تكفون بنات ادخلوا بسرعه مدري وش اسوي

[ام صدام]

هلا فيكم ..

بنات جيتكم وانا خايفة طمنوني تكفون ..انا كنت جالسه عالاب لكن عطست فجاه
ونزل مني زي المويه انا حسيت فيها دافيه خفت رحت الحمام لقيته زي المويه عادي
مدري هي من الظغط على المثانه والا موية الجنين ..انا بكريه ولا اعرف الفرق ؟

ومو كثيره مره لكن انا دايما اعطس اول مره يصير كذا ..والافرازات تنزل دايمن لكن هي بيضاء وطبيعيه عادي ..

دخلت بحثت عالنت فيه منهم يقول انها لزجه شفافه وتذكرت ان قبل يمكن 5 ايام او اكثر نزل شوي ماده لزجه شفافه ..ولا فكرت فيها ..

وانا الا الحين مدري وش السالفه وش اسوي

ابي اعرف اذا موية جنين والا لا .؟؟واذا كانت موية جنين لازم اروح المستشفى

لكن زوجي ما ارسل لي لا صورة بطاقة العايله ولا الاصل يعني مدري وين اولد

وش المستشفى الي ممكن يقبل من غير ما افتح ملف عندهم .؟

تكفووون ردوا علي الحين مدري وش اسوي ؟؟

وانا الحين بالشهر التاسع ومر علي 16 يوم

وتاريخ ولادتي على كلام الدكتوره في 4 الشهر الجاي

احس اني بصيح

[ام صدام]

حرام عليكم ردوا لا تتركوني كذا

[لمعة الماسة]

انا اذا عطست بعض الاوقات احس تطلع نقط بول يمكن بول بس انتي مالاحظتي وكرت العايلة لية ماتخلين صورة عندك ترى مايستقبلك مستشفى بدون كرت لو جاتك ولادة لية تهملين نفسك كذا وش هالبرود يابنت انقهرت والله الله يهديك

[!راما!]

ماافي شي يخوف حبيبتي
انا صار لي زيك ورحت عطبيبه وفحصت وكشفت
وطلع كل شي اوكي
المويه الي نزلة منك مو موية الراس
افراسات بس انتي فكرتيها مويه تجي دافيه وزي المويه
بس اذا بغيتي ترتاحي روحي علا المشفي
لله يسهل يا رب

[ام صدام]

الله يطمن قلوبكم ..

اي اهمال وش اسوي في زوجي لو بيدي كان كل شئ ظابط لاكن لا جاك واحد عديم المسؤوليه

ومشغول في نفسه وش تسوين ..الله يعيني بس

[لمعة الماسة]

اخذي منة كرت العايلة وش يبي فية هو مايحتاجة يكفي بطاقتة الاحوال عندة انا من دخلت التاسع وكرت العايلة في شنطتي هو ودفتر متابعة الحمل جلسي فوق راسة واخذيه منة

[TOFI]

اتوقع عادي لان مويه الجنين اذا انفتحت تنزل زي البزبوز بشكل قوي وبكثره .. بس ولادتك قربت لازم تجهزي نفسك اهم شي كرت المستشفى وكرت العائله يكونوا فشنطتك على طوووول ربي يسهلك .

[قمر جدة]

ام صدام

ان شاء الله خير

بس عشان تطمني روحي لدكتورة او اي مستوصف بيقبلك

بدون لا كرت ولا شيء

واهم شيء تطمني على موية الجنين

وحاولي تاخذي الكرت وان شاء الله مافيكي الا العافية

الله يتمم لك على خير وتولدي بالسلامة

[ام اسكندر]

طبيعي ياقلبـي لاتخافي

[أم جهآد]

لا ماظن موية الجنين اغلب الحوامل لما يدفعو عالمثانة تنزل نقط بول بس خليكي لابسة فوطة على طول .. الله يطمنك وتقومي بالسلامة ..

[أميرة الغامدي]

طبيعي مويه الراس شفتي الباميه لمن تغسليها وتصبي مويتها هذي مويه الراس بالظبط يعني لاتخافي كان يصير ليه مثلك هذا المثانه عندك مليانه وعطستي ونزلك شوية بول ذا الشهر ظغط الجنين على الحوض يخليك تتوقعي اي شي لاتخافي شي طبيعي

[ام جنى24]

اتوقع من ضغط المثانه انا لمن اكون واقفه واعطس ينزل مني بووول اوقات نقط واوقات كميه ودافيه زي ماقلتي هذا وانا توووي بشهر ببداية الشهر الخامس اطمني ياعمري كل شي طبيعي بس حاولي الكرت يكون معاك لو صوره انتي بتاسع وباي لحظه ولادتك ومو شرررط تكملي لاخر الشهر..الله يريح بالك

[دلع الأحساء]

اول: شي الله يلعن صدام بن حسين إلي ظلم شبعه

ثانيا : دامك في التاسع روحي مشفى احتمال تسرب المويا لين ماتقل ع الجنين ويصير مشكل

[عنون ابوي]

ينزل معاي نفس الشي وخفت مثلك لاني بكريه ولااعرف شي
رحت الدكتوره وطمنتني الحمدلله
لاتخافي ياعسل طبيعي
استغفري كثير وادعي
مسهله ان شاء الله علينا وعليك