شوفوا شو طلع وياي

[~انفاسك دخون~]

السلام عليكم ..

حبيت اخبركم بالي صار وياي ..

مممم كنت اعالج عند دكتوره والله يسامحها كنت تعطيني ابر وهالسوالف .. ع اساس ان عندي ضعف فالمبايض ..

خذت هالابر لمده شهرين ووزني زاد 10 كيلو << تخيلوا !!

ويوم قلتلها اني متنت .. قالت عادي هذا من الابر لان يحبس الماي فالجسم ..

هالشهر تأخرت علي الدوره 3 اسابيع .. وما كنت احس بأي الم .. وع بالي اني حامل .. وحللت دم 3 مرات وكله سلبي..

رحت عند دكتوره ثانيه كنت اعالج عندها قبل ما اعرس ..

ووايد فنانه .. خبرتها عن كل شي .. حيكت ع ملفي وقالت انتي كنت يايه عندي شهر 7 وانا جيكت عليج وسويتلج كل الفحوصات وما فيج اي شي .. لا ضعف فالمبايض ولا شي ..

عقب جيكت علي وطلع عندي دهون ع المبيض << وهالشي الي سببلي تأخر الدوره ومافي حمل .. ولان وزني زاد

عطتني الجلوكوفاج وعطتني دفستون .. وقالتلي ايها عقب ما تنزل الدوره بيومين .. وسويت تحليل هرمون والحمد لله ما فيني شي ..

انا مقهوره من هاييج الدكتوره كيف كانت تعطيني ابر ع كيفها !!

وهذا الي صار وياي خواتي .. بشوه تنصحوني !!

[الجـازي]

الله يشفيك ويعافيك حبيبتي

انتي استمري على العلاج الي اعطتك الدكتوره

الجلوكوفاج زين وينزل الوزن

والدوفاستون ينظم الدوره ولاحصل حمل يثبته ان شالله

وباذن الله تحملين قريبا

[sisi]

أنا متفقة مع الجازي ،لكن حاولي تعملي ريجيم صحي عشان تنخفض عندك الدهون ،الله يرزقنا الحمل يا رب

[همسات ام]

حبيبتي حسبك الله ونعم الوكيل في الدكتوره
طبعا السمنه تمنع الحمل اعملي ريجيم
والله انا دايما انصح كل البنات كونو حذرين جدا باختيار الدكتور او الدكتورة
وربي يشفيكي اختك ويرزقك الحمل عاجلا غير اجل

[~انفاسك دخون~]

مشكورات خواتي ..

محد مر بنفس تجربتي !!

[سمار]

غاليتي لاتخافي وكويس أنك غيرتي الدكتوره وبإذن الله ربي بيرزقك الحمل
كلنا نقع تحت أخطاء الدكاتره الأغبياء واللي ياخذون أقصر الطرق بصرف الأدويه بدون مايتعبون أنفسهم ويتأكدوا من الحاله أو من شهادتهم هل هم دكاتره خريجين كلية طب أو سباكه

أسأل الله العظيم رب العرش العظيم أن يرزقنا وأياك الحمل السليم التام الكامل

[انثى من الخيال]

الله يشفيك عيوني انا بعد متنت من الاباري
الله يرزقناا ياارب