ندااااااااء لكل من تعاني من الغدة تدخل تفيدني وتفهمني

[تاج راسه]

أنا سويت تحاليل اجهاض واكتشفت ان عندي الغدة وانا قبل ما أعاني منها واخذت برمضان اثيروكس 25 لمدة شهرين ورحت أحلل مرة ثانية قالي الدكتور انه كانت النسبة 15 وصارت 12 والمفروض تكون 5 فزود لي الجرعة ل50 ولي الحين من بداية ذو القعدة استخدم الجرعة هذي والدكتور قالي أستني شهرين على الحمل بعدين عادي لين ماتنتظم الغدة سؤالي هل لو صار حمل الحين قبل الشهرين بيكون معرض للإجهاض لاقدر الله وهل لو صار حمل بيزيد الدكتور الجرعة من بداية الحمل ولا تكفي جرعة 50 وأبي اعرف اللي فيني خمول ولا نشاط اعذروني على هالاسئلة بس موعدي بشهر محرم بعيد وأبي افهم السالفة

[حجــآزيــۃ]

والله ي اختي مالي علم ، بنت عمي زيك عندها خمول ب الغده وتأخرت ف الحمل بسببها

الله ييسرلك ويرفع عنك ويرزقك ب الولد الصالح

[@دبدوبه@]

الله يرفع عنك ما عندي خلفيه ان شاء الله البنات يفيدونك

[إحسآس]

انا اعاني من خمول الغده الدرقيه .. بس موعدي هالأسبوع إن شاء الله .. اول موعد لي وانا حامل

اللي قريت عنه انها تسبب إجهاض إذا ماكنتي تاخذين الدوى ... ويمكن لو حملتي يزيد لك الجرعه والله اعلم

[تاج راسه]

تسلمون حجازية ودبدوبة على الرد والدعوات الحلوة وماقصرتي اختي إحساس أخيرا حد جاوبني أنا حبيبتي مداومة على العلاج لي شهرين ونص بس ابي اسأل هل حملتي بعد ما انتظم الهرمون ولا عادي والنسبة عندك كم وكم تاخذين الدوا ادري ثقلت عليك اعذريني
والف مبروك حملك ويارب تفرحين بشوفته

[تاج راسه]

ياهوووووووووه عبرونا 21 داخلين ومطنشيييييين كلمة ولو جبر خاطر

[إحسآس]

نسبة الخمول معرف كم

استخدم 50 مل

بس الدكتوره قالت المفروض تراجعي الدكتور تبع الغده لأنك ممكن تحتاجين جرعه اقوى

يعني لاتنتظرين موعدك لمحرم .. احجزي موعد وروحي

[تاج راسه]

تسلمين حبيبتي إحساس

[تاج راسه]

رفع رفع رفع رفع رفع

[زهره الجوري]

غاليتي كسل الغده او نشطه زياده كلاهما نفس الشي لااختلاف فيها
بس انتي اهم شي خذي العلاج وبين كل فتره سويت تحاليل علشان تشوفي مستواها كيف
انا عندي كسل واخذ 25ويقولون انها تسسب الاجهاض والله اعلم
انا اجهضت واللان حامل واعطوني 50 علشان مايوثر على الحمل مع انها الحين كويسه عندي على كلام الدكتور
اتمنى اني افدتك

دعواتك لي جنيني توقف نبضه وقالوا الالازم ينزل

فلا تنسني من دعواتك الطيبه

[تاج راسه]

الله يفرحك يازهرة الجوري بسماع نبض جنينك وضمة لصدرك بس حبيت أسالك تاخذين كمان أسبرين وفوليك ومثبت بحملك ولا لا وهل الغدة هي سبب اجهاضاتك السابقة والا فيه سبب اخر لأني قريت موضوعك قبل لأني سويت تحاليل اجهاض طلع السبب الغدة وخايفة لا اسقط مرة ثالثة يارب تجبر كسرنا وقلوبنا وتعوضنا بالحمل السليم المعافى يااااااااارب

[زهره الجوري]

الله يسمع منك حبيبتي وربك قادر على كل شي

ايوه اخذت اسبرين اطفال وحمض الفوليك ومثبات الحمل وابر الهبيارين يوميا
اما با النسبه اذا كانت هي هي السبب فا الان مو متاكده من هذا الشي لاني سقطت قبل 3 مرات وماكانت عندي الغده كانت سليمه
والحمد الله تحاليلي كلها سليمه المشتفى لي ارجع فيه
بعض التحاليل مو متوفره عندهم فحولوني على الرياض على مركزابحاث ليعرفوا سبب الاجهاض لكن للاسف ما قبلوني
بس على كلام الدكتور يقول انه 80% ان السببب خلل في الكروموسات في تكون الجنين
لان انا وزوجي عيال عم والله اعلم
مع ان عندي ولد الحمد الله عمره 5 سنين حملت به طبيعي بدون علاجات ولاشي بس اخذت ابرمثبته اسبوعيه

ولاتحافي حبيبتي في حريم كثير حملو وعندهم الغده وماشاء الله جابوا عيال ومافيهم الا العافيه

بس اهم شي لو حملتي اسالي الدكتور هل يزود لك الجرعه ام لالا
انا كنت اخذ 25 ويو حملت اعطوني 50 من باب الاحتياط علشان ماتوثر على الحمل ان شاء الله
اللهم امييييييييييييييين

وسامحني لو طولت عليك

[تاج راسه]

وانا بعد الغدة ماكنت اشكي منها وعندي أطفال جبتهم الحمدلله من غير مشاكل الله يشفينا يارب ويعوضنا ويفرحنا قريبا ويحفظ لك ولدك ويجعلة قرة عين لك ولابوه يااااااارب

[ام اسكندر]

لااااا موشرط تجهضي عشان الغدة
اختي ولدت طفلين رغم ان الغدة فيها
ورجعت شالت الغدة بعملية بعد ما كملت تخلف اولادها

[تاج راسه]

الله يطمن قلبك يا ام اسكندر مثل ما طمنتيني ويرزقك ماتتمنين ياااااااارب

[Pizza]

اختي صحيح مثل ماقالت لك ام اسكندر
الغدة لاتسبب التأخير في الحمل
ممكن هرمون الحليب مرتفع عندك وهو اكيد السبب
لأن الغدة تلخبط الهرمونات
وممكن السبب في اجهاضك ابرة الفصيلة ما ادوكي هيا لما ولدت

بالنسبة لسؤالك عن الحمل مااقدر افيدك بشيء الافضل تتبعي نصيحة الطبيب

اختي بالنسبة للغدة لا تهمليها ضروري تراجعي مع طبيبة غدد صماء .

واللي معاك اكيد خمول بالغدة لأن علاجك اللي بتستخدميه ثايروكسين

و الله يشفيك ويشفيني ويشفي كل مسلم ومسلمة على وجه الارض

[تاج راسه]

تسلمين ياقلبي pizza كفيتي ووفيتي صراحة إيه أنا أخذت بعد اجهاضي إبرة الفصيلة لان فصيلتي سالبة وطلبت الدكتور يعمل لي تحليل لهرمون الحليب مع انه قال ماتحتاجين بما انك حملتي لوانه عندك كان ماحملتي بس أنا اصريت وبعمله بإذن الله ثاني الدورة نفسي احمل واتفآل بحملي بس متخوفة حييييييل من الاجهاض بس ثقتي بربي كبيرة ربي يفرح قلبك ويسعدك