بنات كيف اكبر حجم البويضه ضروري تردولي بسرعه

[عوسه]

السلام عليكم ورحمة الله وبركاته

صبايا يا حلوين

انا اليوم كان عندي متابعة تبويض اليوم 12 من الدوره

وشافتلي الدكتوره قالت في بويضه مقاسها 14
وقالت تعاليلي السبت يمكن تكون كبرت
وفي كم بويضه تانيه بس كلها صغار

بسألكم كيف اقدر اكبرها خلال هاليومين نفسي تكبر

وحده تانيه عشان نفسي بتوأم

بنات بليز جاوبوني عشان اجرب اسوي اي شي
عشان تكبر لين يوم السبت

وربي يرزقني وكل متأخره

[ليالي حب]

اناناس وبردقوش ..
دعواتكم لي بالحمل

[عوسه]

ربي يرزقني واياكي توأم اولاد تقر به اعيننا

[عبير الورد !]

مو ناقصه الا شي بسيط ومع ابرة التفجير كمانه راح تزيد 2 ملم
بدون تفكير اشربي 3 كاسات باليوم عصير اناناس الربيع
حبيبتي انتي من مكه كأنو ملاحظه فين تتباعي عند اي دكتورا لانو تعبببت

وربي يفرح قلبك ويرزقك الحمل المعافى والذريه المعافاه

[عوسه]

كنت عند نجيه عصبيه جابتلي الهم

كل ما خرجت من عندها ابكي

ودحين عند صفاء نحاس مررره عسل وتكلمني بضحكه وطيبه

وشكرا لردك

[عوسه]

دقيت على زوجي كانه حاسس لقيته اشترى اناناس طبيعي<<ربي يحفظلي هوا

[عبير الورد !]

ايوا كويس جابو بوقتو
عوافي ع قلبك وربي يكتب لك فيلو المنفعه

نجيه انا كمانه بس روحت لها مرا من اول ماشوفتها حرمت اجيها تاني
وانا دااايم ملفي عند صلاح بس مليت من الزحمه الي عندو
لا كمانه صاير الاشعه اذا ماوضحت او قياس البويضات روحي تحت احجزي موعد في الاشعه
ومليييييت من الطلعه والنزله
ومرا روحت عند محمد خان اعطاني ابر تنشيط جرعات مكثفه
كانت بتقتلني جابتلي مويا على المعده والرئه
وربك ستر ماصار ليا شي والحمدلله

صفاء موعارفه انتي تقصدي الي كانت في عيادات سعاد صحيح مرررا بشوشه وتريح
كنت معاها بس مو عارفه فين نقلت مو في عيادات سعاد جابو غيرها !

والله مكه استغفر الله مافيها احد كويس ويريحك

اخر حاجه روحت عيادات البدر بالعدل عند وحده اسمها امل فاروق
مرررا زي صفاء طيوووبه لابعد حد

[عوسه]

الحمدلله على سلامتك حبيبتي

صفاء في نقلت راحت زاهر قضيب البان اللي في العزيزيه

انا البدر ما اقرب منها مره احسها مو كويسه

يالله بالتوفيق

[بنت النورر]

اختي كتري من المرميه والاناناس انا هذا الشهر كترة منهم والتبويض كان عندي تمام من غير منشطات بويضتين حجمهم 22 في اليوم 13 للتبويض

[عوسه]

رحت اليوم قالتلي صارت 18ونص
كتبتلي ابرة تفجير و
الله يعين

[جوهرة سوس]

السلام عليكم
اسال الله ان يفرحك بالحمل هدا الشهر امين
هناك بويضة واحدة قد تنتج تواما و الله الموفق امين
ربنا هب لنا من الصالحين امين

[عوسه]

ااااامين واياااكم والجميع يارب

[امل في الله]

ربنا يرزقك ويكتبلك الحمل قولى يا اختى قبل الجماع فى الايام دى اللهم جنبنا الشيطان وجنب الشيطان ما رزقنتا وربنا يكتبلك الحمل السليم بتوئم ويباركلك فيهم ويرزقنا جميعا معاكى