نصائح لتفصيل مطبخ جديد

[ليناا]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين
كيفكم ياحلوين
الله يسعدكم انا حفصل مطبخ جديد
هوا المنيوم بس الواجهه خشب

وابغئ نصائحكم

يعني كيف استغل المساحات؟ لانو المطبخ مو مره كبير

تنصحوني بالغاز الكهربائي ؟

واش افضل محلات بجده لتفصيل المطابخ

واش رايكم في لون البني احسه ماتروح موضته

وابغئ نصيحة من كل وحده تشوف موضوعي
واش الاخطاء الي مااقع فيها

الله يسعدكم منتظره ردودكم

[ليناا]

تنصحوني برخام طبيعي ولا صناعي ؟


والمغسله استنيل ولا رخام ؟

[ام روينا]

مرحبا
الله يتمملك ع خير
الالمنيوم نوعين مو عارفه اسمها بس اللي اعرفه انه فيه نوعيه ممكن نكسر والنوع الثاني لا يجي زي الصفيح
بعدين واجهات الالمنيوم مرره حلوه لاتحطي خشب لاني اتوقع عمره اقل من الالمنيوم
انصحك اختي بالرخام الصناعي وانصحك بالمغسله من نفس الرخام
اما من ناحية الالوان فالبيج مرررره حلوانا احب دايم الالوان الفاتحه
حتى ما تبان فيه الوساخه والدهون
انا مفصله مطبخ المنيوم من 10 سنوات رخام صناعي اللون بيج مموج
والله كأنه جديد
اما من ناحية المحلات ما اعرف انا مو في جده
والله يتمملك ع خير

[ليناا]

تسلمي ام روينا
بس حسالك المغسله الرخام ماتعاني منها ؟
يعني في التنظيف ؟

[ليناا]

ليش كذا يابنات ولا رد غير ام روينا

[جنون المشاعر]

انا افضل تخلي اللون فاتح لان المطبخ صغير واللوان الفاتحه تناسبه تعطي اتساع في المكان
ومن حيث استغلال المساحات
نظام التعليق المثبت على الحائط بين الخزائن العلوية وسطح الكاونتر يعطي استخداماً أفضل للفراغ الغير مستغل أساسا و يسهل الوصول إلى أدوات المطبخ التي يكثر استخدامها.
استغلى الأركان بوضع رفوف تحتوى على برطمانات التوابل و احتياجات المطبخ

والفرن الكربائي حلو بس يستغرق وقت طويل ويسبب رطوبة للأكل الطري احيانا مثل الكيك و المخبوزات بس الموديلات الجديدة صارت تقدم حلول لهذه المشكلة

اتمنى اني افدتك يالغاليه,,,,

[وردة العشاق!]

مطبخي مترين في مترين ونص
والكل يشوفه يقوول مو بااااين عليه صغره

اولا اتركيه مطبخ امريكي يعني مفتوح ^^
وثانيا اللون خليه بني غامق بيطلع يجنن
عند الباب حطي دولاب طويل واقسميه الى قسمين للعزبه بيساعدك هالشي
ثالثا حطي لك زاويه وحده بس لا تحطي من الجهتين او الثلاث
حطي لك كونتر بيج فاتح
ويفضل المجلى الرخام انظف وماايصدي
خامسا الفرن الكهربائي المعجنات والكيك والشووي يطلع عليه ألذ
وأسلم ..
سادسا تحت المغسله قسميه الى اقسام من شان الصواني الكبار
اتمنى أني أفدتك ^^

[ليناا]

تسلمو والله

[بنت النورر]

ماعندي فكره انشالله البنات يساعدوكي

[أم عبدالرحمن السلفية]

عجبتني فكرة مطبخ زاوية فقط .. والمغسلو اكيد رخام صناعي احسن والغاز مو حلو الكهربائي

[ليناا]

وين الباقين

[أم رزاان]

لوعندك المطبخ مغلق يعني اربع جهات
خلي جهة وحدة مستودع للمونة !!
يعني تحطي فية مونة الاكل مثل الارز السكر المعلبات ,,, الخ
والرخام معروووف الصناعي احسن من الطبيعي
انتبهي تاخذي الطبيعي ماينفع
والفرن أنا جرت الفرن الكهربائي وبااااااء بصراحة
وبطيء مررررة ولو تبغى تعملي كاسة شاي لازم تنتظري نصف ساعة
لتغلي الموية !
بس الفرن من تحت لابأس بيمشي حاله

واللون خلية بين البيج والبني

[ليناا]

شكرا لكل اللي ردو

[أخفي غلآه]

ششوفي يآأختي الزآويه حطيهآ اثنين وخليهآ كآمله يعني مآفيهآ فاصل رخآم
هذي بتشيل الاغراض كلهآ عند أهلي كذآ مششاء الله جهه لـ أغراض التقديم
وجهه للاستخدآم اليومي ..مدري فهمتيني أو لآ ..

[ليناا]

ايوا فهمتك نسلمي حلوه الفكره