هل تشقير الحواجب يضر بالحامل في الشهر الخامس

[أم عبودي وحمودي]

السلام عليكم ورحمة الله وبركاته
ومن العايدين قبل الزحمة
حبيت أسئلكم أنا في الشهر الخامس في المنتصف
وحابة أعمل تشقير لحواجبي هل يضر بالجنين ياليت الرد بسرعة

[Moz]

ولله ماعتقد

انا في اواخر الخامس و يالسه اصبغ شعري ^____^

يقولون مايضر من بعد 3 شهور

[Leena.A]

ما عندي خلفية .. بس اسألي الكوفيرا اتأكدي .. أتصور عندها فكرة

[لجيين]

اسااالي الطبيبه وتاكدي
انا عن نفسي مستحيل اغامر ... ولااصبغ شعر ولاحواجب
لاحقين خير ان شاء الله اهم شي ... سلامه البيبي

[نورالعين999]

والله انا بالشهر الاول وفي خاطري اشقر للعيد

[حرم طويل العمر]

انا اشقر من بعد الشهر الرابع والحمدلله ماشفت الا العافيه

[تراتيل]

والله انا اشقر طول فترة الحمل

طبعا ماكنت ادري اني حامل ..

ولما سالت دكتورتي قالت مايضر ان شاء الله ..

وانا والله من احمل لين اولد اشقر ..

متوكله على الله سبحانه

[احوال]

ما اتوقع انه يضر اذا بعد الثالث

[abra]

انا عن نفسي اتوقع يضر ومستحيل مستحيل اشقر ولاااصبغ

[نونه الأموره]

أنا والله اللي كنت أعرفه من زمان إن أي صبغه أو مشقر فيه كيماويات يضر بالجنين
لكن ألحين سمعت إنه عادي من بعد الشهر الثالث
أنا عن نفسي مستحيييل أشقر ولا أصبغ بعدين لاسمح الله يصير شي في الجنين وساعتها مايفيد الندم أهم شي عندي صحة البيبي وسلامته
ولا ولدت سويت اللي أبي*

[ۼ ــزڷ آڷـ ζ ـربي]

ما اعتقد انه يضر
وبعدين المفروض الوحده تسأل الدكتورة اللي تراجع عندها
انا عن نفسي ما اقدر لازم اشقر في الشهر مرتين
لاني متعوده وما احب اخلي التشقير يروح
على طول اشقر فوقه ما اتقبل حوجبي بدون تشقير
بالنسبه لي اذا صار حمل ان شاء الله على طول بسألها دكتورتي عن التشقير
وان شاء الله مايضر