T_t البيبي وزنه ناقص .. خبراتكم وتجاربكم يابنات ,,,

[Ḿٱ۾ڵيڼٱỄ]

السلام عليكم ورحمة الله وبركاته

بنات لما رحت عند الدكتوره مراجعه شهريه شافت بالسونار وقالت البيبي مره ناقص وزنه : هوا انتي مابتاكليش !؟!

وقالتلي اروح اعمل سونار ثاني عشان تتأكد وتطمن ’’

طلع منجد وزن البيبي مره صغير على عمره وانا دوبي دخلت الشهر السابع

طبعا بصراحه لما شفتها مره مهتمه وقلقانه حسيت برعب وخوف عالبيبي

مع اني اكل كويس ومهتمه بصحتي واكل الحمدلله يعني مستغربه ليش وزنه ناقص
بس ماقالتلي كم وزنه وانا نسيت اسأل < لكن حسأل لما اروح الموعد بعد اسبوع < مع انو اول قالتلي تجي بعد 10 ايام

لكن بعد ماشافت قد ايش وزن البيبي ناقص قالت تجيني بعد اسبوع وتاكلي مره كويس وجلست توصيني حسستني كأني مسافره لبلد بعيده *_*


وقالتلي كمان عدي حركات البيبي >_< مافهمت يعني كيف < بصراحه جلست تشرح لكن نسيت كلامها من الخوف والقلق

المهم الموعد مابقي عليه كثير

بنات : ســـؤالي :

ايش الاكل المغذي المفيد اللي يخلي وزن الجنين يزيد بهذا الشهر؟؟؟ < الشهر السابع

وهل فعلا زي ماقريت انو التمر والموز والحليب كويس ويزيد وزن البيبي ؟
طيب التمر مو يقولو ماتاكليه الا بالشهر الاخير عشان تسهل الولاده ... الخ

وكيف اعد حركات البيبي ؟؟؟

انا عملت ورقه وقلم *_* وكل ماحسيت بحركه اكتب : حركه 1 / الساعه : كدا كدا

بليز طمنوني ترا مره قلقانه وشايله هم

[دلوعه موت]

كلي تفاح مخلوط بعسل طبيعي على الريق وان شاء الله يزيد وزنه

[Ḿٱ۾ڵيڼٱỄ]

^_^ جزاكي الله خير اختي انا سرت من امس اكل تفاح وان شاء الله استمر عليه ^_^
وان شاء الله اسير كمان اكلو مع العسل ^_^ جزيتي خيرا

يلا اخواتي انتظر خبراتكم

[BęšhoŌ]

اختي انا الا اعرفه انو التمر عادي تاكليه باي وقت يخلي الجنين يصير ذكي وكمان يسهل الولاده
ربي يسهل عليج ويطمنج

*::
،،

[حلة الظل]

شوفي حبيبتي انا لما رحت اراجع وانا في الشهر الثاني قالت لي الدكتوره نفس كلامك

وكلمت امي وقالت كلي تمر كل يووم وزبييب اسوود كمان مره حلو للدم وحلييب السعوديه
مع الخضار الورقياات والعصيراات الطاازجه بس اكثر شي كنت اختمر مع لبن عشان القهود مو كويسه طبعا مع باقي التوصياات اللي فووق ولما رحت الموعد للشهر الثالث قالت ماشاء اللله تبارك الله وزن الجنين كثير زااد واحسن من اول بكثيير ووصتني زياده على اللي قلته الجووز اللي هو عين الجمل وصدقيني لو استمريتي عليها بأذن الله ماتروحيين موعدك الا ووزن البيبي زااايد
لانه يبان الفرق في شهر

[أم رزاان]

مثل ماقالوا البنات
والتمر بالعكس مفيد وأنا والله اكله من بداية حملي وإلى الآن ماتركتة
مع اني قبل حملي هذا اجهضت اربع مرات
ومع هذا الحمد لله ماشفت إلا العافية

تمر مع حليب
وتفاح مع حليب ركزي عليهم

وايضاً اشربي حليب المكمل الغذائي مررررررره بيزيد
وزن الجنين تجدية عند الصيدلية فية منو 3 نكهات
شوكولاتة ، وفانيليا ، وفراوله
http://forum.hwaml.com/t79379.html

وايضاً ركزي على اللحوووم الحمراء والسمك

[رووتا]

انصحك بالتمر كلي سبع تمرات اول ماتصحي وكوبين حليب محلى بشوية عسل يفيدك انتي والجنين ويعطيه قوة

[رووتا]

على الفكرة عشان لاتنفجعي الحليب مرة بالليل ومره بالنهار والعصيرات الطازجة كويسة

[زهرة النرجس]

انا مثلك كنت بالثامن وقالت لي الدكتورة وزن البيبي ناقص وحجمة صغير والمفروض وزنة يصير 2كيلو واهو اقل من 2 كيلو وقمت اكل تمر بكثرة والحمدلله الحين بشهري التاسع صار وزنة 2كيلو و600غرام وان شاء الله على مااولد يكون وزنة تمام

[أميرال]

عليك بالتمر والموز والحليب

[Ḿٱ۾ڵيڼٱỄ]

جزاكم الله كل خير اخواتي الكريمات
ان شاء الله اعمل اللي قلتو عليه وانا كتبت قائمه عشان اتبعها بالحرف بإذن الله يارب :

- سوستاجين : حليب مكمل يزيد وزن البيبي
- تمر
- زبيب اسود
- عين الجمل
- لبن - زبادي
- تمر مع حليب
- تفاح مع حليب
- موز مع حليب
- تفاح مخلوط بعسل

...

ادعولي يابنات يزيد وزن الجنين يارب يارب يارب

[ماروكوو]

هههههههههههههههه بسرق قائمتك منك الحمد لله وزن بيبيتي كثير حلو لاكن ابيها تزيد زياده مو مره بس ابي اولدها ويكون وزنها 3 كيلو

[Ḿٱ۾ڵيڼٱỄ]

^_^ بالعكس ماروكو القائمه للجميع ^_^ عشان تعوووم الفائده ونستفيد من بعضينا
والحمدلله يارب انو بيبيتك وزنه حلو ويارب يارب يارب تولدي بالسلامه وتجيبي احلى بيبي ^_^ وبصحه وعافيه يارب انتي وكل البنات يارب ^_^
شرفني مرورك اختي

[..ام بدر..]

حبيبتي القائمه حلوووة وان شاء الله يزيد وزن الجنين وتطمنين عليه...بس ابغى انبهك لشي العسل مو زين للحامل يقولون يفتح الرحم بسررعه ويجيب الطلق ولا تستخدمه الحامل الا بالشهر الاخير بس لانه حار على الرحم..هالمعلومه سامعتها وحبيت انبهك

[Ḿٱ۾ڵيڼٱỄ]

تسلمي اختي ام بدر عالنصيحه وجزاكي الله كل خير عالدعوه الحلوه يااارب يسمع منك اختي

انا ححاول ما اكثر منه يكفي ملعقه باليوم اعتقد ^_^

طيب بنات ماقلتولي كيف احسب حركات البيبي ؟؟

[looly-woow]

شوفي ياقلبي اول شي توكلي على الله واسالي الله عزوجل ان يخرج سالم معافى من كل شر ومرض
انا بقولك قصتي مع المستشفى في حملي الاول
انا كمان كنت بالسابع وقالوا لي ان البيبي مرا وزنه صغير على السابع وحولوني على قسم التغذيه وعملوا لي سونار عشان يشوفوا تغذية المشيمه للبيبي وكان اساسا اكلي كويس مرااا .. بس ماسمعت لكلامهم توكلت عل ربي وكنت ادعي في صلاتي ان ربي يحسن خلقه ويخرجه سالم معافى من كل شر وكل مرا اروح لهم يقولوا لي نفس الكلام وانا ما اصدقهم ولما ولدت كان وزنه 3 كيلووو وكلامهم كله طلع خرابيط ..
من سأل الله وتوكل عليه ماخاااب ..والله يفرحك بشوفته سالم معافى يااارب

[@شيخة البنات@]

حبيبتي ما تخافي من كلام الاطباء حتى لو ناقص 100 جرام يقولون ناقص واجد
اختي كانت حامل في السادس و وزن الطفل 300 جرام ناقص لاخر درجه تعرفي ايش اكلت دبس التمر تخلطه من طحينه السمسم تاكل عالفطور معلقة مع خبز ما تكثري من المعلقة واكل الفواكه والسلطه مع زيت الزيتون وعند الولادة كان وزن سلوم 2.ونص
فديته ::::
والله يسهل ولادتي اللحين انا بالتاسع وامكن عملية ادعو لي اولد طبيعي

[Ḿٱ۾ڵيڼٱỄ]

^_^ شكرا اخواتي عالمرور ^_^

طيب كثرة العسل والتمر مايجيب سكر الحمل صحيح ؟

[بنت سدير]

كثري تمر ولبن وبتشوفين كيف يفرق في وزن الجنين ...

واهم حاجه انتي تاكلين فيتامينات؟؟؟؟؟؟؟؟؟؟؟؟؟؟؟؟؟؟؟؟

[sooma1]

ام لينا مانصحك بالعسل انا بعد مثل ام بدر سمعت انه موووزين بس مدري ليه مو زين انتي لاتقلقي اهم شي قبل النووم كلي مووزتين وكاستين حليب وبعدين ياقلبي والله انا قريت معلومات بالنت يقولوا سبحان الله يزيد وزنه بالشهر 8 و9 بزيييييييياده يعني انتي صلي اليل وامرك على ربك وكلي اكل زين اجبان اهم شي اللي فيها كالسيوم وايه صح بقولك اذ انتي تاكلي حبوب الحديد بالصباح حاولي ماتكالي شي فيه حليب واذ اكلتي انتظري نص ساعه واكلي حبوبك لان حبوب الحديد علللللللللى حسب ماقريت بالنت وعلومني البنات <<لاني بكريه اكسر خاطرهم ههههههه قالوا لي اذ اكلتي او شربتي حليب قبل حبوب الحديد انتزري نص ساعه وبعدين خديهااا لان الحليب +الحديد راح يئخر فائده الحبوب هيييييييييييك قاللوا لي والله اعلممم وانتي هونيها وتهون والله يكون معنآ يارب ويسهل لنا

[sooma1]

بس مع حبوب الكاليسيوم عاااااااااادي

[ماما zozo]

كثري من الخضار والفواكه وعصير البرتقال خليه بشكل يومي تقريبا والجرجير زين يقووي الدم

[Ḿٱ۾ڵيڼٱỄ]

كثري تمر ولبن وبتشوفين كيف يفرق في وزن الجنين ...

واهم حاجه انتي تاكلين فيتامينات؟؟؟؟؟؟؟؟؟؟؟؟؟؟؟؟؟؟؟؟

ان شاء الله ^_^ يارب يزيد وزنها يااارب

ايوا انا اخذ الفيتامينات كالسيوم وحديد واوميغا 3

شكرا اختي على مرورك ^_^

[Ḿٱ۾ڵيڼٱỄ]

ام لينا مانصحك بالعسل انا بعد مثل ام بدر سمعت انه موووزين بس مدري ليه مو زين انتي لاتقلقي اهم شي قبل النووم كلي مووزتين وكاستين حليب وبعدين ياقلبي والله انا قريت معلومات بالنت يقولوا سبحان الله يزيد وزنه بالشهر 8 و9 بزيييييييياده يعني انتي صلي اليل وامرك على ربك وكلي اكل زين اجبان اهم شي اللي فيها كالسيوم وايه صح بقولك اذ انتي تاكلي حبوب الحديد بالصباح حاولي ماتكالي شي فيه حليب واذ اكلتي انتظري نص ساعه واكلي حبوبك لان حبوب الحديد علللللللللى حسب ماقريت بالنت وعلومني البنات <<لاني بكريه اكسر خاطرهم ههههههه قالوا لي اذ اكلتي او شربتي حليب قبل حبوب الحديد انتزري نص ساعه وبعدين خديهااا لان الحليب +الحديد راح يئخر فائده الحبوب هيييييييييييك قاللوا لي والله اعلممم وانتي هونيها وتهون والله يكون معنآ يارب ويسهل لنا
^__^ تسلميلي ياعسل على مرورك الرائع ^_^ العسل قريت عنه انو موكويس بالشهور الاولى ^_^ اما الثامن والتاسع فعادي والله اعلم ^_^
اما الموز باكل وان شاء الله يارب يجيب نتيجه وباكل تفاح كمان بالعسل ^_^ يارب يجيب نتيجه
اما الحبوب اكيد صحيح كلامك مره ماينفع مع بعض الحديد والكالسيوم
بس نصحتني الدكتوره قالتلي : خذي الكالسيوم بالنهار والحديد بالمساء ^_^ وماشيه على هالنصيحه من زمانو ^_^
يارب الحمدلله هانت خلاص كلها شهر ونرتاح ونبدأ حياه جديده ^_^ ونغذيهم صح > حتفتري فيها من بدري ^_^

شكرا اختي على مرورك ^_^

[Ḿٱ۾ڵيڼٱỄ]

كثري من الخضار والفواكه وعصير البرتقال خليه بشكل يومي تقريبا والجرجير زين يقووي الدم

ان شاء الله حتى فكرتيني اعمل خلطة سلطة تفاح بالبرتقال والعسل ^_^ > الهمتيني بصراحه

والجرجير صحيح كلامك انا ماكنت اكله خصوصا بالشهور الاولى لكن ان شاءالله اكله ويجيب نتيجه ^_^
شكرا اختي على مرورك ^_^

[بنت الاصيل]

انا كمان زيك الدكتوره شافت الجنين وقالت مره وزنه قليل وقاللي ان في مشكله في المشيمه ما توصل الاكل للجنين كويس وعطتني برشام اسمه جو اسبرين وقالتلي تجين بعد 10 ايم ولما رحت شافت وزن الجنين زايد بشكل ملحوظ وقالتلي استمر عليه اسبوع كمان علشان انا في التاسع ولازم يكون الجنين وزنه مناسب
وفائدة البرشام اللي اخدته انه بيحسن عمل المشيمه والدم علشان توصل الغذاء للجنين ويستفيد بيه

[Ḿٱ۾ڵيڼٱỄ]

انا كمان زيك الدكتوره شافت الجنين وقالت مره وزنه قليل وقاللي ان في مشكله في المشيمه ما توصل الاكل للجنين كويس وعطتني برشام اسمه جو اسبرين وقالتلي تجين بعد 10 ايم ولما رحت شافت وزن الجنين زايد بشكل ملحوظ وقالتلي استمر عليه اسبوع كمان علشان انا في التاسع ولازم يكون الجنين وزنه مناسب
وفائدة البرشام اللي اخدته انه بيحسن عمل المشيمه والدم علشان توصل الغذاء للجنين ويستفيد بيه

اهااااا تصدقي افتكر دخلت موضوع وحده كانت بتسأل عنه الاسبرين انا مافهمت القصه لكن قريت بالنت انو برضو خطير لأنو اعتقد يميع الدم
انا حسأل الدكتوره عنه بإذن الله الاسبوع الجاي بالمراجعه واسألها هل هوا كويس ويارب اذا فيه فايده توصفه ليا ويارب خير
جزاكي الله خير على المرور الكريم ^_^