تأخر الدوره أربع أيام

[ميميي]

السلام عليكم , شخباركم عساكم بخير
بنات انه في وضع متحيرة فيه وماعرف شسوي ومادري اسأل من احس محد بساعدني كثركم .. انه صار لي 3 اشهر متزوجة . وبعد الزواج انتظمت دورتي وصارت تييني منضبطة بعد ماكانت مخربطة وحتى الامها اختفت بعد الزواج ماعدى لما بتنزل الم في بطني وصدري يألمني قبل جم يوم .. هالشهر تأخرت علي الدورة 4 ايام والام البطن ياتني فترة بسيطة واختفت ماعدى نغزات جهة اليسار اللي للحين مستمرة . حرارتي ارتفعت قبل ماتتاخر الدورة مرة وعقب ما تاخرت مرة .. هالايام حاسة بألام صدري وايد احسه متحجر وخصوصا لما اصحى من النوم يألمني وايد .. حاولت امشي مسافات قلت يمكن متخربطة وبتنزل مع المشي بس مافيه فايدة .. احسها بتنزل بس لما اجيك الاقي افرازات بيضاء تكثر لما اشتغل او امشي مسافات طويلة او حتى البس كعب.. ظهري بعد يألمني لما اشتغل او امشي وايد ..سويت تحليل حمل منزلي طلع سالب وحتى تحليل بول اكرمكم الله بالمستشفى وطلع سالب . التحليل سويته ثاني يوم من تاخر الدورة .. ادري طولت عليكم بس صدقوني مادري اسال من .. قولو لي اشرب شي؟ اخذ شي؟ شنو صاير معاي؟

[أم سلسبيل]

طالما الدورة متأخره اربع ايام

يبقى الافضل تحللى دم

ولا تعملى مجهود ولا تمشى مثل ما تقولين

ولا تأخدى ادويه

لعلك تكونى حامل ان شاء الله

ربى يرزقك الحمل السليم عاجلا غير اجلا

[ميميي]

تسلمين أم سلسبيل ماقصرتي فديتج .. ومشكورة عالدعوة الحلوة ويارب يكون حمل . مع اني شلت الفكرة بعد ماسويت التحليل .. لكن الله كريم

[زهرة الفردوس]

اعملى تحليل دم يمكن تكونى حامل ويمكن تكون الدوره فعلا متأخره وكل هذه الاعراض اعراض قرب نزول الدوره الله معاك

[ميميي]

تسلمين اختي زهرة الفردوس ماقصرتي .. اذا ما كان حمل خلها تنزل والله تعبت وايد ريلي تعورني وجسمي متكسر

[حرم البلوشي]

حبيبتي الله يعيينج بصراحه

ان شاء الله يكوون حمل وتقر عينج بمولود يارب

وتفائلي بالخيييير

وانا ويااج بعد^ـ^

[ميميي]

حرم البلوشي تسلمين حبيبتي .. الله يرزقني ويرزقج الذرية الصالحة ويرزق كل منتظرة ان شاء الله

[بنت النورر]

انشالله تكوني حامل اوعي تاخدي اي شي ينزل الدوره يمكن تكوني حامل

[ميميي]

بنت النور .. كأنج حاسة فيني فعلا انه افكر اشرب اشياء تنزل لي اياها بس بعد بنتظر وبتأكد .. تسلمين حبيبتي

[محبوبة ميمو]

ربى يرزقك الحمل السليم عاجلا غير اجلا

[بنت مكه20]

مبررررروك مقدما ان شاء الله نقولها قريبا لك وادعيلنا معك

[achwaq]

انا زيك اليوم موعد الدورة بس مشرفت عملت تحليل الصباح طلع سلبي،الله يكتب لي و كل محرومة الحمل يارب

[يارب أصير أم]

وعليكم السلام ورحمة الله وبركاته ..


يالغالية الله اعلم ان هالاعراض أعراض حمل .. لان في حملي الاول نفس الحكاية ألم ببطني أحس انها دورة ولما أشيك وانت بكرامه ما ألقى غير افرازات شفافة والصدر أحسه يألمني ..

والحمل الثاني حسيت بالآلام من الجهة اليمنى ولما سويت سونار في الاسبوع الثامن طلع الجنين تلقح من البويضة اليمنى يمكن عندك الجنين تلقح من البويضة اليسرى الله أعلم ..
لكن الحمدلله على كل حال لم يثبت حملي في الاثنين لسر يعلمه ربي وحده ..
وأسأله تعالى أن يرزقنا الذرية الصالحة عاجلا غير أجل ..
حللي دم أحسن شئ عشان تتأكدي ..

[ميميي]

ابشركم بنات .. انه حامل ولله الحمد
سويت تحليل دم وبانت النتيجة
عقبال كل مشتاقة يارب الله يكتب لكم الذرية الصالحة ويثبت اللي في بطني

[جارة القمر]

اختي فقط تحليل الدم هو اللي يعطي النتيجه صح توكل على الله وحللي
ان شالله تكوني حامل وتبشرينا

[جارة القمر]

الف مبررررررررررروك والله توقعت انه حمل الله يتمملك على خير

[ميميي]

تسلمين حبيبتي الله يبارك بعمرج

[عسولة فلسطين]

الف مبرووووووووك
الله يتمملك ويتمملي ع خير يااااااااااااارب

[زوجة مخلصة]

الف الف مبرووووووووووووووووووووووك والله فرحتينا وبشرتينا عقبالنا كلنا يارب وخللي بالك على نفسك

[ميميي]

الله يبارك فيكم حبيباتي تسلمون لي والله ..

[سموةالحب]

مبروووووك حبيبتي وعقبالي ان شاء الله وعقبال كل محرومه يارب

[نادر غلاها]

الف مبرررررررروك والله يتمم لك فرحتك ويرزق كل محرووووووووووم

[ام سالم...]

الف مبررررررررررروك الحمل الله يتمملك على خير

[خوخه بريه]

1000000000000000مبروك ياقمر
عقبالنا

[يارب أصير أم]

ألف ألف ألف مبروك يالغلا ..

الله يتمم عليك على خير يااااارب العالمين ... لاتنسين الاذكار والتحصين ..

الشيء الثاني لا تجهدين نفسك كثير .. وحاولي قدر أستطاعتك بهالفترة الثلاث الشهور الاولى ما تختلطين مع ناس كثير .. لان الحامل مناعتها ضعيفة ..

وأسأل الله تعالى ان يفرح قلبك وقلب زوجك بهالطفل ويكون من الذرية الصالحة البار بكم ويقر أعينكم به يارب العالمين ..

[ميميي]

تسلمون حبايبي عقبال كل اللي بخاطرهم .. الله يرزق كل مشتاقة ويفرحها يارب ..

[امل في الله]

ما شاء الله
مبروك يا حبيبتي
ربي يتملك حملك علي خير ويرزقك بيه عافي معافي بدون زياده او نقصان
ويفرح قلبك علي طول ويرزقنا بالحمل ويفرح وقلوبنا معاكي

[نور منوره]

لله يرزقنا وياك