 05:44 PM

السلام عليكم
انا عضوه جديده وحابه استفسر مين تعاملت مع حمامة الوادي ياليت تفيدني

سيفونية الوادي

03-11-2012, 05:46 PM

الله يوفقكم ويسهل عليه وعليكم يارب ياليت الاقي منكم رد باسرع وقت

Raama

03-11-2012, 06:26 PM

السلام عليكم ورحمة الله وبركاته

كيفكم يا الغالياااات وشو اخباركم ؟؟
الي تسال عن مستشفى الاحمدي انا ماولدت فيه ولدت فيه زوجة اخوي وجلست 24 ساااااعه
واتقوووول كووويس

اختي سيفونية الوادي

هلااا والله وحياك بينااا والله اول مره اسمع فيهااا هذه عشبه ولا ايش ؟؟

سيفونية الوادي

03-11-2012, 06:54 PM

تسلمي اختيraama

سيفونية الوادي

03-11-2012, 06:58 PM

هذي وحده تبيع مفارش تركيه وانا حابه اسأل عن تعاملها لاني لقيتلها اعلان بالمنتدىن

sooma1

03-11-2012, 08:04 PM

اسوم مادري عن اسمه بس انا سجلت الغسول والجل حق غنج شكلوه حلو
غنج حبي مشكوره بجد ماتقصري واوعدك مانساك انتي واولادك من دعائي الله يقومه لك بالسلامه ماتشوفوا شر يارب
احلى ليان متى تدخلي انتي الدردشه وهاه فين قررتي تولدي بالسلامه يارب

احلى ليان

03-11-2012, 08:32 PM

سوما .. يا قمر انا سرت بايته في الدردشة هههههههههههه ما اشوف غيري كل ما ادخل مدري ايشبهم البنات ؟؟
ان شاء الله حولد في المواساة في المدينة ان شاء الله باقيلي اسبوع وانزل المدينة ان شاء الله..
وانتي قوليلي فين ناوية تولدي؟؟ وايش حتسوي حركات وتوزيعات؟؟ وخلصتي تقضية لكي وللبيبي ولا لسه؟؟

sooma1

03-11-2012, 09:55 PM

هلا احلى ليآن توصلي بالسلامه يارب
المواساه حلو ان شاء الله
بس انا ان شاء الله اذ ربي ارد ان شاء الله باذن الله هههههههههه اني بالالماني عشان انا مراجعتي هناك
بس لاتنسي ملفك جيبه معاك عشان يقروا عن حالتك
بالنسيه للتجهيزات نـو نـو ولالالالالالا شي لان ظروف زوجي مره زفت الله يقوم ابوه بالسلامـه
موكله كل شي على اخواتي هـم اللي راح يصلحون لي الله يخليهم لنآ

كيف المغص والطلوق الكاذبه بدت تجيك ولالا

أسوووم

03-11-2012, 10:34 PM

يسلمو ياسوما حتى انا سجلت الجل بس .. مافيا استخدم غسول وخربطه لاني بستخدم اعشاب وربي يسهل لداك الوقت يارررب لسااا ليلي طوييييل ..

بس يابنات امس رحت عملت تحاليل طلبتها مني الدكتوره واليوم الصبح طلعت النتيجه وقالتلي الدكتوره عندي التهااااب شدييييييييييييد في البول قلت الحمد الله جات ع كذا واعطتني ادويه ع الالتهاب وقالتلي اشربي مويا كتير .. وكمان سألتني عندك حرقان قلتلها لا ابدا حتى انا مستغربه التهاب شدييييد .. وماني حاسه فيه .. يارب اشفيني يارب .. لان التحاليل كومليت يعني عن كل شي .. فـ قلت الحمد الله .. وكشفت عليا وقاللتلي انتي بااخر الشهر الثالث .. ومابين جنس النونو وماسألتها أساسا لأني ماوي أعرف ..

sooma1

03-11-2012, 11:49 PM

اسوم انآ مثلك والله ماحس حرقان وقالت لي معاك التهآآآب بس انتبهي لازم تشربي موووووووياااااااا كثييييييييييييير كثييييييييييييييير
بقولك طريقتي
كنت اعبي جك واعرف ان هالجك مقداره 8 اكواب طيب واحطوه على طاوله المطبخ واشرب منه مايجي اليل اعرف كيف انا خلصت الجيك او لا ههههههههههههه تعرفي ننسى كثير هههههههه الله يعطينا الاجر بس

ربك بيسهل لك ياقلبوووووووووو والايام تمشي زززززززي السحب

شيكي على الخاص

ام اجـــوان

03-12-2012, 12:38 AM

هلا بنات كيفكم ،،،؟ وشو اخباركم ،،؟
وكيف الحمل وياااكم ،،؟
انا دخلت التاااسع وبدا العد التنازلي ولله الحمد
وعارفه ان دخولي للمنتدى قل بس ايش اسوي
جالسه عند اهلي ،،، وماعندنا شغاله حاايسيييين في ترتيب البيت
وانا ما احب اشوف ماما تشتغل وجالسه لازم اتحرك معاها
يلا الحمد لله الشغل رياااضه عشان اولد بدري
هههههههههههههه
وانتو كيف ايااامكم واوضاعكم

احلى ليان

03-12-2012, 02:19 AM

هلا ام اجوان .. الحمد لله لولولولولي دخلتي التاسع عقبالي يارب باقيلي شهرين وتغطرفولي زي ما غطرفتلكم ههههههههه
وربي يكتبلك الاجر وتقومي بالسلامة انتي والبيبي اتحركي في الحركة بركة بس هااااا انتبهي على نفسك والنونو هانت وربي يسهلك ولا تنسي ابدأي رطب .. والله يعينك ويعيننا اجمعين..
اسوم .. سلامات من الالتهاب انتبهي على نفسك..
سوما .. انتي دخلتي التاسع بس انا لسه في السابع ان شاء الله على نهايته الاسبوع الجاي موعدي اشوف انا فين وصلت..

دلوعة ميدو

03-12-2012, 04:47 AM

مرحبــــــــــــآ كروشششششششآت

اسسسوم والله انا كنت زيك كان عندي التهاب مره قوي لدرجة اقوم من النوم ابغى اموت من الالم بس سرت يوميا اشرب هولستون او موسي والحمدلله استمريت كم اسبوع والحمدلله دحين خلاص راح .. وكمان اشربي موية مره كتير قبل لاتنامي صح حتطفشي من كتر ماتقومي من النوم بس مرررره مهم شرب كاسه موية قبل لاتنامي وا شاء الله اقل من شهر وروحي سوي تحليل يكون راح منك الالتهاب

ام اجوـآآآن تولدي بالسلامة يــــآآرب وعقبالنا يــآرب نولد في وقتنا وبالسلامة
اهم شي طمنينا عنك بعد ماتولدي
ربي يخفف عليكي الطلق ويسهلك الولادة
عقبال مادخل التاسع وتدعولي كدآآ لووووووووول

sooma1

03-12-2012, 09:49 AM

صباح الخير بنات
بنات انا قريت مواضيع لخلطات تخيلوا طحت على وحده اسمها سوسو تبيع خلطتها بميتين وتكفيك لمده شهر وربي الكل يمدحهإا بس اش رايكم نستخدمها ليتني دريت عنها من اول تقول امان للحامل انا صراحه ماجربتها بس اكتبوا عنها وراح تقنعوا مثلي البنت من المدينه ومندوباتها شكلوا كثير هدا دليل على نجاح خلطتها
اش رايكم يحلفما بنات بالمنتديات يقولوا 15 يوم وطلعت نتائيجها يقووا الركب صارت مثل الساق ههههههه
مين جربتإا بنات او تعرف احد جربها

بنوتة صالح

03-12-2012, 11:14 AM

السلام عليكم
كيفكم بنات وش اخباركم؟

هذه اول مشاركة لي

انا حامل ببكريتي وقرب موعد الولادة ..
الله ييسرها علينا اجمعين
بأسألكم وش في افكار لتوزيعات المواليد؟

واللي تستقبل الضيوف بعد ولادتها في بيتها وش تلبس ؟

احلى ليان

03-12-2012, 01:36 PM

سوما .. يا قمر ليش خلطات وخرابيط انا اول كنت ادور بس الحمد لله ما سرت ادور خلطات ويحزنون لقيت انو لونها مناسب على لون باقي الساق.. ماهي سودا .. انا ما سمعت اللي بتقولي عنها ولا جربتها البنات يفيدوكي ياقمر..
بنوتة صالح.. اهلن فيكي ياعسل نورتينا وربي يسهل علينا وعليكي يا عسل .. شوفي التوزيعات اللي في مواضيعي امكن يعجبك شي وان شاء الله قريبا حنزل لكم صور توزيعات جديدة حسويها ان شاء الله وقوليلي قد ايش ميزانيتك وانا اساعدك.. في الافكار..
عادةً النفاس تلبس قمصان نوم بس مو الشفافة خصوصا اذا تبغى تلبس طرحة بيضا " تغطي شعرها"
وفي ناس لأ يلبسوا جلابية وعادي ما تغطي شعرها.. وحسب اللي يناسبك واللي ترتاحي فيه..