ابي نصيحتكم ...،،

[Nossi]

بسم الله الرحمن الرحيم



ابي نصيحتكم تعبت مع الدكاترة انا عندي ضعف تبويض واخذ كلوميد والحمدالله حجم البويضه يصير زين بس المشكله انه زوجي عندة ضعف في الحركه ولزوجه كنت كله اروح للدكتورة وتكتب لي كلوميد لحد ما مرة رحت حق وحده 2 وقالت لي ماراح اعطيج علاج لحد مايتحسن زوجج ...،


طيب وبعدين شالحل ..،

لين متى بنطر ...،

هل اوقف الكلوميد على كلام الدكتورة ال2 ولا استمر نفس قبل لين الله يكتب لي ؟؟

تقولي انتي قاعده تجهدين المبايض بدون فايدة ...،،

حتى اني الحين ماخذه كلوميد وعندي بويضات حجمهم زين بس مارضت حتى تعطيني ابرة تفجيرة ...،،

مادري اذا في امكانيه يصير حمل بدون ابرة ...؟

[سرميك]

السلام عليكم ورحمة الله وبركاته الدكتوره معاه حق وكلامها صحيح حرام تاخذين منشطات وزوجك تعبان احسن حل يتعالج زوجك بعدين اخذي منشطات اوسوي تلقيح مجهري او اطفال انابيب مررره كويسه بعد الله عشان زوجك وهوه لزي حالت زوجك الله يرزقك ويرزق كل محروم

[Nossi]

مشكورة ماقصرتي

[همسات ام]

كلام الدكتورة صحيح وكثرة الكلوميد تسبب تكيسات شنو الفايدة البويضات كثيرة وحجمها طبيعي وزوجج عندة حاله مرضية ما تخليك تحملين
اختي خليه يراجعويتعالج هو الاول ولما يقوله الطبيب صرت تمام اخذي كلوميد وانشالله تحملين
حسب معلوماتي البسيطه اذا اخذتي الابرة التفجيرية في مرة سابقه لازم تاخذيها في كل مرة حتى يصير حمل لان البويضه ماتنفجر من ذاتها
ربي يرزقك ويرزقني وكل المتاظرات حمل سليم معافى

[Nossi]

اشرايكم اطلب منهم تلقيح صناعي اتوقع احسن حق حالتنا ولا اشرايكم مع انه مب راضي عليه ..،

[الريم الشرقي]

علاج زوجك سهل حبوب ينتظم عليها وبس
وبالنسبة للمنشطات أنا كذلك الدكتورة ارفضت تعطيني الين زوجي يخلص علاجه مع نقص الحيوانات المنوية...فــ نصيحه اوقفي المنشطات

[Nossi]

طيب اتجه الى التلقيح الصناعي ولا
لاني حاسه انه الموضوع على علاجه راح يطول ...،،،

[ام هند]

في رايي لا تاخدي الكلوميد وعلاج الزوج على الاقل 3 شهور واكتر حسب علمي لان الحيوان المنوي يكون مخزن في الخصية ويتجدد كل 3 شهور لذلك اصبري واكثري من الاستغفار والدعاء وتذكري ان الله اذا اراد شيئا فانما يقول له كن فيكون ..اصبري واذا ما نفع العلاج ومافي تحسن سوي التلقيح الصناعي

وربنا يرزقك عاااااااااااااااااااااااااااااااااااااااااااااااجل ا غير اجل وكل منتظرة ياااااااارب

[امل في الله]

يا اختى لازم توقفى الكلوميد انتى بكده بتعملى اهذار للبويضات من غير نتيجه
ربنا يكتب لزوجك الشفاء العاجل ويقر عينكم بالذريه الصالحه
اصبرى ال3 شهور دول وساعدى زوجك فى العلاج بالاكل المفيد وراحه لنفسيته وقللى الكلام على الحمل الفتره دى
واصبرى واحتسبى وتصدقى واستغفرى وادعى وان شاء الله ربنا يعجل فى شفاء زوجك
ربنا يرزقنا بالذريه الصالحه