اخواتي اللي سبق سوت عملية اطفال انابيب تدخل هنا دقيقه بس [الأرشيف]

مشاهدة النسخة كاملة : اخواتي اللي سبق سوت عملية اطفال انابيب تدخل هنا دقيقه بس

الوازعيه..

09-28-2011, 01:16 AM

اخواتي الغاليات .... وربي شايلها هم العمليه وفي خاطري كم سوال ودي

اساله للي سبق ومرت بتجربة العمليه الله يجزاكم بالخير لاتطنشون

توحة

09-28-2011, 01:20 AM

يابنت هو انتي لسى ماسويتيها *_*

الوازعيه..

09-28-2011, 01:24 AM

غاليتي توتو

الدكتور مواعدني اول يوم من الدوره والدوره باقي عليها كم يوم

بنت العشرين

09-28-2011, 01:46 AM

لا تشيلي هم حبيبتي الله يكتبلك الذريه انت بس قومي توضي و صلي ركعتين حاجة و ادعي ربنا بجوف الليل و انشاء الله تحملين و تولدين ع خير يااااااااارب

الوازعيه..

09-28-2011, 02:02 AM

بنت العشرين تسلمين والله يجزاك خير

أم عائشة

09-28-2011, 02:09 PM

الله يرزقج الحمل السليم يارب
اختي امري سالي انا سويتها مرتين

الوازعيه..

09-29-2011, 02:23 AM

الوازعيه..

09-29-2011, 03:49 PM

وينك ياام عائيشه

noura88

09-29-2011, 04:08 PM

حبيبتي لاتخافي والله سهلة انا سويتها انتي بعد العملية ضروري تريحي حالك ليوم الولادة
والله يرزقنا جميعا الزرية الصالحة

demoshka

09-29-2011, 04:33 PM

حبيبتي
يارب تطلعي حامل وماتحتاجي العملية

والله العظيم مابكذب عليك انه صارت

لاتخافي حبيبتي اهم شي راحتك النفسية لانها بتلعب دور بنجاح العملية

وبعدين العلاجات لازم تاخديها بانتظام ومتل ماكاتب الطبيب
وربنا يسرلك وتفرحينا بالخبر الحلوو

الوازعيه..

09-29-2011, 06:33 PM

نورا ........... توام كوكو

اسال الله ان يبهج قلوبكم بمايسرها ويعطيكم من خيري الدنيا والاخره

وربي ريحتوني بردكم

دمتم في حفظ الرحمن

((ياما تمنيته))

10-01-2011, 05:18 PM

الله يتم لك على خير حبيبتي العمليه سهله
شوفي حبيبتي انتي لازم تروحي ثاني يوم من الدوره راح يسوي لك الدكتور اشعه يشوف لك البويضات مع بطانه الرحم بعدين راح يكتب لك منشطات باعضل وتحت الجلد لمده سبع ايام ترجعين لدكتور يشوف لك كم وصل حجم البويضات وعلى حسب كلام دكتوري قال اقل شي لتنشيط عشر ايام بعدين راح يكتب لك الدكتور الابره التفجيريه ويحدد معك متى يكون السحب
بعد كذا الترجيع
الالم اللي مع الدوره والله ياقلبي ماادري اذا تقدري تاخذي مسكنات اقول افضل شيء تسالي الدكتور اللي بتسوي عنده العمليه
يعني الكشف وقت الدوره مرتين او ثلاث مرات
حبيبتي بعد السحب اكيد يكون فيه الالم زي الالم الدوره تاخذين لتخفيف الالم بندول القديم لازم يكون القديم اممممم ايش بعد لازم تكوني صيام ثمان ساعات
بعد الترجيع اكيد لازم ترتاحي راحه تامه لمده اربع ايام بعدها تحركي حركه خفيفه
وبس ان شاء الله اكون ردت على اسئلتك
الله يوفقك حبيبتي ويرزقك بالذريه الصالحه ويرزقني وكل محرومه

الوازعيه..

10-02-2011, 02:49 AM

غزالة المنتدى ريما

يعطيييييييييك الف عافيه على الرد ياغاليه

وشاكره لك على هالدعوه واللهم امين

لن أيئس

10-02-2011, 07:11 AM

اسأل الله العلي القدير الحي القيوم الواحد الأحد الفرد الصمد الطاهر المقدس الكامل الجميل الذي لم يلد ولم يولد ولم يكن له كفوا أحد ان يرزقك باالذريه الصالحه المصلحه السليمه الجميله الطيبه المؤمنه كاملة الخلق والخلقه وان يفرح قلبك عاجلا غير آآآآآآآآآآآجل ..
وأن ييسر ويسهل عمليتك ويجعلها عليك بردا وسلاما وتحملين من اول محاوله يااااااااارب
اللهم آمين آمين آمين
وصل اللهم وسلم وبارك على رسولنا ونبينا وحبيبنا محمد صلى الله عليه وعلى آله وصحبه وسلم جميعا الأطهار الكرام الى يوم الدين

الوازعيه..

10-02-2011, 03:46 PM

لن ايئس

اللهم امين اللهم امين اللهم امين وكل من تتمنى الذريه الصالحه

والله يجعل كل دعوه دعيتيها لي في ميزان حسناتك انه الولي القادر على

ذالك

أم عائشة

10-04-2011, 08:51 AM

ام عائشه الله يسعدك دنيا واخره ويرزقك من حيث لاتحتسبين

هاذي اسئلتي والله لايحرمك اجر الرد
ا نامن النوع اللي يجيني الم فضيع في الدوره واخذ على طول مسكنات ياحبوب فيفادول او بروفين هل اذا اخذتها
في هالمره ياثر على العمليه والا عادي
متى رحتي للدكتور اول يوم من الدوره والا ثاني يوم وش راح يسوي الدكتور في اول كشف
في فترة الدوره كم مره يتم مراجعات الدكتور لاني ساكنه في منطقه تبعد عن مكه 500 كيلومتر

يوم سحب البويضات وش سويتو بالضبط ومن متى امتنعتو عن الاكل والشرب
بعد السحب اخذتو مسكن للالم والا ممنوع اكل أي ادويه
بعد ترجيع الاجنه هل لابد من راحه التامه والا شوي شوي ومن متى اقدر اتحرك براحتي وللعلم انا مااحد يدري
عن موضوع العمليه الا انا وزوجي
هل تحديد نوع الاجنه وعددهم يتم الاتفاق عليها بين الدكتور والام؟؟
السلام عليكم سامحيني اختي وربي كان النت عندي مقطوع وتوني امس رديته

جوفي حبيبتي

انا بعد من النوع اللي اخذ بروفين من تييني الدورة عشان اخفف المها
بس هالمرة الصراحة منعت روحي واستحملت والحمدلله كان المها مومثل كل مرة

جوفي اختي انا رحت عند الطبيب ثاني يوم العادة سوالي فحص مهبلي وعطاني ابر تحضيرية واهي تنشيط للمبايض عطاني في البداية ابر لمدة 5 ايام كنت بس اضرب الابرة وامشي يعني ماادخل عليه للكشف
اليوم السادس دخلت عليه وسوالي فحص مهبلي وقالي ماشاءالله البويضات وصلوا لحجم 13 يعني هم احتاج جمن ابرة وكتبلي بعد ابر لمدة 3 ايام
وبعد ال3 ايام فحصني وقالي خلاص بعطيج الابرة التفجيرية عشان نحدد موعد السحب
وفعلا ثاني يوم خذيت الابرة التفجيرية وحددلي موعد السحب بعدها ب12ساعة
رحت صايمة لازم تكونين صايمة لمدة 8 ساعات عشان البنج
وبيحضرونج للعملية وترى كلش سهله ماراح تحسين بشي لانج بتكونين مخدرة
بعد عملية السحب من تقومين من البنج وتحسين نفسج انج اوكي تقدرين تروحين البيت
انا الصراحة يوم السحب رحت بروحي وسقت سيارتي ورجعت بروحي بعد
لانه كنا برمضان وانا سويت
السحب العصر فاهم اخذوا العينة من زوجي عقب الفطور يعني ماكان فيه داعي يكون معاي
بس انتي لانج بتسويتها في ايام عادية يمكن ياخذون العينة من زوجك في نفس وقت السحب
وتذكرت قبل السحب تمتنعين عن زوجك قبلها ب3 ايام
ومن تخلصين السحب الدكتور بيعطيج الادوية المناسبة لج
انا مثلا عطاني جل مهبلي واسيد الحديد وفيتامين وبس
وخلال يومين او 3 بيتصلون عليج عشان يقولون لج جم بويضة تلحقت
يعني انا مثلا سحب مني 14 بويضة اللي تلقحوا بس 9
رجعت 3 وجمدت الباقي
بعدين يوم الترجيع لازم تكونين شارب ماي وااااااااااااااايد عشان الترجيع بيكون اسهل اذا كانت المثانة مليانة

وعقب بيرجعلج الاجنة الممتازة اللي اهو يجوفها
الصراحة انا مااتفقت معاه على عدد الاجنة اللي يبي يرجعها بس اهو رجعلي 3 والترجيع بيكون من غير تخدير مجرد تخدير موضعي بمعقم بس لاتخافين مايالم ولاتشدين وخليج مسترخية واقراي قران بقلبج واستودعي اجنتج الله

عقب الترجيع ممنوع تمشين لمدة ساعتين لازم تبقين منسدحة على ظهرج حتى الحمام مايخلونج تروحين الاعقب تص ساعة معليش استحملي انا ماطلبت الحمام الاعقب ساعة وامو يابولي ماادري ذي شيسمونه يابوه للسرير وماخلوني اروح الحمام

وبالبيت تحاسبين على روحج ماتشيلين شي ثقيل ااااااااااااااابد ولاتعبين روحج وممنوعة المعاشرة للمدة اللي يحددها طبيبج انا منعني لشهر
وطبعا راح يكتبلوج على ابر تثبيت وحبوب دافستون وغيره للتثبيت
وبتنتظرين ل12 يوم عشان تحللين
وان شاءالله ربي يحققلج اللي تبينه يارب ويرزقج بالتوام الصالح
سامحيني تكلمت وايد بس قد ماقدرت حاولت افيدج واي سؤال امري قلبي

الوازعيه..

10-05-2011, 02:35 AM

ام عايئشه
اسال الله رب العرش العظيم ان يسعدك دنيا واخره ويرزقك من حيث لاتحتسبين وربي جوابك شافي وماقصرتي يالغاليه انا فعلا رحت ثاني يوم من الدوره وعطاني الدكتور نوعين ابر اضربهم لمدة سبع ايام اضن تنشيط للمبايض وانا في البيت ياقمر صرت اكل كويس واخذت برضه العسل وكبسولات اللقاح اخذتها من الصيدليه وبعد صرت اشرب عصير الاناناس ويقول راجعين لما تخلصي الابر وش رايكم في استخدام الاناناس مع الابر ؟؟؟؟؟؟؟؟؟؟

أم عائشة

10-06-2011, 04:16 PM

ربي ييسر لج امورج لاتنسين الاستغفار سويليج كل يوم وقت حق الاستغفار
وبالنسبة للاناناس والله ماعندي علم حبيبتي
طمنيني عليج اول باول

الوازعيه..

10-07-2011, 01:25 AM

ابشري ياقمر الله يعطييييييييييك مايسرك