هل طفلي طبيعي ؟؟؟

[عيش الحياة]

السلام عليكم ورحمة الله وبركاته

اخواتي كل الامهات تقلل اذا حست انو طفلها متغير عن باقي الاطفال بالنسبة لطفلي قلقانة من شئين الاول .... لما احد يناديه باسمة مايرد احيانا واحيانا يرد مثلا لما اناديه شوف خذ حلاوه او خذ كورة يطل ويرد او اذا نادته وهو بغرفة ثانية وانا بغرفة ثانية باسمة يجي لعندي واذا انا في المطبخ واناديه يشرب موية يجي ويرد اما في اوقات مايرد خاصة اذا كان يلعب او يتفرج التلفزيون مايرد ابدا ولا يلتفت حتى اذا ناديتي اكثر من مره وبصوت عاااالي
انا خايفة من دا الموضوع وكثيير يقولوا لي ليش ولدك مايرد

الثاني انو ما يتكلم هل عادي بعمره ما يتكم
هو طبيعي في جميع التصرفات يعني لما يبغى موية يسحبني لعند الماء ولما يبغى حليب برضه يسحبني ولما يبغى يخرج يسحبني للباب ويلعب مع الاطفال
اسفة على الاطالة لكن افيدوني وجزيتم خيرا

[um 3lo0oi]

اختي ماقلتي ولدك كم عمره بعدين اذا على قولتش يرد اذا بتعطينه شي وجذي فهذا يعني انه يحقر ومايبي ينتبه لشي ثاني اذا هو يتابع التلفزيون اني ماشوفها مشكلة يعني هو الحمدلله يسمع وبس هو يحقر ولجهال فيهم حركات يعني عقب فترة بتشوفينه ترك هاي العادة وبنسبة للكلام كم عمره هو

[زهرة البنفسج]

كم عمره
انا ولدي من الحين على مزاجه احيانا يلتفت اذا ناديته واحيانا زي ماقلتي اذا يتفرج خصوصا طيور الجنه لو انادي منا لبكره يطنشني ومايلتفت وهو عمره 10 شهور الله يحفظه

[wooow!]

اختي كم عمر ابنك؟؟؟في نفس صفات ابني انا ابني سنتين و9 شهور
لا يرد الا على الاشياء اللي هو يريدها..
انا اضطريت احرمه من التلفزيون نهااائيا حسيته بيحفظ كل شي يسمعه من التلفزيون لو شوماكان ويردده طووول الوقت بشكل عشوائي بدون ماينتبه لكلامي معه
والله صرت اخاف...
لو سمحتي اقراي موضوعي
اللي نزلته عن طفلي...الله يفرج همومنا جميعا ياااااااااااااااارب

[عيش الحياة]

عمر ولدي سنة و8اشهر
شكر لمن رد واتمنى ردود اخرى من الاخوات

[kozeda]

عاااااادي يا بنت الحلال
من جيل ابني الصغير ... عند الألعاب بنسى امه وما برد
بس وقت مصلحته وفي شيبس وشغلات زاكيه بتكون معي بجيني ركاااااض
وابني بحكي كلمات بسيطه لكنها بطريقته يعني ما بلفظها صح

[الزعلانة]

احس انه طبيعي بس انتبهي لاتخليه عند التلفزيون اوقات طويلو وحاولي تتكلمين معه كثير وتعلميه الكلمات مثل الموية والحليب
لان بنتي نفس المشكلة كانت دايم عند التلفزيون مع الخدامة وماكنت اتكلم معها كثير والحين صار عمرها 3 سنوات ونص وهي يالله بدات تنطق بعض الكلمات وعرضتها على كذا اخصائية وقالت المفروض انكم ماتخلوا الاطفال عند التلفزيون وخاصة في السنتين الاولى .

[أم سلسبيل]

حبيبتى لا تعقدى الامور

ابنك ما فيه شئ

الله يهديهولك ويحفظهولك

[عيش الحياة]

الله يخليكم والله يحفظ اطفالكم صحيح وقت مصلحتوا يرد واكيد هذا غلطي اخلية طول الوقت عند التلفزيون

[alasaid]

لو سمحت ... احكيلي عن طفلك هلأ بعد لما كبر انا ابني هلأ عمره سنة و نصف و عندو متل ابنك و كيف اتغلبت عل المشكلة تبعتو

[عيش الحياة]

هلا حبيبتي

صحيح الموضوع له سنتين تقريبا

الحمد لله ولدي تحسن حالتو بعد ماتفرغت له تمام تقريبا بعمر هذا الموضوع اول شي سويتو الغيت عنو التلفزيون الا للضرورة ساعتين مو اكثر باليوم ونفس الشي للايبود بعدها خليت وقت مخصص اجلس معاه
تقريبا ساعه جبت كتب صور حيوانات وكتب تطلع اصوات تلقيها بجرير والالعاب جبتها له مكعبات واشياء ثانيه اجلس اكلمو عن الكتب واقرأ واطلع اصوات له وامازحه فيها

في البدايه تعبت لانو مايفهم ايش اقول بس استمريت والحمد لله تحسن وصار يحب يجلس معايا
خليتو يختلط بالاطفال مرتين بالاسبوع اروح عند اهلي في اطفال
بصراحه صرت ثرثارة معاه ههههه كل شي اكلمو عنو الباب الثلاجه اي اي حاجه قدامنا مع انو ماكان يفهم كلامي احاول اتكلم وابسط الكلام

اما بالنسبه انو مايستجيب لاسمو فصرت اناديه كل شوي واعطي حاجه لعبه حلاوة انشد له لما بدأ يفهم بمفهوم المناداة وصار يستجيب لاسمو

وحاولت العلمو اعضاء جسمو مثلا اسألو فين عينك فين انفك وكدا يعني كل يوم اعيد نفس الاشياء كلها

انتي حاولي تطوري معاه لغة التخاطب والحوار

وبعمر ثلاث سنوات ماتحسن دخليه روضه

بس الحمد لله جهودي اثمرت وتطمنت على ولدي

[عيش الحياة]

صحيح كلامو دحين مو مفهوم بالكامل بس انا افهمو بس الناس مو دايم يفهمو