بكريه وحايسه بولدي طمنوني

[جوليا26]

مراحب اخواتي

بصراحه انا حاسه نفسي بظغط فضيييع مو قادره اسيطر على الوضع
انا بكريه ونفاس لي 18 يوم ومره حااااايسه بولدي

مره يبكي ماني عارفه هوجوع مغص ولا اش السالفه

ينام ساعه ويقوم يبكي

ولا يغفى شوي ويرجع بعد عشر دقايق يبكي

تعبت مو قادره اسيطر اعطيت نقط المغص

اعطيت ادول يانسون نعنااع ولا فاااااااااااد

مادري ايش فيه

حاليا معي امي واختي يساعدوني لاكن اذا خلصت لاربعين

ورجعت بيتي كيف اسيطر على الوضع

وزووجي مداوم وداومه بعيد ويطووول وامي ماهي بنفس منطقتي

مادري حاسه بكاابه ومسوليه فضيعه

ماتوقعتها كذااااااااااا

[rose]

هدي اعصابك

اييييييه رجعتيني لسبع شهور ورا

مغص وغازات ياقلبي

دايما نوميه ع بطنه بعد ماتعطيه الادوية

في قطره مرة مريحة اسمها سالينال تبع المغص جربيها انا جرربت لين تعبت هذي ريحتني شوي

وصدقيني حاسبي ع اكلك لو بترضعي طبيعي لاتاكلي شي يسبلله انتفاخ زي البقول والبامية والملوخية

الللللللللللللللللللللللللللللللللله يكون بعونك ترى فترة وتعدي ونفس كلامي كنت اقول ماحسب كدا بس تعدي

اهم شي حصنيه لاتخليه يصيح كتير ترى ولدي خلااااااااص ثبت ع نومة البطن من اني عودته عليها وربي يحميلك ولدك ويعافيه يارب

[دلع الأحساء]

شوفي اذا مافي شي وحفاظه نضيف ومو جوعان

وتحسين بكائه مو طبيعي يمكن عين صايبته

بخريه بشبه واقري المعوذات وانتي تبخرين وانشاء الله تطلع العين ويهدء

[جوليا26]

الله يسعدكم يااااارب

تتوقعون لمتى الوضع يكووون كذا

[دلع الأحساء]

مادري

بس انا اختي مثلك توها والد و ولدها مايكون مريض بس تجية عين من الي يزرون اختي

ويصير شايط

ونبخره ويهدء وينام

[rose]

شوفي اول تلات شهر وبعدها بيحف لوحده جربي كل ليلة دفي زيت سمسم وادهنيييييييه ولفيه ونوميه ع بطنه وان شاء الله بيهدى
وكل يوم حصنيه ولا تسيبيه لحاله يصيح

[ياهمي خف]

استخدمي الكموون اواليانسون مرره ممتازه للمغص
اما بالنسبه للمسؤليات الله يعيينك هذي مررحله انتقاليه صعببه انا بنفسي اول ماطلعت لبيتي ماقدرت اسيطر على الوضع وحسييت نظامي كلله ملخبط حتى النووم صععب اناام متواصل وهذي اصعب مررحله في حياة الرضيع لانها مرحلة مغص وصيااح راح تكون معك خلال 3 او4 اشهر وان شاء الله تعدي على خيير بس حاولي تنظمين وقتك مع نومك والله يكوون معك

[سعوديه بكل فخر]

شوفي حبيبتي طبيعي جدا كثير من الاطفال كذا في فترة الاربعين ولاعين ولا شي انتي قبل ماتناي حمميه ورضعيه واقرأي عليه اية الكرسي وان شاء الله بينام هم الاطفال كذا تعب الله يجزا والدينا الجنه الله يخليه لك ويمتعه بالصحه والعافيه

[jorri sham]

اي عادي حبيبتي اول لشهور دايما بيبكي بدون سبب
بس انتي دفي زيت زيتون ودهني بطنه ونيمه على بطنو

وشربي يانسون وبابونج وكموون ..
الله يكون بعونك مووفقة حبيبتي

[جوليا26]

الله يعيين

[يقين الامل]

حبيبتي زي ما قالوا لك الاخوات فتره وتعدي
شوفي انا لما جبت ولدي الاول حتى نومي ما كان بكيفي مع كثر الارهاق ووالده عمليه
اهم شي نفسيتك انتي الوضع طبيعي ويصير للمواليد بس ركزي على اكلك واستخدمي له علاج للمغص وكمان انتبهي مثلا ما يكون عنده امساك
وانا كنت استخدم زيت علبته خضراء ريحته زي الفكس احط نقطه على يدي وادهن بطنه واسوي له مساج يرتاح كثير مع هدي الحركه ونيميه على بطنه واضربي بخفه شديده على ظهره او سوي له مساج بتلاقيينه نام
واهم شي اقراي القران عليه وبصوت يسمعه راح يرتاح كثير .. وطبيعي اللي يصير معاه مو شرط عين .... وما انصحك ابدا تبخريه القران فيه كل الخير والعلاج وما سواه خرااااااااافااات

[أمونه*]

اول شي ياقلبي الطفل يحس بأمه إذا كانت متوتره فيعكس الموضوع عليه ويصير عصبي
مالومك بكريه وتوك جديده بس من تجربتي بعلمك
الجوع هو الاساسي في قلة نوم الولد رضعيه زين خليه يشبع
لا تستخدمي القطرات الموجوده في الصيدليات للمغص لأنها مع الإستمرار عليها بتصيب الأمعاء بالخمول خليك على الطبيعي او استخدمي موية غريب طبيعيه وآمنه ومن زمان يستخدموها ومالها ضرر إن شاء الله
لازم بعد كل رضعه تكعريه زيييييين لو تجلسين ساعه تنتظرين معليش لان لو انتقل الهوا من المعده للأمعاء دخلنا بالمغص والبكى
إذا بكى ومقهور بس حركته عاديه وإن حطيتي يدك التفت يدور العيشه يعني جوعان
إذا بكى وهو مقهور وصار يحرك برجوله ويرفعها لين بطنه ويضرب السرير يعني مغص
وعلى فكره لما يكون فيه مغص حتى لو شلتيه مايسكت ولا يرضى يرضع وإن رضع يترك الرضاعه كل دقيقه ويبكي خليه على بطنه قومي امشي فيه دندنيله خليه يسمع صوتك عشان يحس بالأمان ويرتاح وقدر الإمكان خليه لا يبكي لأن كل مابكى دخل هوا بزياده

المهم الاساس الصبر يبغالك تصبرين بيبكي لين يرتاح ويسكت ولين يروح المغص
لاتقلقي والله يوفقك مده وبتخلص