طريقة طبخااااات مفييييييده للنفاس

[أنا بدونك "no thing"]

السلام عليكم ورحمة الله وبركاته


حبيباتي وأخواتي عضوات منتدى حوامل بما أننا نمر في فترة النفاس بعد الولاده
وحاجتنا للأكل المفيد والمغذي للنفاس وع قولة جداتنا الأكل مفيد لنا وممنوع الرجيم
وفي بعض الأكلات تنفع للرحم وتثقل وتزين
وأستغربت إن طبخات النفاس ماهي موجوده من ضمن المواضيع المثبته
فياليت أخواتي نساعد بعض في طرق طبخااااات تكون مفيده للنفاس خاصه وتكون صفحتي مرجع ثابت لكل حامل بعد الولاده تستفيد من اللي إحنا كاتبينه وتشاركنا فيه
...وياليت يكون في تفاعل بالوصفات والطبخااااات يله يالسنعااااات

أنا راح أبدأ...

[أنا بدونك "no thing"]

وجبة الغداء

المقادير :
أربع قطع صغير لحم طبيعي
كوب رز
حبتين ماجي
نصف بصله مفرومه
كاسه من الماش الأخضر منقوع بماء بارد 3 ساعات
كاسه من الفول الأبيض اللي على شكل الكليه يسمونه بعض الناس "العوين" منقوعه بماء بارد من 3 ساعات
ملعقه حبة البركة ملعقه حلب وإذا ماتحبين الحلب ممكن تحذفينه مايضر

الطريقه:
يحمر البصل بقليل من الزيت ثم يضاف اللحم والماجي وقليل من البهارات ويقلب ثم نضيف له الماء وبعد نصف ساعه نضيف باقي المقادير من الفول والماش والحلب وحبة البركة
ثم ننتظر حتى أستواء اللحم ونظيف الرز ونتركه على ناااار هادئه 40 دقيقه
وبعدها .....بالعافيه hwaml03

الوجبه مفيده جدا hwaml7

[P!nk tul!p]

يعطيك العافيه ياعسل امي سوت قريبه منها بدون رز لحم وماش وخضار زي المقلقل او الايدام

المااش مفييد للظهر

طريقة العريكه

خبزه
دقيق بر - ماآء-ذرات ملح وشوووية زيت

تعجن زي الكسره تكون ثقيله
وتفرد في صينيه حاره
وتدخل الفرن

واذا استوت نطلعها ونقطعها صغار ونحطها بخلاط خاص بالعجينه مع تمر وشوية سمن
وعند الاكل تضاف لها عسل وقشطه طبيعيه

وشوية جبن شيدر مبشور

[مرهفة حس]

حوسةالتمر
تجيبين تمر وتحطينه بقدر وتحطين فنجان زبده اوسمن حسب رغبتك
وتحطينه على نار هادئه وتحطين فنجان دقيق وفنجان لبن اومويه
وتحركين لين تحسين انه انهرس وتحطين اعشاب مثل(كمون وحبة البركه0وينسون وشمر))وتحركين عشر دقايق
كثري الكميه حق اسبوع وحطيه بحافظه وكل يوم خذي الكميه الكافيه وبالميكرويف لين تسخن وصبي عليه سمن ذوقوها وادعولي ان ربي يقومني بالسلامه

[مرهفة حس]

معروفه اكلات النفاس باذكرها واي استفسار انا حاضره
اللهيده بالبن حقت اهل الجنوب
القرصان باللحم
الجريش
مقلقل لحم او دجاج
مرقوق
العصيده
المغفوط)الشوربه بانواعها كويكر0جريش0عدس0
المحلى
واكثر شي تحطونها على الوجبات الفلفل الاسود لانه ينظف البطن

[أنا بدونك "no thing"]

P!nk tul!p ربي يجزاك كل خير على التفاعل الحلو

أختي مرهفة حس مشكوووووره وربي يحقق لك ماتتمنين أنا أعرف طبخات كثير بس ودنا بصفحه مثبته فيها كل الأكلات النافعه
وفي بناااااات كثييييير بكريات وأمهاتهم مايعرفون شي ياليت نتساعد ونتفاعل مع الموضوع
وأنا بانتظار عوده أخرى لك يالغلا

وبإنتظاااااار سنعااااات المنتدى

[ام اسكندر]

موضوع جدا رائع
متابعة...

[ام ياسر منديلي]

فيه المصابيب والله هذي اكلتنا المعروفه في الصباح والفريك
طريقه المصابيب في الخلاط 2 بيضه شوي سكر + ملح نص ملعقه ص كركم+ خميره فوريه+
حليب
فلفل اسود حطي ماء تقريبن كاسين اواكثر ثم تصب علئ كاسين طحين بر وتكونالعجنه سايله
والي تبي تحط حبه سودا تره طعمه روعه ثم تصب علئ الصاجه المدهونه بشوي زيت بس لازم
تكون محتميه الصاجه جدااا حتئ ميلتصق الخبز
اعذرون اذ طولت عليكم والدعولي اذ اضبطن معاكم
منقووول للامان

من اكلات النفاس
العصيده:

كاس تمر تحطينه بقدر وتصبي عليه ماء حار وقطعة زبده اوملعقه زيت وتتركينه شوي لين يغلي بعدين كل شوي حركيه عشان يذوب التمر
حطي في خلاط الطماطم ماء وكاسين دقيق بر وذرة ملح بعدين صبيه على التمر بس شوي شوي مع التحريك المستمر عشان مايتكور العجين بعدين حطي نصف ملعقه فلفل اسود واتركيها شوي لنضج


الحليب الحار الطازج مرتين في اليوم مع الفطور وقبل النوم

مرق اللحم مبهر بالقرفه والكمون

القرصان

المراصيع

مرق الخضار


اهم شيئ ابتعدوا عن الماء البارد والحوامض

الله يسهل عليكن الولاده

[ام ياسر منديلي]

مرحبا طريقة مسلوقة الدجاج
بعد ماتغسلين الدجاج
تحطين علية بصله 2 فص ثوم وبهارات وكركم ورق غار ثم تصبين الماء الحار حتى تغطين الدجاج وتحطينها على تار هاديه حتى يستوى الدجاج ممكن تضيفي شعيرية وصلصة طماطم وطماطم مفرومه وحبة ماجي وبالعافبة

[أنا بدونك "no thing"]

أم اسكندر وأم ياسر أسعدني مروركم منووووورين يالغلا

[أنا بدونك "no thing"]

طريقه ثانيه للعصيده

ومثل ماتعرفون العصيده جدا مفيده وخاصه للأرحام واللي يعانون من خف الأرحام والهواء

المقادير:
3 أكواب تمر منزوع النوى وتنقعينه بماء حار لين يذوب شوي
5 أكواب حليب السعوديه أو المراعي
كوب ونص طحين بر أسمر
ماء حسب الحاجه

الطريقه:
نضع التمر والحليب بالخلاط لين يصير عصير تمر
ثم نسكبه في قدر وعلى النار نضيف له كوب ماء ولمن يبدأ يغلي نهدي النار ونخليها خفيفه ونبدأ نظيف الطحين البر شوي شوي بالملعقه مع التحريك المستمر حتى لا يتكور ويخرب ثم نتركه على نار هادئه لمدة ساعتين كامله ضروري ساعتين وإذا شفنا العصيده ثقلت قبل الساعتين نضيف لها الماء ومانخليها تثقل إلا إذا صار لها ساعتين بالضبط ثم نتركها تبرد
وحطيها في علبه محكمه وبالثلاجه وتبقى معك لمدة أسبوع ماتخرب بإذن الله وإذا حبيتي تآكلينها سخنيها شوي وحطي ملعقه سمن غنم طبيعي أكثر فائده من الزبده الدنمركيه والعاديه
وبالعافيه وترى طعمها حلوووو مع القهوه hwaml7

[غلا الرووح]

بجد موضوع مفيد

يسلموو انا بدونك

[أنا بدونك "no thing"]

بجد موضوع مفيد

يسلموو انا بدونك


منووووووره غلا الرووح فديتك أنا..

[جنان!]

يسلمووووو طرح مميز صراحه

[نآيآ]

يعطيكم العافيه بنآت
والحسو بعد مرره مفيد ورائع تاكلينه اول عشر ايام النفاس
ينظف الارحآم

[أنا بدونك "no thing"]

جنان .... ونآيآ.... منورييييييين

[شعوووله]

hwaml55hwaml55انا بدونك مووووووووووضوع روعه صار لي شهر ادور طريقة العصيده الي نزلتيه وبدون نتيجه

الله يجزاك خير صدق افدتني والموضوع مفيد لكل النفوسات

انا بعد اطالب بتثبيت ترفع ايدينه ثنينهن تصويت للتثبيتhwaml55hwaml55

[شعوووله]

انا حبيت انزل لكم طريقة فطورنا للنفاس

اول شي ناخذ طحين وبالخلاط نخففه بماء مع اضافة كم ملعقة حليب نيدو وملعقة صغيره ملح وبس لين يكون معك خليط ماهو خفيف ولاثقيل
وصبي من هالخليط على صاج وياليت تيفال من شان مايلزق عليه العجين
طبعا هالاكله نسمياه سيالي
تكون حجم الحبه كبر كف اليد ولازم تكون رقيقه وبس تخبزين كل الكميه من تخلص صبي عليه سمنه وافضل شي تكون سمنة غنم وشوي دبس
واذا انتي بنهاية النفاس رشيه بشوية مردود
واشربي عليه كوب حليب بالحلب بصدق مفيده وتعطيك طاقه وتدفي بالشتاء وتدرر الحليب للبيبي

[أنا بدونك "no thing"]

يالبى قلبك شعووووله تسلمين يالغلا ع المرور
ياليت باقي البنات يفيدوننا بوجباتهم والآجر للجميع إن شاء الله

[ام الجوري..~]

بنات الله يسعدك ويوفقكم ويرزقكم موووضع اكثرر من رائع ونسساااعد بعض

[4يو]

موضووع رائعه وياليت التفاعل انا امي ماتسويلي الا اشياء بسيطه وبغيت اغير شوي من الاكلات
جزاكي الله خير راعيه الموضووع