الدورة متأخرة أربع أيام والتحليل سلبي

[ابتسامتي سر سعادتي]

السلام عليكم ورحمة الله وبركاته
مالي غيركم بعد رب العباد يفيدني
انا تابعت الشهر اللي راح للحقن ورحت يوم 15 الدورة وقالي الدكتور انه كان عندي اربع بويضات 2 نزلو و2 لسة صغار وما نزلو ومش راح ينفع نعمل الحقن هادا الشهر لانه البويضة نزلت
ومفروض تيجي الدورة بعد 14 يوم من الصورة
واحنا الحمد لله ما عنا مشاكل لكن قلنا بنجرب الحق من باب التجربة

الصورة كانت في 12 ذي الحجة
يعني مفروض الدورة جاتني من 4 ايام
وماااااااااااااااااااا جت
وانا تأخرت الدورة يوم اللي مفروض تيجي ما أجت
تأخرت تاني يوم ما أجت رحت طيرااااااااااااااااااااان على المختبر وفرحانة لانه ما في اماكانية لغير الحمل
وطلعت بالنتيجة سالب يا أختي
انصدمت
رحت بنفس اليوم بالليل حللت تحليل حمل هرموني لسة مصرة انه عندي حمل hwaml7
والنتيجة 0
يعني ماااااااااااااافي ولا نقطة هرمون حمل في دمي

طيب قلت خلص بكرة بتيجي وراح بكرة وما اجت بعدو بتيجي ولاااااااااااا جت
كلمت الدكتورة حكتلي انه مستحيل اكون متابعة التبويض وما جت الدورة بعد 14 يوم لو شو ما كان الا انه يكون في حمل

بعدين قالتلي الا اذا كان اكثر من بويضة وواحدة انفجرت والثانية ما انفجرت كانت صغيرة وبتكون عملت كيس في المبيض راح يأخرلي الدورة بس يعني راح يأخرها كم يوم ولمتي راح ضل هيك والله هالشهر نفسيتي تعبت كتييييييييييير :(:(
ساعدوني
مين حصلها مثلي وكم يوم أخرت عليها الدورة
ادعوووووووووووولي امانة عليكم

[امل في الله]

الله اعلم ما اقدر افيدك بس
يا اختى ربنا يرزقك من واسع رحمته وكرمه الحمل العافى المعافى
يا رب يا كريم

[ابتسامتي سر سعادتي]

حبيبتي تسلميلي يارب
انا اعتبرت انه ما عندي حمل
وصرت انزل على الدرج نط عشان تنزل الدورة وانزل واطلع الدرج كتير
بس مش عارفة ليش مش راضية تيجي الدورة لهلأ :(

[عقد لؤلؤ]

ليش حبيبتي تسوي كذا فنفسك

أحيانا يكون حمل بس يكون ضعيف وما يبين بدري

وأنتي تسوي كذا لا قدر الله تخلي الجنين ينزل

ما ينفع كذا استني إذا جات الله يحيها ولا أكيد حامل إن شاء الله

لكن لا تسوي كذا فنفسك بعدين لو طلع حمل رح تندمي إذا سقطتي لا قدر الله

[demoshka]

كلام الطبيبة صحيح بعد تناول المنشطات للحمل

ممكن تتأخر الدورة وخاصة اذا كان في الشهر مفرز المبيض اكثر من بويضة

استني اسبوع وان شاء الله الدورة بتنزل

كلي 7 حبات هيل

حطي حبتين بتمك وامضغيهم جيدا

ويعد ساعتين كرري العملية ليصيرو 7 حبات

واشربي نعنع ساخن مفيد ايضا لحالتك

ومافي حمل هذا الشهر لاتتوهمي حبيبتي خلي الدورة تنزل مشان تبلشي علاج الشهر الجاي لاضيعي الوقت

[ابتسامتي سر سعادتي]

حبيبتي عقد لولو انا ما عندي امل ولو واحد بالمية انه في حمل
خلاص التحليل الهرموني طلع صفر من وين بدو يجي الحمل مشان هيك بدي اياها تنزل تعبتني
المشكلة كان عندي كل اعراض الدورة قبل الدورة من مغص ووجع ظهر وبس راحت الدورة وغابت هلأ ما في اي اعراض لا مغص ولا وجع ظهر راح اتجنن

[ابتسامتي سر سعادتي]

حبيبتي توأم كوكو لا تخافي حبيبتي ما متأملة حمل انا من رحت احلل الهرموني كنت شبه متأكده انه ما في حمل ^_^ بس بحلل لانه نفسي يكون حمل
انا كاتبة الموضوع لأسأل ان كان حد صار معه متلي وكم تأخرت الدورة عليها
الهيل شو بيعمل ؟؟
اول مرة اسمع عنه

[demoshka]

اهلين حبيبتي

ان شاء الله الشهر الجاي تبشرينا بالحمل امين ياااارب

الهيل بنزل الدورة وممكن يسبب اجهاض للحامل اذا تناولته باول 3 شهور من الحمل
والنعنع ايضا