استفسار عن موية الراس ..

[نسيم الصبا]

سلام كروشات

حبيت استفسر منكم ممكن تكون وحده نفس حالتي

وتعرف السبب ... انا سبحان الله يجيني الطلق وكل شي بس مشكلتي المويات ماتنزل

يعني ممكن يوصل لسبعه سانتي ومانزلت الا لازم ينزلونها لي

في حملي الاول والثاني نفس الشي ماني عارفه السبب

والحين خايفه في حملي الثالث يسير لي نفس الموضوع ماتنزل المويات

نفسي تنزل علي من حالها

اللي تعرف طريقه ولا السبب ولا اي حاجه عارفتها عن موضوعي ياليت ماتبخل علي

مشكورات ياعسولات

[ام الهادي]

وعليكم السلام
الصراااحة اول مرة اسمع بكدا بس ربنا يسهل عليك وانشالله تنزل لحالها بس ما اتوقع انه خطر وانشالله البنات يفيدوك

[أم ريـم]

والله ما عندي خبرة بهالموضوع الله يسهل عليك وتولدي بالسلامة بس اتوقع افضل لك لو ما نزلت احسن ما تنشف على الجنين والرحم لسه ما فتح

[نسيم الصبا]

ام الهادي وام ريم
يعطيكم الف عافيه ان شاء الله وحده من البنات تكون عارفه شي

والله مستغربه مافي وحده مثلي

[ام اسكندر]

سبحان الله
هذي حكمة الله في وضعك
والله يسهل لك اللي فيه الخير

[صمت الوداع]

حبيبتي انا عندي نفس الشئ بس مادري ليه ماتنزل

[نسيم الصبا]

ام اسكندر له حكمه في ذلك سبحانه

صمت الوداع واخيراااااااا وحده مثلي طيب ماسئلتي ايش السبب وكم ولاده مرت عليك نفس الوضع

[صمت الوداع]

لا ماسألت ولاداتين

[na3ooma]

انا زيك حبيبتي 3 ولادات وماتنزل لازم لما اوصل 7 سم يفكوها
وصدقيني احسن بكثير
لو نزلت بدري قبل مايفتح عنق الرحم راح يبدا طلق حامي مره
وكمان ممكن تدخل جراثيم للجنين علشان كدا اول ماتروح لهم اي حامل ونزلت موية الجنين يحجزوها بالمستشفى حتى لو يومين مايخلوها تطلع خوف على الجنين
ولو نزلت كل الموية ومابدا الطلق ممكن يضطروا لقيصري
فالحمدلله هذي نعمه ان الموية اخر شي ينزل ويحمى الطلق بالنهاية والجنين يكون محمي

[فليك]

اهلا عيوني
انا برضو هدا حملي التالت و ما قد نزلت موية الراس من حالها ، الا على يد الدكتوره
بيجيني هالايام طلق كاذب يموت و جد نفسي تنزل المويه لحالها لكن ما اعرف طريقه تنزلها ......
الله يقوينا يارب

[ياورد]

انا الثاني والثالث بس صحيت من النوم ونزلت مويه الراس اما الرابع مانزلت
احسن شي في المستشفى صديقتي نزلت مويه الراس كلها بالبيت وماعندها طلق حار ونشفت المويه يوم وصلت المستشفى وكشفو حصلو المويه نشفت وسوو لها قيصري وجا البنت نقص اكسجين وتعبانه مره البنت
احسن شي في المستشفى انا نزلت بالبيت بس جاني طلق مررره وصلت المستشفى وعلى طول ولاده

[سنة حلوة]

انا 3 ولادات ماعمرها تنزل الا لمايفكوها سبحان الله وشكله افضل ماتنزل والله اعلم

[ام ايات]

الله يسهل عليك

[أم رزاان]

ياقلبي وين المشكلة ؟!
كثير من النساء ماتنزل الموية إلا لحظة خروج الراس
عشان كذا يسمونها موية الراااااس !!!!

وبالعكس كل مابقيت الموية كان اصح للجنين !

الله يسهل امووور ويكتب لك الساعة الهينة

[نسيم الصبا]

اللهم امين
لكن انا استغربت اغلب اللي حولي تنزل معاهم قبل الروحه للمستشفى
طالما هيك اصح للجنين الحمدلله يارب
مشكورات حبيباتي على الرد