زيت الخروع ؟ [الأرشيف] - منتديات حوامل النسائية

مشاهدة النسخة كاملة : زيت الخروع ؟

ام موزانه

11-05-2011, 12:06 PM

هلا حوامل شحالكم ؟

اباكم تفيدوني لانه في ناس تمدح ف زيت الخروع انه يسهل الولاده ويجيب الطلق وفي ناس تذم فيييه

ف انا البارحه رحت وحطيت معلقتيين من زيت الخروع مع عصير البرتقال وشربته
ومن بعده 5 مرات وانا فالحمام اسهال والسهال نفس الماي ينزل بس لونه اخضر

ف عطوني رايكم يا خواتي >< ؟؟؟؟؟؟؟

ام موزانه

11-05-2011, 12:15 PM

وينكم ؟؟؟ ؟؟؟

هيووونه

11-05-2011, 10:09 PM

انا كمان ماعندي فكره ناس تقولي اشربيه وناس تقولي لا محتاااااااره

أم شيخه

11-05-2011, 10:17 PM

مادري والله ماعندي فكره حبيبتي

!راما!

11-07-2011, 08:52 AM

انا شربته قبل اسبووع
شربت علبه كاالمه ولا جاني لاا طلق ولا الم
غير انه جاني اسهاال فظيع
احس انه ما ينفع

راجيتن الله

11-07-2011, 06:32 PM

فوووووووووووق احد يفيدنا يامجربات

ام موزانه

11-07-2011, 08:36 PM

انا بعد احس بس ايب اسهال
بس اختي تقولي انه اوكي اذا يالج اسهال ينظف البطن قبل الولاده وتأثيره تقولي يبين فالولاده يسهل الولاده ويخلي البيبي يزلق ها الي اعرف

وحبايبي الي مجربه تخبرنا
وبعد سمعت انه شراب المرقدوش زين وايد بس بعد مب متأكده والي مجرب يخبرنا عن زيت الخروع والمرقدوش

عمتووووووو

11-07-2011, 09:31 PM

سلام ام موزانه
حبيبتي انا بحملي الاول اخذت ملعقتين زيت خروع عالريق
بس كنت قبلها 3 ايام عندي طلق بدون مايفتح الرحم
فتوكلت على الله وشربته الصباح
المغرب بنتي بين ايديني الحمدلله
ودحين انا حامل بالثامن واذا نفس الشي كان الطلق بارد رح اسوي نفس الشي
عموما الموضوع يفرق من وحده لوحده
دمتي بخير

Leena.A

11-07-2011, 10:26 PM

حبيباتي اللي أعرفه انه فلسلفة شرب زيت الخروع عشان يجيب إسهال أكرمكم الله
و لما يجي الإسهال ينضف البطن و تنقبض الأمعاء و يسير فيها تقلصات
بالتالي ممكن تحفز الرحم على التقلصات
و الأجسام تختلف .. في اللي ما يناسبها و ما يسوي معاها شي سبحان الله
و في اللي يحفزلها الرحم و يجيبلها تقلصات و يحمى الطلق
و قرأت انه الأفضل ما تاخديه إلا لما تستشيري طبيبتك الخاصة و هي تقولك إذا كان مناسب الآن تاخديه وللا تأجليه .. حسب أعتقد مكان راس البيبي .. و استعداد الرحم للطلق .. و اتساع عنق الرحم
الله يسهلكم كلللللكم و يسهلي يارب و يجيبلنا ساعة السلامة

ام موزانه

11-08-2011, 12:30 PM

انا حسيت بعد انه ع حسب كل وحده وجسمها
ف يمكن ما يفيدني
بس بسألج عمتوووو انتي خذتي الخروع ف اي اسبوع لانه انا الحين فالاسبوع 39 ونص

عمتووووووو

11-08-2011, 06:42 PM

هلا ياقلبي
انا اخذته في اليوم اللي حددوه للولاده يعني اخر التاسع
كنت خايفه لاني بكريه ادخل العاشر وكنت طفششششانه مره خلاص ابغى اولد بأي طريقه
وزي ماقلت لك كان عندي طلق بدون مايفتح الرحم 3 ايام أتعذبت فيها الحمدلله
الله يقومك بالسلامه يارب

فليك

11-08-2011, 09:47 PM

اهلا عيوني
انا بولادتي السابقه دخلت العاشر و الرحم مفتوح 1 سم و مافي اي الم طلق ولا شي توكلت على الله و شربت 30 مل زيت الخروع مع كوب العصير من بعد العصر على المغرب بدء معي الطلق و ولدت الفجر .
انا انصح فيه و كثيييييييييير الي يمدحوه خصوصا من ايام زمااااان و اجدادنا كانوا يشربوه وقت الولاده - و فعلا زي ما قالت الاخت هو مو شرط يجيب الطلق بس يزحلق الجنين ساعة نزول الراس .
الله يقومكم بالسلامه يارب .

ام موزانه

11-09-2011, 01:27 PM

تسلمون فديتكم عـ المعلومات
وتسلمون بعد عـ ردكم لي

mai mohamed

11-09-2011, 05:09 PM

زيت الخروع مفييييد جدا انا لما بدات اتعب شويه وجالى مغص اخدت منو كام معلقه ومن بعدها اسهال وجالى الطلق والفجر كنت والده وانا كنت اخدتو المغرب
وكمان لو مفيش طلق بينضف البطن عشان من كتر الحزق بيبقى الامر مؤرف وخارج عن السيطره كده بتبقى مطمنه

ام موزانه

11-09-2011, 09:18 PM

تسلمين الغاليه ع الرد