أشك في صلاة زوجي .. وقريبتة تتغزل فية ساعدوني بحل

[حبيبة شيخ الرجال]

السلام عليكم ورحمة الله وبركاته
مادري من وين ابدء انا عندي مشكلتين مع زوجي وكل وحده اكبر من الثانيه
في البدايه احب اوضح ان زوجي يحبني كثير ويموت علي وهذا اللي مطمني لنا متزوجين سنه ونص
اول مشكله انا اشك ان زوجي مايصلي وهذا متعبني كثير ولما اصارحه يعصب ويقول يعني قصدك انا كافر اسكت ماقدر اصارح اهلي لاني مجرد شاكه طبعا بتقولون اشلون لك سنه ونص عايشه معه وماتدرين عنه بقولك لانه مايصلي يمي دايما يروح في قرفه ثانيه ويصلي واذا دخلت عليه فجاءه يخترع ويسوي روحه يابيركع اويكبر ومايحافظ على صلاة الف

نادرحيل مايقوم يصليها طبعا هذا بعد خناق معه واحيا يطنش ويقطي وجه ويكمل نوم واذ عاتبته بعدين يقول لي ماحسيت فيك مادري هل هو صادق والا مادري شسوي معه وصلاه الجماعه يطلع له مية حجه عشان مايروح المسجد هو مرافق ناس اخلاقهم زفت ويقولي عن سوالفهم ولم اعصب يرد علي يعني لو بسوي مثلهم بجي اقولك واقول في نفسي صادق يعني الرجال اذا بسوي خرابيط بيجي يقول لزوجته حاولت ابعده عنهم بس ماقدرت لانهم من اهله يقولي انا بس انبسط معهم ماسوي مثلهم
ثاني مشكله في وحده من اهله قاهرتني تغار مني حيييييييييييييل مادري ليه اخاف تخرب بيتي خصوصا انا لها سوابق مخربه بيت اخوها هي تمون على زوجي حيل حتى في اخر الليل تتصل اتسولف معه ماتستحي احيان مايرد عليها عشان ماعصب وترسل له رسايل حب و غزل ولما اقوله هي تغار مني يقولي انتى اللي تغارين منها طبعا هي من محارمه ماقدر اسوي شي تعبت نفسيا دلوني على حل

[ام الهادي]

وعليكم السلام ورحمة الله وبركاته
حبيبتي لازم تراقبيه بدون ما يحس لما يروح الغرفة التانية للصلاة واعرفي اذا كان بصلي او لا وذكريه دايما بالصلاة واعتقد انه صلاة الراجل في بيته ما تجوز لانه في عهد النبي صلى الله عليه وسلم جاه رجل اعمى ويساله عن الصلاة في البيت بس الرسول صلى الله عليه وسلم قال له هل تسمع النداء قال نعم قال لبي النداء ربط حبل بين بيته وبين المسجد
يعني زوجك ما عنده اي عذر يخليه يصلي في البيت اصلا
وبالنسبة للي تتصل عليه في الليل هادي وترسله رسايل حب كيف هي من محارمه؟؟؟؟ يعني ايش قرابته بها؟؟؟؟

[أم رزاان]

زوجك ياقلبي من الساهين عن الصلاة
ومهما تصنع امامك انة يصلي الصلاة لا تُخفى !!

ولو كان جاد صحيح كان راح للمسجد وصلى مع الجماعة !!!
المهم حبيبتي .. حاولي تستغلي حبة لك واعملي نفسك زعلانة منة او بمعنى اصح متضايقة
من مسألة عدم صلاتة بالمسجد .. وإذا ناقشك قولي مافي شيء يمنع إنك تصلي
مع الجماعة والصلاة ماراح تاخذ من وقتك اكثر من خمس دقائق !!
قولي له ترى أنا صابرة وساكتة عشانك ولا أنا متضااااااايقة جداً من الوضع !!

وكل ماشفتية صلى دللية ودلعية كمكافئة له على صلاتة
وإذا تكاسل بيني له ضيقك !!

وإن شاء الله ربي يهدية !!!


الموضوع الثاني قريبتة .. لا تعيريها اي إهتماااام ابداً .. ولا تتحسسي كثير من الموضوع
وطالما أنت واثقة من زوجك وهي من محاااارمة خلاص تجاهليها ولا تجعليها تناصبك العداء وممكن تضرك !!!

[حبيبة شيخ الرجال]

مشكورين حبيباتي ام الهادي وام رازان
والله تعبت من كثر مانصحه ومن افتح الموضوع يسبقني ويقعد كأنه هو اللي ينصحني يسرد لي الاحكام والواجبات وكأنه شيخ قاعد يتكلم عارف كل شي وهذا اللي مخليني مو متأكده يصلي ولا
والمشكله الثانيه انا ماقدر اتحمل غيرتها مني ابي يخاصمها بس ابي طريقه منكم تخليه يبتعد عنها لانها منقصه علي حياتي تخيلو انها تخاصمه وتسوي روحها بتموت اذا درت اني طالعه معه وهو يتضايق اذا هي زعلانه منه اخ مقهوره

[حمرة الورررد]

ازا ع اصلاة انصحيه وحببيه في الصلاة وقوليله انها تطرح البركه في بيتكم وعيالكم والصلاة تنهى عن الفحشاء والمنكر جيبيله اشرطه ومحاضرات واسمعيها انتي وهو بيسمع معاكي ان شاء الله وعلى ما قالت ام رزان دلليله ازا صلى وبينيلو انك متضايقه لمن ما يصلي والله يهديه ويهدينا جميعا
ادعيله باخر الليل وادعيله بكل صلاة والله كريم

وعى قريبتو لا تعطيها وجه وعلى قولهم الحقران يقطع المصران هههههههههه
ومعليش ليش تتدخل حتى بخرجاتك معا زوجك هيا اصلا ايش تقربلو المفروض انكم تخرجو وتنبسطو وترجعو من غير احد لا يدري
تقبلي مروري

[مشاعل الدوسري]

موضوع الصلاه صبري عليه
و لا تصير مثل الذبانه زززن بززن

على موضوع الصلاه أدعي له بلهدايه و اذا شفتيه بين فتره و فتره قولي له الله يهديك

و يفضل تتكلمين معاه بحب بعد الجماع و بعد ليله مررتبه بيكون مبسوط روحي بحضنه و قولي له انا لو نصحتك ماابيك تزعل و تنفر مني
انا انصحك لانك زوجي ودي تحافظ على صلاتك ماودي ان ربي يغضب عليك
و سامحني اذا هلكلام يضايقك و من كلام الحب كثري
و ربي يهديه..


و لقريبته
الى اي مدى القرابه اذا بنت عم وله خال
و له اي كن ماتوصل لهذي الدرجه

اله اذا اخته من الرضاعه تنبلع
لازم توقفيها عند حدها

لكن الشرها ماهو عليه بس بعد على زوجك المفروض هو اللي يقولها الزمي حدودك معاي

انا متزوج اوكي نمون على بعض بس مو لهذي الدرجه ..

بلاول كلامي زوجك .. و قولي ل هو يوقفها عند حدها وله بتتصرفين انتي
عطي خبر اذا مايقدر
تكلمي انتي و لا يبين عليك الضعف يعني لا تترجين قولي لها مو حلوه بحقك ترسلين مثل الرسايل يعني انتي ماترضين انك تدخلين بين الرجال و زوجته

و بصراحه ماعندي مانع تدقين تسالين تسلمين لكن مو بهاي الطريقه تكلمي معاها بهدوء مانفع معاها كلمي اهلها

[حبيبة شيخ الرجال]

حمره ومشاعل لكم الف شكر لانكم عبرتوني وشاركتوني همي ولكل من رد علي اوقراء موضوعي ودعى لي انشاء الله راح اعمل برايكم وقريبته هذي تكون عمته بس من سن بعض هويقولي عادي لانها صديقتي قاهرني ولما اقوله حتى لو مولهدرجه يقولي معك حق ماعليك منها يعني مدري هومعي ولا معها حذرته اني بتصل وبخانقها قالي انا بكلمها ولاصار شي احيان ارحم حالها وقول مطلقه ومكسور خاطرها بس زودتها ودي اروح لها الحين ونتفها ،،،تحمست هههههههههههههه

[مشاعل الدوسري]

حبيبتي دامها عمته

عاادي مهما كان فارق السن و يفضل انك ماتتكلمين معاها بهذا الموضوع لان الناس كذا بتعتبرك انتي غيروره بزياااااااااده عن اللزوم
لدرجة الهووس و بيقولون تبي تفرق بينه و بين عمته

لاتحطينها براسك يعني لانها عمته

[دلع بنات]

الله يكون بعوووووونك يارب

[عشق الطفوله]

الصاحب سااحب هو يستانس مع الي يجلس معهم ومايسوي مثلم كيف
والله ياختي انا زوجي كذا مايصلي ويكذب مرات انه يصلي وهو كذاب وتعبت معه تدرين ليه لان زوجي من انتقل لمكان يشتغل فيه موزين وهو متغير يعني صلاه مافي بس لعب وناسه وذكر الله مايذكر شاطر بالمعاير بناس وسبب الي معه حسبي الله عليهم
انتبهي من هالشي الصلاه تلين القلب وعماد الدين
واذا علي تبي تخرب بيتك انتبهي منها انا خترب بيتي وسبه هالي يقربون له انبهك
الله يوفقك يارب

[CANDLE.22]

أدعي له بالهدآآيـــــــــه بكل صلاااه
وحــآولي تقولين له قصص تخوفه يعني واحد مات وماكان يصلي ومن هالكلام يمكن يتحرك فيه شـــــــعره ويدري إنه مقصر ..

أمــآآ من سالفه عمــته فهآذي الله بالخير عقلهااا مادري وين آلحمد الله والشكر . ماعليك منهآآ ولا تقهرك ولآ هم يحزنون عمته يعني مايقدر يتزوجهــآآ وسعي صدرك وخليك عــآآديه قدامه وقدأأامهآآآ وبيني لهــآ هو اشكثر يحبك موووووووت

والله يهديه لك يـــــــآآرب

[سيدتي فاطمه بنت رسول الله]

تبين نصيحتي راقبيه بموضوع الصلاه وعمته وبقولك حاجه وخليها براسك الي يترك الصلاه او يتهاون فيها او ينافق ويسوي نفسه انو يصلي وهو ما يصلي مو بعيد عليه المنكر والفحشاء يعني ركزي بموضوع عمته كثير من الرجل ياتون محارمهم يعني والعياذ با الله فيه رجال يحبون المحارم وانتي فاهمه قصدي يعني راقيبه من غير ما يحس وطبعن من غير ما تتوترين او تتعب اعصابك بس راقبيه وادعي له على فكره انا ما قلتك هاذ الكلام عشان اشكك بزوجك او اخليك تظنين ظن السو لا انا قلتلك لنو قصتك حيل قريبه من وحده اعرفها والعياذ با الله اكتشفت انو زوجها مع زوجة خاله

[سرووءة]

حبيبتي بالنسبة للصلاة انا برايي
ماكتير تحكي معاه بالموضوع لان راح ينفر من الصلاة اكتر ويكرهها
انت خليكي دايما بتصلي امامه وهو موجود او جالس عشان بس يشوفك بتصلي
يتحرك ضميره ان انت بتصلي وهو لا
وادعي له بكل صلاة ان الله يحببه بالصلاة ويقربها من قلبه وعليكي بالاستغفار ..

وبالنسبة لموضوع عمته
طنشي ياشيخة بالنهاية انتي زوجته ويلي بينك وبينه مابين حدا من اهله . انتي فاهم علي
.. يعني بالنهاية مرجوعه لك ولحضنك انتي زوجته وماله غيرك ..
عمته هذي بكرا بتمل .. وماراح تبقى هيك
لان اعرف وحدة هيك كانت تحب خالها كتير وزوجة خالها مرة تنزعج منها
بعدين طنشتها والبنت نسيت وصارت رسمي مع خالها
انت طنشي ولاتحاولي تحسسي زوجك انك غيرانة ..
وبما ان من محارمه لاتخافي ..

[mounira]

انا ما فهمت شو هالتناقض كيف هي من محارمه و ترسل له رسايل عشق

[حبيبة شيخ الرجال]

الف شكر لكم انا فرحانه اليوم حييييييييييييييييييل تصدقون زوجي تغير من ناحية الصلاه له الحين اربع ايام وهو ماطوف صلاة الفجر تصدقون وصار حريص على الصلاه في وقتها ويصلي يمي عادي بس مشكلة عمته هاذي مقهوره منها مقهوره دلوني على حل معها احس في اسرار بينهم اذا يكلمها يمي يتكلم الغاز تعبت وانا ازعل عليه ويراضيني بكلمتين ورد ازعل هو مايرضى اكلم احد جنبه بهطريقه وهو يسويها ابي حل المفروض اكون انا كل شي في حياته مايكتم عني شي بس ليه كذا ليه عمته تشاركني في مشاعره

[mounira]

خلص طنشي يمكن هو يتلذذ بغيرتك الرجال هيك طبعهم بس خليك حريصة من غير ما يبان عليكي و اذا كانت عمته حابة تنكد عليك لا تعطيها الفرصة ...كوني له الفراش يكن لك اللباس *** و كوني امة لزوجك يكن لك عبدا***

[قمر بيت أبوها]

الله يسخر لك زوجك
بس بصراحه قوووووووووووويه مو متاكده يصلي ولا لا بس لو ميصلي لسبب مس او ماشابه كذا نبلعها ونقول كملي معاه بس انه ما يصلي لغير سبب مستحيل أقعد معاه الله لا يبلانا لانه بيكون محرم علي كاني اعاشر رجل بالحرام ولا تزعلين من كلامي لان الدين له حدود ومانتعداها أبدا
من ناحية اصحابه دامه يقول لك تراه بيغيضك من جهه وبيشغلك من جهه يعني هو الكسبان انك تعرفين يشغلك بهالموضوع عن غيره
من ناحية عمته ترسل له حب وغزل ومطلقه سلامات لا تقولين من محارمه وماادري ايش
ذكرتيني بوحده بنت حماتها ترسل لزوجها كذا بالاخير عرفت ان البنت راعية حرام بس تبي من اقاربها عشان تبعد الشكوك عنها وماابي اسهبل بهالموضوع لانها موضيع مقرفه وتضيق الصدر
وانت حطي بالمنطق والعقل مطلقه ترسل علي ولد اخوها باخر الليل ليش وش معني هالوقثت؟!!
ماابي اوسوس فيك بس هذي الحقيقه الله يكفيكي شر هالناس واستودعك الله الذي لا تضيع ودائعه

[ام الدلال]

مسااااا الورد اختي
ادعي الله يهدي زوجج اختي وهالشي بأيدج خلي صلاتج قويه وصدقيني رااااح يستحي على نفسه وبيصلي ولاتراقبينه ابد لان هذا بينه وبين ربه جيبي له كتب عن تاركين الصلاه ماذا عن هم وايش جزائهم واشرطه تخويف من الاخره وعسا ربي يهدي الجميع

اما عن قريبته :
اختي ادام اهيا من محارمه ولا يصييييييييير يتزوجهااااا لاتحرقين دمج ابد لانها اذا شافتج تغارين ولا تتضايقين تراراح تزيد وتنكد لج عيشتج واذا قالت ابي فلاان قوووولي انشالله حبيبتي وعادي هالاموووور ياقلبي
واذا شافتج مطنشششششششه راح تسلى صدقيني وعن تجربه

والله يهدي عباده ياربي


تقبلي مروري اختي

[دلوعه فصولي]

انصحي زوجك وخليه يشوف مقاطع عن الصلاه والموت
علشان يتعض


والموضوع الثاني انتبهي انتبهي من البنت
والله كانت اخت زوجي كذا كل مشوار تروح معي
والله غيرته علي كثيييييييييير
بس الحمدلله صارت مشكله بينها وبينه ولا عاد يكلمها وطنشها كليا
والحمدلله رجع لي زوجي وراحت المشاكل بعد ماراحت هي عنه


حاولي تمسحي رقمها والا كلمي امها
او اذا شفتيه يكلمها اجلسسي قدامه وسويله حركات تضحكه
وامزحي معاه خليه يقفل بسسسرعه
حسسيها انه لك مو لها
ترى والله مايخرب البيوت الا هالنوعيه
انتبهي منها وادعي ربك يبعدها عنكم