اذا مرضت هل تُنقل العدوى لبنتي ؟

[نبضيّ بنيتي !]

السلام عليكم ورحمة الله وبركاته
قبل انا جديدة معكم وحابه اسألكم اسئلة عسى القى جوابها
وانا ماجيت عندكم الا بعد اللي قريته من جهودكم في المواضيع واعطاء المعلومات
واللي استفدت منها كثيير من فترة حملي إلى الآن ..
لكن اللحين استصعب علي أمر فقررت اني ادخل واسأل عنه
عسى القاء الاجابة عندكم ..
انا بنتي عمرها ثلاث شهور وماعندي الا هي يعني ابداً ماعندي خبرة
والحمدلله انا ارضعها طبيعي وبعد ماشفت رغبتها بالرضاعة الطبيعية ورفضها الشديد للصناعي قلت اني مابي افطمها قبل سنتين ولا ابيها تستخدم الصناعي آبد ..
لكن فيه شي مخوفني اللي هو اني دائماً ما امرض الله يكافيكم الشر بأمراض مثل ( زكام , حلق وكحه ... ) فأخاف اللحين لا سمح الله بعد امرض ولا اقدر ارضعها طبيعي
طبعاً اللي مخوفني مو اني بتعب ولا بقدر ارضعها اللي مخوفني هو هل اذا رضعتها وانا مريضة يعديها او لا ؟ مع تمنياتي الشديدة تكون الاجابة لا
ولو لا سمح الله كانت الاجابة ايه ياليت تعطوني حل انه لو مرضت كيف بعودها على الرضاعة الصناعية وهي متعلقه مره بصدري ؟
واذا صار وتشافيت هل ارجع ارضعها طبيعي ولا استمر على الصناعي ؟
مع العلم اني سألت كذا وحده وكل وحده عطتني راي وقالوا لي الأحسن اسأل الدكتور وفكرت بهالشي لكن حصل لي ظروف هالأيام ماني قادره حتى اراجع دكتورتي ..
فعسى القى الجواب اللي يريحني ويطمن قلبي عندكم
وشاكره لكم .

[ام اسكندر]

وساوسك ذي هيا اللي حتمرضك وتمرضها

تعوذي من الشيطان ولا تفكري باشياء لسا ماصارت

والمرض ياقلبي ينتقل لو عطستي وكحيتي لوجهها
وليس بالحليب

كفاكي الله واياها الشر

[فرقد النور]

سلامتك مثل ما قالت الاخت ام اسكندر لا تحاتي كلنا نمرض ومايصير لأطفالنا شئ بإذن الله بس اهم شئ لا تعطسي او تكحي بوجهها ونظفي يدك عدل لو عقميها ومثل هذي الامراض ماتنتقل بالحليب وخليها على الله ولكل حادثة حديث *

[نبضيّ بنيتي !]

اعوذ بالله من الشيطان الرجيم
آن شاء الله ابعد هالوساوس عني
مشكورين حبايبي عالنصايح
ماقصرتوا
جزاكم الله ألف خير