حصلت مشكلة بيني وبين زوجي وهو مطنشني مو سال فيني !!!

[المقروده]

بنات الله يخليكم الحقوا علي ابطق من القهر ..ودي اصررررخ
تهاوشت مع زوجي ورحت لسرير وتغطيت علشان يحس اني زعلانه قووووه..بس جاء وشغل التلفزيون ولاهمه !!!!ثم قمت رحت للحمام وطولت ابيه يجي يسألني ليش طولتي قعدت ربع ساعه ولااهمه!!!!
بعدين رجعت لسرير وتغطيت وماناظر فيني !! وبعدها قمت ولبست الروب واخذت جوالي وطلعت بالحوش بعز البرددد ..قعدت نص ساعه على الارض ابيه يجيني ولااهمه !!!
رجعت للغرفه لقيته مطفي التلفزيون ومتلحف ونايم !!!!
بنات شسوي هو متعود انا اراضيه حتى لو كان هو الغلطان..والحين مو على باله ابد !! سافهني مو هامه شي !!!!!
بنات شسوي علشان هو الي يجي يراضيني ؟؟!!ههن

[احلى من العسل]

حبيبتي لاتنتضري من الرجال اعتذارصريح ممكن يعبر عن اعتذاره باسلوب موالي انتي تبينه بس انتي خليك عادي يعني سوي كلشي من الواجبات من طبخ ونفخ بسلاتتكلمي معاه خليك ساكته واذاكلمك او سئلك عن حاجه ردي بتبسط الكلمات يعني لا تسولفي ولا تضحكي وشوفي امكن يسئلك ليش ساكته ونتي هنى عاتبيه بحنيه وحسسيه انك مجروحه لاانه اكيدماكان يبغى يتكلم معك ونتي معصبه عشان ماتكبر المشكله والله يهدي النفوس

[حمرة الورررد]

انا معا رائي الاخت احلى من العسل
والله يهدي النفوس

[ثلوج الشتاء]

هههههههههههههههه ضحكتيني بقووووة بس ماعليه خلاص طنشي وروحي اعتذري له اذا انتي غلطانه ..

والله يصلح حالكم ,, ومافيها شي المبادره بالعكس كل شي لصالحكم .........

[أم ميوري]

اذا كان هو الغلطان لاتروحي له حتى لوجلستس اسبوع زعلانه ولاتبيني انك مستنيه يراضيك بالعكس تفرجي تلفزين واضحكي طبعا مو معاه ههههههههههه وكلمي جوال وروحي وتعالي ولا على بالك بس اذا كلمك ردي بالقوه وسوي كل واجباتك المنزليه وخليك معاه رسميه وشوفي كيف بيجي يراضيك طيرااااااااااااان والله يصلح بينكم ياقلبي

[حلابالقهوه]

اول شي غيري من المقروده الى السعيده
لانه الاسم احيان ينعكس على الشخص نفسه
فاانتي تفائلي بالاسم
الشيئ الاخر حركة الاطفال يعني انك تتناجري وتروحي تتخبي بالسرير عذرا يعني ^^
وبعدين ليه تقعدي بالحمام تكرمي ابددددددد انتي تضري نفسك ماتضري زوجك
تضري نفسك تقعدي بالحمام مده طويله لانك زعلانه وتروحي الحمام شيصير ! اهل بسم الله يضرونك وانتي بحمامك فاانتبهي تعوديها خافي على روحك
وبعدين ليه تلبسي روب وتقعدي بالحوش ؟ يعني بيجي ينام معاكي بالحوش ؟ غلط طريقتك حبوبه
ويمكن اسلوبك في طريقة تراضيه غلط مااعجبته يمكن يحسها طريقة الطفل
حاولي بطريقة الكلام كلميه افضل

[انثى من الخيال]

أختي انتي الغلطانه .....انتي الي عودتيه ع الدلع.......
......الحين استحملي النتائج...
*شوفي يالغلا......انتي طنشيه بس لا تقسي ع نفسك..يعني نامي واشربي واكلي..وشوفي تلفزيون بس لا تعبريه..واذا كلمك ردي بس ع قد السؤال..وسوي نفسك مرتاحه ..ومو هامك شي...
الله يوفقك يالغلا.........

[أم رزاان]

اسمعي يالغاليه !
روحي لزوجك وراضية .. !!!
زوجك هو جنتك ونااااارك كما أخبرنا سيد البشرية علية الصلاة واتم التسليم !
لَوْ صَلُحَ لِبَشَرٍ أَنْ يَسْجُدَ لِبَشَرٍ لأَمَرْتُ الْمَرْأَةَ أَنْ تَسْجُدَ لِزَوْجِهَا ..
وَالَّذِي نَفْسِي بِيَدِهِ لَوْ كَانَ مِنْ قَرْنِهِ إِلَى مَفْرِقِ رَأْسِهِ قُرْحَةٌ تَفَجَّرُ بِالْقَيْحِ وَالصَّدِيدِ ثُمَّ اسْتَقْبَلَتْهُ فَلَحَسَتْهُ مَا أَدَّتْ حَقَّهُ "

أين نحن من هدي رسول الله في التعامل مع الزوج ؟!!!
أتمنى الا تأخذنا العزة بالأثم او الإنتصار للذات فننسى عظيم حق ازواجنا علينا !

وأنت ياقلبي لو ماكان زوجك زعلان منك ماكان طنشك !!
لو إنك ماكبرتي الموضوع .. وتركتية شووي بس عشان يهدأ
وجيتية ومسكتي يدية وقلتي له .. والله لا تغمض لي عين حتى ترضى
وربي لو قلبه من صخر جلمووود راح يلين ويحنن ربي قلبة عليك
وترتفع مكانتك عندة .. ويصير يحترمك اكثر ولا يفكر يزعلك ابداً !!!

اسأل الله لك حياة ملؤها الإستقرار

[وولاء]

يسلم فمك اختي ام رازان درر

يعطيك العافية...

[تحب زوجها]

منو الغلطان فيكم عشان كل هالزعل ؟.!
اذا انتي غلطانة روحي راضيه لأنه ما في امل يجي يعتذر منج على شي اهو ما غلط فيه
واذا اهو غلطان لا تتعبين نفسج و تهلكينها عشان اعتذار ... اكلي و اشربي و اشتغلي في بيتج و اطلعي و روحي و تعالي و الحياة طبيعية
بس لا تطولينها
و فاتحيه بالموضوع بس بطريقة حلوة ... مو صراخ و كان الهواش من جد و جديد ... يعنى مثلا بابتسامة و نقاش هادئ و استفسار ليش قلت و ليش صار و هكذا ...
و ما فيها شي لو اخذتي كلامه بمنطقية و عقلانية و بديتي انتي و قمتي حبيتي يدينه و راسه وانج ماتقدرين تصبرين على زعله ولا انه متضايق و من هذا الكلام ...



ونصيحة اخيرة ... لا تعودينه على طبع انج تنامين و هو زعلان و لا متضايق
او مجرد ما يصير هواش بتسوين هالحركات عشان يجي وراج .. لانه هذيك الحزة مستحيل يفكر شيصير وياج خصوصا اذا كنتي انتي الغلطانة او انتي مكبرة الموضوع

خلنا عقلانيين شوي و ناخذ المشاكل بالمنطق .....




و الله يهدي الجميع يا حلوة ....

[abrar]

أختي انتي الغلطانه .....انتي الي عودتيه ع الدلع.......
......الحين استحملي النتائج...
*شوفي يالغلا......انتي طنشيه بس لا تقسي ع نفسك..يعني نامي واشربي واكلي..وشوفي تلفزيون بس لا تعبريه..واذا كلمك ردي بس ع قد السؤال..وسوي نفسك مرتاحه ..ومو هامك شي...
الله يوفقك يالغلا.........
نفس الكلام

[ام جومانة]

اختي مدامه انتي معودا اني تصالحيه عادي كلميه موكثير من الرجال اللي يعترفو باخطائهم

لو حاول يتكلم تكلمي وخذي واعطي معاه لا تعالجي خطأ زوجك بخطأ أكبر من خلال صدودك عنه

كلميه وعاتبيه بهدوء

خلي الحوار والعتاب اللطيف بينكم يحل المشاكل

ماأقولك اسكتي وسامحي وبس لا

اقولك عاتبيه قوليله والله يافلان تراني ماخذه على خاطري منك بسبب الموضوع و و و

عتاب لطيف يقرب المسافه بينكم

هذا اسلم وأفضل حل للمشاكل الزوجيه

[جارة القمر]

ام رزان كفيتي وفيتي ما شالله عنك

[قمر بيت أبوها]

من امس أمر من عند موضوعك واهرب منه ماادري حسيت ان الموضوع مبالغ فيه
وضحكتيني علي حركاتك
يعني سواء انت اللي زعلانه ولا هو ولا انتي الغلطانه ولا هو
وش المنطق اللي يخليني اطلع برا بالبرد عشان افكر يلحقني!!
وش الفكره اللي تخليني اطول بحمام عشان يفقدني !!
بصراحه حتي لو هو الغلطان ماراح يراضيك لانك معطيتها اكبر من حجمه
ترا مافي شي لو تركناه نكفر غير الصلاه
انت من نوعية النساء اللي الرجال عندها اهم من روحها اللي ربي مامنها عليها
وللمعلوميه من واقع الحياه اللي مثل شخصيتك مع الرجل ترا الرجال ماجاب طاريها

[mounira]

بالول زوجي ما كان بس ينام و يشتمني كمان و صرخلي ...
ما لكم كثير متزوجين .. حاولي ما تزعلي زوجك واذا هو زعلك لا تكبري الموضوع .. اما اذا كان الموضوع يستاهل الزعل لا تصالحي زوجك و كوني طبيعية في واجباتك بس كن غير دلع
يعني الكلام على قد السؤال .. مع الايام راح تشوفي الفرق مثل ما صار معي بالاول كنت راح اجن و استعملت كل الطرق و هذي الي نجحت 100/100

[lol bob]

لا تعودينه اذ كان غلطان انتي تعتذريين

ترا غلللللط كبير

<< وحاولي موضيع الي تصير تخلص في نفس اليوم وبكرا يصير يوم جديد وتنسون كل شي شين صار امس ^^

[مدام نسنس]

يا اختي انا اعتقد انو هو طنشك لانو متاكد مية بالمية انك انتي حتراضيه وبعدين الطريقة هاذي انك تتخبي وكلشي سوتيه والله ما بتجيب نتيجة واكيد نظر الك كانك طفلة وعارف انك بتعملي هيك مشان تلفتي انتباهو مو اكثر
كان المفروض لما يصير مشكلة اتركيه والله نصيحة مجربة
اذا الرجال زعل منك او صارت مشكلة لازم تتركيه وتسوين كانو ما في شي لحتى تشوفي انو بتقدري تتناقشي معو جيبيلو كاسة شاي او عصير وقليلو بنقدر نتكلم
لازم نتناقش بهدوء وادا كنتي انتي غلطانة اطلبي
الاعتذار وادا كان غلطوا قبل ما تنامي بوسيه وقليلو تصبح على خير زوجي ونامي وادا هو كلمك ترى احسن وادا ما كلمك نامي والصباح بيصبح مروق وبتقدروا تتكلمي
بس اياكي انك دايما تكوني بتجري وراه والله هذي الطريقة بتخليه يمل منك لازم تكوني قوية
انا والله قبل كنت ضعيفة وكنت ما اقدر انام الا ادا تكلمنا وهيك بس هو دايم كان يقلي لما يهدى بقلي حبيبتي ادا كنت زعلان ارجوكي اتركيني حتى اهدى لانو لما بتصري علي اننا نتكلم او اراضيكي بزعل اكثر وبعصب اكثر بزيادة مشان هيك ما بتشوفي ردت فعلي انا اكون من جوة مضايق كثير الرجال مو مثل المرا لازم تتركني حتى اهدى والله وجربت كلامو والله جاب نتيجة
وهلا الحمدلله احنا بنحل المشكلة حنا لثنين ودايما انا براضيه وهو براضيني بنفس الوقت وما بنشوف غلط مين
انصحك ونا متاكدة حتى لو شوفتيه انو بارد هو بكون من جوة مقهور منك بس ردة فعلو انو بحاول اقد ما يقدر انو يطنشك لانو واضح لي بتعمليه بيتدايق منو وما بشوفك مرا قوية ومعقولة ومنطقية صدقيني الرجال بحب المرا القوية مو الضعيفة حتى لو ذرفتي دموعك كلها ما راح يحن عليكي
حتى اذا هدي وادا تركتيه هو لي راح يجي يحاول يفهم ليش تغيرتي وراح يشوف عنجد انك زعلانة
ابدا ابدا ابدا ما لازم تلفتي انتباهو بهذي الطريقة لازم تنطشيه وهيك بتلفتي انتباهو اكثر اعملي حالك ما في شي حتى تلاقي الوقت المناسب ساعتها اتكلمي بهداوة ورواق وبعقلانية اسفة طولت بس حبيت اخبرك تجربتي وبظن اغلبية الرجال هيك الله يسعدك مع زوجك ياربhwaml7

[بــ أم ــدر]

هههههههههههههههههه وربي ضحكتيني معليش يقولون شر البلية مايضحك..
والله لو تجلسين اسبوع بالحوش لتتجمدين وهو مادرى عنك الله يهديك..
انتي قلتي هو تعود انك تراضينه حتى لو كان هو الغلطان اجل ليه تتنظري منه اعتذار؟؟وكمان كيف يعرف انك زعلانه وانتي ماتكلمتي اصلاً؟؟!!!!
وخذيها مني نصيحه ياقلبي الرجال كلهم نفس الطبع مستحيييييييييييل يبادر بالاعتذار او حتى يقول آسف انسي ذا الشيء ..لانهم يعتذرون بطرق اخرى يمكن بهديه بطلعه رومنسيه او اي شيء ثاني انتي تحبينه بس مو بنفس اليوم على العموم انتبهي لاتزعلين وتكتمين بنفسك وافضل طريقه انك تمارسين حياتك عادي بس لاتعامليه مثل قبل بحنان ودلع اهم شيء لاتقصري معاه باي شيء واذا سألك اش فيك قولي مافيني شيء وروحي تلقينه يجيك ويبي يعرف باي طريقه اش التغير المفاجيء اللي سويتيه ولاسألك بعدها قولي له وصارحيه اهم شيء لاتنااااااااامين وهو زعلان منك لان زوجك جنتك ونارك وربي يسخركم لبعض ويجعل حياتكم كلها سعاده,,

[حبك يجرى في دمي]

انا اقول لكي استغفري كثير بعدين ان شاء الله زوجك يرضيك

[سولآف]

ههههههه

ابو فانيله وسروال كائن غريب صراحه


اذا دلعناهم تمادو واذا اهملناهم تزوجو علينا هههههههه