المساعد الشخصي الرقمي

مشاهدة النسخة كاملة : خواتي نفاسي بالشتاء!! وابغى اجهز

فطووومة
10-28-2011, 06:27 PM
السلام عليكم خواتي

انا عضوة جديدة بينكم كنت في البداية اتصفح المنتدى واستفدت منه كثير ما شاء الله

بعدين قلت بدخل بشاركم

انا بتكون ولادتي بداية يناير بإذن الله وهذي اول حملة لي بفضل الله

فحابة تفيدوني عن النفاس بكون في الشتا

اغراض النونو جهزتهم بس احين انا ضايعه ماعرف شألبس وشنو اجهز؟

والف شكر لكم خواتي
عاشقها زوجها
10-28-2011, 06:54 PM
ليش مو عاارفه ..حبيبتي

عادي يا قلبي
خذي لك ملابس شتويه تدفيه
خذي بيجامات قطنيه دفي رجووولك
لا يدخل فيك برد
وعشان ما تمرضين

وجهزي اكل النفاس
رشاد وحلبه والاكلات هذي

واشتري شرررابااات ودايم دفي رجووولك
انتبهي تكونين برداانه بنفااسك
دااايم دفي جسمك

وتجهيز النونو خذي له ملابس شتويه بس لا تكثرين
وخذي شرابات وقبعاات

وانتي بعد خذي لك شيله قطنيهولفيها ع راسك لا يدخل الهوا عن طريق اذنك وراسك

ودفي نفسك ولا تكوونين جيعااانه ابد انتبهي
ولا يكون بطنك مرره ملياان من الاكل
خليك معتدله ..
وخذي لك ارواب قطنيه وثقيله شوي

وخذي كم جلابيه مخمل علشان تلبسينهم قدام الناس اللي يجون يباركون لك
ووخذي معها طقم شيله نفس اللون ..

اتمنى اافدتك اي سؤاال انا موجوده ..

بالسلامه يا قلبي ..
أم بسوولي
10-28-2011, 07:20 PM
هلا أخت فطوومه أنا كمان اول حمل ليه وولادتي راح تكون في شهر 2 ان شاء الله يعني في عز البرد
وأتمنى الاخوات يفيدونا
قصيدة شوق
10-28-2011, 10:59 PM
وان كمان مثلكم اولد في شهر 1 اتمنى البنات يفيدونا
أم رزاان
10-28-2011, 11:28 PM
خوذي لك بجامات قطنية تكون مفتوحة من الامام عشان الرضاع
تلبسيهم وقت النوم ووقت مايكون عندك ضيوف
يعني بوقتك اللي مايكون عندك احد..
وخوذي قمصان " ارواب " أنيقة ومرتبة لإستقبال الضيوف
واهم شيء دفي جسمك عن البرد والنونو كمان

وكووولي زين وانتبهي تنامي جوعانة !!
او تجلسي فترات طويله بدون أكل !

وسلامتك يالغاليه
Um Dana
10-29-2011, 04:10 AM
هلا يا امورات ... انا ولادتي في جانواري او فيب .. يعني في عز البرد ..
ومن اطلاعي ع هالمنتدى الحلو .. ومن اهلي .. خلاص كاني والد الف مرة خخخخخخخخخ
صرت خبيرة بالتجهيز وبكل شئ ..


البيبي اشتري له شتوي من 0 - 3 بس .. ومن 3-6 كله صيفي .. ما بيطول شتانا فله ..
وانتي اخذي لك بجامات قطنية .. حقون لاسنزا او اويشو .. وغير اطقم النفاس .. واللفات والشرابات وبطانيتين ع سريرك ..

وإن شاء الله كل شئ بيصير زي ما تبين واحسسسن ..
وغير الاكل .. والشراب الدافي وهالشغلات ..


موفقة ..
*قلب(H)حبيبي*
10-29-2011, 07:41 AM
الأخوات ما قصروا و خصوصا الأخت عاشقها زوجها قالت اللي بقوله ..
و الله يتمم لك على خير
جروب الاصدقاء
10-29-2011, 07:59 AM
الأخوات ما قصرو

و الله يتمم لك على خير
فطووومة
11-19-2011, 09:12 PM
جزاكم الله خير الله يسهل
دلع سارة
11-19-2011, 09:44 PM
http://forum.hwaml.com/imgcache2/hwaml.com_1321728289_362.jpg
أم الحبايب
11-19-2011, 10:13 PM
عزيزتي : لا تنسين البناطيل القطنية الطويلة لاااازم لك في البرد منها تحت الجلابية ...
و الشراريب و اللفات على راسك ... عاد خذيها على حسب لبسك و ذوقك ...
و الله يقومك بالسلامة يارب ...
أم ريـم
11-20-2011, 04:55 PM
انا نفسك وهم بكرية ومحتاااارة الله يسهل علينا يااارب
Ḿٱ۾ڵيڼٱỄ
11-20-2011, 07:26 PM
بنات كم شهر يجلس الشتا ؟؟ موعد ولادتي اعتقد في فيبراير
حبيبت توتو
01-30-2012, 06:34 AM
الي حابه عندي جلابيه استقبال لنفاس فخمه كثير ومعاها تقديم البيبي وتنفع لشتاء اكثر والله كل من شافها يسئل عنها الي حابه تشتريها مني انا حاضره