اودع ولدي وانا زعلانه عليه ولا وش السواة

[فاقده الغالي]

السلام عليكم حبيباتي
حابه استشيركم وافضفض لكم من جد حاسه اني بانفجر
انا متزوجه وهذا زواجي الثاني و عندي ولد من زوجي الاول
من جبت ولدي ووالدي يتدخل بتربيتي
في ولدي بتقولون يدلعه ويحبه
بالعكس انا مبسوطه بهالشي بس لدرجة حسسني اني شغاله لولدي
اذا طلبت منه شي قال ليش تقولين له كذا خليه على كيفه لاتأمرين عليه ابدا بس نفذي وش يبي اولها لما طهرته انا وابوه في النفاس جاء وهاوشني وهاوش ابوه
ليه رحتي تطهرينه
وبدت ماساتي لما يسمعه يبكي شيليه سكتيه وطبيعي الطفل
في اول الشهور يبكيhwaml42 لكن هو يقعد يهاوشني
وفي هالفتره تطلقت ورجعت لبيت ابوي وكبر الولد وكبرت تدخلاته
اجهز وجبته ابي اعطيه يروح يعطيه شبس او شوكولااو غازيات او شي ماينفع
وانا مابيه ياكل هالاكلات وهو توه صغير في عز الشتاء يشتري له ايس كريمhwaml40 وبعدين يقوللي انتي مالبستيه شفتي جاته انفلونزاانا انقهر واسكت
وتطورنا صار يهاوشني ليه ملبسته كذا وليش نومتيه كذا
لدرجة انه كان الناس يشوفونه بدون ملابس ووسخ لانه كان يصيح اذا جيت بروشه او البسه
ويقولي طبعا خليهوالناس تلومني وانا وش اقول اشرح لهم معاناتي اسكت باللي فينيhwaml85
المهم مالكم في الطويله انتظرت اتزوج عشان اخذ ولدي واربيه على كيفي
والحمد الله جاني العريسhwaml7 وموافق بولدي وطيوب معه
بس المشكله الولد جلس عند ابوي لانه مدلعه بزياده وطبعا على كيفه بيصير
بس مانتهت المشكله هنا
الولد درس بالتمهيدي وطلبني الوالد اكون معاه ووافقت توقعت بيقدر بعدي عن ولدي ولا عاد يتدخل بس بالعكس زادت تدخلاته وولدي فهم اني ماعاد لي كلمه عليه hwaml4تخيلوااااااااااااااااااااا بنات راح ولدي وجاب ابوي وقال ابوي طق امي ليش
تلبسني بالغصب جا وطقني الوالد عشان يرضيه وانا تحجرت دموعيhwaml78 ولدي صار يتفل علي وكل ماهاوشته قال بعلم ابوي يصفقكhwaml85
طبعا ماينااااام الا على كيفه واذا جيت اصحيه للتمهيدي يجنني طبعا اصحيه بدون مايبكي عشان مايهاوشني الوالد وربي اقسى عليه احيانا بس انااااااااااااااااااااااا أم ماقدر اقسىhwaml78 اقول طفل مايفهم
لي يومين زعلانه عليه ماكلمه ولا التفت له وبكره باروح لبيتي
طبعا في منطقه غير منطقة الوالد
سؤالي / اسافر وانا احسسه اني زعلانه منه او اسامحه كالعاده واتبع قلبي واقول ماله ذنب

[فاقده الغالي]

ماشاء الله وش ذا الزين وش ذا الزين

[Mقمة البرااااائهM]

أختي يعني هذا زواجك الثالث؟؟؟؟؟؟؟؟؟

ولدج ماله ذنب..ابوج مسيطر عليه..ويبغاله اعادة تأهيييييييييل من أول وجديد..

أهم شي مايشوف الوالد..لأن هو سبب هذا كله..

الله يعينك أختي هذي مشاكل الحياااااااااه,,,,

[sweet moon]

اللي فهمته الحين انتي بتسافرين وتتركين ابنك عند ابوك ؟؟؟

طيب ليش ماتاخذيه معك دام زوجك طيوب معه ؟؟؟

[!راما!]

صدقيني انه طـــــــــــــــــــــفل
يعني كاافي انه محروم من بيت مستقر بين امه وابوه
بعد انتي تجين تزودي عليه
لاااا تقصي مهما صاار
لازم تذكري ان ولدك وضعه غير عن الولاد الثانين
مثال
لا تقولي ليش ولدي كذا ولد فلانه غير ولد فلانه يسمع الكلام واشياء كثيره
اكسبي ولدك جمبك ولا بكره بس يكبر ولله يترك ولا يسئل عنك يروح عند ابوه
لازم تعرفي انه الحين محااااااجه كبيره لـ ابوه
لله يخليه لك يا رب

[#عيــ الجوريه ــون#]

إجلسي مع أبوك لحالكم وفهميه قبل تسافرين ،،ان الولد بيكبر وماراح يجلس صغير والدلع الزايد له مو حلو ،،بيصير ماراح يعتمد على نفسه ،،وقوليله أنا أمه وأنت تخليه يقلل من قيمتي بطريقتك معه ،،حبه وربه على كيفك بس مو على الدلع الزايد والعناد وإهانته للأخرين ،،

ودعي ولدك ،،وعلميه بإسلوب أنك زعلتي من تصرفاته معك وإنك سامحتيه هاذي المرره وجيبي له هديه ،، وقولي له إذا كررتها بزعل منك ومااجيبلك هديه ،،

[lovesmoosa]

أنا من رأي عزيزتي حاولي تأخدي الولد عندك وتربيه أحسن لأن الدلال الزايد بخليكي تندمي أنك خليتيه عند الوالد
لأن ياما عيال ضاعوامن الدلال الزايد أتجهو للمخدرات والمسكرات وبتلوا بأمراض والعياذ بالله

[أم أصيـــل]

وأبوك وش دخله في تربية ولدك,,أنا أشك إنه مقهور من طلاقك وقام يحط حرته فيك ,,
أنا لو مكانك ماأخليه يتهنى في إهانتي والله من جد,,
والولد بس يغلط ربيه طنشيه ,,
عبالك لما تبكي ولدك بيحزن ويقولك سامحيني,,
بالعكس هو يقلد جدة يتلذذ بإهانتك,,
شوفيلك حل وخذي ولدك معاك ولاتخلينه لأبوك,,
مو على كيفه هذا ولدك مو ولده.......

[فاقده الغالي]

مشكوووووووووووووووره كل من دخلت وردت علي
قمة البرائه هذا زواجي الثاني مو الثالث
واللي تقولي لانك تطلقتي لا لاني من جبته وهذي معاناتي معاه
وانا ابي اوديه معي بس برضوووه الوالد رافض اوديه يقول خليه عندي
واذا بغاك الولد انتي تعالي عنده
ام اصيل من جد احس باهانه كبيييره بس مابي ابينها لزوجي
عالعموم انا اليوم مسافره واحس اني بديت اتنازل
احس مو قادره اطلع وانا كاسره بخاطر ولدي
من جد مشكوره كل من ساعدتني برئيها

[واشوقاه لمن يراني ولااراه]

دامـه مرتاح عند ابوك ويدلعه كل هالدلع خليه عنده وروحي وانتي مرتاااحه
وعيشي حياااااااتك وزوريه وكلميه يوميآ
بس لاتلومينه لان ابوك هو السبب في كل هذآ
*

[مووج البحر]

اختى ودي منك تجلسين مع ابوكي

تقولين له ابوي انت ترضي احد من اخواني يعامل امي كذا يتفل عليها و تنظرب عشانه

وفهمي ابوكي انك بتغضبين على ولدك وانك ما عاد ودك تشوفين ولد عاق لمه مره تانيه

وان شاء الله ابوكي يحس بالموضوع يفهم انو هذا ابنك مو اخوكي يدلع عليكي

ولا تبيني انو فارق معاكي خلكي قويه مو ضعيفه

وان شاء الله ابوكي يفهم غلطته لنو لو تعود الولد على اهانتك بكره يوم يكبر ما راح يحترمك حتى قدام الناس

الله يكون في عونك بس لو مره تانيه حاول يتفل عليكي اضربيه على فمه

واذا تكلم ابوكي قولي له انا امه مو شغله عنده خلكي قوية

وربي اني عصبت سامحيني hwaml15

[فاقده الغالي]

واشوقاه لمن راني ولا اراه انا انقهر هذا ولدي
ويهمني مستقبله بالله هذي تربيه
ومن ناحيه ثانيه مقهوره انا امه ومو مقدرني
اخرتها امس بالليل قاعد يتلفظ علي بكلمات
ولا كاني اسمعه مطنشه
وطول اليوم ودموعي ماوقفت انا بفارق ولدي
وانتوا عارفين غلاة الولد لو تفارقينه ثواني
اشتقتي له اذا شفت غرفته ببيتي ابكي احاول اتحاشى ادخل
فيها او التفت يمها
مووووووج البحر بالعكس احسك حاسه بمعاناتي
ماقصرتي مشكوووره حطيتي نفسك بمكاني
وتكفيني حتى لو كلمه توجيه من كل اخت من منتدى حوامل

[مووج البحر]

اختي فاقده الغالي وربي صعب مواقفك فعلا انا حسيت اني انا الا في الموقع

وذا ما تقدري انتي تكلمي ابوكي مباشرة خلي امك تقول له الكلام الا قلته لكي او اخوكي الكبير او اختك لا تسكتي عن الموضوع

ربي يكون في عونك

[نـ ' ب ' ـرة]

الموضوع ما ينسكت عليهةيا قلبي ..

انك تتركينه عند ابوك مهوب حل !! بالعكس راح يزيد من دلعه وخرابه ..

وابوك مدلعه لانه حفيده ومستانس عليه ..

اتخذي جميع الطرق عشان تاخذينه معك حتى لو بالقوة ..

بس لو بقى عند ابوك قولي علييييه السلااااااام ..

الحل الوحيد انك تبعدينه عن ابوك وتربينه بعيد عن تأثيره .. ورح تتعبين معه كثير بالبداية .. بس تتعبين الحين ولا تندمين طول عمرك ..

واسمحي لي المفروض من البداية ما عطيتي ابوك وجه وحطيتي حدود بينه وبين ولدك وبينتي له انك انتي المسؤولة عن تربيته مو هو ..

حاولي بأسرع ما يمكن تاخذينه عندك .. والله يهديه ويصلحه ..