بنتي ماتبي الرضاعة

[مرهفة]

السلام عليكم

مشاكل بنتي واجد واهمها الرضاعة

اول ماولدتها بديت اعطيها الرضاعة بس فجأة من دخلت الشهر الرابع هونت ماتبيها
معتمدة على صدري بس
حروووووووووووب معاها ولا تبيها تذبح روحها صياح اذا حطيتها في فمها..
المشكلة مو كذا المشكلة اذا جيت بطلع مكان ماقدر اخليها عند احد لانها تولع باللي ياخذها عنده

قالوا لي حطي سيريلاك مع الحليب ولا في فايدة قالوا لي غيري الحلمة حقة الرضاعة ولا في فايدة قالوا لي حطي سكر شوي مع الحليب ولا في فايدة

شسوي؟؟

كيف اعودها عالرضاعة لانها اذا ماتعودت عليها بعدين اذا جيت بفطمها عن صدري بتلعوز معاها..

[عاشقها زوجها]

ان بنتي مثل بنتك ..تعبت مها اقننننننننننننننعها ع الصنااعي ومافي فااايده
واستسلمت
ورضعتها سنه وشهرين
وفطمتهااا بصعووووووووووووووووبه والحين لها شهرين فطمتها من صدري وعودتها ع الكاااس
وتعبت جداااااااااا معاها ..
يعني خذيها من الحين بنتك تبي صدرك خلاص اقتنعي ..

انا قريت موضوعك عن بنتك انها ما تنام ونمها متقطع

طلع السبب انها ما تشبع من صدرك
وما تشرب صناعي

يعني عطيها تاكل
عوديها ع الاكل ..
عشان تساعدينها تشبع وتساعدين صدرك
ولان حليب الام بسررعه ينهظم عشان كذا كل ساعه تقووم

عطيها تاكل
واذا تبين اكلات للرضع اسئليني وراح افيدك ..

[ام ايلان1]

انا نفس مشكلة بنتها ماتبي الرضاعه اذا عملت لها حليب ما تشربه واذا عملت لها شاي اطفال ولا ماء وعسل شربته الحليب رافضاه مررره ونوع حليبها اس 26
وش الحل معاها؟ وش اعطيها من اكل؟

[عذبة الاطباع]

زين رضعيها وربي ما في احسن من الرضاعة الطبيعية
يا جماعة الدين موصينا عليها
و مو سبب مقنع صراحة انك بتعطيها الصناعي بس عشان تخرجي وتسيبيها
صح انك بتربطين معاها وبتقل خرجاتك بس هذا واحد من اهداف الرضاعة الطبيعية
ربي ييسر امرك ويعينك

[مرهفة]

ربي يعطيكم الف عافية

اختي عاشقة زوجها برسلك خاص