ابي حل ؟؟(بخصوص الخياطة)

[زهوري]

انا لي اسبوعين والد واستخدم غسول ومرهم ميبوبس الى الان ماطاحت الخيوط ماأدري لانه برد مثلا او شنو مادري ,مين جربت الملح مع الماي يقولوا بسرعه تطيح الخيوط بس انا خوافه وهاي الي مضيعني انا في ولادتي السابقه طبعا والد مرتين وهاي المره الثالثه بس قبل كنت اروح للدكتوره وهي تشيلهم بس اللحين ماودي اروح ودي تطيح لحالها ووحده قالت لي استخدم منقوع المره واحط على الجراحه بقطعه شاش مثل المطهر بس مو جايه اجازف واستخدم شي ،وكم المده الي عادي تضل الغرز ماتطيح تطول يعني فوق اسبوعين عادي ياريت الي تعرف ترد علي .

[حبك يجرى في دمي]

الاحمد لله ع سلامتك
والله ما اعرف
انا لسع ما حملت
الله كريم
ادعيلي
بي الحمل السليم

[أم رزاان]

حمداً لله على سلامتك يالغاليه
لا تستخدمي شيء حتى ماتسببي للجرح اي التهاب
خليها هي بتطيح من نفسها
وهي احياناً تبقى الى عشرين يووووم طبيعي جداً
سبحان الله جسم عن جسم تفرق !!

لا تستعجلي على ازالة الخيوط سبحان الله الجرح لو التأم صح هو يطردها !!
والآن الجرح ممكن جوى لسى طري ولو شلتيها ممكن ينفتح معك من جديد !
ولسى انت في بداية نفاسك لا تستعجلي عندك وقت طويل !

[زهوري]

الله يرزقك بالذريه ويعطيكم العافيه

[فخر اهلها]

انا زيك بس رحت لدكتورة نساء عشان اطمن و قالت لي خليها لحد ما تذوب من نفسها لانهم مستخدمين خيط قوي
ما لومهم بنتي شقت نفسها الله يصلحها
المهم قالت خليها اذا جا لك 35 ما ذابت تعالي اشيلها بس الحمد الله

[لولو حمادة]

انا استخدمت البولدين دواء الجروح كنت اضعه على شاش وحطه على الجرح وفكن الغرز بعد 25 يوم

[عنقودالعنب]

انا لي 25يوم وماطاحت يعني لا تشيلي هم

[غلا الرووح]

انا لي 21 يوم ولا طاح الا شووي منها

انتبهي من الماي والملح انا جربته لما خلص غسولي
وتحسفت
والله مانمت من الحكه والالم الي جاني

والمره ماتنفع ابد دام الخيوط موجودة راح تطيح الخيوط واللحم لسا مالتأم
الزبدة لاتخربين نفسك

وخلك دايم مسكره رجولك ولاتتربعين ولاتشيلين شي من الارض

[أمـ عبدالله]

بدري عليها لاتستعجلي

[حلى الحلوه]

انا دكتورتي من الاسبوع الثاني قالتي تنقعي في مويه دافيه وملح تلقيه في الصيدليه اسمه مغطس ملحي بس انا ماسمعت انها تطيح الخيوط بس يعقم ويطهر المنطقه

[ام اسكندر]

الخوات ماقصروا
الله يسهل لك يارب

[Joana]

البنات كفو و وفوا...و خلي الخيوط تفك من نفسها...حسب نوعية الخيوط...

بعضها تاخذ وقت خصوصا الداخليه...وممكن بعد ما عديتي عشرين يوم...

او خليها كمان بعد خمس و عشرين يوم...قيد الجرح خلاص التئم بس باقي

الخيوط تطيح...استخدمي غسول المره..و غسليه

به من غير تنقيع...بتلاحظي انه ينشف المنطقه و ينشف الخيوط...و ممكن تحسي

بألم خفيف نتيجة شد الخيوط...عادي..ممكن كل يوم مره...او على فترات...

استخدمته في ولاداتي الثلاث...و الملح صح يعقم..المكان...بس ممكن يسبب حكه...

خليه بعد ما تطيح الخيوط...و استمري على الميبو و المطهر...

[ملكه جوري]

الحمدلله ع سلامتك والف مبروك
ياقلبي المره لاتستعمليها لانها تشد الخيوط
استخدمي مرهم ميبو وملح من الصيدليه وماي حار باذن الله ماتكملي 20 يوم الا وهي طايحه بس كثري انك تتنقعى كثيريعنى اقل شيء خليه اربع مرات باليوم
والله يسهلك امورك

[Joana]

يشد الخيوط بس قيد الجرح التئم بعد خمس وعشرين يوم...

يعني مافي خوف انه يشدها و الجرح خلاص التئم وطاب...

[زهوري]

يعطيكم ربي الف عافيه ماقصرتوا بس عندي هم مشكلة الامساك شنو أسوي
جربت الالياف ولا ناسبتني واحس بألم في منطقة الشرج مع اني اتحرك
وشكلها الخيوط ماطاحت لاني مارتحت حدي 4او 5 ايام بس ولا الباقي
ماريحت ظهري كله جالسه واتربع وكل شي ممنوع سويته ماورى العيال راحه بس الله يعين بس الي مطير النوم من عيني الامساك ذابحني واخاف من المستشفى

[Joana]

في دواء صرفوه لي المستشفى بعد الولاده...اسمه..Duphalac

خاص للإمساك و تنظيم حركة القولون...بس انا ما استخدمته ما كان عندي امساك..

بس اسمع بعض اللي استخدموه نفعهم... و اشربي برتقال على الريق يخفف

ان شاءالله...