من وين التجهيز في الاحساء

[ابدوية]

ياليت يابنات تعلموني من وين جهزتو لنفسكم وللبيبي عطوني اسم المحلات ومكانهم والاغراض اللي اشتريتوها وكيف راح تكون تقديماتك بالنفاس متى راح تستقبلين الناس بعد الولادة جزاكم الله خير لاتبخلون علي بااي شيء

[القنوعه]

هلا بنت ديرتي

ياقلبي انا جهزت للبيبي من سنتر بوينت ومن الصقر اللي في السوق ومن محل في فوارس مول للاطفال
وأخذت طقم نفاس كامل من محل اللي مقابل البلديه
واما استقبال بعد الولاده بيتنا مفتوح من اولد الين اطلع من نفاس مافي وقت محدد

الله يسهل علينا يارب

[آلوآن الطيف]

شيكي على الخاص :)

[*قلب(H)حبيبي*]

لي عودة للموضوع بكرة إذا ما ولدت خخخخ

[ريونه]

سنتربوينت
مذركير
الصقر
يوم بيوم
بيبي ستي
هذا اللي اعرف للمواليد
ربي يقومك باالسلامه

[ابدوية]

وين محل يوم بيوم وبيبي سيتي واسم المحل الي بالفوارس او وين الدور الصاني؟ ولكم الشكر
ومتى جهزتو التوزيعات والامور وشناوين تسون مااعرف

[*قلب(H)حبيبي*]

سنتر بوينت
مذكير
طيف
يوم بيوم
بيبي جود
بعد بيبي سيتي بس ما حبيته لأن كنت بشتري منه السرير و كل مره يقول لنا تاريخ ان بيجيبون سراير حسب المواصفات اللي نبغاها آخر شي طفشنا ولا عاد رحنا له ولا شريت منه ولا شي
و أخذت السرير من طيف

[دلع الأحساء]

يؤ عاد انا ماعرف شي انشاء الله لحملت وقربت من الأشهر الأخيره اجي لموضوعه واستفيد منه

[ابدوية]

وين محل طيف وسعر السرير

[أم ريـم]

محل طيف موجود في القاارة واسعاره حلوة ومناسبة اسعاره ما بين 400 و300 للاسرة وجودتها ممتازة انصحك فيه

[ريونه]

يوم بيوم عند فندق الغزال
بيبي ستي مقابل العثيم مول

[ابدوية]

جزاكم الله خير ماقصرتو

[*قلب(H)حبيبي*]

أنا أخذت السرير من فرع طيف اللي بالشعبة
و تقريبا السرير كله مع المفرش للبيبي طبعا بس 900 لأن أنا أخترت قماش غالي تفصيل
عموما إذا جا زوجي من الدوام بخليه يقولي كم سعر السرير لحاله و سعر القماش و تفصيل المفرش و نوع القماش لأن قماش عن قماش يختلف


بس نصيحة روحي لهم بدري شوي يعني بشهرك السابع لأن عندهم زحمة
رحت لهم بنص السابع وقالوا اسبوعين ويخلص و خلصوا اسبوعين و 3 و 4 أسابيع و السرير لسى ما وصل وكل شوي زوجي يكلمهم و يقولون هالأسبوع لين الحمدلله انولد السرير ههههه بعد الحنة والرنه بعد شهر وشوي

[ريونه]

سؤال حبيبتي حبي
محل طيف عندهم ادراج للبيبي
بلاستك ؟

[*قلب(H)حبيبي*]

بالنسبة للسريرخشبي سعره 350
و المفرش تفصيل سعره 600 إسباني في أنواع ثانية أرخص بس الإسباني أحسن شي
طبعا المفرش يحتوي على " مفرش و مخده مستطيلة ومخده ع شكل قلب و ستارة "
و أحسن لك خذي مرتبة طبية في مرتبة ضغطها 60 ب100 ريال
و فيه مرتبه ب70بس مدري كم ضغطها لأني أخذت اللي ب100

******************

ريونه
ايه يا قلبي عندهم أدراج بلاستيك
فيه تقريبا نوعين أو ثلاثة
بس اللي عجبني لونه بني فيه درجين مربعات من فوق و اللي تحت مستطيلات
و هذا يجي 5 أدراج ب 280
و يجي 4 أدراج ب 250

أنا أخذت اللي 5 أدراج
وبث


و أي سؤال أنا حاظرة حبيباتي بس عجلوا قبل أولد ههههه
و بكرة بصور لكم السرير و الدولاب و بحطهم إذا ما ولدت << تتحلم إنها بتولد بكرة هع

و أدعوا لي أولد بليييييييز يالغاليات لأني خلصت التاسع أمس و الدكتورة تقول مهلة لين السبت الجاي إذا ما ولدت بتعطيني طلق صناعي والله ييسر إن شاء الله

تصبحن على خير<<< أحس إني كثرت هذره هههه

[حرم المالكي]

ماشاء الله كفيتوا و وفيتوا..

بس لطفاً و ليس امراً نبي نعرف عناوين المحلات اذا في امكانية حق اللي من برع الاحساء؟hwaml59

الله يسهل عليكم و يرزقكم الذرية الصالحة

[ابدوية]

عطونا اسم المحلات اللي صار فيها تخفيضات او متى يبدا التخفيض ياليت نفيد بعض

[ابدوية]

ياليت اللي تعرف وين القى المكسرات والموالح المغلفة ماتبخل علي ...

[ابدوية]

جاني خبر ان فيه تخفيضات على بعض الاغراض للطفل وتخفيضاتهم مو ذاك الزود بالحسا

[هيصة شمام]

يعطيكم الف عافيه على المعلومااات
ويحفظ لكم اطفالكم والي باقي الله يطلعكم بالسلامه

[ام الجوهرة 2012]

جهزت ملابس البيبي من سنتربوينت
والطقم للنفاس من عالم المولود اللي في الدور الثاني
في سوف هفوف بلازا يجننن الصراحة واسعارهم حلوة
الف وست ميه ريال
والاستقبال وتقديمات من امكان كثيرة لان تعرفين الحسا ماشاء الله
في هالامور متوفره لها اسواق ومحلات في اي شارع ودعوس hwaml02

[دانه مول]

عندك مذركير وسنتربويت شيكو

كلهم حلوين الله يوفقك ياقلبي