استفسار عن مستشفى بخش بمكة

[رووتا]

السلام عليكم ورحمة الله وبركاته
مين ولدت في بخش وكيف تعاملهم ومين افضل دكتورة بليز ضروري

[فليك]

اهلا عيوني ، انا ولدت في بخش و ارتحت عندهم كتير و لقيتهم ممتازين ، بس في ناس ولدوا فيه و ما مدحوه ، انا اشوف ان الولادة تساهيل من الله ، اهم شي تستخيري و المكتوب رح يصير
الي ولدتني ( عبير خلف ) والله خياطتها ممتازه و طيوووبه ، الله يكتب لك الي فيه الخير ياااارب .

[فليك]

انا دحين ان شالله بس ادخل التاسع رح اروح لهم لأني مقرره أولد عند نفس الدكتوره ، الله ييسر يارب .

[رووتا]

تسلمي ياقلبي على ردك والله يسهلي ويسهلك
واخيرا احد رد عليا

[Om KHaled]

اختي فلاك ممكن تكلمينا عن الاسعار وكمان طريقة الفحص عندهم..؟؟

[فليك]

ابشري " ام ساره " من عيوني
الولاده مع الغرفة " الدرجه الاولى " >> لانهم يخيروكي عند الحساب و الإجراءات مع الخياطة التجميليه و حضانة المولود كلو كلفني 4500
انا والله رحت لهم فجأه وقت الولاده و المويه كانت نازله عليا ، دخلت طوارئ و جات ممرضه كشفت عليا و اخدت الضغط و جات على طول الدكتوره عبير و شافتني و طلعوني غرفة الولاده ، الحلو فيهم صبروا عليا الين فتح رحمي 9 سم ، انا ما قد تابعت عندهم قبل ولادتي لأني كنت ناويه أولد في باشراحيل لكن وقتها نزلت موية الجنين و ما كان عندهم استشاري فما يقدروا يولدوني و الله سخر لي بخش أولد فيه .....
اي استفسار تاني انا بالخدمه عيوووني ....

[الحب الابدي]

انا قبل اربع شهور ولددت
فتحت ملف في بخش على اساس عندهم الولاده
المهم يوم الولاده كنت مييييييييييييييييته تعب تخيلي وانا فاتحه ملف قالوا لنا الدكتوره وحده وعندها 7 حالات روحوا مستشفى ثاني اسودت الدنيا في عيني الله يهديهم في اخر لحظه وانا ميته الم والمسافه كانت بعيده
ورفضوا وحده حامل دخلنا انا وياها في نفس الوقت
سبحااااااااااااان الله رحت الرفيع ولقيت نفس الحرمه الحامل وولدت بكمام وعجبني مررررررررررررررررررررررررررررررررررررررررررررررررر ررررره وماحسيت بخروج الراس ولا الخياطه ومن يوم ورايح بولد باذن الله في الرفيع
الله يسهل لك

[Om KHaled]

ابشري " ام ساره " من عيوني
الولاده مع الغرفة " الدرجه الاولى " >> لانهم يخيروكي عند الحساب و الإجراءات مع الخياطة التجميليه و حضانة المولود كلو كلفني 4500
انا والله رحت لهم فجأه وقت الولاده و المويه كانت نازله عليا ، دخلت طوارئ و جات ممرضه كشفت عليا و اخدت الضغط و جات على طول الدكتوره عبير و شافتني و طلعوني غرفة الولاده ، الحلو فيهم صبروا عليا الين فتح رحمي 9 سم ، انا ما قد تابعت عندهم قبل ولادتي لأني كنت ناويه أولد في باشراحيل لكن وقتها نزلت موية الجنين و ما كان عندهم استشاري فما يقدروا يولدوني و الله سخر لي بخش أولد فيه .....
اي استفسار تاني انا بالخدمه عيوووني ....

ربي يعطيكي العافيه اختي عالرد

[Om KHaled]

انا قبل اربع شهور ولددت
فتحت ملف في بخش على اساس عندهم الولاده
المهم يوم الولاده كنت مييييييييييييييييته تعب تخيلي وانا فاتحه ملف قالوا لنا الدكتوره وحده وعندها 7 حالات روحوا مستشفى ثاني اسودت الدنيا في عيني الله يهديهم في اخر لحظه وانا ميته الم والمسافه كانت بعيده
ورفضوا وحده حامل دخلنا انا وياها في نفس الوقت
سبحااااااااااااان الله رحت الرفيع ولقيت نفس الحرمه الحامل وولدت بكمام وعجبني مررررررررررررررررررررررررررررررررررررررررررررررررر ررررره وماحسيت بخروج الراس ولا الخياطه ومن يوم ورايح بولد باذن الله في الرفيع
الله يسهل لك

والله كلها وحظو

الله يوفقني في حظي يارب


سلمت يمناكي