دردشة حوامل دولة الجزائر- تجمع بنات الجزائر

[تورية]

ولود فطرتي الغاشي
المهم انا تهليلي في فطوم

[ريم غزلان]

انا قالي نجيبلك مرا تعاونك و ما نحبش كثرة اليدين

حتى خبز الطاجين انا نوجدو مايعجبنيش تاع برا

اههههههههه علابالي بلي راح نموت من التعب
ولود بزاف عليك الخدمة هادي كامل علاش مايدهمش لمطعم يعرضهم عشاء مابقاتش الناس تعرض في الدار !!!!!!!!!!!!!!!!!!!

[ريم غزلان]

مساء الخيرات واش راكم لبنات hwaml7hwaml7 صح فطوركم

[تورية]

مساء الخيرات واش راكم لبنات hwaml7hwaml7 صح فطوركم


مسااء النور ريم الغزلان واش راك وهدا الغيبة hwaml7 hwaml7 hwaml7

[تورية]

ريم الغزلان كاش جديد كاش بيبي

[nakhla]

اهليييييييين ريم

لالا حنا فالجنوب عيب اللي يعرض برا

و راح يدير مشوي يعني لازم الدار

و الصح الصح نحب كي يعرض لخاطر نبروفيتي

يامس خرجت جبت مليون و نص ماعن فشيت قلبي فيه المشحاااااااااااح

[nakhla]

توتو ماقتلكش

يامس عشيه خرجت شريت

2 قصاع الله الله عليهم

و 2 سوبيار مع لي بول

و سرفيسهم اركوبال

و...............و.............ززز

هبلتو مسكين اللي نشوفها نلصق عليها و هو يعيط قدام مول الحانوت يقولي ياك عدنا

و انا نقولو يا حسرااااااااااه تكسروووووووووووو اههههههههههههه

درت رايي فيه

[nakhla]

حابة تسقسيكم يالبنات

عندي هادوك لي سيبور تاع الكريستال اللي يجو كيما طباسى و عندهم قاعدة اللي حطو فيهم الحلويات المعسلة

وش رايكم نقدر ندير فيه المكسرات؟؟؟ ولا كاش عفسة وحدوخرى

ما عرفتش كيفاه نقدمهم كاش فكرة جدييييييدة؟؟؟

[om anes]

توتو يحسبوها من الكلافي

hwaml02hwaml03hwaml02


أنا نحسبكم هبلتوhwaml02hwaml02

[تورية]

توتو ماقتلكش

يامس عشيه خرجت شريت

2 قصاع الله الله عليهم

و 2 سوبيار مع لي بول

و سرفيسهم اركوبال

و...............و.............ززز

هبلتو مسكين اللي نشوفها نلصق عليها و هو يعيط قدام مول الحانوت يقولي ياك عدنا

و انا نقولو يا حسرااااااااااه تكسروووووووووووو اههههههههههههه

درت رايي فيه


ولوووود هكدا بروفيتي قليلو زيد جيب صحابك انت عرض و انا نشري ههههههههههههه

[nakhla]

ام انس ذاقت رواحنا و مالقيناش وش نديرووووووو

[تورية]

حابة تسقسيكم يالبنات

عندي هادوك لي سيبور تاع الكريستال اللي يجو كيما طباسى و عندهم قاعدة اللي حطو فيهم الحلويات المعسلة

وش رايكم نقدر ندير فيه المكسرات؟؟؟ ولا كاش عفسة وحدوخرى

ما عرفتش كيفاه نقدمهم كاش فكرة جدييييييدة؟؟؟


ايه ولود يجيو هايلين فيهم المكسرات

[nakhla]

ولوووود هكدا بروفيتي قليلو زيد جيب صحابك انت عرض و انا نشري ههههههههههههه

الصباح برك قلي علابالي تعبتك منا على 3 شهر مانزيدش نعرض

قتلو لالا جيب برك راهي هنااااااا هههههههههه

[تورية]

الصباح برك قلي علابالي تعبتك منا على 3 شهر مانزيدش نعرض

قتلو لالا جيب برك راهي هنااااااا هههههههههه

ولود وجدي روحك برك الغاشي الغاشي يقعدو داخلين خارجين و نتي حلي حانوت نتاع المعين

[تورية]

ولوووود مصحتك لمعين و ان شاء الله تهرسيهم بالصحة

[nakhla]

والله ما يقعدو لماعين مع المهبول تاعي

و الدار اللي راني فيها ما فيهاش بالكارات

راني دايرة شومبرا صغيره فيها المواعن والخردة و....


كي ما يصيبش حاجة سي السبع ولا يودر قشو يبدا يفركت في وسط قشي و يكسر فالماعن

مزيا مش من جيبي

[nakhla]

الله يسلمك حنونة

مازالولي الفوتويات

راني هابله على وحد الموديل جا

قالي ماتحلميش بيهم

حتى نبنو الداااااااااااار

يعني منا ل3 سنين ولا 4

حتى تروح لامود تاعهم

[nakhla]

http://forum.hwaml.com/imgcache2/hwaml.com_1358342119_110.gif

[nakhla]

هذي ام انس

[تورية]

الله يسلمك حنونة

مازالولي الفوتويات

راني هابله على وحد الموديل جا

قالي ماتحلميش بيهم

حتى نبنو الداااااااااااار

يعني منا ل3 سنين ولا 4

حتى تروح لامود تاعهم

كامل هكدا انا مزال معمرتش صالون من داري جديدة ران مزال نخممم كفاه نعمرها

[تورية]

http://forum.hwaml.com/imgcache2/hwaml.com_1358342119_110.gif

ام انسسسسسسسسسسسسسسسسسسس البرد راه داير فيها حالة

[nakhla]

شفتي.............

انا عندي 9 سنسن زواج ما زال ماشريتش الطابلة الكبيرة تاع الصالون

راني نضيف فالمايدات برك ................زمانجو نعمرو هاذ الديار نشيبوووووووووو

[nakhla]

hwaml5hwaml5hwaml5hwaml5توتو بصح طبسي الكريستال عندي واحد برك مايكفيش رايي عليا وين نزيد نحط لخاطر زوج طوابل نسا و رجال

[منيرة الجزائرية]

مرحبااااااااااااااا بنات الايام هاذي ايام اباضة عندي و بصح راني دايخة بزااااااااااااف علاه

[تورية]

شفتي.............

انا عندي 9 سنسن زواج ما زال ماشريتش الطابلة الكبيرة تاع الصالون

راني نضيف فالمايدات برك ................زمانجو نعمرو هاذ الديار نشيبوووووووووو

ايه انا ران نكمل مع البني و من بعد نعمر في خاطري الصالون راه تصفر و زيد راه نصبغ الصبيغة نتاع المغاربة يعني تكلف بزاف دراهم الله يجيب الخير

[nakhla]

اهلييييييييييين منيرة

الدوخة بالاك عندك غريب ولا ريم

guripp ou rhum

[nakhla]

كيفاه دايرة هاذ البانتورة تاع المراركة

انا آخر وحدة سمعت بيها اللي فيها الصاتان و الصوف

[تورية]

كيفاه دايرة هاذ البانتورة تاع المراركة

انا آخر وحدة سمعت بيها اللي فيها الصاتان و الصوف

يسمها العنبرة وهي هايلة بزاف منقدرش نوصفهالك كي يجبلنا المغرابي الصور نورهملك اوكي

[تورية]

hwaml5hwaml5hwaml5hwaml5توتو بصح طبسي الكريستال عندي واحد برك مايكفيش رايي عليا وين نزيد نحط لخاطر زوج طوابل نسا و رجال

انا نقولك حطيه للنساء لخاطر راك تعرف يهدر و ينتبه اما رجال لحطتيه هداك هو

[منيرة الجزائرية]

لالا معنديش الزكام و الله ما علابالي فاشلة و نعسانة

[منيرة الجزائرية]

عييت و انا رافدة رجليا فالسما لبارح كاش ما تحكم واحدة ههههههههههههههههههههههههههههههه

[تورية]

منيرة مرحبااااااااااااا بلاك برد متخفيش

[تورية]

عييت و انا رافدة رجليا فالسما لبارح كاش ما تحكم واحدة ههههههههههههههههههههههههههههههه
منيرة ههههههههههه رانا كامل هكدا راجلي يقولي ديري مخدة بصح غير شوية نعيا الله غالب نقل منقدرش و يزعف و يرقد

[منيرة الجزائرية]

نشالله ربي يرزقنا كامل

[ريم غزلان]

[QUOTE=تورية;2903224]ريم الغزلان كاش جديد كاش بيبي[/QUOTE
ياريتhwaml93 رانا عايشين و مع الدعاء إنشاء الله ربي يرزقنا كامل ويفرحنا

[ريم غزلان]

اهليييييييين ريم

لالا حنا فالجنوب عيب اللي يعرض برا

و راح يدير مشوي يعني لازم الدار

و الصح الصح نحب كي يعرض لخاطر نبروفيتي

يامس خرجت جبت مليون و نص ماعن فشيت قلبي فيه المشحاااااااااااح

بصحتك عندك الحق ، حق ماطيبي وتتعبي لازم المكافأة وأصلا لماعن لدار تسحقيهم

[تورية]

مسااااااااااااااااااااااااااااااااااء الخير دجااااااااااااااااااجااااااااات

[تورية]

لبنات راكم ميتين من البرررررررررررررررررررد
علبالي بلي دجاج يبردددددددددههههههههههههههههhwaml61hwaml61hwaml61h waml61

[om anes]

لماعين يالماعين نموت على المعان hwaml81

[om anes]

لبنات راكم ميتين من البرررررررررررررررررررد
علبالي بلي دجاج يبردددددددددههههههههههههههههhwaml61hwaml61hwaml61h waml61

البرررررررررررد يقتلللللللللللللللللل فوت القيلولة كيما الصورة تاع البطانية

[تورية]

اااام انس واش راك الحمد للله لخرجتي من الكفيرتة

[om anes]

ولود أنا حسبت راهم يجيو الرجال فقط وكيزادو النسا ء الدعوة صعيبة
ديري الماعين المخيرين للنسا علابلك احنا لسانا طويل للأسف والرجال مساكن نية راهم يشوفو غير الماكلة
مرة خويا شافني نزوق فالصحن قالي انتوما النسا وحدكم رايحين ياكلوها ولا يتصورو معاها

[om anes]

اااام انس واش راك الحمد للله لخرجتي من الكفيرتة
الحمد لله البرد هنا ماشي كيما في الولاية تاعنا جات يما عندي الشتا لي فاتت تخلعت خاصة كشافت الماء جامد فالبالكو والحوايج لي منشورين يبسوhwaml61

[تورية]

ولود أنا حسبت راهم يجيو الرجال فقط وكيزادو النسا ء الدعوة صعيبة
ديري الماعين المخيرين للنسا علابلك احنا لسانا طويل للأسف والرجال مساكن نية راهم يشوفو غير الماكلة
مرة خويا شافني نزوق فالصحن قالي انتوما النسا وحدكم رايحين ياكلوها ولا يتصورو معاها

هههههههههههههههههه ايه انا ثاني قتلها ديري الطبيسي نتاع الكرستال لنساء ورجال ميشفوش فالمعين

[تورية]

ام انس وين تسكني

[om anes]

أنا نسكن فبرج بونعامة تسمسيلت

[تورية]

أنا نسكن فبرج بونعامة تسمسيلت

خيار الناس

[تورية]

ام انس تسمسيلت فيها البرد بزاف انا منعرفهاش

[om anes]

حتى أنا مانعرفهاش بلاك غيرالمنطقة هذي باردة الله أعلم

[om anes]

ياخوفي يانور تكوني عملتها صحhwaml78hwaml80hwaml85hwaml93hwaml79

http://forum.hwaml.com/imgcache2/hwaml.com_1358016757_582.jpg

[nakhla]

حنوننتي ام انس

نور راهي تتقلش علينا

[om anes]

أهلا ولود واش رايحة طيبي للضيوف هذا المرة

[nakhla]

هاذ المرة عارض جماعة مسؤولين يعني لازم المشوي
حنا عوايدنا نديرو معاه السفة كسكس حلو بازبيب و المكسرات

مالاول نحطو فريك مع سلاطة

من بعد المشوي

من بعد السفة مع دي بول فيهم عسلو دهان حر

و منبعد الدقلة مع الحليب

والفاكهة مع العصير

و في الاخير اتاي مع المكسرات

يعني مش راه نتعب بزاف لخاطر الصح راه فالمشوي وهو يطيب برا

[nakhla]

نسيتلك خبز الطاجين مانخبش نتعرض و يحطولي خبز الكوشاااااااا

يعني نعجن روحي

[nakhla]

قالي نجيبلك وحدة تعاونك بالدراهم

قتلو جيب الدراهم هنا انا نعاون روحي

شحال نحبوووووووووو الصواااااااااارد حنا النساااااااااا

[om anes]

واش تقصدي بالمشوي يعني كبش مشوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[om anes]

قالي نجيبلك وحدة تعاونك بالدراهم

قتلو جيب الدراهم هنا انا نعاون روحي

شحال نحبوووووووووو الصواااااااااارد حنا النساااااااااا
عندك الحق واش ديري بالمرا تزيدلك غير الروا والتعطيل

[om anes]

شوفي راني جبتلك شوية ماعين حطي فيهم إلا عجبوك بالاكي تكسريهم
http://forum.hwaml.com/imgcache2/hwaml.com_1358362141_946.jpg (http://forum.hwaml.com/imgcache2/hwaml.com_1358362141_946.jpg)


http://forum.hwaml.com/imgcache2/hwaml.com_1358362142_927.jpg (http://forum.hwaml.com/imgcache2/hwaml.com_1358362142_927.jpg)

http://forum.hwaml.com/imgcache2/hwaml.com_1358362142_993.jpg (http://forum.hwaml.com/imgcache2/hwaml.com_1358362142_993.jpg)


http://forum.hwaml.com/imgcache2/hwaml.com_1358362142_836.jpg (http://forum.hwaml.com/imgcache2/hwaml.com_1358362142_836.jpg)





http://forum.hwaml.com/imgcache2/hwaml.com_1358362142_514.jpg

http://forum.hwaml.com/imgcache2/hwaml.com_1358362143_442.jpg






http://forum.hwaml.com/imgcache2/hwaml.com_1358362143_105.jpg

http://forum.hwaml.com/imgcache2/hwaml.com_1358362143_847.jpg

حافظلي عليهم ولا ماتفراش

[nakhla]

المشوي حنا نقولولو لمصور

هو نعجة كاملة محمرة نطيبوها برا عند مختصين فالشوا و هوما اللي يدوزنوها

[nakhla]

اههههههههه ام انس على لماعن تقول ناكلهم

[om anes]

المشوي حنا نقولولو لمصور

هو نعجة كاملة محمرة نطيبوها برا عند مختصين فالشوا و هوما اللي يدوزنوها
دبري راسك أنا تاني معروضة hwaml71

[om anes]

ولود ماقبلتوش إيه اعتبروني من المسؤولينhwaml26

[ميمي 17]

وقيلة كامل انروحولها اسمعت المصور جيت نجري شميت ريحتو

[ميمي 17]

اخلعتي ولود وهربتي كيقولنا نجوك

[تورية]

هاذ المرة عارض جماعة مسؤولين يعني لازم المشوي
حنا عوايدنا نديرو معاه السفة كسكس حلو بازبيب و المكسرات

مالاول نحطو فريك مع سلاطة

من بعد المشوي

من بعد السفة مع دي بول فيهم عسلو دهان حر

و منبعد الدقلة مع الحليب

والفاكهة مع العصير

و في الاخير اتاي مع المكسرات

يعني مش راه نتعب بزاف لخاطر الصح راه فالمشوي وهو يطيب برا

ولووووووود الله يعينك على هدا العشاء غادي تبقاي رايحة جاية

[تورية]

واش تقصدي بالمشوي يعني كبش مشوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولووووووود ران فالطريق ران قريب نوصل ان شاء الله نخلط علة المشوي

[nakhla]

اههههههه مرحبا بيكم

[nakhla]

ولووووووود الله يعينك على هدا العشاء غادي تبقاي رايحة جاية

توتو لالامافيهاش تعب كيما اللي نطيب طواجين

نحب هاك خير نخبز الكسرة و نفور السفه والفريك

ساااااهلين و ما يتعبوووووووش

[nakhla]

ميمي ارواحي احكيلنا كيفاه تحطو المشوي؟؟

يعني معامن تحطوه مع السفة؟؟؟؟؟؟؟؟

[تورية]

ولود العشاء اليوم ولا غدوى

[OUM ISRAA]

وشتا لبنات كي مسيتو ليكم وحشة كبيرة
غفلت بنتي و جيتكم نجري خليتها مع الميكيات
كاش جديد
ولود كاش خبار على سمرا هادي شحال مابانتش

[nakhla]

مازاااااااااااال نهار الثنين يجو

[ميمي 17]

احنا نحطو الفريك مع الشلاطة اوردافر والبوراك باللحم ووممبعد نرفدو الماعين ونحطو الخروف وحدو ونعاودو نرفدو ونحطو السفة مع العسل والدهان ويعود بالزبيب والبيستاش والقرفة ومبعد نحطو الفكية وممبعد التاي مع القواطو المعسلة والمكسرات

[ميمي 17]

عندي ثاني عرضة لصحاب راجلي بصح مزالت شوي

[OUM ISRAA]

[SIحابة نسقسيكم
غدوة عندي ندير التلقيح كي كنت حامل درت 2 و بقاتلي وحدة نديرها غدوة و راني مقريبياhwaml61 واش يديروهالي و لا لا
و قالولي تانيك دير الحمة بصح؟
ZE="5"][/SIZE]

[nakhla]

لبنات كاين لعبه هايلة المشرفات ضد العضوات

اللي تدخل تكتب 1 اللي بعدها 2 و اللي بعد 3

لازم مانهلوش المشرفات يلحقو 3 يلزم نقاطعوهم

ادخلو عاونوني شويا

http://forum.hwaml.com/t64022-466.html

[nakhla]

ام اسرا سوليهم واقيل مايديروهالكش

اللي فاليد دير الحمى واللي فالرجل ما ديرش مع انو نفس المادة

[nakhla]

ميمي يسمى ماكاش اختلاف كبير بينااااااااااا

[تورية]

اه ولود ران درت 22222222222222222222
سما يلزم ندير 111111111111111111111
سمحولي

[nakhla]

ام اسرا

اييييييه على سمرا

سمعت بللي قسمو السكنة يادرا مدولها ولا والو

ساميه هي تجيبلنا خبرها موالفين يتكلمو فالتليفون

[nakhla]

معليش توتو


يعطيكم الصحة تحمرو لوجه

[nakhla]

ياة عاونونيييييييييييي

[nakhla]

توتو الا لقيتي اللي قدامك عضوة زيدي واحد

واذا كانت مشؤفة ابداي من 1

[Aya09]

اهلين يا بنات كيف الحال كيفكم مع الحمل والوحام انا ام اية

[nakhla]

توتو لازم اليوم نهبلوهاااااااااا

[nakhla]

اهلييييييييييييين ام آآآآآيه

[تورية]

ران هبلتها ولووود كرهت حياتهاااااااااااااااااااا هههههههههههههههههه

[تورية]

اهليييييييييييييييييييييين بام اية مرحبااااااااااااااااااااااا

[تورية]

ولووووووووود مزال متعشيتي ههههههههشفتي واش درنا فيها هههههههههههههههه

[nakhla]

رحت درت كاسكروط تعشيت مع المغرب وجعت

[sabimarsine]

سلام يا لحنونات راكم هنا وانا نحوس في الحديقة عليكم فهموني درك هنا ولا لهيه

[تورية]

صابي واش راك حنونة لباسلا واش اخبارك

[sabimarsine]

الحمد لله وانتي توتو واش اخبارك

[sabimarsine]

حقة واش راهي انجل عندي بزاف ما شفتهاش في الشات كاش اخبار عليها

[تورية]

الحمد لله صابي
انجل من هداك العهد مشفنهاش والله توحشناها ان شاء الله خير

[om anes]

السلام عليكم ورحمة الله وبركاته

دايما راقدين hwaml9
حتي ميمي وماجابتنا حتى خبر

[تورية]

صبااااااااااااااااااااااااااااااح الخيرررررررررررررررررررررر عليكم واش راكم لباس

[nakhla]

صباااااااااااح النورر

يا ناس الخير وينكم؟؟؟

[nakhla]

توتو وينك

نهيا معايا الى المعركة

[تورية]

ولووووووووووود صباااااح الخير
لبارح درنا فيهم حالة دوماج جاني النعاس

[nakhla]

توتو نحي الرد تاعك اتاه 111111111 باه نربحوووووووو

[nakhla]

توتو يالاه نديرو راينا رانا وحدنا

[تورية]

ولوووووووووووووووووووووووووووود هههههههههههههههههههههههههههههههههه
املا الغششششششششششششششششششششششش

[nakhla]

اهههههههههه

[nakhla]

توتو ديري 3

[nakhla]

اههههههههه توتو أخيرا

ذرك نقلك صباح الخير

كيفاه صبحتي شريكتي

البارح جعت درت كاسكروط بيض و شمخت اللوبيا

كي رجعت لقيتك خرجتي

[OUM NADINE]

صباح الخير عليكم
يويويويـــــــــــــــــــــــــــــــو دخلولي الويفي اللي راه مقطوع عندها نبعثلها خيط
ولود واش راكي لحبيبه واش راهم البنات
ان شاء الله لاباس
قولولي المخبأ السري اللي راكم تروحو ليه

[تورية]

ام نادين مرحباااااااااا ادا تحبي تجي قولي ايه باش نعطيوك العنوان

[nakhla]

اهلاااااااااااااااااااا ام نادين

مبرووووووووووووووك مبرووووووووووووك الويفي ديريلنا عرضة نجو نباركو ونجيبو لي كادو

توحشنااااااااااااااااااك نشالله ما تزيديش تغيبي


نوروك المغارة السريه بشرط

ما تخليش هاد التجمع,,,,,,,,,,,,,,لخاطر بزاف اللي راحو ومازادوش دخلو هنا

ديريلي تعهد هههههههه

[OUM NADINE]

ربي يخليك ولود انتي وتوريه
انا داخله زادمه صون بيتي وانتوما تقولولي تعهد ما تعهد خفو هيا وين راهي مغارة علي بابا

[nakhla]

http://forum.hwaml.com/t64022-482.html#post2906463

رانا نلعبو هنا

[OUM NADINE]

وين رحتو هربتو وخليتوني

[ميمي 17]

ام انس راني اهنا صباحكم ورد

[nakhla]

ميمي هذي ام نادين ماشي ام انس

[تورية]

ربي يخليك ولود انتي وتوريه
انا داخله زادمه صون بيتي وانتوما تقولولي تعهد ما تعهد خفو هيا وين راهي مغارة علي بابا


ههههههههههههههههههههههههههه
مرحبا بيك معانا في فراشات الجزاءر فيسع ارواحي دوك يجو يعمرلك راسك ههههههههههههههههه

[ميمي 17]

كاش جديد يا البنات

[OUM NADINE]

انا قادمه ابتعدو عن طريقي
ههههههههههههههههههه

[nakhla]

ام نادييييييييين

بصح مالازمش تنساي الدؤدشة هنا

[OUM NADINE]

ميمي واش راكي؟

[OUM ISRAA]

حباباتي كي صبحتو ام نادين مصحتك الويفي
انا دوووووووووووووماج غدوة يكمل الشهر و يقطعوهولي
غادي نتوحش لمتكم الشابة
ايا ليوم نديرو حالة غير متقيلوش انا وراكم وراكم

[تورية]

ام اسراء واش راك حنونة عمتيني بهدامك اللون ههههههههههههههههههههههههههههههههههه

[OUM ISRAA]

ههههههههههههههههههههه مليح باش تفيقو راكم قاع راقدين[/size][/color]

[nakhla]

اهلين ام اسرا

انا ثاني قاللي الشهر الجاي ما نقدرش نخلص

و مانعرف؟؟؟

[تورية]

ولوووود راك هنا ران دخت نتاع الصح 1111111111111111111111111111 هههههههههههههههههههههههه

[om anes]

إيييييييييييييييييي راكم دايرين حالة الله يبارك تلهيت شوية كنت نطبع في بعض الأوراق دخلت لقيت الدنيا تعمرت الله يبارك
أم نادين على سلامتك طولتي هذالمرة

[تورية]

مرحباااااااااااااااااا ام انس واش راك لباس
كاش بررررررررررررررررررررررررررررد

[om anes]

البرد غير هو

[om anes]

ميمي درتي التحليل ولامازالhwaml42

[om anes]

أنا ياجماعة نقولكم بقاو على خير عييت من الميكرو

[nakhla]

اهلااااااااا ام انس

[تورية]

ميمي واش راكي لباس كاش جديد

[nakhla]

ميمي طل و تهرب

[saaraahsaba]

سلام عليكم انا عندي مشكلة hwaml15لهيك حدخل صلب الموضوع بس بدي استشارة انا حامل بشهر الثاني بس صارلي نزيف البارح رحت المسشتفي و قالولي البيبي مليح بس ما راح اتحرك لمدة 20 يوم وانا مو مطمنة ابدا لانو صارتلي مشكلة مع حملي الاول و طاح لهيك انا مابدي اخسر هيدا كمان............
hwaml13hwaml13hwaml13hwaml13hwaml15hwaml15hwaml15

[ميمي 17]

والله مكان والو مازال مدرتش التحليل راني نستنة انروح لدارنة ونشريه راجلي محبش يجيبولي

[تورية]

سلام عليكم انا عندي مشكلة hwaml15لهيك حدخل صلب الموضوع بس بدي استشارة انا حامل بشهر الثاني بس صارلي نزيف البارح رحت المسشتفي و قالولي البيبي مليح بس ما راح اتحرك لمدة 20 يوم وانا مو مطمنة ابدا لانو صارتلي مشكلة مع حملي الاول و طاح لهيك انا مابدي اخسر هيدا كمان............
Hwaml13hwaml13hwaml13hwaml13hwaml15hwaml15hwaml15
ما تخاف ما دام قلولك الاطباء البيبي مليح فما تقلقي روحك ان شاء الله خير وما ثعبي نفسك

[nakhla]

ميمي ديري تاع الجافيل فالدار

[تورية]

اي ميمي ديري نتاع الجافيل
ديري كاس كبير نتاع الجافيل ومن بعد حشاك بولي فيه شوية وادا طلعت الرغوى انت حامل وادا قعدت كما هي مو حمل انشاء الله حامل

[تورية]

يعطيك الصحة ولود على الفكرة نتاع الجافيل

[ميمي 17]

وشكون الي جربتهها وجاتها صحيحة

[OUM ISRAA]

الفكرة تاع الجفيل صحيحة صديقتي تقرا بيولوجي قالتهالي

[تورية]

الحمد لله جات ام اسراء باش تزيد دعم الفكرة نتاع الجافيل
انا قلوهالي بنات نتاع تجمع المغرب و قلولي رانا مجربينها
ميمي روحي دريها و ردينا لخبر ياك باطل هههههههههههه

[OUM ISRAA]

عمتي تاني محملتش مدة 10 سنين و الحمد لله ربي رزقها و راها حامل هي جربتها و خرجت صح

[OUM ISRAA]

عندهم الحق انا قبل ما نعرفها شحال صرف على لتاست قولي كل شهر نشري وحدة توخضت هههههههههههه
ربي يرزقك و يفرحك حبيبتي

[تورية]

عمتي تاني محملتش مدة 10 سنين و الحمد لله ربي رزقها و راها حامل هي جربتها و خرجت صح

مبروك عليها الحمل يا اختي
اسراء شو عملت حتى حملت دواء الطبيب ولا اعشاب

[تورية]

ام اسراء حتى انا راجلي هبلته بالتست كل بوم نقوله جيبلي تاست قالي كرهتهم لتست متزديش تجبدلي عليهم
وليت نشريهم بالتخبية هههههههههههههه

[OUM ISRAA]

مبروك عليها الحمل يا اختي
اسراء شو عملت حتى حملت دواء الطبيب ولا اعشاب

خلطتها مسكينة بصح العيب في راجلها الحيونات المنوية تاعه قليلة بزاف راحت لطبيب و مركاله ليباري دارهم و الحمد لله رفدت و هي في عمرها43 سنة

[تورية]

خلطتها مسكينة بصح العيب في راجلها الحيونات المنوية تاعه قليلة بزاف راحت لطبيب و مركاله ليباري دارهم و الحمد لله رفدت و هي في عمرها43 سنة


اسراء واش دار باش زادو الحيوانات المتوية

[OUM ISRAA]

اسراء واش دار باش زادو الحيوانات المتوية

الطبيب مدلو ليباري و منشطات

[تورية]

يعطيك الصحة ام اسراء هبلتك بالاسءلة سمحيلي حنونة

[تورية]

ام اسراء واش راها اسراء لباس عليها
ام اسراء الا تحبي تشارك معنا في فراشات الجزاءر مرحبا بيك رنا كامل لتما انا و ولود و ام نادين وبزاف من هنا

[OUM ISRAA]

ام اسراء واش راها اسراء لباس عليها
ام اسراء الا تحبي تشارك معنا في فراشات الجزاءر مرحبا بيك رنا كامل لتما انا و ولود و ام نادين وبزاف من هنا

مذا بيا وين تكونو نلحقكم حبيبة دوك نجي راني في الطريق ستناوني

[OUM ISRAA]

ما حبونيش ندخل راهم يقولولي البريد خاطئ شا ندير

[ميمي 17]

الله يحفظكم انا راجلي قالي غير ندخل للفرماسي يقولي اخويا تحتاج تاست ههههههههههه

[nakhla]

ميمي التست تاع الجافيل ديريه صباح بكري قبل ما تفطري

ما ديريش القطرات اللولين تاع رش الما

ديري اللي بعدهم في كاس منبعد زيدي فوقهم شوي جافيل

اذا كنت حامل راح يتفاعل و يدير فشششششفشششششش

ههههه

[تورية]

ميمي التست تاع الجافيل ديريه صباح بكري قبل ما تفطري

ما ديريش القطرات اللولين تاع رش الما

ديري اللي بعدهم في كاس منبعد زيدي فوقهم شوي جافيل

اذا كنت حامل راح يتفاعل و يدير فشششششفشششششش

ههههه

ههههههههههههههههههههههه

[تورية]

ما حبونيش ندخل راهم يقولولي البريد خاطئ شا ندير

ام اسراء عاودي تحقي من البريد نتاعك و دخلي حليه من hotmail
tfhamti

[nakhla]

توتو وينك رقدت شويا و رجعت مالقيتكتش؟؟؟؟

[nakhla]

لا اله الا انت سبحانك اني كنت من الظالمين

[تورية]

لبنات مرهمش ناويين يخرجو من كفيرطات

[nakhla]

ادخلو راني ليام الجاية نتلهى و ماندخلش

[تورية]

راك تشوف رانا هنا ولهيه محبناش نسمح فيهم وهما راقديييييييييييييييييييييييييييييين و متخبيين فالكفرطات

[om anes]

ام اسراء واش راها اسراء لباس عليها
ام اسراء الا تحبي تشارك معنا في فراشات الجزاءر مرحبا بيك رنا كامل لتما انا و ولود و ام نادين وبزاف من هنا


hwaml4hwaml4hwaml4hwaml4hwaml4hwaml4hwaml4hwaml4

[nakhla]

ام انسسسسسسسسسس

ههههههههخخخخخخخخخخخ

[وصال الفردوس]

مساء النور

هل تقبلوني معكم اخت وصديقة حابة نكون مع بنات بلادي................

تقبلو مروري

[تورية]

ام انسhwaml5 hwaml5hwaml5واش بيك ههههههههههههههههه

[تورية]

مساء النور

هل تقبلوني معكم اخت وصديقة حابة نكون مع بنات بلادي................

تقبلو مروري

مرحبااااااااااااااااااااااااااا وصاااااااال اهليييييييييين بيك اختي نورتي المنتدى

[nakhla]

وصال حنونة انت جزائريه؟؟؟؟؟؟؟؟؟

يا عمري

الف اهلين بيك بيناتنا

[nakhla]

وصال انت من اي ولايه؟؟؟؟

[وصال الفردوس]

اهلين فيكم حبيباتي
وشراكم لباس

والله شفت مواضيعكم حبيتها كتيرررررررررررررررررررررررر وما كنتش نعرف بلي راكم جزائريات

هاذ وين برك كي دخلت دردشة بنات الجزائر واول مره ندخلها


مالا ما نخافش انا بين خوتاتي

[وصال الفردوس]

والله انتم الي منورين المنتدى


انا من البليدة

وانتم.....................................

[تورية]

وصاااااااال انا مكنتش عافة انك من الجزاء الف مرحباااااااااااااااااا خيار الناس ناس بليدة
انا من عين تموشنت

[nakhla]

خيار الناس وصال

انا من ولايه الاغواط

[وصال الفردوس]

والله خيار ناس وحببات قلبي

نعرفك بنفسي

انا وصال من بليدة

عمري 21سنة

متزوجة من 3سنوات و3 اشهر

وما عندي اولاد ...................

ادعولي يرزقني

ووووووووووووووووووووواحبكم

وهاذي لعيونكم
http://forum.hwaml.com/imgcache2/hwaml.com_1358440715_834.jpg (http://forums.hi7ob.com/love27129.html)

[وصال الفردوس]

احكولي عليكم ....................

[تورية]

وصال انا عندي عام وثلاث اشهور متزوجة ومعندي اولاد لكن درت مرتين اجهاض ربي يعوض علي
اه عمري 27 سنة
وصال ربي يرزقك بالدرية يارب و انا كمان

[وصال الفردوس]

يارب يرزقك ويرزقني ويرزقك كل محرومة

وربي يعوضك خير منها وتجيبي احلا بنوتة

ربي يفرح قلوبنا امين


يارب

[nakhla]

وصال

ربي يزرقك الحمل السليم عاجلا غير أجلا

كنت حابه نسقسيك وحشمت قلت تقولي علينا مباحث

مزيا حكيتيلنا هههههههه

انا في عمري 30 جامعيه و قاعدة فالدااااااااااااار


متزوجة من 2005


عندي 2 اولاد و بيبي 3 اشهر بنت

[تورية]

وصااااااااال ولوووووووووووووووووود راها عندها وحد الفطووووووووووومة تهبل ما شاء الله عليها

[وصال الفردوس]

عاددددددددددددددددددددددددددددددي كي تسقسيني ماانا ختك وما بينا شي

عادي الي في بالك سقسيني

ربي يخليهم ليك وتشوفيهم احسن ناس يارب

وربي يحفظلك بنوتك وتشوفيها عروس

ونجي نخطبها منك معليهش
................................

تقبلي.....................

[وصال الفردوس]

وينهااااااااااااااااااااااا ممكن تعرفينا عليهااااااااااااااااااااااااااااااااااااااا

[تورية]

وصااااااااااااااااااااااااااال ابقاي معنا باش تتعرفي على فيفي راها حتى هي من البليدة

[تورية]

طمطم واش راك حنونتي هكدا كل مرة ارواح لعندنا
يا عمري الله يبارك

[وصال الفردوس]

يا عمررررررررررررررررري ا شاء الله عليها تهبل

بوسيها لي وسلميلي عليها قلها خالتك توبسك

زينة تهبل ما شاء الله عليها


امن تشبه.....................

[nakhla]

توتو ذرك نحط صورتها الجديدة

[وصال الفردوس]

الله يبارك ربي يحرصها لك وتشوفيها عروسة

[تورية]

ولوووووووووووووووووووووووود ايه حطي الصورة نتاع دوك باش نكلها

[nakhla]

موديل تاعي يعني سمايمي

و اللون باباها اسمر

[وصال الفردوس]

ياااااااااااااااااااااا عمري تهبللللللللللللللللللللللللللللللللل

الله يبارلك فيها ويحميها

شوفو كي راها تشوف فينا

ربي يخليهالك يارب

طمطم الحلوة

[وصال الفردوس]

طبعا ااااااااااااااااااااا حلوة مثل امهاااااااااااااااااااااااااااااااا

[nakhla]

يبارك فيك وصال

ربي يحفظك

نشالله ربي يرزقك اللي تتمنايه

[nakhla]

بنات نروح نصلي المغرب

و نعشي الغاشي

ونرجع نشالله

[تورية]

فطوووووووووووووومة يا عمري يا عمري لكان نحكمها نا كلها البابيشة
الله يحفضها من العين يارب و نفرح بيها يارب

[ميمي 17]

صحبات ماما راني جاي بعد8 اشهر

[nakhla]

ميمي درتي التست؟؟؟؟؟؟؟؟؟؟؟؟؟؟؟

[ميمي 17]

ايه حنونة وخرج+

[nakhla]

مبرووووووووووك مبرووووووووووووووك

ربي يكملك نشالله

و يسهلك حملوو و وضعوو

[ميمي 17]

ربي يحفظكم تجمعكم وجه خير اعلية

[nakhla]

لعقوبة
للبنات كل وحدة باسمها نشالله

نور اليقين

هاديه فيفي

سمرا

ام انس

نور العيون

وصال

توريه


يارب نشالله تحملو و تدخلو تفرحونا عاجلا غير اجلا

[ميمي 17]

يارب يفرحني بخبر حملهم وانشاء الله يجو يشكو من الوحم

[nakhla]

نشالله ربي يسمع منا

في هذي الليلة المباركة

[وصال الفردوس]

مشكورين على دعواتكم الحلوين وقلوبكم الطيبة

مبرووووووووووووووووووووووووووك ميمي ربي سهلك حملو وولادتو ويرزقك الطفل السليم المعافى


ويفرح كل قلوبنا بلي نحبوه

ربي يفرح قلبك بشوفتو يالحبيبة

ووووووووووووووولود ربي يحفظك على الدعوه الحلوه ويعطيكم على قد طيبتكم

[ميمي 17]

الله يفرحكم كيما فرحني والله يرزقكم كيما رزقني

[وصال الفردوس]

ميمي ممكن اسئلك سؤال


تقدري تقولينا كشما اخذتي دواء

وكيف عرفتي انك حامل واش حسيتي

باه نعرفو برك حتى وانها الاعراض تختلف من وحده لوحده

......................

اذا قدرتي برك نستفيدو منك

[تورية]

ميمي 17 مبروووووووووووووووووووووووووووك الحمل يا ري يثبت حملك و لعقوبة لينا يارب

[تورية]

ميمي ارواح لهنا قلينا واش درتي بالتفصيل الممل هههههههههههههههه
باش نستافدو منك يا رب

[ميمي 17]

راني درت اعراضي في الموضوعي الاخير واي سؤال راني حاضرة حنونة لعقوبة كينفرح بيكم

[nakhla]

لبنات راكم هنا؟؟؟؟ راكم ناشطين ماشالله

[ميمي 17]

انا صحيح اهنا

[تورية]

ميمي 17 ولوود ران هنا دوك نروح نتعشا ونجي

[nakhla]

ميمي وش درتي عشا
ولا بديتي تتقلشي

انا الصباح درت لوبيا و جربت خبزة بالدوا تاعكم تاع الفطير بصح الحشو تاعنا بالزروديه

[ميمي 17]

انا درت شوربة وشلاطة نتاع خضرة مفورة جاك زين

[nakhla]

نصلي العشا ونرجع

break

[nakhla]

جاني زين بصح شويا يعيي

يعني ما نفدرش نفوت 10 خبزات لخاطر حليت خبزت وحطيت فوقها الدوا وغلقتها بوحدوخرا

بصح عجبتهم و قالولي هذي خيرمن تاع المسمن

ههههه بصح ما شافوش الخبزات اللولين كيفاه جاو يضحكو كليتهم سخونين من طاجينهم باه مايشوفوهمش

[ميمي 17]

بصحة والهنة

[وصال الفردوس]

بصحة والهناء يا لبنات


ساكنين مع اهل ازواجكم ام لوحدكم يعني دايرين دايار وحدكم

انتظركم ...........................

انا راني هنا بصح نروح نصلي العشاء ونجي نقصر معاكم

[ميمي 17]

انا مع اهل راجلي وانشاء الله ربي يفرج

[وصال الفردوس]

ربي يفرج عليكي وعليا وعلى كل وحده يارب

انا تاني مع اهل راجلي

ميمي شحال ظلك متزوجة.....................

وين البنات ..........................................

[ميمي 17]

عندي عامين وشهر15 يوم هههههههه

[nakhla]

و انا حكايتي حكايه

نهار جا يخطب قاللي نسكن مع دارنا حطيت يدي على قلبي وقلت ماعليش لخاطرمعايا 3 سلفات

و شهر قبل العرس جا قاللي راني شريت دار فالباطيمات و عودهالي بلا دال د صول و الغرانيت تهبببببببل

سكنا فيها قريب 6 سنين بصح ضهقت رواحنا فيها انا موالفة بالوسع و هو ثاني

راكم عارفين صحاب الصحرا التالي فيهم ساكن في دار تاع 300 متر مربع

و سكنة الباطيمات واعرة اللي ما تسلكي لامن الجار اللي لتحت ولا من اللي فوقك

و المستوى المعيشي فااااااارق كبييييييييييير

يمالا في 2010 خرجنا كرينا هاذ الداراللي رانا فيها


وحطينا الاخرى للبيع و بعناها بعد عم تقريبا

و هاذ العام في رمضان شرينا قطعتين ارض حذا بعضاهم و درنا شويا دين ورانا نقتصدو باه نسلكو الدين و نبداو نبنو نشالله

ة هاذي قصتي مع الداااااااااااااااااااار

[وصال الفردوس]

مركزه ما شاء الله

ميمي حابة ديري دار وحدك .................................................. ................

[nakhla]

وين البنات ..........................................

كنت نحط في مواضيع في الفقسم الادبي

نموت فالادي خاصة الروايات و القصص القصيرة

[تورية]

ران جيت راكم هنا لبنات

[ميمي 17]

اي وحدة تحب الاستقلالية

[nakhla]

ماكملتلكمش حكايتي

هاذ العام خرجو 2 من سلافاتي من عند العجوووووووووز

قاللي وش رايك ندخلو نسكنو معاهم حتى نكملو البني و نخبو دراهم الكريه

و انا من النوع اللي مايقولش والووووووووووو

اههههههههههههه

خبيتها في قلبي و قتلو الراي رايك وين تروح نروح معاك

[تورية]

الحمد لله انا منهار تزوجت و انا فالاستقلال هكدا وراهم مستعمريني هههههههههههههههههههه
يا رب كل وحدة دير داها وحدها و تتهنى و تبقى فالقدر

[nakhla]

الحلقة الاخيرة من فيلم ولود

مزيااااااااااااكي قال ليماه

فهم من هدرتها بللي تحب الهدوووووووووء

و انا ولادييييييييييي رب ييحفظهم تقول صطاد تاع دراري ماشي 2

و ماذابيها تقعد وحدهاااااااااااا

يمالا قرر بللي نبقاو في هاذ الدار

[وصال الفردوس]

ولوووووووووووووووووووووووووووود ربي يسهلك حالك وتسلكو دينكم وتبنو بلاستكم وتسكنوها بصحة والعافية


اما انا عندي سلفة وحدة وهما اصلا غير 3 خاوا راجلي وسلفي وسلفي الاخر قتلوه الارهاب عام 99
وعندي 6 طفلات 2 متزوجات واربعة معايا في الدار
وحابة ياسر نخرجو انا وراجلي بصح مخلوناش لانو راجلي هو الصغير وقالولو الكبير هو الي يخرج ماشي نتا

وهذا شي محيرني ياسر وما عرفتش كيفاه ندير رغم انو احوالنا منيحة وقادرين نفتحو دار
وراجلي قالي حاب نخرج برضا ولاديا ومنيش حااااااااابة نظغط عليه لانو والله شايلني على كفوف راحة

ودائما يقولوها تلقايها في واحد برك يا في راجل او العائلة......................................

[nakhla]

النهااااااااااااااااااااااااااايه

[تورية]

ولوووووووووووووووود الحمد لله لجات هكدا
وصااااااااال مليح لمعندكش مشاكل معاهم

[وصال الفردوس]

وووووولود عندك ترجعي للعجوز 00000هههههههههههههههههههههههههههههههههههههههه

ميمي ربي يفتح علينا ونديرو ديار.......................اهئ اهئ اهئ

تورية لا لي الاستعمارررررررررررررررررررررررررررررررررررررررر زعكيهم نمزح برك هههههههههههههههههههه

[nakhla]

شوفي وصال لحبيبه

نهار ربي يقدر تخرجو برضايتهم و لا بلا بيها

اربحي راجلك و فهميه بلي سعادتك من سعادتو

و وين يكون هو تروحي معاه

و هذا هو الصح و الواجب

ولا لالا؟؟

[وصال الفردوس]

صدقيني المشاكل والكلام يسرا حتى ما بين لخوتات

بصح لوحدة كي تزوج تولي تشد في قلبها برك

راني في 3 سنين لحد الن ما حسيتش روحي منهم
مانيش عارفة وعلاه

يمكن لانو بنهم تزوجني باختيارو

وكاين يقلي كي تضناي يلظوك ليهم منيش عارفة


.............................................

[ميمي 17]

وصال حالك من حالي انا ثاني متزوجة الصغير وعندي4 سلفات كامل خارجين و3 طفلات وحدة في فرنسا وحدة مزوجة بصح ديما عندنا مع ولادها وحدة في الدار وفي المناسبات يتجملو كاملين يعودو اكثر من20 واحد ربي يحررنا

[وصال الفردوس]

اااااااااااااااااااااايه والله كلامك كلو صح

ومدام هو مش مقصر معايا وحاببني دائما يقولهالي يقولي عيشي معايا انا وانساي المشاكل

صح دائما ينصحني للاحسن

بصح صدقوني والله من الي تزوجت عندي 18سنة والقراية لزواج خفت منهم كل يوم نبكي ونقلو اقعد معايا متروحش للخدمة

عانيت ياااااااااسر في عامي الاول

بصح ضرك وا لفتهم شكاو يهدرو ولا ما يهدروش انا نشوف الي تريح راجلي برك

شكرا ولوووووووووووود على نصيحة

[تورية]

صدقيني المشاكل والكلام يسرا حتى ما بين لخوتات

بصح لوحدة كي تزوج تولي تشد في قلبها برك

راني في 3 سنين لحد الن ما حسيتش روحي منهم
مانيش عارفة وعلاه

يمكن لانو بنهم تزوجني باختيارو

وكاين يقلي كي تضناي يلظوك ليهم منيش عارفة


.............................................

و صال انا متزوجة غير هو ولد عند ولديه كل واحد راه يجبد على جيه هههههههههههه
و خوتات كامل ميحملنيش علخاطر كما قلت ختارني هو غير سكتي واش نحكي واش نخلي حكايتي طويلة ,,,,,,,,,,,,,,,,, الله يجيب الحفظ

[nakhla]

وصال راه صايرلك كيما انا

انا الوحيدة في سلافاتي اللي جابني هو و خيرني

و راهم لذرك مش مصدقين بللي ماكنتش نعرفو .....هو صاحب بن عمي دلوووووو

داريني كنت نعرفو و راجلي صعييييييييييييييب سوفريت معاه مللول منبعد كي عرفتلو و فهمتو

و ربحتو....................داروني سحارة كل يوم يبعثولو فالرقيه و انا ماذابيا هه ينقولي فالدر من العين

و الرجال ماهمش ساهلين يفيقو للطراطق كي يديرولي كاش حاجة و يمرقلها يقول ماعليش صبري دزعو منك برك

نقولو بللي يكفيني انهم عطاونر راجل سيد الرجال تعرفي زدت ربحتو و ديتو راس و رجلين كيما يقولو الحمدوووووووووولله

يعني

بالاك تشكي منهم قدامو لا بفمك و لا بعينيك خليه يشوف و يفهم وحدو

و كل ما أذاوك رفدي يديك لربي بصح ماتدعيش عليهم

ادعي ربي يسخرلك زوجك

الفايدة فيه

[وصال الفردوس]

ميمي ما نحكيلكش كي يجملو فاه يولو يعصبوني ولادتهم ونحس روحي خدامة عندهم ..........................

انا 4 طفلاتي وحده طبيبة وثانية استاذة و2 في الدار بصح انا بطبعي ساكتة منحكيش ياسر وما ندخلش فيهم قاع
شادة روحي في حالي

عكس ماراني مع زوجي ما نسكتش قاع نضحك ونقصر معاه ما نخليهش كامل ضيق روحو
...................................

ربي يفرج علينا قاع

[تورية]

ان شاء الله ربي يفرج عليكم ربي بالسكن و حنا بالدرية الصالحة يا رب

[وصال الفردوس]

وووووووووووووووووولود انا تاني هاذي الي مهبلتهم خطبني عندي 14سنة وكنت منقبلوش كي نشوفو نبدل طريقي

بصح هو تم معايا ومع عمي صاحبو حتان قدر يوصلي بمدة برك قدام العرس وهو 4سنين وهو يحلل

وهما مدزعين كي وليت انا اصغر وحده فيهم والله اصغر من بنات بناتهم هما ربي يجبلهم نصيبهم طولو ما تزوجو
وعليها مخرجين فيا القش


واما على زوجي هو يشوف كلش بعينو وعارف عايلتو زين وعارف طبعي وفوقها رباني على يدية كيما يقولو

زعما قد مايقولو عليا مايصدقهمش


توريتا والله راكي في حليلك هو الوحيد صعيبة .................................

ولود راهم نفعوك برقية حصنوك وحصنو دارك وبعدو عليك الشر ....................مليحة

[nakhla]

ربيريسترنا و يسخرلنا ازواجنا

[وصال الفردوس]

توريته ساكنة وحدك ولا معاهم............................................

[وصال الفردوس]

.................................................. ..

[ميمي 17]

ولووود قرية علوووم سياية
هههههه

[وصال الفردوس]

...........................................


اللهم امين ربي يسخرنا ازوجنا ويجعلنا قرة اعين لهم يارب.

[nakhla]

ههههههه ميمي

[nakhla]

توتو وينك رقدتي؟؟؟

ولا خروج اضطراري

[nakhla]

ميمي الصح الصح سيسن الاولى سوفريت كنت دايرة راسي براسو

و كي قلبتها سيايه

راني في ستين الف من النعمة

اللهم لك الحمد

سبحان مغير الاحوال

تغيير جذري

كي راهم يقولو سحور راني نعذرهم لخاطر انا و مانصدقش مرات كيفاه تبدل الحال

بصح ربي عمرو ما يخليي عبدو

كان كل ما يصرالي مشكل نبات نصلي و ندعي

ونصييييييييييييم ايام

و الحمدولله

[nakhla]

كينا يقولو اللي صبرت دارها عمرت

[ميمي 17]

انا ثاني نمشي بالسياسة واهم حاجة عندي نعود مرضية زوجي والباقي نمشي معاهم بالقدر مندصر واحد مانخلي واحد يدصرني وكيصرا مشكل نحلو روحي بلا مانوجع خاطر راجلي

[nakhla]

رقدتووووووووو؟؟؟؟