ساعدوني بشوركم نبض الجنين

[هناء محمد]

السلام عليكم بنات انا عندي استفسار ياليت تساعدوني بخبرتكم
انا جتني الدوره في 18\11 وبشهر 12 طلعت حامل ويوم السبت هذا رحت المستشفى قالت الدكتوره كيس الحمل موجود بس مافي نبض وعمر الكيس 5 اسابيع و3 ايام قالت انتظري اسبوع اذا ما جا النبض بسويلك تنظيف لانها تقول المفروض اكون خلصت شهرين طمنوني الله يخليكم احس اني على اعصابي

[أم رزاان]

لو على كلام الدكتورة 5 اسابيع ماراح يبان شيء الآن
يبغالك 3 اسابيع كمان حتى يبان عندك النبض !!

لا تستعجلي وروحي عند دكتورة ثانية وشوووفي
وربنا يكتب لك الحمل السليم ويتممة لك بخير

[سكر..مكر]

انا رحت للدكتوره بالأسبوع الخامس اللي اكتشفت فيه الحمل
وقالتلي راجعيني بعد اسبوعين علشان نطمئن ونسمع النبض
بس ماحسستني انه هالوضع غريب او انه لازم أقلق
ان شاء الله خير

[نوتيلا]

لاتستعجلين اسفهيها الله يهدي بعض هالدكتورات علي طول تنظيف ماعليك منها روحي غيرها وانتظري كمان اسبوعين انا مابان النبض الا بالاسبوع الثامن وان شالله. يتمم عليك حملك ويهون علي الولاده

[H&H]

غيري الدكتورة ولا تاخذي بكلامها واصبري من اسبوعين لثلاث
فيه أجنة ماينسمع النبض الا بعد الاسبوع الثامن ...
لا تستعجلي ولا تقلقي ..*

[|| أم عزوز ||]

تاريخ الدورة الي انتي كاتبته ميلادي ولا هجري ؟
اذا كان هجري تكوني فعلا حامل شهرين بس مو شرط يكون مافي نبض
غيري الدكتورة وخليها تحسبلك من جديد
وترا بعض الاجهزة عند الدكاترة ماتبين النبض ويكون فيها خلل
لانها صارت مع امي وطلع في خلل بالجهاز

الله يثبته لك ويجعل فيه نبض ويتمم عليك
اللهم امين

[soso**]

روحي لدكتوره ثانيه وانتظري كم اسبوع لاتستعجلين

[نآنه]

مثل ماقالو لك البنات انتظري وانشاءالله تتطمنين ،، الله يتمم لك

[احساس أنثى]

حبيبتي هي انا لسى بالاسبوع الخامس حكتلي ماببين هلأ

الا لما تخلصي الشهر التاني ببين

وان شاء الله خير

[هناء محمد]

يارب يسعدكم ويرزقكم يااحلى عضوات باحلى منتدى

[رمال السعودية]

الله يقلع الدكتورة اللي ماهي ماهي فاهمة بشغلها

بعضهم قمة الدلاخة

وبعضهم قمة الاستهتار

وبعضهم ما تدري فين الله حاطها

الكتورة الشاطرة تبين شطارتها عند المشاكل مو اللي تراجع حمل طبيعي خالي من المشاكل

[Miss YoYo]

أنا مابان معي النبض إلا بالإسبوع السابع
والوضع الطبيعي انه يبين من الاسبوع السادس وطالع
لسه بدري عليكـ .. ماعليك منها
وفيه وحده من البنات بتولد معنا مابان معها نبض الجنين إلا بالإسبوع التاسع
شي طبيعي لا تخافين ولا تنزلين جنينك وتستعجلين
بـ إذن الرحمن راح تشوفين النبض
بعض الأطباء يتسعجلون .. وحتى في حال تأخر واجد الله لايقول
خذي راي دكتورين او 3 .. العجله في هالأمور مو زينه
ربي يتمم لك على خير