سؤال عن افضل مشفى في الاحساء

[نجمة الماسيه]

سلام كروشات انا جديده في المنتدى وحابه انظم
اليكم hwaml7

انا حامل وبالشهر الثمن صار لي اسبوعين وحبيت اسألكم لاني طفشت
ما
ابي اولد في مستشفى النساء والولاده لاني شفت العذاب وسخ وعدم اهتمام هذا وانا والد بعمليه في بنتي البكريه اما حملتي الثانيه ابيكم تنصحوني بمستشفى كويس نظافه وخبره واهتمام وانا زوجي مدرس لو عسكري ولدت بالحرس بس مافي فايده ابي همتكمhwaml58

============


يجب كتابة سبب الاستفسار بالعنوان والرجاء التقيد بقوانين المنتدى
وهذا لضمان مشاهدة موضوعك لاكبر عدد من العضوات والمشاركة به
واذا لم يتم الالتزام بالقوانين في المرة القادمة سيحذف الموضوع

[فليك]

ان شاءالله اهل الاحساء ما يقصروا معك
الله يعوضك خير بهالولاده و يجعلها سهالى يااارب .

[حامل دلع]

روحي مستشفى ( الاحساء ) كثير زين
حماتي ولادتها الثنتين هناك وكثير تمدحهم اهتمام وعنايه ونظافه


والله يسهل عليك ياربي

[برّو !]

صراحة اهلي بالحسا لكني بالجبيل
وبرضو محتارة وين اولد بعدين
قلت خليني بالجبيل عند الهيئة احسن لي
تابعت بالمااانع بس ماجازو لي مدري شلون مارتحت
والحررس بعيييييد بكون ولدت بالسياره ههه

الله يهونها عليك وانشالله فيه احد يفيدنا ^^

[demoshka]

ان شاء الله بنات السعودية يفيدوك بالموضوع

[~* عبق الأنوثة *~]

مستشفى الأحساء كويس

[هنّوسه]

زوجة حمآي ولدت بالأحسآء ومرررررة تمدحه
وأختي في ولآداتها الثلآثة ولدت بمستشفى الموسى العآمّ،، وآهتمآام ودلع غير طبيعي


أما زوجة أخوي فـ ولاداتها الأربعة كلهم بالمآنع ،، مآ سألتها عنه
بس بآين آنه رآق لها دآمها ولدت الاربعة فيه ،،


بس اتوقع ان الأحساء والموسى آحسنهم

[eman21]

ما انصحك بالاحساء المانع او الموسى ولاتفكرين بغيرهم

[بنتي نوردنيتي]

يعطيك العأفيه اختي انامثلك محتاره مادري ويين اولد انافبنتي ولدت بالولاده وكان حظي معهم حلولقيت عنايه وكنت مأخذه غرفه خاصه عندهم بس اللحين مادري خايفه ناس واجد يذمونه واختي قيصريه وتعبت نفسيامنهم بس يمكن الطبيعي يوم مايفرق تتحمل عادي مادري محتاره وودي اولد بالاحساءبس متردده الله يعيين اي وحده عندها خبره تفيدنا جزاكم الله خير

[أم ناصر و سارة]

الغاليه توكلي على الله زوجه اخوي والد فيه تقول فريق طبي كامل جالسين عندها مستشفى الاحساء
تقول عنايه والخياطه عندهم تجميليه وعنايه في الام والبيبي

أما المانع انصحك لاتفكرين فيه لانه صار الله يكرمك مزبله بنت خالتي والد فيه والان تخيلي نزيف معها بغزارة لدرجه انها تنومت في مستشفى الولاده والان تتعالج في مستشفى الولاده العام
اللي ولدتها في المانع سودانيه وستعجلت عليها ....

اما الموسى صديقه اختي ماصعين يد ولدها
هو على حسب الدكتورة المناوبه لابد تسألين عن الدكتورة اللي بتولدك او تطلبينها

عن نفس انصحك في مستشفى الولاده حكومي مجهز بأجهزة وامكانيات .اهم شي اذا جاك الطلق لاتتتلفظين عليهم ولا تهاوشينهم وصدقيني بيهتمون فيك . شوفي بنت خالتي ولدت في المانع مردها للمستشفى الحكومي خسارة فلوس على الفاضي . واذا تعسرت الحاله في الولاده الطبيعيه في المستشفيات الخاصه على طول عمليه مايحاولون يستعجلون على الوحده مادري ليه . لو قدر الله صارلك شي في الخاص هم راح يحولونك على الحكومه

انا كنت ناويه اولد في خاص كوني بكريه لكن الان اقتنعت في مستشفى حكومي افضل
والتساهيل من رب العالمين الله يارب يتمم لك وتولدين بالسلامة ويسهل على جميع المسلمين ولادتهم

[@أم عبود]

انا مثلك بنهاية الثامن
وقررت أولد بمستشفى الأحساء على الرغم إن ولادتي الأولى كانت بالمانع وارتحت كثير عندهم بس على وقتي الحين زحمة ووسخ ومافي عنايه كأنكبمستشفى حكومي
وأختى توها والد عندهم تذمهم ذم مش طبيعي

وأغلب معارفي والدين باللأحساء يمدحونه كثير

يالله الشاطره فينا الي تولد قبل الثانيه هههه انا ادخل التاسع ب20 صفر والله يتمم على خير

[حامل دلع]

الله يسهل عليكم
بس جد نصيحه المانع شيليه من القائمه ولاتفكرين حتى لانه فاشل بقوه
انا بديت مراجعتي عندهم هناك ولاعت كبدي والله ماتحملت حتى اروح
لهم مراجعه ثانيه من اول مره حطموني وكرهوني بالمراجعات والفحوصات

الاحساء هذا اللي كثير كثير كثير يمدحونه اما الموسى مادري عنهم

[king_ro7e]

انا بنت خالتي ولدة بالاحساء دمااااااااار وبقوة

انا صقيقتي وبنت جيرانا وبنت عمي والدين بالعبيد ومدحوه لي الحين انا اراجع فيه وحلوو وان شالله بولد فيييه

الله يقومكم بالسلامه كل الحوامل يااارب