المساعد الشخصي الرقمي

مشاهدة النسخة كاملة : لو انتوا مكاني بتخافون ولا عادي :(

حبيبي وبس
10-20-2011, 06:38 PM
بسم الله الرحمن الرحيم
السلام عليكم ورحمة الله وبركاته

رحت اليوم المستشفى وسوت لي الدكتوره سونار وقالت الحمدلله الجنين نبضه كويس
والماي كويس كل شي كويس بس الجنين مايتحرك شكله نايم طبعا من زود هوسي خفت مرررررررره هل هالشي طبيعي انه مايتحرك بما انه النبض الحمدلله موجود
أم نجلاء 87
10-20-2011, 06:43 PM
الله يريح بالك .. ويطمنك..
الحمدلله مادام الدكتوره تقول كل شئ اوكي لاتحاتين ,,
لان الجنين سبحان الله مايصحى من النوم الا ف الليل وانتي لو تلاحظين بتعرفين ان اكثر حركته بالليل...
ولا تفكرين التفكير للحامل مو زين..
تقبلي مروري..
تراتيل حزن
10-20-2011, 07:18 PM
اهلين

الله يتمم عليك

شوفي ماظن فيه شي لاتوسوسين

لو فيه شي هم اخبر منك وبيتلحقون ع الوضع

بس دام فيه نبض والكيس سليم

فهو سليم

انا احيان مايتحرك ومجرد مايحطون السونار ارجع للبيت ويجيني الم بظهري وبطني

وحركة مستمرة واحيان اتضايق
ام امينة
10-20-2011, 09:53 PM
الله يثبت حملك ولاتخافي وتوكلي على الله .. انا مثلك الجنين مايتحرك دايم ,, بس امس قعدت استغفر وسبحان الله تحركت ,, واكثري من الإستغفار تتسهل أمورك
كليجه
10-20-2011, 10:12 PM
عادي ياقلبي
أنا رحت أسوي السونار الرباعي في الأسبوع ال20وبنتي كانت نايمه ....قهرتني
كان نفسي أشوفها وهي تتحرك
كل الي سوته إنها كانت تمص إصبعها وبعدها ولا حركه
ودحين صارت تصحيني من النوم
الله يجيبها بالسلامه يارب
ورد الشمال
10-20-2011, 11:02 PM
لا تخافين حتى أنا كنت أكثر من مرة لما تعمل لي الدكتورة سونار يكون كل شي سليم
وفيه نبض لكن الجنين نايم وما يتحرك ..
يعني طبيعي إذا كان نايم بيكون في حالة سكون
الله يسهل عليك ويطمن بالك و كثر التفكير راح تتعبك , توكلي على الله وربي راح يحفظ لك
جنينك وان شاء الله تقر عينك بشوفته سليم معافى
حبيبي وبس
10-21-2011, 06:48 AM
مشكورين حبيباتي طمنتوني شوي