محتااااااااارة مرة

[حكاية]

السلام عليكم صبايا
أول مرة أكتب عن حالتي بس محتارة ماعندي إلا زوجي وماستفدت من كلامه شي
اصلا وش عرفه ؟
المهم حبيباتي دورتي الشهر اللي فات جات يوم 12/27 هجري وهي أصلا موعدها 1/1هجري
وأول مرة يصير تتقدم 4 أيام دورتي منتظمه الحمدلله بس أعتقد من كثر التفكير بالحمل تلخبطت .
وودي ماأفكر بس غصب عني وأكيد كل وحدة تبي الحمل بتجلس تفكر
اليوم 28 وماجات ومو عارفه بأي وقت بتجي جالسه على أعصابي لأني ودي بالحمل
وأمس واليوم لما أمسح بالمنديل أحصل إفرازات قليلة جدا بنيه خفيف مو غامق
جاتني أمس وانقطعت بقية اليوم .
واليوم جات شوي لما أمسح بس وبعدها ماشفتها اش تتوقعون بداية دورة
ومين قد صار لها كذا طمنوني خواتي واالله يرزق كل محرومه يارب .

[لهفة الانفاس]

والله ماعندي خبره مره بس اذا انقطعت ممكن تكون شهادة حمل انتظري لبكرا اذا مافي اي شي
حللي ويااارب ياكريم في هذا اليوم المبارك وفي هذه الساعه انك تكونين واكون وكل منتظره حمل هذا الشهر وتفرحين وتبشرينا

[حكاية]

حبيبتي لهفة الله يجزاك خير ويارب يستجيب لنا .

[رحيق القلوب]

لا ياعسل هذي بداية دوره الله يرزقك يارب الشهر الجاي
انتظري بتنزل
لان علامة الحمل مو كذا حبيبتي مووفقه

[حكاية]

شكرا حبيبتي رحيق
بجد تحطمت الله كريم .

[Raama]

لا تتحطمين حبيبتي ان شاء الله حمل كل شي جااايز



واذا ماحملتي هذا الشهر باذن الله تحملي الشهر الجااااي





اهم شي حالتك النفسيه يا قلبي

[رحيق القلوب]

شكرا حبيبتي رحيق
بجد تحطمت الله كريم .

والله ياحبيبتي انا احس اللي يقولك انه حمل ويأملك وتبنين احلامك وبعدين تنزل الدوره احس هذا هو التحطيم بحد ذاته
لكن شوفي لان قلتي نزل دم ووقف وبعدين نزل حبيبتي اكثر الحريم دورتهم الشهريه تبدا بذا الشكل
لكن انا اقولك لو نزل دم ووقف تمااااااااااااما الدم بقولك بشارة حمل وراح اقولك مبروك لان علامة الحمل واااضحه
لكن ياعمري انا احس التحطيم لما احد يقولك ايوه ايوه وبالاخير تنزل الدوره
والله بردووودي كلها ما احب اعطي امل لوحده وهو مبين مثلا انو حمل
والعكس ما احب احطم وحده وهي حامل يعني اللي اعرفه راح اقوله لان انا احط نفسي مكان صاحبة الموضوع ودي الوحده تفيدني بالصح مو تجاملني وتأملني وتسايرني ابغ اجابه صح وتجارب احد مجربها يقولي سواء عجبتني او لا انا مو كاتبه الموضوع عشان احد يجاملني وبعدين يحطمني لا انا ابغ اعرف الحقيقه وبس
احيانا الحقيقه توجع بس هو اللي نبغاه مانبغ نبني امالنا واحلامنا بعدين صدمتنا بتصير اكبر
وان شاء الله يارب يكون ردي خطأ وتصيرين حامل يارب الشهر هذا الله قادر ع كل شي
اعذريني لاجابتي الصريحه
مووفقه ياسكر

[دلع الأحساء]

اتوقع دوره

انشاء الله الشهر الجاي تكوني حامل

[سلوان]

انا قبل حملي كانت الدوره تنزل بني ليومين بعدين ينزل الدم

انتي استني واذا مانزلت روحي للمستشفى احسن شي والله يرزقك بالحمل

[برّو !]

لاتعورين قلبك والله ولاتحطين ايدك على قلبك من الخوف
حطي فبالك كذا ( والله ان دورة بتجي وان حمل ميب جايه )
بردي اعصابك شوي
وانشالله تبشرينا بشي حلو
الله يوفقك ^^

[عاشقه زوجها]

حبيبتي دوره والله يرزقك الشهر لجاي ان شاء الله الان انا مثل وضعك ونزلت الدوره بعد تاخر صار له 22يوم والله كريم يرزقنا بلحمل السليم العاجل يااااااااااارب

[سدوونه]

ان شاء الله ياقلبي حمل تجي وتبشريناااا بحملك
واذا دوره لاتتحطمين والله يجبر بخاطرك الشهر الجاي

[حنين لماضي]

ياقلبو ماعندي معرفه بهاذي الامور لان دورتي مخبوطه خبيط عمرها ماانتظمت معي بس اسمع امي تقول لماتتقدم الدوره عن موعدهاتدور على حمل يمكن الله يرحمك وتحملين يارب يفرحك ويفرحنا يالله

[حكاية]

شكرا حبايبي كل من مر على موضوعي ودعالي الله يجزاكم خير
رحيق حبيبتي أنا مازعلت منك بس لحظتها صابني احباط والله كريم أن مو هالشهر الشهر الجاي
بس أنا مانزل دم نهائي واستخدمت الأولويز وأشيلها نظيفة تماما بس لما أمسح بالمنديل يكون فيه نقط شكلها افرازات بنيه فاتحة قليلة جدا جدا , وأنا أحاول أهيء نفسي إن كان حمل أو دورة اللي كاتبه ربي بيصير ويارب يرزق كل محرومه يارب .

[حكاية]

أستغفرالله وأتوب إليه .

[لهفة الانفاس]

ياااااااارب حمل واذا ماصار اكيد خيره لك
وربي يرزقك ياكري ويرزقني الحمل المعافى
بصراحه دخلت ابتطمن وش صار عليك للحين؟

[حكاية]

شكرا لهفة عالسؤال
الحمدلله على كل حال نزلت الدورة ويارب يرزقك ويرزق كل محروم .
ربي ماكتب لي هالشهر , إن شاء الله بروح أفحص بكرة بالمستشفى .