الولاده عند الدكتوره سمر احمد بمستشفى المستقبل

[لين جده]

السلام عليكم ورحمة الله وبركاته

بنات مين ولدت او تعرف وحده ولدت قريب عند الدكتوره سمر احمد بمستشفى المستقبل بجده ؟؟

وايش رايكم بالمستشفى بصفه عامه من حيث الخياطه والنظافه والعنايه ؟
انا اراجع عندها ومرتاحه مع الدكتورة احسها طيوبه وعسل بس ابغى وحده مجربه الولاده عندها كيف يعني تحن عليكي والا تعصب زي ما بسمع

انا بكريه ومررره خايفه من الولاده

[JeWeL]

اب اب اب

الله يطمن قلبك يارب

[لين جده]

جزاكي الله خير
بناااااااات معقول مافي وحده راحت عندها طيب رشحولي افضل دكتوره ومستشفى عالاقل :(

[عيون وليد]

انا بنت خالي ولدت في مستشفى المستقبل بس ماعرف ايش اسمهااا دكتورتهاااا بس افتكر انها تقول دكتوره مصريه مليانه وحرمه كبيره

افتكر انها خلتهاااا تمشي لان الرحم مافتح بسرعه وكانت صبوره معاهااا بس البنج مافي

انصحك تروحي مستشفى يعطي بنج اوو خذي ابرة الظهر عشان الم الطلق
لو ماعندهم بنج لاتروحين

لو قدرتي تروحي لمستشفى عرفان عند نورما ممتازه انا ولدتني في ولدي وخياطتها روعه

او روحي مستشفى الجدعاني في حي الصفا عند دكتور ابراهيم او دكتوره وفاء واطلبي ابرة الظهر اعتقد الولاده الطبيعيه عندهم 3700 مادري ابرة الظهر كم سعرها

ربي يكتب لك الخير

[لين جده]

مافي بنج؟؟؟
معقول مافي عندهم بنج شكلي بموت عندهم ... الدكتورة المصريه الكبيره بالعمر اعتقد انها فاطمه علاو ..
والله نفسي اغير المستشفى بس زوجي مو راضي :(
طيب مين تعرف الدكتوره نسمه كانت قبل سنتين في مستشفى الجامعه القسم الخاص ولدت اخت زوجي مره عسل ودحين ما اعرف فينها اللي تعرف عنها شي او عندها رقمها تديني هوا
ورشحولي افضل مستشفى ... افكر اروح البريطاني ايش رايكم؟

[عيون وليد]

يختي انا طول حياتي في جده ولاعرف البريطاني هذا ؟؟؟ وينه فيه

طيب اسمعي لو زوجك مصر على المستشفى قولي للدكتوره الي راح تولدك قولي لها ابغاكي تعطيني بنج او اطلبي ابرة الظهر اكيد عندهم وربي يسهل لك ترا الولادة تساهيل من رب العالمين مو على المستشفى

[لين جده]

والله يا اختي عيون الوليد انا مررره خايفه من الولاده بعض الاحيان اقول بطلب يولدوني قيصري وارتاح
انا بكريه ومره خايفه وكلام اخت زوجي مخوفني دايما تحكيلي عن الولاده مررررره كلام مرعب بشكل ماتتخيليه بعض اوقات اعصب عليها اقولها خلاص اسكتي :(
انا عارفه انو بالنهايه الولاده تساهيل من ربنا بس فيه شي اسمو تشجيع واحد يخفف عليكي وقت الولاده مو تجيلك وحده تتكلم من خشمها وتعصب عليكي وماترحم حالتك زي ماحكتلي اخت زوجي ...
بس انا ادور عالاقل شي احسن من لا شي ويارب زوجي يوافق اغير المستشفى لانو سويت بحث عن المستشفى وناس تمدح ناس تذم حيروني فين اروح

[ღ ٱم ديــــــٱلآ ღ]

امي ولدت عندهم عند الدكتورة فاطمة علاو الصراحة المستشفى مو تمام بمعنى الكلمة حتى عناية بالاطفال مافية انا كنت مع امي طول ماكانت بالمستشفى لانها قيصريه امي نزفت كثير حتى من كثر الم الي فقدتة وجهها اتغيرمرة والدكتورة قالتلها بكل بساطة غلطة واخوي له كم يوم من انولد مافية عنايه حتى الحراره جتة وهو مولود بجد ماانصحكـ سيئة للغاية ومادية ابعد الحدود خلوها 3 ايام اعتقد وامي تحسن انها تعبانة قالولها ادفعي عشان نخليك يوم زياده يعني غلطانين وفوقها ماديين خلي زوجك يشوف الردود عشان يصدق ... بالتوفيق ياقلبي

[وولاء]

حبيبتي انا كمان بقول نفس الشئ المستقبل ماعندهم اهتمام ماارتاح في وكمان ابرة الظهر ماانصحك فيها بلمره

افضل لك مستشفى سليمان فقيه
ربي يهونها عليك

[لين جده]

خوفتوني وربي :(

[أم عبدالرحمن السلفية]

استخيري الله انا ما اعرفة لكن في ناس تمدح وفي ناس تذم وكلها تساهيل من ربك

[لين جده]

للرررررررررررفع

[لين جده]

استغفر الله واتوب اليه

[شموخي غير..]

مايمدحون المستشفى الي سمعته والله اعلم

[ورده الذهبيه]

انا كمان اراجع عند دكتوره سمر احمد في مستشفى مستقبل وكمان افكر الولاده عندها
بصراحه خوفتوني عن جد ...
احس انه دكتوره طيوبه وحنون وانا مرتاح معها
واللي ربي كاتب لنا يكون خير يا رب ..
واخر شيءكلام الناس واللي تمدح واللي تخوف ..والله كل واحد تختلف عن الثاني
اللهم سهل علينا يا رب ............

[ورده الذهبيه]

حبيت اسألكم كم سعر الولاده .. وانا عندي التأمين الطبي ..

[لين جده]

للرفـــــــــــــــــــــــــــــــــــــــــــــع

[لين جده]

.................................................. ......................

[دلوعة زوجها A]

انا ولدت ببنتي في مستشفى المستقبل
وكنت عند الدكتورة اسمها ميمنة الشواف حرمة كبيرة في السن وهي عراقيه
مرررة طيييوبة وحبووبة وصبورة معك ومن الناحية الاهتمام كان تمام لاباس
انا الحين حامل واراجع بمستوصف قربيب من بيتي وبنسبة للولادة
الله اعلم وين راح اولد الى الان ماقررت لسى
وربك كريم

[أمووله]

انا ولدت بالمستقبل قبل 4 سنين عند دكتوره دلال بوقس
سعوديه بس الظاهر انها نقلت بالعكس وقت الطلق والولاده
كلهم حولي وماتركوني بالمرره وماعطتني لابنج ولتيحزنون
بس كان احساس جدا رائع لماشفت ولدي يوم طلعوه
وسمعت صوته اتمنى ان ربي يرزقني نفس ولادتهم
اخواتي ثنتين ولدوا عند فاطمه صراحه مررره يمدحوا
فيها وفي خياطتها بس المستشفى من ناحية النظافه مو
ذاك الزود
وزي ماقالت الاخت ميمنه عراقيه دخلت لها مره وحسيتها
كويسه
بس انتي استخيري وشوفي
وربي يسهلك ويسر امرك

[سفيرة الحنان]

يممه والله حتى انا خفت

كنت اقوول انها بجنب بيت اهلي وبولد فيها