ولدك تعبان فيه اسهال واستفراغ تعالي شوفي تجربتي

[تراتيل]

السلام عليكم


كيف حالكم يا امهات .. ان شاء الله بخير ..

راح ادخل الموضوع بدون مقدمات ..

الاسبوع اللي راح كان ولدي تعبان قلت تعب عادي انفلونزا وكحه

لكن ... زاد التعب معه وجاه اسهال واستفراغ بعدها ارتفعت حرارته

مايمديها تنزل الا ارتفعت مره ثانيه ..

وديته المستشفى وقالوا لازم يتنوم .. قلت مو مشكله اهم شيء صحته

وديته المستشفى وحطوا له مغذي .. والله اني اشوفه قلبي يتقطع عليه ..

جلسنا هناك ثلاث ايام بعدها ماتحملت اشوف وليدي قدامي ما اقدر اسوي له شي ان استفرغ تقرفوا وقالوا خلاص صوميه ..!!

قلت بطلع واعالجه بالبيت ماراح اجلس اكثر خاصه بعد ماشفت المكينه اللي بيده تنزف دم وهم عادي قلت ابد مابدهاااااش ماتعبوا فيه علشان يحسون به


طلعت اليوم الثالث على مسوليتي ..رحت البيت ونظمت وقت علاجاته اللي اخذتها منهم بالساعه علشان انتظم على علاجهم

اشتريت له زبادي قليل الدسم .. ورجعت حليبه الاول بعد ماقالوا غيريه لتركيبة الاسهال اللي مايمديه يدخل بطنه الا مرجعه وانتم بكرامه ..

المهم ..

بعد ماسويت اللي قلت لكم قالت امي حطي له محلب يوقف الاسهال ان شاء الله

وفعلا اخذت ملعقه صغيره محلب مطحون وحطيته في كاس مويه مغلي وخليته لين ما برد

وصرت اعطيه منه 3 مرات باليوم ..

وخف الاستفراغ الحمدلله وصحصح الولد ..

اليوم الثاني من طلعتي حسيت بحرارته مرتفعه فاخذته للمستوصف وصارت حرارته ممتازه الحمدلله ولما قلت للدكتوره ان معاه اسهال قالت عطيه سفن ,,,!!!

قلت مايضر قالت ان شاء الله مايضر بس طلعي منه الغازات

وفعلا وانا اروح البيت واجيب السفن وارج ابوووووه لين ماقال توووبه هع

وحطيت له بالرضعه لين رقم 4

وشربه الولد والحمدلله بفضل الله وقف الاسهال ...

_ _ _ _


الفائده من الموضوع ...

ان المحلب مفيد جدآ سواء والطفل يسنن او انه يوقف الاسهال او الاستفراغ

والسفن ان شاء الله مايضر لانه ماراح يشربه بشكل دائم

واهم شيء العلاج اللي يصرفه المستشفى انتظمي عليه بالوقت

والمحلووول اهم شيء ماتتروكونه علشان لايجي الطفل جفاف ..

والزبادي انتبهوا يكون كامل الدسم ان مالقيتوا قليل اشتروا منزوع الدسم

عصير التفاح مفيد .. البطاطس المسلوق والرز المصري المسلوق جدا حلو ومفيد

وهالوقت مثل ماهو معروف يتقلب الجو والحجاج يجون من كل مكان فتكثر الامراض

فانتبهوا لعيالكم والله يشفي وليدي شفاء تاااام ويكفينا واياكم شر الامراض


هذي تجربتي قلت اطرحها لكم منها تستفيدون ان شاء الله


دعواتكم لي بالتوفيق وان الله يهون علي ولادتي ويشفي وليدي ويسخر زوجي

[rose]

الله يوفقك ع المعلومات الحلووووووووووووووووة

[ليبياقلبي]

شن هو الممحلب

[تراتيل]

روووز الف شكر لتواجدك

منوره

[تراتيل]

شن هو الممحلب


المحلب تلاقينه عند العطار

وهذي صورته

http://forum.hwaml.com/imgcache2/hwaml.com_1320444755_926.jpg

[ام ريمـا]

جزاك الله خير

والله يخليلك ولدك ي رب ويحميه..:)

[تراتيل]

مشكوره ام ريما منووووره بمرورك

[زينه1]

اااااه
انا بنتي لها اسبوع عندها اسهال وماني عارفه اش اسوي لها تحاليلها سليمه وقالوا تاخذ مغذي ورفضت لان بنتي عصبيه وحيعذبوها وماتتحمل الكشف فما بالكم بالابره
اعطيتها زبادي والرز المصري مارضيت تاكل شئ
صار عنده تسلخات ووقفت عنها الحفاظ وتعالوا شوفوا حالتي
اسأل الله العظيم ان يشفيها
حاجرب باذن الله المحلب الله يجزاك خير

[3miao]

جزاك الله كل خير يا اختي

[Almasah]

مشكوره خيتو
بنتي تعبانه اسهال واستفراغ
بس زوجي رفض السفن اب يقول مضر للكبار شلون الصغار
قلت له بس مره بنعطيها ومااقتنع

والمحلب مااعرفه

[مزgggن الشرق]

جزاك الله الف خير , والله يسهل عليك ولادتك يارب
ويرزقني الولد الصالح

[تراتيل]

اااااه
انا بنتي لها اسبوع عندها اسهال وماني عارفه اش اسوي لها تحاليلها سليمه وقالوا تاخذ مغذي ورفضت لان بنتي عصبيه وحيعذبوها وماتتحمل الكشف فما بالكم بالابره
اعطيتها زبادي والرز المصري مارضيت تاكل شئ
صار عنده تسلخات ووقفت عنها الحفاظ وتعالوا شوفوا حالتي
اسأل الله العظيم ان يشفيها
حاجرب باذن الله المحلب الله يجزاك خير


طيب بالنسبة للتسلخات جربي زيت الزيتون مع النشاءمره ممتاز ولدي صار له تسلخات

والله ماخفت الا بالنشاء وزيت الزيتون

وطريقته تحطين نشاء وعليه زيت زيتون لين مايتكون عجينه لينه

.....

ولدي شقي مره وحركته كثيره بس من التعب ماعاد يقدر يتحرك فحطوا فيه مغذي وعذبني يسحبه من ايده ....

[تراتيل]

جزاك الله كل خير يا اختي


وياك اختي منوره بمرورك

[تراتيل]

مشكوره خيتو
بنتي تعبانه اسهال واستفراغ
بس زوجي رفض السفن اب يقول مضر للكبار شلون الصغار
قلت له بس مره بنعطيها ومااقتنع

والمحلب مااعرفه


والله عطيته ولدي مع اني كنت قبل افضه الفكره بس الضروف لها احكام ..

والمحلب روحي العطار واسالي واذا عطاك خليه يطحنه لك

والله انه مفيد بجد ...

الله يشفي بنيتك يارب ويخليها لكم

[تراتيل]

جزاك الله الف خير , والله يسهل عليك ولادتك يارب
ويرزقني الولد الصالح


الله يجزاك خير ويسعدك يارب ويرزقك الذريه الصالحه ويفرح نظرتك

منوره بمرورك