تكفون ابي حل

[narjes]

بسم الله الرحمن الرحيم
السلام عليكم ورحمة الله وبركاته
انا عضوه جديدهhwaml84
واتمنى انكم تساعدوني

مشكلتي ان زوجي بااارد
ومايعرف يعبر عن مشاعره
ابيه يقول لي كلام حلو
احاول اقول له كلام حلو واتغزل فيه بس مافي ردة فعل حلوه
واجيب له هداياه
واسوي له مفاجأت واتكشخ ومافي ردة فعل تبرد القلب وتشجع
تخيلو يكتفي بتعليق
ماادري ليش !!!!
يمكن لانه شوووي يستحي
بس مااتوقع ان هالشيء يمنع انه يعبر عن مشاعره
مع العلم اننا متزوجين من سنه ونص
ومو بارد جنسيا
ومليت من الضم ومليت من التبوس من كثرهم
ابي كلام يحسسني بقيمتي عنده
ومايقول الا كلمتين
احبك
و
الله يخليك لي



اتمنى انكم تعطوني حل

[متغربه]

لا تتضايقين حبيبتي ولا يضيق صدرك.. أغلب الأزواج كذا في أول الزواج وما في شي يصير بسرعه.. الخجل مع الوقت بيزول أنتي اصبري بس وصدقيني كل شي بيتغير للأفضل..
الله يسخره لك يا رب

[narjes]

الله يسمع منك ويتغير
مع اني احاول اني ابين له اني متضايقه من ردت فعله اذا قام يعلق
تسلمين حبيبتي على هالدعوه الحلوه

[أم رزاان]

ياقلبي 90% من الرجال يعبرون عن مشاعرهم بالفعل وليس بالكلام !!
كثيييييييييييييييييير من الرجال مايحبون يعبرون عن مشاعرهم
بس هذا مايمنع انة مو حاس فيك او انة جاف بمشاعرة !!
بالعكس بعضهم يكتنز في داخله بمشاعر فياضة
بس مايعرف يعبر عنها .. او مايحب يتكلم عن مشاااااعرة !!!

اتركي زوجك على سجيتة ولا تضايقية طالما هو طيب معك
ومو مقصر بشيء
ولا عمرك سمعتي منة كلمة تجرحك .. او تاذيك !

[narjes]

ياعمري ياام رزان اذا حتى حس رومانسيه مافيه
ومن ايام الخطوبه دائما يقول لي انا مو رومانسي
اقول له تعلم تصفح النت واقرا كتب عن الرومانسيه
بس ماكو فايده

[سرووءة]

والله زوجك متل زوجي
مايقول لي كلام حلو الا وقت يكون يبغا مني شي
ومن وقت الخطبة كان يقلي انا بستحي احكي هالكلام مع ان انا ماني مقصرة معاه
وكل كلامي معاه حلو وغزل
بس الرجال كلامهم بالافعال
والحمدلله يلي هنن هيك وماكانو من الرجال يلي بيتكلمو كلام سيء معانا
وان كان معاكي منيح وموبارد جنسيا صدقيني حمدي ربك
ناس كتير فاقدة هالنعمة
وبعدين بتتعودي علة هالوضع انا صرلي سنتين متزوجة بالبداية عانيت بعدين تعودت
زوجي بقلي الاهم الحب بالقلب مو بالكلام مع ان نحن النساء بحاجة للكلام
الله يجمع بينكم عخير ^^

[soso 2012]

ياحبيبتي عادي لاتخافين كل الرجال كذا وأنا كمان زوجي كذا في البدايه كنت أقول ماعاد يحبني زي أول بس بعدين قررات واطلعت أكثر وعرفت أن شخصياتهم كذا مايعبرون عن اللي بداخلهم مؤ شرط يستحون بس ربي خلقهم كذا والحمدلله على كل حال

[AMALL]

ياا عمري حتى انا زوجي كذا .. دايما اقوله كلام حلو بس ردة فعله انه يبتسم واحسه انبسط من الكلام واستنى ردة فعل بكلام احلى من الي قلتله لكن بدون فايدة .... بس زي ما قاله البنات شكل الرجال كلهم لا حرام نعمم اغلبهم ما يعبرو عن مشاعرهم الا بالافعال ودامو طيب معاك فهذا دليل على حبك لك


الله يسخرلنا ازواجنا ياارب