تعبت من التفكير..من زوجي

[اميرة حبيبي]

اشكر من ساهم في رد على مشكلتي بس الحمدالله ..ان حلت مشكلتي بفضل من الله
وان شاااء الله ماشوف مشاكل ياربhwaml7

[اميرة حبيبي]

مااااااااااااافي حد يرد؟؟

[ام هشو]

شوفي تبين ترتاحين...
لا تراقبين زوجك ..
طنشيه عيشي واياه حياتك يعني لاتوقفين حياتك عند هذا معه بيزهق وبيمل هالاسلوب
انا عند زوجي ايميلين وله بالفيس وعمري ماراح ادخلهم لانو بالنهايه مااراح استفيد بتروح الايام باهواش ومشاكل

حاااااااولي تشبعينه عااااطفيآآآآآ
ارسلي له بالايميل رسايل صباحيه ومسائيه
ارسلي بالجوال اشبعيه واغرية بالعاطفه

[تراتيل حزن]

الله يساعدك

شوفي انا مدري شنو اقول

بس انا بقولك شي حصل معي

زوجي من النوع اللي مايحب جوالات بوكاميرا وحقين هالايام

ومرة شرى لي جوال واخذ جوالي ان 73

ويوم قالي ارسلي لي بلوتوث من اللاب توب

ويوم بسوي بحث طلع رقم زوجي بالبلوتوث

انا سكت راح زوجي وغيره ورجعت سويت بحث وقلت له ليه تغيره

قال شنو قلت البلوتوث ترا انا شفت حاط رقمك وليه تحط رقمك لايكون تلعب من وراي

قال والله مالعب قلت اجل ليه حاطه قال هذا يمكن واحد من ربعي

قلت له وربعك ماعندهم جوالات وباي حق يحطون رقمك

المهم تهاوشنا وكسر جواله

وشرى زوجي جهاز ثاني ورجعوا كرروا نفس الحركة وانا اعرف زوجي مايعرف للجوالات حده بولمبه وتهاوشنا مرة ثانية والحين من سنين ماعنده الا بولمبه اللي يسمونه الكشاف

وزوجي مايعرف للاب توب والنت وربعه يبون يعلمونه ويدخلون قدامه الفيس بوك

هو على نياته يعلمني وانا احذره من هالشي

فيمكن زوجك صادق لاتضلمينه اصحاب السوء الله يهديهم

والله حتى مسجات يرسلون من رقم زوجي وبعض ربعه يقلدون اصوات بنت وانا انقهر لان اشك ان بنات يتصلون ويحلف يقول والله ربعي يلعبون علي

وصرت اوسوس واخذ الارقام واذا رحت بيت اهلي اتصل اتاكد اشوف من يرد

وموفقه

[mr00m]

يا قلـــبي .. انا زوجي الحين شغله يتعامل مع الحريم اكثر من الرجال

لا ورقم جواله بعد عندهم وكل يوم اشوف رسائل وتحويل فلوس

وسوالف ولاتنسين انا كنت فيالاربعين وابليس ما غير يوسوس فيني كل يوم

وهو ما طق خبرلهم ما غير يهتم فيني وفي ولده الي جاء

يعني انتي لا تشغلين بالك ريحي بالك وتفكيرك بذات انكـ حامل

وادعي ربك اللهم سخر لي عبدك فلان ابن فلانة

والله يسخره لك ويسعدك

[لمعة الماسة]

الله يعينك والله حاسة فيك الله يسخره لك يااااااااااااااااارب

[شعولة ميشو]

والله ياختي طننننننننشي كلنا ياما شفنا من الرجال ولسة حنشوف والله يستر من بلاويهم بس لا تعبي نفسك بالشك عيشي حياتك وطنشي ايش حنستفيد بالنهاية ولااااااااااشي ، بيوتنا تنهد وعيالنا يتشتتوا، ونعيش ايام سووداا اذا صرخنا وواجهنا واشتكينا، وهم الي ماعليهم مننا داايم الرجال عيبه بجيبه مهما سوى وغلط مايشوفون غلطه ، واحنا ياختي مالنا الا الصبرولاتنسين الاجر عند رب العااالميييين والدعااااء بأن الله يهديهم ويسخرهم لنا * والله يهدي لك زوجك ويسخره لك ويقر عينه بك ومااايشوف غييييرك يااارب.

[رذاذ عطر]

انا مع شعوله والله راح تتعبي طنشي وادعي الله ان يبعدعنه عيال وبنات الحرام ويسخره لك