بنتي واختها

[احلى بيشو]

السلام عليكم بنات
انا بقولكم سالفة بنتي عمرها سنه و6شهور الحين انا ولدت من ولدت وهي متغيره نفسيتها بس تصااااااااارخ بقوه على كل شي ولا تجي لااختها وتسحبها بقوه من ايدها ولا صفعه على راسها وانا اعرف ان هذا الشي طبيعي بس وش اسوي مع صراخها الكل يهاوشها ويصرخ عليها بقوه علشان تسكت ولاانها تبي الشي بقوه لاتحرموني منه حتى لو كانت تبي تخرب او شي خطير عليها وتبكي بقوه وتصرخ بعد من ولدت وانا معها بحوسه والله وش اسوي علموني تعبت معها والله حتى البكي صرت ابكي نفسيتي صارت تعبانه من الي يصرخون عليها ومن صراخها هي الله يصلحها يارب قولولي وش اسوي حتى لو ابي اكلمها افهمها بهدوء تصرخ بوجهي وهي نتفه توها hwaml4

[أم سلسبيل]

حببتى هذا كله طبيعى

الله يخليلك اياهم

ربى يحفظهملك

بس بنوتك الان صارت تفهم كتير

حاولى تقربى بينها وبين اختها

شوفى ايش تحب وهاتيه وقولى هاد من اختك حبيبتك

اختك النونه جابتلك اياه بوسيلها واشكريها

وهكذا الطفا مانو صغير بالعكس دا ذكى جدا

[أم النوري]

هذا الشي طبيعي وهي غيرانه من اختها
حاولي تقرينهم لبعض وحاول تجيبين لها شي هي تحبه
الله يهيديها لك ويصلح بالها
والحمدلله على السلامه

[احلى بيشو]

ام سلسبيل ::ياهلافيك مااظن تفهمني لاان حتى النطق عندها خرابيط هي تبي تشيل اختها احطها بحضنها واقول لها اختي هذي يعني الله يهديها بس

[احلى بيشو]

ام النوري:: هلابك والله كل شي جبته وكل شي سويته بس والله مافي فايده وانا اعرف ان هذا الشي طبيعي

[عاشقها زوجها]

لعبيها مع اختها
مثلا وقت الأكل
او دلعيها اكثر واهتمي اكثر فيها
وبيني انك تحبينها اكثر مَ‘ـَُِنٍّ الصغيره
فتره وبتعدي تحملي عادي

[احلى بيشو]

عاشقة زوجها:: يؤؤ كل شي سويته والله الله يصلحها بس

[أم جموني]

أتوقع بالعمر هذا ماتفهم الغيرة...أنا بنتي كذا وبنفس عمر بنتك بس للآن ماعندها اخوان..ونفس التصرفات تقريبا...تبغى كل شي لها..وتصارخ ..بس احنا مدلعينها...انتبهي تصارخوا عليها حرااااااااام ماتفهم باقي صغيرة..وترى يأثر ع نفسيتها والله ولاراح تستفيدي شي...اتركوا الصراخ والهواش...وانتبهوا من كلمة لااااااااا..هذي دماااااااااااااااااااااااار للطفل
الله يخليلك بنوتاتك ويخليلي بنوتي ونشوفهم عراااااااااايس يارب

[يارب احفظلي زوجي]

انا صارت نقس مشكلتك حاولي تقربين بينهم احضنيها ووقت النووم نامي جنبها وبتشوفين بتتغير بس حاولوا انكم لا تصارخون عليها لانها بتعاند وتزيد

[احلى بيشو]

أتوقع بالعمر هذا ماتفهم الغيرة...أنا بنتي كذا وبنفس عمر بنتك بس للآن ماعندها اخوان..ونفس التصرفات تقريبا...تبغى كل شي لها..وتصارخ ..بس احنا مدلعينها...انتبهي تصارخوا عليها حرااااااااام ماتفهم باقي صغيرة..وترى يأثر ع نفسيتها والله ولاراح تستفيدي شي...اتركوا الصراخ والهواش...وانتبهوا من كلمة لااااااااا..هذي دماااااااااااااااااااااااار للطفل
الله يخليلك بنوتاتك ويخليلي بنوتي ونشوفهم عراااااااااايس يارب

وش اسوي انا الله يعين تعبت وربي على كل شي تصرخ وتبكي

[احلى بيشو]

انا صارت نقس مشكلتك حاولي تقربين بينهم احضنيها ووقت النووم نامي جنبها وبتشوفين بتتغير بس حاولوا انكم لا تصارخون عليها لانها بتعاند وتزيد
ايه سوي كذا احضنها وابوسها وانام معها الله يصلحها

[ليال الشتاء]

حبيبتي الصغار مهما كانوا يغارون وخذي نصيحه من مجرب انا لما جبت ولدي كان عمر بنتي سنه و5 شهور وكانت تضربه وتشد شعره وتعضه وكنت بالصراحه اهاوشها واحيانا ما اتمالك اعصابي واضربها على يدها وملاحظه ان البنت كل مالها تزيد وتعاند وتصارخ مره اتعبتني
وبعدكذا غيرت معاملتي معاها لو ضربته اطنش لانها تحاول تشد انتباهي باي طريقه وصار هو اغلب وقته في سريره يعني الدلع لها اكثر لانها تفهم لكن الصغير ما يدري ربي وين حاطه هههههه
وحاولي تلعبينهم مع بعض انا كنت اشيل الصغير واقول جاك جاك جاك (عاد هذه اللعبه مفضله عند اللي عندي وصارت تضحك وتلعب وماصارت مثل قبل واذا قالت ابي اشيله ما اقولها لا اقول خلاص واعطيه اياها ويدي تحته واخليها تحس بثقله واقول طاح طاح وتخاف وتعطيني اياه وما تطلب مره ثانيه
يعني فرق 180 درجه عن قبل وشوي شوي لما كبر وصار 6 شهور تبسط معاه وتلعب وتضربه من فتره لفتره
سوي مثلي وان شاء الله راح ترتاحي
ربي يوفقك وييسر امورك ان شاء الله