المشيمه نازله وأنا في نهاية الرابع..أفيدوني الله يجزاكم خير

[نونه الأموره]

السلام عليكم يابنات .. كيفكم ؟
إن شاءالله تكونوا بخير والله يطمن قلوبكم ويفرحكم يااااااارب
أنا باقي لي يومين وأخلص الشهر الرابع قبل أسبوعين ويمكن أكثر شوي رحت الدكتوره عندي موعد وسوت لي سونار وقالت الحمدلله وضع الجنين كويس ونبضه زين لكن حجمه صغير بالنسبه للشهر الرابع وتقول المفروض يكون أكبر من كذا وتقول إن المشيمه عندك نازله شوي عند عنق الرحم وقالت انتبه لنفسي وماأشيل شي ثقيل ... المهم عطتني موعد ثاني ورحت لها يوم الخميس وطمنتني على وضع الجنين لكن برضو حجمه صغير والمشيمه للحين نازله
ونصحتني بأكلات معينه ووصفت لي حبوب كالسيوم وحديد وقالت ماأشيل ولا أدف شي ثقيل ودايما أرتاح وماأمشي كثير والحمدلله على كل حال ...
وبنت خالتي ولدت قبل سنه ونص تقريبا وكانت نفس حالتي وسوو لها ربط وقالوا لها ترتاح على ظهرها فتره لحد ماترتفع المشيمه والحمدلله بعد فتره ارتفعت وجابت بنوته حلوه ماشاءالله
لكن أنا ماقالت لي الدكتوره إنه لازم لي ربط ..
إذا وحده فيكم صار لها كذا أو تعرف وحده مرت بهالحاله وماسوت ربط والحمدلله كمل حملها وولدت على خير تتطمني والله هالأيام قلقانه ودايما أفكر وخااايفه
أسأل الله إنه يثبت حملي على خير ويفرحني بشوفة طفلي سليم معافى
والله يثبت حمل جميع الحوامل على خير ويفرحهم بالذريه الصالحه وهي سليمه وبصحه وعافيه والله يرزق كل محرومه ياااااااارب

وآآآآآآآآآسفه جدا على الإطاله وعارفه ثقلت عليكم بكثرة كلامي لكن يعلم الله إني حبيتكم وحبيت هالمنتدى وارتحت معاكم

[..ام بدر..]

الله يثبت لك حملك حبيبتي ويطمن قلبك....بالنسبه لحجمه يمكن انتي حملتي متأخر قبل دورتك
واما عن المشيمه عادي لانها غالبا ترتفع في السادس انا دكتورتي تقول ما احكم عليها نازله او لا الين تدخلين السادس....تطمني وان شاءالله انها ترتفع.....وحالات نادرة الي تحتاج ربط مو كل اللي عندهم نزول مشيمه

[زوجي هو حياتي]

حبيبتي انا هم عندي المشيمة نازلة من شهر الثالث بس عادي انتي اهم شي ترتاحين وماتشيلين شي ثقيل واصلا المشيمة راح ترتفع بعد شهر السادس او السابع بسبب كبر حجم البطن عندما يكبر الرحم يرفع المشيمة معاه ابد لاتخافين لكن عليكي بالراحة التامة

[أريج العطر]

ما أعرف طريقة أو علاج معين بس زوجة أخو زوجي نفس حالتك وما سوت لها الدكتورة شيء

الله يشفيكم ويقومكم بالسلامة

[نونه الأموره]

أم بدر .. زوجي هو حياتي .. أريج العطر
الله يجزاكم كل خير حبيباتي والله يطمن قلوبكم ويرزق كل وحده باللي تتمناه
تشرفت بردودكم

[jorri sham]

نونة الامورة لا حبيبتي انتي لا تقلتي ولا ششي
كل شي عندك اسئلي نحن هون منساعد بعض ومتل اخواتك
المهم الله يثبتلك حملك يارب
والله ما بعرف عن الربط ولابعرف حدا عمل هيك
بس انتي مشان حجم البيبي كلي منيح وتغذي خضار وفواكه وحليب ولحم وتمر ..
وخضروات لي فيها حديد مشان يكبر البيبي
وريحي نفسك منيييييييح كتير ولا تتعبي حالك حتى بقضي غراض البيت ..
انا كانت متلك المشمية نازلة بأول الرابع وضلت لل6 نازلة وبعدين رتفعت فوق فوق سبحان الله

[نونه الأموره]

يسلمووو حبيبتي الياسمين الدمشقي على مرورك
شرفتيني بوجودك
والله يطمن قلبك ويسهل لك أمورك

[دلع الأحساء]

حافظي ع نفسك ولا راح تنفصل ويموت البيبي

[جووووود]

في الرابع قالت لي المشيمه مره نازله عندك

وقالت لي ماتحرك كثير

والحمدلله الحين صارت تماما

وبالنسبه لحجم الجنين

كلي رمان عنب وان شاء الله يصير دبدوب

[*ام هيمن*]

الي ادري بي ترتاحين على ظهرج وترفعين رجلج
وموشرط تسويلج ربط يجوز وضعج ميحتاج ربط
والله يثبت حملج يارب

[نونه الأموره]

دلع الأحساء .. جووود .. أنت روحي
يسلمووو حبيباتي على ردكم والله يطمنكم على أولادكم ويتمم لكم أموركم على خير
والله يثبت حملي وحمل جميع الكروشات على خير يااااارب

[///فرح//]

شوفي حبيبتي اختى دائم تنزل عندها وضغطهايرتفع ف تجي عندنا علشان ترتاح لانهابيتهادور ثاني ادا عندك درج تجنبيه قدر الامكان وارفعي رجولك وبترتفع ان شاءالله

[نونه الأموره]

يسلمووو حبيبتي سبيعيه على النصيحه
الله يطمن قلبك ويجزاك كل خير

[رحيل!]

لا تخااااافي انا نفس حالتك و سألت دكتورتين قالوا لي مانقدر نحكم على نزول المشيمه
الا بالشهر السابع لان الجنين الحين كل مايكبر يرفعها معاه
و بالنسبه للربط يسوونها للي عندها توسع في عنق الرحم مو لان المشيمه نازله
و بالتوفيييق حبيبتي

[نونه الأموره]

يسلمووو حبيبتي رحيل والله يطمن قلبك مثل ماطمنتيني