في التاسع والجنين مانزل بالحوض

[نآنه]

السلام عليكم بنات انا بكريه وسارلي بالتاسع اسبوعين ورحت للدكتوره وعملت لي سونار وقالت انو الجنين مانزل بالحوض ، ابي تجاربكم كيف ينزل الجنين بالحوض لاني مرا خايفه اخاف اذا مانزل يسوون لي عمليه وهل فيه احد مثلي ونزل الجنين مع الطلق وهل ممكن تجيني ولاده والجنين باقي مانزل تحملوني الله يعافيكم ..

[to8ah]

انا نفس حالتك
والكل يقولي المشي ثم المشي ثم المشي

[وصاايف]

المشي ينزل البيبي الحوض
وفي حالات ينزل وقت الطلق
الله يسهل عليك

[na3ooma]

الموضوع مايستاهل الخوف حبيبتي لا تقلقي ابدا
الجنين ينزل للحوض تلقائيا قرب الولادة بيومين ثلاثة او حتى نفس يوم الولادة
انتي كثري مشي ولا تسوي اي شي او تشربي شي وخليكي طبيعية وابعدي عن التوتر والقلق ,,
الله يسهل عليكي ولادتك

[Miss YoYo]

اللي قالوه البنات صحيح
بس انا بعد سمعت مره شغله سويها يمكن تفيدك
اسجدي ع الأرض وحاولي تدلكين بطنك بشكل خفيف مو تشدين بقوه
السجود لحاله يعدل وضعية الجنين
ربي يسهل عليك حبيبتي

[بنوته غير]

دكتورتي قالتلي انه راح ينزل يوم الولادة والله يقومنا بالسلامه

[آدمنت قربه]

والله آنـآ مثــل حـآلتك الله يكتب لنا الولاده الطبيعيه السهله والميسره

آللهم آمين

[الفل المخملي]

وانا كمان نفس الحالة مارضيت تولدني بسبب البيبي مانزل في الحوض يارب تفرجها علينا وعلى كل حامل

[أم ح ــنونـہ]

انا كنت مثلك وانا حامل وكمان كان حوضي ضيق
والدكتوره قالت لي امشي كل يوم ساعه واعمل تمارين القرفصاء
والحمد لله بعد اسبوعين نزل الجنين للحوض وولدت طبيعي ^^

[&&جلنار&&]

السلام عليكم...
رفعت الموضوع لأنه يمثل حالتي..
و ودي البنات يفيدونا اكثر من كذا ...
الله يجزاكم خير

[زهرة حياتي]

حبيبتي نآنه عليكي بس بالمشي وان شاءالله راح ينزل بالحوض
يارب ياكريم