ساعدوني بنات الله يخليكم [الأرشيف] - منتديات حوامل النسائية

مشاهدة النسخة كاملة : ساعدوني بنات الله يخليكم

الشوق عطري

11-05-2009, 01:37 PM

بسم الله الرحمن الرحيم

السلام عليكم ورحمة الله وبركاته

ممكن بنات تساعدوني في حاجه صغيره

امس في منتصف الليل اني كنت نايمه واخوي الصغير نايم معاي مافي احد في البيت الوالد كان نايم والده كانت متنويه مع اخوي ثاني في الطبيب
واخوي الضغير الي نايم معاي امس شفته قاعد ومفتح عواينه عدل عدل كانه يشوف حرمه واني يقول الي شوفي هالمره وطلع ما اشوف ولا حاجه وهو يصرخ وخايف واني ما عرفت اتصرف

وبعدين اخدته في حظني وقلت اليه قصه وبعدين نام

واني خايفه تصير اليه اليوم هااي الحاله وشي اسوي ساعدوني الله يخليكم

الحب لك وحدك

11-05-2009, 02:59 PM

شوق
بسم الله على اخوك
واسم الله عليك
اول شي قبل لايجي ينام اقري عليه المعوذات
وحصنيه وحصني نفسك انتي بعد
كم عمره اخوك
بنت اخوي يوم نامت عندي بدايه زواجي كان عمرها 4سنوات كانت تناظر باشياء تركز نظرها
واقول لها وش تناظرين تقول شوفي هناك وتتكلم مع ذاالشي اللي للحين ماعرفت وشو
بس يوم قلت لامها قالت دايم تسوي كذا
والحمدلله صارت تقرا عليها ايات المعوذان قبل لاتنام وقالت لها قولي دايم بسم الله عليك

انتبهوا على انفسكم
وانشالله تطلع الماما قريب
شوق يمكن هو يتخيل امك يمكن مشتاق لوجودها بالبيت انتي طمنيه وخليك زي امك

اتمني اني افدتك يالغلا
دعواتي لخوك وامك انهم يطلعوا بالسلامه
وماراح انساك انتي بعد راح ادعيلكم انه الله
يحفظكم وين ماكنتم

تقبلي مروري
اسفه على الاطاله يالغلا
دمتوا بحفظ الله ورعايته

سموة الشوق

11-05-2009, 03:05 PM

بسم الله عليكم

انا مع الحب بكل كلمه قالتها لك

لاتهوجسين حبيبتي
أكيد مشتاق لأمك كثييير
عشان كذا صارت له الحاله امس
بس اذكري ربك كثير وحصنيه وحصني نفسك
وسلامات ماتشوفون شر
كيفه أخوكي اللي بالمستشفى سلامات وش فيه؟؟؟
الله يشفيه ويبعد الهم والحزن عنكم يارب

الشوق عطري

11-05-2009, 03:12 PM

هذي مو اول مره تصير اليه كده ومررره خايفه عليه
حتى لما كانت امي موجوده كان يشوف بس هالمره غير
يقول كلام واني مره خايف وقرا عليه معوذات كل يوم قبل لا ينام بس بعده يشوف
معقوله يشوف اشياء يعني

سموة الشوق

11-05-2009, 03:22 PM

بسم الله الرحمن الرحيم

حبيبتي لازم تحصنون البيت وتحصنونه زين؟؟؟

حبيبتي سألتيه اش يشوف اش يقولك

لو من زمان
لي ماتودونه عند شيخ مقرئ يقرأ عليه من القرآن
بس انتبهوا مو اي شيخ
لازم يكون الشيخ موثوق فيه
مو شيوخ الخزعبلات
انتبهي
بسم الله لايكون فيه مس ولا شئ؟؟؟
انا ماودي أخوفك
بس لازم تشوفون وش فيه لاتسكتون عليه ابد
ممكن لو انتي قوية ايمان تقرأين عليه بآيات الرقيه الشرعيه
وتنفثين عليه
وادهنوه بزيت مقرئ وان شاء الله مافيه إلا العافيه
حبيبتي تصدقين ذكرتيني ببنت عمتي
جابوا شيخ يقرا على بيتهم طلع فيها سحر
من سنين وكانت أعراض فيها وكل مايودونها للمشفى يقولون مافيها شئ
بس الحمد لله تعافت بالرقيه الشرعيه

الله يعافيه يارب

الشوق عطري

11-05-2009, 03:49 PM

ياربي والله خفت بس احاول اول ما يجي ابوي من المستشفى باقوله يوديه عند شيخ
لانو بصراحه صار الينا فتره كل مشاكل في مشاكل في البيت لان في احد من البيت وقف على حاجه كانت محطوطه عند الباب البيت بالغلط واتوقع مثل السحر ونفس الشي قبل لا نسكن في هالبيت كان في دجاجه مدري كيف شكلها يخوف يمكن تعتقدون من السحر والغياذ بالله

سموة الشوق

11-05-2009, 04:13 PM

الله يحفظ

يامكثر أعمال هالسحور هالأيام
حبيبتي اقرأي سورة البقرة بالبيت
عن أبي هريرة رضي الله عنه قال : قال رسول الله صلى الله عليه وسلم : " لا تجعلوا بيوتكم مقابر إن الشيطان ينفر من البيت الذي يقرأ فيه سورة البقرة " . رواه مسلم

والله يعافينا وايكن...

الشوق عطري

11-05-2009, 04:19 PM

مشكوره يا عمري مستحيل انساه هالمعروف الي سويته الي

الف الف الف الف شكر اليك غناتي

**سماسم**

11-05-2009, 06:37 PM

ما يشوف شر أخوج يارب وسلاامته
وعن التخيلات إلي يشوفها قوليله لاشفت شيء حبيبي سم بالله وقول أعوذ بالله من الشيطان الرجيم
وخليه يحفظ أية الكرسي والله يحفظه إن شاء الله ..
وعلى البيت خيتي مالك إلا سورة البقره مثل ما قالت طيف ورشي المكان إلي تقولين أنو فيه وحده حطت شيء
بالسدر المقري عليه وناس هاليام صايره ماترحم إذا ودها تخرب على حد تحطلهم سحر حسبي الله على كل من يتعامل بهذا الشيء ويحط كيده في نحره ..
أنتي شلونج وشلون دراستج وحشتيني ..

الحب لك وحدك

11-05-2009, 08:04 PM

شوق حبيبتي
لاتخافين انتي قولي لابوك وخليه يتصرف
اما الا داس على شي امام عتبه الباب خليه يروح للشيخ عشان يقرا عليه
وبالبيت دايم شغلوا سورة البقرة
واخووووك ضروري تاخذوه للشيخ يقرا عليه
والله الشافي
دعواتي لكم
وربي دايم مشغول بالي عليك من قريت موضوعك

حبيبتي خلي لسانك دايم يتعطر بذكر الله

الحب لك وحدك

11-05-2009, 08:05 PM

الشوق عطري

11-05-2009, 08:42 PM

خواتي اني اخدت في نصايحكم وان شاء الله اسوي الي قلتوا عليه

ويارب واخوي يرجع الينا بالسلامه

سموة الشوق

11-07-2009, 02:47 PM

بشرينا ياشووووووووووووووووووق

كيف أحوالك وكيف أخوكي ؟؟؟

عساه بخير وينام زين...

الحب لك وحدك

11-07-2009, 03:44 PM

شووق كيفك وكيف اخوك الحين
طمنيني نام زين
وكيف صحة اخوك المنوم بالمشفى

الشوق عطري

11-07-2009, 09:06 PM

مممممممم اني واعوذ من كلمه اني مو قادره مو عارفه وشي اسوي اطبخ ولا اذاكر ولا انظف ولا اي اسوي مو عارفه انظم وقتي

اخوي دائما دائما خايف بس اذا نام وفي وسط نومه يحلم ويخاف وعلى طول يجي الي الحين صرت اخليه ينام معاي في سريري

اما اخوي الي ويا امي منوم الله يعلم بحاله وياه نزله معويه مو قادر حتى ياكل ويشرب ادعوا اليه

عزيزة النفس

11-07-2009, 10:12 PM

اختي شوق انا اول مره اشوف موضوعك واعذريني على التقصير
اولا شلامة اخوك الف سلامه اللي متنوم وسلامة اخوك الي عندك مالهم شر ان شاء الله والله ما اقدر ازيد على كلام اخواتي الله يعطيهم العافيه الا انك تحصنين اخوك وتشغلي سورة البقره يوميا قبل المغرب وان شاء الله يخف علي وانتي طمنينا عليه الله يسلمكم

ام لمار

11-08-2009, 03:29 AM

بسم الله الرحمن الرحيم عليكم انا انصحك اتحصنوا وحصني اخوكي

الشوق عطري

11-08-2009, 06:05 PM

عزيزه معذوره غناتي عادي

امس نام والحمد لله صار احسن لان يوم نام حطيت شريط سوره البقره علشان يناح والحمد لله اليوم اشوفه زين

واخوي ثاني شوي برجع من مستشفى والحمد لله على كل

مشكورين على الردود واعتبركم مثل خواتي واكثر بعد

ارد اليكم الجميل الايام جايه

الحب لك وحدك

11-08-2009, 06:52 PM

الحمد لله شوووق
بس داوموا على سورة البقرة

سموة الشوق

11-08-2009, 07:15 PM

الحمد لله على السلامه

وطهور يارب
وماتشوفون شر

في حفظ لله ورعايته.

عزيزة النفس

11-08-2009, 07:18 PM

الحمد لله على سلامت اخوانك يارب والله يخليكم لبعض
وداومي على سورة البقره لان اللبيت اللي تكون فيه لا يقربه شيطان باذن الله

الشوق عطري

11-08-2009, 08:35 PM

راح اسمع في نصايحكم

والله حمد الله الله يخلي الي اهلي

ما قلنا نتجمع

الحمد لله والله لا يفرقنا