ْْاكلة من غزة ْْْ زبادي حبار وجمبري

[تمارة]

زبادي حبار وجمبري على الطريقة الغزاوية

المقادير :
جمبري صغير مش كثير منظف و مغسول بالخل و الطحينحبار مقطع منظف و مغسول بالخل و الطحين
بصل
توم
ملح
فلفل أسود مطحون
فلفل أخضر
كزبرة مطحونة
كمون مطحون
بندور حب و مقشرة

الطريقة:
أولاُ نسلق الحبار بماء ساخن و نتركة يفور كذا فورة لأنه بياخد سوى على النار أكثر من الجمبري
و بنكب الميه و بنشطفه منيح بالميه الباردة عشان الزفرة
و بعدين الجمبري بنسلقه بالميه بس فورة واحد بس لأنه لو ضل أكثر من هيك بيتفتفت و بعدسن بنغسله بالمية الباردة عشان الزفرة و بنحطه مع الحبار بجاط و بنتبلهم بملح و فلفل أسود و كمون و بتركهم على جنب مثل الصورة
يمكن تسألوا ليش نص سلقه ما احنا ممكن نشوحه على النار ؟؟؟
مزبوط بس منشان الزفرة و الزناخة تطلع منهم بيكون أحسن و ممكن تشويحه على النار أنتي حرة و بعدين تنشليه من دون ميته ... بس الجمبرى عليه زناخة و هو ني لا تطاق... و الامر بيرجعلك...

http://forum.hwaml.com/imgcache2/hwaml.com_1318501076_763.jpg

بعدين على النار بنشوح بصلة كبيرة بزيت الذرة و لما تدبل بنضيف عليها الثوم

http://forum.hwaml.com/imgcache2/hwaml.com_1318501076_550.jpg


بعدين بنضيف الحبار المسلوق مع البصل و التوم لأنه بياخد سوى على النار


http://forum.hwaml.com/imgcache2/hwaml.com_1318501076_446.jpg

بعدين بنضيف البندورة المقطعة ناعم و المقشرة أنا بندورتي كانت خضرة فقشرتها و بالخلاط و حطيت عصيرها و ضفت عليهم كم حبة مقشرين حمر و مقطعين
بس الاصل أنه بندورة حمرا مستويه منيح مقشرة و مقطعة ناعم

http://forum.hwaml.com/imgcache2/hwaml.com_1318501076_591.jpg


أه نسيت أنا أحط الفلفل الأخضر مع البصل فقطعته و ضفته مع البندورة


http://forum.hwaml.com/imgcache2/hwaml.com_1318501076_449.jpg
و بنسيبهم يغلوا و يتسبكوا شوية و بنبهرهم بالكزبرة الناشفة المطحونة و الفلفل الأسود و الكمون...


http://forum.hwaml.com/imgcache2/hwaml.com_1318501076_825.jpg


انا حطيت معلقة صلصة صغيرة ..واحدة بس ... علشا تحمر لأنه بندورتي خضرة ...
و بعدين بنضيف الجمبري و بنقلبه و خمس دقايق على النار و بعدين بنطفي عليه


http://forum.hwaml.com/imgcache2/hwaml.com_1318501076_371.jpg
و بعدين بنجيب زبدية فخار و بنضيف فيها الخليط و بنرشه باللوز و الصنوبر الني و بنحمر وشها بالفرن
و سلامتكم

http://forum.hwaml.com/imgcache2/hwaml.com_1318501076_592.jpg

و هاذي صورتها لما تطلع من الفرن

و صحتين على قلوبكم

صدقوني جربوها راح تاكلوا اصابعكم وراهاhwaml71hwaml71

[تمارة]

يا خسارة ما في ولا رد ؟؟؟

[عروبة وطن]

يم يم يم ميييييييييييييييييييييييي

يسلمو يا قمر

[تمارة]

تسلميلي يا عروبة على مرورك

[سرووءة]

يمي يمي
شكلها لذيذة وسهلة
يسلمو الايادي
حبيبتي