أتمنى أرضّع طبيعي .. شوروا علي..

[نونـي]

السلام عليكم ورحمة الله

خواتي ,,
اليوم السبت لي 12 يوم من ولدت تقريبا
ولدي ارضعه طبيعي واعطيه نص ملعقة صناعي بالليل او بالنهار واحيان مرتين عشاني اكون مشغولة جنب الضيوف الله يهداهم بالساعات واوقات ما اقدر اقوم ارضعه
والا باقي اليوم كله من صدري ولله الحمد
صدري في الايام الاولى يتحجر ويدّر حليب لوحده بس هاليومين اشوفه مايتحجر وايد ويدر حليب اذا عطيته ولدي بس يعني ماعدت اتطبع
غير كذا لي 3 ايام استخدم حفاظات الثدي..
اكلي بسيط واكل حلبة كل يوم ملعقة صغيرة بالليل وملعقة صغيرة بالنهار
ولدي اغلب الوقت نايم الله يحفظة وهادي واذا عطيته صدري يرضع يادوب كم دقيقة وينام عليه
مشكلتي ان بنتي رضعتها حول الأربع شهور وماكانت تشبع ابد وصار اعتمادها على الصناعي 100 %
وكنت اتمنى ارضعها طبيعي لو 6 شهور كامليين..

ابي ارضع ولدي طبيعي وخايفة الحليب ينشف .. شنو اسوي ؟؟

مع اني جربت ببنتي الطحينية ومافادتني الا زيادة وزن بس..

[!راما!]

اسئلي دكتووره
ما ادري بس يمكن في حبوب تدرالحليب
لله يخليهم لك يا رب
انشاء لله البنات ما يقصروو

[ام مراوي]

حاولي كل ساعتين تيقظينه وترضعينه لاتخلينه ينام لان كل مارضعتي كل ما بيدر حليب اكثر

[تفاؤل]

اللي اعرفة تغلي الحلبة و تشربيها مع الحليب

ورضعي ولد واستغني عن الصناعي بالمرة والله لو تعود على الرضاعه ما بيرجع لصدرك

انا رحت لطبيب قلت له ابغى تصرف لي حليب صناعي يناسب ولدي لأني ساعات ما افضى ارضعه لضروف
واحس انو حليبي ما يشبعه قال لو ما يشرب الا قليل بيشبعه و ما رضي يكتب لي على الصناعي

قال لأنو لو تعود عليه راح يسيبك لأن الصناعي تعتبر للبيبي اسهل من الطبيعي وبيصعب عليه الطبيعي
اضغطي على نفسك ورضعيه ومدري اشفيهم الناس اللي تزور بجد بيطولو و ما يحسبو حساب لتعب الأم او انها تبي ترضع البيبي الله يهديهم عادات ترفع الضغط و الله الله يعينا عليهم بس

[ام محمد3]

السلام عليكم
اولا الحمد لله على سلامتك
ثانيا كيف تاكلين الحلبه مافهمت
ونصيحتي لزيادة الحليب انك ترتاحين اثناء النهار وتحاولين تنامين ساعه على الاقل بالنهار

اني لي والده شهر وماعندي حليب يكفي لكن لما انام ساعه بالنهار احس انه الولد يشبع وماياخذ وجبته من القنينه

[نونـي]

اسئلي دكتووره
ما ادري بس يمكن في حبوب تدرالحليب
لله يخليهم لك يا رب
انشاء لله البنات ما يقصروو

ويخليلك حبايبك آمين

حياك الله ,,

[نونـي]

حاولي كل ساعتين تيقظينه وترضعينه لاتخلينه ينام لان كل مارضعتي كل ما بيدر حليب اكثر

احاول اصحيه بس ماكو فايدة

وقت مايبي يرضع يصحى ويادوب 5 دقايق ويرجع ينام ثانية

[نونـي]

اللي اعرفة تغلي الحلبة و تشربيها مع الحليب

ورضعي ولد واستغني عن الصناعي بالمرة والله لو تعود على الرضاعه ما بيرجع لصدرك

انا رحت لطبيب قلت له ابغى تصرف لي حليب صناعي يناسب ولدي لأني ساعات ما افضى ارضعه لضروف
واحس انو حليبي ما يشبعه قال لو ما يشرب الا قليل بيشبعه و ما رضي يكتب لي على الصناعي

قال لأنو لو تعود عليه راح يسيبك لأن الصناعي تعتبر للبيبي اسهل من الطبيعي وبيصعب عليه الطبيعي
اضغطي على نفسك ورضعيه ومدري اشفيهم الناس اللي تزور بجد بيطولو و ما يحسبو حساب لتعب الأم او انها تبي ترضع البيبي الله يهديهم عادات ترفع الضغط و الله الله يعينا عليهم بس

صادقة بكلامك انا احسه يشبع لانه ينام او يتركه بنفسه
بس الله يهديهم اهلي بس يخلص ويوخر واطقطقه على ظهره عشان يطلع الهوا
ولمن احطه ع السرير ويبكي قالوا ماشبع ويسوون له صناعي

اما سالفة الحريم سالفة الله يهديهم

[نونـي]

السلام عليكم
اولا الحمد لله على سلامتك
ثانيا كيف تاكلين الحلبه مافهمت
ونصيحتي لزيادة الحليب انك ترتاحين اثناء النهار وتحاولين تنامين ساعه على الاقل بالنهار

اني لي والده شهر وماعندي حليب يكفي لكن لما انام ساعه بالنهار احس انه الولد يشبع وماياخذ وجبته من القنينه

وعليكم السلام ورحمة الله
الله يسلمك من كل شر آمين

اكل حبوب الحلبة ملعقة صغيرة بالصبح ومثلها بالليل
اعجنها مع سبع تمرات وشوي زبدة وملعقة رشاد

ياقلبي ما انام الا بالنهار لان عندي طفلين
بنتي عمرها سنة و5 شهور يعني يبيلها رعاية
وتشوفيني بالليل قايمة مرة له ومرة لها

الله يهديهم ويحرسهم من كل شر,,

مشكورة ياقلبي ع النصيحة

[ام رياض26]

حبيبتي اكلي دبس وشوفي صدرج شلون ان شاء الله يدر حليب

[sahab]

انا بعد زيك اول ماولدت كثيير بس من طلعت من الاربعين قل

جربت اشرب حلبة اول يوم كثر ورجع اليوم الثاني قل

وجربت اشرب دايما حليب كثر اربع ايام ونفس الشي رجع مثل اول

سالت الصيدلي عند دوا قالي شربي حلبة

مثل ماقلت للاخت ام محمد جربي شفاطة الصدر ترا تحسن من انتاج الحليب

لان نفس المصنع كلما زاد الطلب زاد الانتاج

ونفس الحالة اهلي كلا يقلون ان شاء الله بس معتمدة على صدرك ترا مايشبعه

وقمت اسويله صنااعي وطبعا ذا غلط حاولي قدر ماتقدرين تعطينه صدرك وجربي الشفاطة

وان شاء الله تستفدين