كيف اعود طفلي ع اللهايه ؟

[مرهفة حس]

كيف اعود ابني على اللهايه لانه يبكي كثير وانا ارضعه طبيعي بالله للي عندها حل اعطيه ايها يطلعها بلساته

[Mقمة البرااااائهM]

خذيله لهايه صغيره مناسبه لعمره....

فتره وبيتعود..حطيها في ثمه وخليج ماسكتنهااااا وبيتعود..

الله يسعدج......

[نبض رو ح]

لما تحطيه في اللهايه ضعي بجانبه احدى من ملابسك علشان يطمن انتي جنبه
بكدا تقدري ترتاحي الله يوفق الجميع ويحفظه لكي ويحميه
تقبلي عطري وباقة وردي

[*قلب(H)حبيبي*]

اللهاية تضر أسنان البيبي
و تسويله غازات خواتي نصحوني ما أعود البيبي ع اللهاية و أنا ما شريتها مع إغراضي
فأنصحك لا تعودينه عليها و انتي براحتك

[مسرات]

حطي عليها عسل طبيعي
وواظبي على اعطاءها له دائما حتى يتعود عليها
ولا تخافي ما تعمل غازات ولا مغص ان شاء الله
ابني الصغير عمره شهران -قولو ماشاء الله- تعود ينام بيها

[hnen]

أنا عانيت مع ولدي ألين تعود عليها والأن أتمني أني ما عطيته أيها
لأنه كره صدري يبغى اللهاية ويبكي إذا عطيته صدري
نصيحتي لا تعطينه لأنه راح ينفطم منك

[لمعة الماسة]

ماانصحك فيها

[المذهلة]

لا تعودينه عليها بعدين تتحسفين

أنا طفلي صياح درجه أولى و عمره الآن ثلاث شهور و الله ملعوزني بمزاجيته و صياحه لكني صابره و متحملة و اقول مستحيل اعطيه لهايه اصلا لو بعطيه يمكن بحس بتأنيب الضمير هههه

معليش تصبري و حاولي تهدينه إذا كان يبكي من مغص عطيه دواء يخفف عنه و إذا كان مو من ألم عادي اقري عليه قرآن أو هزيه و حمليه بعدها بيهدىء

معليش الأمومه متعبه جدا لكنها ممتعه و الله لا يحرم أحد منها

[* S A R A *]

والله ياقلبي الافضل ماتعودينه على اللهايه ..تخرب اسنانه وتتعب فكه

[4يو]

حسب تقبل الطفل لها انا عيالي الثلاثة قبلوها وما سولي مشاكل الحين ولدي ابو شهر عذبيني موراضي يقبلها قلت يمكن خيره من ربي الفه واهزه واحطه في الهزاز يرتاح شوي يمكن ولدكي عنده غازات اعطيه ينسون مع سكر نبات وتشوفين كيف يهدى الينسون

[دلوعه عبدالله]

لااااااا تعطيه لهااايه

ترى النتايج بتصير عكسيه ع اسنانه ولثته

مثل ماقالو الاخوات

وانتبهي من انك تحطي عليها العسل ترى انا ولدي يوم هو صغير عطيته عسل وبغى يروح فيها بسم الله عليه

العسل يسبب تسمم للاطفال تحت السنه

[nwarah]

اللهاية تفطم الطفل من صدر امه اما بالنسبه انها تخرب الاسنان انا اخواتي كانو يعطوها لعيالهم وما سوتلهم شي وانا بنتي الحين اتعودت عليها وما ترضى تفكها

وبالنسبه لدلوعه عبدالله العسل ابدا ما يسوي تسمم بس الطفل ينشرق فيه لانه ثقيل
يكفي ان الله سبحانه قال عنه فيه شفاء للناس فكيف حيسبب تسمم

[امه الله 2]

العسل صحيح يعمل تسمم للرضع قبل السنه لان فيه احياء دقيقه تسبب التسمم للرضع دون السنه اعملو سيرج او بحث وتاكدو من كلامي

[الضمير المستتر]

انتبهو من هز الطفل انتبهو يرج الدماغ