ولدت في نهاية السابع? وطفلي في العنايه، دعواتكم ياأخواتي

[حياتي زوجي وبناتي]

السلام عليكم ورحمة الله وبركاته
كيفكم بنات،ان شاء الله بخير
اليوم بخبركم قصتي ومعاناتي من رمضان
كان حملي تمام من اول الحمل والوضع ممتاز الى بدايه الشهر السادس الي وافق رمضان
ومن اول يوم رمضان الصباح جاني نزيف شديد ورحت الدكتوره واعطتني ابره توقف الدم ووقف يومين ورجع مره ثانيه واستمر معي ورحت لمستشفى عسكري واخذت موعد لأشعه وكان الموعد23 رمضان وسويت الأشعه وكانت الصدمه ان موية الجنين ناقصه مررره وعلى طول دخلوني تنويم واخذت مضادات لمدة 14 يوم لانه كان كيس الحمل فيه التهاب وهو السبب في نزول المويه طبعا المويه ماوقفت كانت كل ماتكون مويه حول الجنين تنزل مره ثانيه على هالحال الى الولاده
وبعدها وقفوها وكل اسبوع اسوي سونار واتابع وضع الجنين وكان تمام الين يوم22شوال نزل معاي دم وسويت سونار وقال الدكتور ان المشيمه منفصل جزء منها وقال لابد من العمليه لان اذا استمر الوضع كذا بيموت الجنين وسويت العمليه اليوم الثاني الصباح كان الحمل اخر اسبوع في السابع وبعد ماطلعو الجنين كان جسمه ضعيف من المضادات اللي اعطوني والالتهاب اللي كان عندي وكان النفس عنده بطئ ودخلوه العنايه وعلى التنفس الصناعي وبعد اسبوع خلوه على التنفس المساعد يقول الدكتور انه اقل من التنفس الصناعي واعلى من الاكسجين العادي وهضمه للحليب بطئ وحالته في تحسن مستمر ولله الحمد بس يقطع قلبي اذا شفته والأجهزه في فمه وخشمه والمغذي في يده ورجله وسره والبلاستر مجرح جسمه

تكفون بنات ادعو له ان الله يشفيه ويتمم عليه عافيته ويطلع لنا بالسلامه ان شاء الله

[ميعاد]

الله يحفظه ويخليه وتبلغي فيه معرس يارب ان شاء الله تبشرينا بسلامته.

[سمار]

غاليتي الله يحفظه لك ويشفيه ويقومه بالسلامه
بس بالنسبه للعسكري ماأشوف كثير يمدحونه الإمكانيات ممتازه بس اللي يشتغلون فيه كثير مهملين وأغلاطهم كثير
أنا ماأبي اخوفك بس أنتبهي أكثر

[ام عمر ..]

الله يحفظه لك يارب ويفرح قلبك بعافيته شده وتزول استودعيه الله

[تاج راسه]

الله يفرحك بقومته وشوفته سليما معافا يااارب

[حلمي امل]

الله يشافيه ان شاء الله وتفرحين فيه
ادعيله دعوه الام مستجابه والله يطمن قلبك عليه

[أم توتو القمر]

هلا اختي الله يقووووووم ولدك و ولدي بسلامه الله يفرح قلبي وقلبك ان شاء الله انا ولدت ولدي لي سبوع ثاني من السابع هذا هوووو بالعنايه يعووووور قلبي اذا شفته ابكي ومشي منه بس الله كررررررررررررريم الله يقووووووم ولدي و ولدك باااااالف سلامه

[دلـــوعــه عـــــبوديـ]

الله يقومه باسلامه يارب
وانتي يام توتو الله يقوم طفلك باسلامه انا مثلكم ولدت توام والحين باعنايه لهم اسبوع
الله يحفظهم وخليهم لنا يارب ولا يضيع تعبنا

[nno]

الله يقوووملك هوا بسلامه ياااااااارب وتشووفيه عريس في زواجه الله يخرجوو بسلامه في المستشفى وتاخديه في حضنك قااادر ياكريم

[اميرة الورد ~]

ماعليه حبيبتي
ربي يقومه بالسلامة وتشيلينه بحضنك يارب
ادعي له حبيبتي

[اسماء ف]

ربنا يقومهولك بالسلامه وميحرقش قلبك عليه ابدا يا ري

[ريح المسك]

ان شاء الله يطلع بالسلامه يارب
توكلي على الله , واستودعي الله طفلك
ادعيله وتصدقي بنية ان الله يشفيه

[برين]

اللهم نفس كربها و فرج كربها واشفي وليدها يا رب

[Baby doll]

اسأل الله الكريم رب العرش العظيم ان يشفيه
ويقر عينك برؤيته سليم معافا انه وحده لقادر ..

[حياتي زوجي وبناتي]

الله يسعدكم يارب اسعدني مروركم ودعواتكم الله يستجيب منكم
البارحه رحت ازوره والحمدلله احس انه متحسن كثير بدا يحرك يدينه وارجوله ويحرك راسه .ماتصدقون قد ايش فرحتي بهالحركات البسيطه الله يتمم عليه عافيته يارب? وزادو له جرعات الحليب اللهم لك الحمد،طبعا المفروض ان هذا الاسبوع يكمل له في الحمل الاسبوع الاول من الثامن. له الحين اسبوعين في الحضانه?

الله يشفيه ويخرج لنا بالسلامه
الله يشفي كل مريض ويقر عين كل أم بوليدها آمين يارب
بالنسبه للمستشفى العسكري بالعكس جدا ممتاز في التعامل والاهتمام والرعايه سوا من الاطباء او الممرضات او حتى عاملات النظافه?
انا جربت مستشفى الهدا العسكري بالطايف بس عيبه الزحمه عليه ضغط من الناس
وجربت مستشفى وادي الدواسر العسكري هالمره جدا رائع ومافيه زحمه طبعا اتكلم عن قسم النساء والولاده اما باقي الاقسام ماأفتي فيها?
وحتى حضانه الاطفال متشددين عليها مايدخل الا الاب والام فقط وبالبطاقه وتعقيم والممرضات بشوشات وماقد دخلنا الحضانه الا والقى الدكتور عند ولدي سوا في النهار او الليل.لئن الزياره للحضانه مفتوحه دائما
كلمة حق ولازم اقولها?

[نجمةالشرق]

الله يقومه بالسلامه وتفرحين به يارب

[شموخي غير..]

الله يفرح قلبك بخروجه من المستشفى بصحه وعافيه يارب يا كريم الله
يخليه لك ادعي لي ربي يرزقني بعد وفاة بنتي في سته شهور الحمدلله

[أم ضحى]

يا رب يحفظ لك ابنك و تفرحي بيه و يتربى في عزكم و يتمم شفاءو على خير بحق من رفع السماء بلا عمد

[شموسه]

ياقلبي فديته
ربي يشفيه ان شاءالله ورجعه لج باحضانج يالغلااا

[ورردي]

الله يشفيه ويخليه لك
الله يفرحك بقومته وشوفته سليما معافا يااارب

[أم أصيـــل]

الله يحفظه ويسلمه ويرجع لك بصحه وعافية يااااارب,,
أهم شي أذكري الله وإدعي لو بالحياة مادامت الحياة خيرآ له....

[حياتي زوجي وبناتي]

الله يسمع منكم ويستجيب دعواتكم
اختي شموخي غير
الله يعوضك بالذريه الصالحه ويقر عينك عاجلا غير اجلا آمين يارب

[Mقمة البرااااائهM]

حبيبتي أنا ولدت في آخر الشهر السادس..

ولو أبعثلج صورته وهو في العنايه ..يمكن مايجيج نوووم..

وألحين الحمدالله عندي في البيت وعمره8 شهور..

وطلعله ضرس واحد..

الله يحفظه ويحفظ وليدج ويفرحج فيه..

الله يسعدج يااااربي....

[فراوله بالشوكولاتهـ]

الله يعافيه ويقومه بالسلامه

[aydaabdulla]

الله يخلف عليكم اجمعين يارب و يرزقكم الذريه الصالحه و يسهل علي انا بعد و كل الحوامل يارب

[لين العسولة]

ان شاء الله ما قدامة الا العافية وحتى اخواتي الباقيات ربي يقر عينكم بشوفة اولادكم بصحة وعافية

[زهرة البنفسج]

الله يقومه بالسلامه ويحفظه لك ولايضيع تعب احد ياااارب

[هنو الشريف]

الله يحفظو ويخليه لكي ويعافيه يارب

وتشوفيه معافاه قدامك وان شاءلله ربي مايضيعلك تعب

بس انتي كل يوم اقري سورة البقره وكل يوم حصني بالاذكار واستودعي عند الله

قولي اللهم اني استودعك ابني فلان وديعه فاحفظه يارب العالمين وعافيه كل يوم

وان شاءلله فتره وتعدي

ترا انا وحده من قريباتي تقريبا نفس مشكلتك مع ولدها بس هيا ولدت في اواخر الثامن

لاكن عشان كانت تاخذ اكسجين في حملها بسبب ضيق التنفس عندها

ضرر الولد جلس في المستشفى 20 يوم في الحضانه لاكن كانت ديما تقرا سورة البقره

وكانت نسبة انو يعيش ضعيفه بسبب ضعف التنفس عندو

وسبحان الله بقدرة الله ربي عافه والحمدلله عاش ودحين كمان دخلتو المدرسه الله يخليلها هوا

[**ام حمودي**]

اللهم اشفيه وخليه لاهله يارب
ويفرح امه فيه لان جد ما حدا يحس بتعبها الا اللي خاضت نفس هاذي التجربه
ودعواتكم لي يا اخوات بظهر الغيب ان ربي يتمم حملي واشوف مولوددي على خير وسلامه
ويعوضني خير في عيالي اللي ربي اختارهم شفعاء ويارب لاتحرم كل زوجه من الخلفة وتفرحها في ذريتها يارب

[رماد الحنين]

الله يحفظه ويحميه
ادعي دايما ربي كريم الله يفرح قلبك فيه

[جالكسي و الدنيا عكسي]

الله يقوم لكم اولادكم بالسلامة ويعطيهم الصحة والعافية ويفرحكم فيهم يا رب ...
ويصبركم ويفرح قلوبكم ..........

[حياتي زوجي وبناتي]

الله كريم والله يسمع منكم
الله يرزق كل محروم ويشفي كل مريض ويجبرخواطركم ياكريم
الحين له خمسه اسابيع في المستشفى والحمد الله افضل من قبل لكن باقي وزنه صغير لازم يكمل كيلوين الحين كيلو وست ميه

[((ام ليان))]

ان شاء الله ربي يقومهم بسلامة وتفرحون بشوفتهم ويخليهم لكم يارب

[زينة الحياة الدنيا]

اللهم احفظه يا رب واشفيه وخليه لك وقر عينك بيه

[منو الزهراني]

يارب الله يشفيه ويقومه بالسلامه ..
وجعله من الذريه الصالحه البااااره ...